ئێمە لە تۆرە کۆمەڵایەتیەکان

جیهان

عیراق و فەڕەنسا جەخت لەسەر ڕاگرتنی هێرشەكانی توركیا بۆ سەر سوریا دەكەنەوە

خەڵك – بەشی هەواڵ

د. بەرهەم ساڵح سەرۆك كۆماری عیراق ئەمڕۆ دوو شەممە 14/10/2019 لە پەیوەندییەكی تەلەفۆنیدا لەگەڵ ئیمانوێل ماكرۆن سەرۆكی فەڕەنسا جەختی لە سەر ڕاگرتنی لەشكركێشی توركیا بۆ سەر سوریا كردەوە.

لەو پەیوەندییە تەلەفۆنییەدا پەیوەندی دوو قۆڵی نێوان هەردوو وڵات و چۆنیەتی پتەوكردنی ئەو پەیوەندییانە لە هەموو بوارەكاندا گفتوگۆی لەبارەوە كرا، ھاوكات جەختكرایەوە لە پێویستی پاراستنی ئاسایش و ئارامی عیراق و پەرەپێدانی ئەزموونی دیموكراسی، بە جۆریك كە داواكاری گەلی عیراق بەدی بێنێت.

سەبارەت بە دۆخی ناوچەكە هەردوو سەرۆك جەختیانكردەوە لە سەر ڕاگرتنی لەشكركێشی توركیا بۆ سەر سوریا و دەستپێكردنی دیالۆگی بنیادنەرانە بۆ یەكلاكردنەوەی ئاڕاستەی سیاسی گشتگیر.

هەردوو سەرۆك نیگەرانی خۆیان نیشاندا لە بەرامبەر پێشهاتەكانی ناوچەكە و دۆخی مرۆیی و ناكۆكییەكانی سوریا، ھەروەھا جەختكرایەوە لە گرنگی ڕێگەنەدان بە گروپە تیرۆریستییەكان بۆ دەست پێكردنەوەی تاوانكاری دژ بە هاووڵاتیان لە عیراق و سوریادا.

جیهان

گرووپێكی چەكداری فەلەستینی مووشەكبارانكردنی ئیسرائیلی لەئەستۆگرت

خەڵك- بەشی هەواڵ
گرووپی چەكداری سەرایای قوودس مووشەكبارانكردنی ئیسرائیلی ڕاگەیاند.

سەرایای قوودس ڕایگەیاند، مووشەكبارانكردنی ئیسرائیل لە وەڵامی كوشتنی بەها ئەبو عەتا سەركردەی ڕێكخراوی جیهادی ئیسلامیدا بووە.

ئەمڕۆ سوپای ئیسرائیل ڕایگەیاند 25 مووشەك ئاڕاستەی شاری تەلئەبیبی پایتەخت كراون و زەنگی ئاگاداركردنەوەش لە باشووری وڵات لێدراوە.
هاوكات ئیسرائیل بڕیاریدا بە داخستنی نێوەندەكانی خوێندن لە باشووری ئیسرائیل لە سنوورەكانی غەزە.

 

بەردەوام بە لە خوێندنەوە

جیهان

تەلئەبیب مووشەكباران كرا

خەڵك –بەشی هەواڵ

بەرەبەیانی ئەمڕۆ شاری تەلئەبیبی پایتەختی ئیسرائیل مووشەكباران كرا.

سووپای ئیسرائیل ڕایگەیاند، لە غەزەوە 25 مووشەك ئاڕاستەی شاری تەلئەبیب كراون و زەنگی ئاگاداركردنەوە لێدراوە.

بەپێی سەرچاوە ڕۆژنامەوانییەكان، بەهۆی هێرشە مووشەكییەكەی سەر پایتەختی ئیسرائیلەوە ترس و دڵەڕاوكێ لەنێو هاووڵاتیاندا بڵاوبووەتەوە.

بەردەوام بە لە خوێندنەوە

جیهان

ئیسرائیل سەركردەیەكی جیهادی ئیسلامی كوشت

خەڵك- بەشی هەواڵ
ئیسرائیل سەركردەیەكی ڕێكخرای جیهادی ئیسلامی لە غەزە كوشت.

بەپێی سەرچاوەكان، ئیسرائیل لە ڕێگەی هێرشێكەوە ئەو سەركردەیەی ڕێكخراوی جیهادی ئیسلامی كوشت كە ناوی بەها ئەبو عەتایە.

لەوبارەیەوە بنامین ناتانیاهۆ سەرۆك وەزیرانی ئیسرائیل ڕایگەیاند ئەو سەركردەی جیهادی ئیسلامی سەرپەرشتیاری زۆر چالاكی لە دژی ئیسرائیل كردوە.

 

بەردەوام بە لە خوێندنەوە

کوردستان