ئێمە لە تۆرە کۆمەڵایەتیەکان

ئابوری

وەزارەتی دارایی: دەمانەوێت لەگەڵ عیراق بۆ بودجەی 2020 بگەینە ڕێككەوتن

خەڵك- بەشی هەواڵ
شاندێكی بازرگانی ئەمریكا سەردانی وەزارەتی دارایی و ئابووری هەرێمی كوردستان دەكات و وەزیری دارایی دەڵێت: “ستراتیژی كاركردنی ئێمە ئەوەیە لەگەڵ بەغدا لەسەر یاسای بودجەی ساڵی 2020 بگەینە ڕێككەوتن”.

بەپێی ڕاگەیەنراوێكی وەزارەتی دارایی و ئابووری هەرێم، سەرلەبەیانی ئەمڕۆ 15ی تشرینی یەكەمی 2019 دەیڤید تافور، سەرۆكی شاندی بازرگانی ئەمریكا بە یاوەری بەیان سامی عەبدولڕەحمان، نوێنەری حكومەتی هەرێم لە ئەمریكا لەگەڵ نوێنەرانی چەندین كۆمپانیای بازرگانی سەردانی وەزارەتیان كرد و لە لایەن ئاوات جەناب نووری، وەزیری دارایی و ئابووری پێشوازیان لێكرا.

وەزیری دارایی و ئابوری بە شاندەكەی ڕاگەیاند، سیاسەتی ئێمە ئەوەیە، هانی كۆمپانیا بیانییەكان بدەین و سەرمایەكانیان لێرە بخەنە گەڕ، چونكە كوردستان باشترین ژینگەی سروشتی هەیە بۆ بەرهەمی هەمەجۆری كشتوكاڵی و گەشتوگوزار و پیشەسازی.

باسی لەوەشكرد، كە ڕاستە لە ئێستادا كێشەی نێوان هەرێم و بەغدا هەیە، بەڵام ئێمە گەشبینین بەوەی بگەینە دەرئەنجامێك لە خزمەتی كۆمەڵانی خەڵك بێت.

جەختی لەوەشكردەوە، ستراتیژی كاركردنی ئێمە ئەوەیە لەگەڵ بەغدا لەسەر یاسای بودجەی ساڵی 2020 بگەینە ڕێككەوتن.

وەزیری دارایی وتیشی، “ئێمە وەكو وەزارەتی دارایی كار لەسەر چاكسازی بنەڕەتی دەكەین لە هەردوو سێكتەری داهات و خەرجییەكان”.

ئابوری

بەهای تمەن بەشێوەیەكی بەرچاو دابەزی

خەڵك – بەشی هەواڵ
خاوەنی نووسینگەی نەشوان لە بازاڕی دۆلارەكەی سلێمانی ڕایدەگەیەنێت، نرخی تمەن لەكاتی داخستنی بازاڕ زیاتر لە ڕۆژانی پێشوو بەهاكەی لەدەستدا و 100 دۆلار بە ملیۆنێك 569 هەزار تەمەن مامەڵەی پێوەكرا.

ئیبراهیم غەفوور، خاوەنی نووسینگەی نەشوان لە بازاڕی دۆلارەكەی سلێمانی بە (خەڵك)ی ڕاگەیاند، لەكاتی داخستنی بازاڕ بەهای 100 بە 120 هەزار و400 دینار بوو بە دراوی 5 هەزاری و هەروەها بە 120 هەزار و350 دینار بە دراوی جۆری 10 هەزار و25 هەزاری.

وتیشی، “بەهای 100 دۆلار بە ملیۆنێك 569 هەزار تمەن بە حەواڵە و ملیۆنێك 520 هەزار تەمەن بەدەستی، تا كاتی داخستن مامەڵەی پێوەكراوە”.

ڕاشیگەیاند، بەهۆی ڕاگرتنی بازرگانی لە وڵاتی ئێران و كەمی جوڵەی بازرگانی بەهای دۆلار دابەزیوە و بڵابوونەوەی ڤایرۆسی كۆرۆناش بەهای تمەنی زیاتر دابەزاند.

بەردەوام بە لە خوێندنەوە

ئابوری

دارایی دابەشكردنی مووچەی وەزارەتێكی ڕاگەیاند

خەڵك- بەشی هەواڵ
وەزارەتی دارایی و ئابووری حكومەتی هەرێم دابەشكردنی مووچەی مانگی 11ی ساڵی ڕابردووی وەزارەتێك ڕادەگەیەنێت.

سەرچاوەیەك لە وەزارەتی دارایی و ئابووری هەرێم بۆ (خەڵك) ئاماژەی بەوەكرد، كە سبەینێ‌ سێ‌ شەممە 25ی شوبات مووچەی وەزارەتی پلاندانان دابەش دەكرێت.

ڕاشیگەیاند، كە چاوەڕێی گەیشتنی پارەی مووچەن لە بەغداوە، لەگەڵ گەیشتنی پارەكە خشتەی مووچەی سەرجەم وەزارەتەكان ڕادەگەیەنن.

مانگی 2ی 2020 بەرەو كۆتایی دەڕوات و تا ئێستا مووچەی مانگی 11ی ساڵی ڕابردووی فەرمانبەران بە تەواوی دابەش نەكراوە، ئەمە لەكاتێكدایە، كە بەرپرسانی وەزارەتی دارایی هەرێم دەڵێن: “30 ڕۆژ جارێك مووچە دابەش دەكەین” بەڵام مانگی ڕابردوو لە 23ی مانگدا سەرجەم فەرمانبەران و خانەنشینان مووچەیان وەرگرت، بەڵام لەم مانگەدا هێشتا زۆربەی وەزارەت و دەستە و دامەزراوەكان مووچەیان وەرنەگرتووە.

بەردەوام بە لە خوێندنەوە

ئابوری

باجی گومرگی لەسەر سەوزە و میوە و بەروبوومی ئاژەڵی یەكدەخرێن

خەڵك- بەشی هەواڵ
وەزیری كشتوكاڵی حكومەتی هەرێم ڕایدەگەیەنێت، كە بە مەبەستی پارێزگاری لە بەرهەمی خۆماڵی باجی گومرگی لەسەر سەوزە و میوە و بەروبوومی ئاژەڵی یەكدەخەن.

بێگەرد تاڵەبانی، وەزیری كشتوكاڵی هەرێم لە هەژماری خۆی لە فەیسبووك ڕایگەیاندووە، ئەمڕۆ دوو شەممە 24/2/2020، لەگەڵ بەڕێوەبەرە خزمەتگوزاریەكانی پارێزگاكان لەوەزارەتی كشتوكاڵ و سەرچاوەكانی ئاو، نوێنەری بەڕێوەبەرایەتی گشتی گومرگ لە وەزارەتی دارایی و ئابووری كۆبووینەوە.

ڕاشیگەیاندووە، كۆبوونەوەكە تایبەت بوو بە یەكخستنەوەی باجی گومرگی لەسەر سەوزە و میوە و بەروبوومی ئاژەڵی، ئەم یەكخستنەوەیە لەپێناو پارێزگاری بەرهەمی خۆماڵیە بەڕەچاوكردنی بەرژەوەندی بەكاربەر، بەڵام هەر بەرهەمێك قەدەغە بكەین زەمینەسازی بۆ دەكەین.

ئاشكراشی كرد، بەوردی لیستی پێشنیاركراوی پارێزگاكان تایبەت بە باجی گومرگی لەسەر سەوزە و میوە و بەروبوومی ئاژەڵی گفتوگۆی لەسەر كرا و هیچ بەرهەمێكی كشتوكاڵی بەبێ ڕەزامەندی وەزارەتی كشتوكاڵ و سەرچاوەكانی ئاو نابێت هاوردە بكرێت.

دەشڵێت: “باجی گومرگی لەسەر سەوزە و میوە و بەروبوومی ئاژەڵی لەپێناو پارێزگاری لەبەرهەمی ناوخۆییە، بۆیە بەراورد بە ساڵانی ڕابردوو باجی گومرگی لەسەر سەوزە و میوە و بەروبوومی ئاژەڵی زیاد دەكەین”.

وەزیری كشتوكاڵ جەختیشی كردەوە، بەڕێوەبەرەكانمان ڕاسپارد بەوردی چاودێری بازاڕ بكەن لە بەرزبوونەوەی نرخ و ئەگەر نرخی سەوزە و میوە و بەروبوومی ئاژەڵی بەرز بووەوە ئەوا بڕیاری خێرا دەدەین بەرەچاوكردنی مافی بەكاربەران و جوتیاران.

وتیشی، “چەند بەروبوومێك، كە پێشتر نەخرابوونە ناو لیستی ئەو بەروبوومانەی باجیان لەسەرە یاخود قەدەغەن، بۆیە ئەو بەروبوومانەشمان زیادكرد بۆ ئەوەی بەرهەمی ناوخۆیی ڕكابەری بەروبوومی هاوردە بكات و لە سەردانیشمان بۆ بەغداد لەگەڵ وەزارەتی كشتوكاڵی حكومەتی ناوەند ڕێككەوتووین، كە تایبەتمەندی هەرێمی كوردستان لە هاوردە و قەدەغەكردن لەبەر چاو بگیرێت”.

سەبارەت بەرزبوونەوەی نرخ لە بازاڕدا، وەزیری كشتوكاڵ بەڕێوەبەرەكانی ڕاسپارد بەوردی چاودێری بازاڕ بكەن لە بەرزبوونەوەی نرخ و ئەگەر نرخی سەوزە و میوە و بەروبوومی ئاژەڵی بەرز بووەوە ئەوا بڕیاری خێرا دەدرێت بەرەچاوكردنی مافی بەكاربەران و جوتیاران.

بەردەوام بە لە خوێندنەوە

کوردستان