ئێمە لە تۆرە کۆمەڵایەتیەکان

هەواڵەکان

کچە مۆدێلێکی کورد بەشێوازێکی جیاواز داوای ڕاگرتنی شەڕ دەکات

خێزان

کچە مۆدێل فاتمە کاوە کە ناسراوە بە (فاتۆ)  بەشێوازێکی جیاواز داوای ڕاگرتنی شەڕ دەکات لە ڕۆژئاوای کوردستان.

فاتیمە کۆمەڵێک وێنەی خۆی بڵاوکردۆتەوە کە ڕوخسار و جەستەی بریندارە و دەستەواژەی (جەنگ بوەستێنن)ی بە دەستەوەیە.

فاتیمە وتویەتی”تکایە شـەڕ بـووەسـتـێـنـن، چیتان دەوێت داوای بکەن بەس چی تر مرۆڤی بێتاوان مەکوژن ئەوان چی بکەن، ئێمە لەوەتەی ھەین ھەر کۆچبەرین، لەوەتەی من ھەم ڕۆژانە دەبینم کورد دەکوژرێ، مروڤى ئاوا تاوانی چییە جگە لەوەی ڕێگامان پێ بدەن با ئاسایی بژین و ژیانی خۆمان بکەن”

ریکلام

هەواڵەکان

خوشکە بچوکەکەی لۆکە زاهیر ژیانی هاوسەرگیری پێک دەهێنێت و مۆنیکاش وێنەی کچەکەیان بڵاو دەکاتەوە

خێزان

خوشکێکی بچوکی خانمە هونەرمەند لۆکە زاهیر چۆتە نێو ژیانی هاوسەرگیریەوە، هاوکات هەرێز زاهیر کە لە کوردستان بە مۆنیکا ناسراوە وێنەی کچەکەی خۆی بڵاودەکاتەوە.

 

لۆکە زاهیر لەگەڵ مۆنیکا زاهیری خوشکیدا سەرەتا لەگەڵ ئاوازدانەر هەڵکەوت زاهیر دەستیان بەکاری هونەری کرد و هەر لەو ڕێگەیەشەوە لە کوردستان بەناوبانگ بوون، بەڵام دواتر هەردوو خوشکەکە گەڕانەوە بۆ ئەوروپا.

مۆنیکا زاهیر ماوەی چوار ساڵە هاوسەرگیری کردووە و خاوەنی کچێکە، لە ماوەی  ڕابردووش (هێشوو زاهیر) خوشکی بچوکی لۆکە زاهیر چۆتە نێو ژیانی هاوسەرگیریەوە.

خوکە بچوکەکەی لۆکە زاهیر و هاوسەرەکەی

 

 

مۆنیکا زاهیر و هاوسەر و کچەکەی

 

 

 

بەردەوام بە لە خوێندنەوە

هەواڵەکان

٤ شاخەوانی کورد دەچنە سەر بەرزترین لوتکە چیا لە کوردستان و عێراق

خێزان

تیمێكی چوار كەسیی لە شاخەوانانی هەولێر، لە گەشتێكی شاخەوانیی وەرزی زستان و پڕ لە بەفردا بەسەر چیای چیخەدەر-دا سەركەوتن، كە بەرزترین لوتكە چیای هەرێمی كوردستانە و 3,611 مەتر لە ئاستی روی دەریاوە بەرزە.
شاخەوانەکان پێکهاتبوون لە هەریەکە لە هیوا عزیز، بەشداربوو ‎سالار چۆمانی، رێبەر ‎سورداش سەلیم، بەرپرسی تەکنیکی، ‎ئاری عوسمان، سەرپەرشتیار و لە ڕۆژای 20,21/2/2020   سەرکەوتن بەسەر چیای ( چیخی دەر3611m ) کە بەرزترین لوتکەی چیای کوردستان و عێراقە.
چەند دیمەنێک لە گەشتەکە:
بەردەوام بە لە خوێندنەوە

هەواڵەکان

ئاهەنگێکی مارەبڕینی جیاواز لە ڕەواندز ئەنجام دەدرێت

خێزان

کوڕێکی خەڵکی شاری سلێمانی بەناوی (هاوژین مەحمود) ئاهەنگی مارەبڕینی خۆی لەگەڵ (ڕێژیان عوسمان) کە خەڵکی قەزای ڕەواندزە بە شێوازێکی جیاواز ئەنجام دەدات.

 

(هاوژین مەحمود وڕێژیان عوسمان ) لە ئاهەنگی مارەبڕینیاندا چەند چالاکیەکی جیاواز ئەنجام دەدەن و کۆمەڵێک کتێبی  فەلسی و ئاینی و سیاسی ومێژوویی  بەسەر میوانەکانیاندا دابەش دەکەن.

دواتریش چەند باڵندەیەک لە قەفەزدا ئازاد دەکەن و دوو درەختی سنۆبەریش  لەسەر لێواری خەرەند لە قەزای ڕەواندز دەڕوێنن وەک هاوکاریەک بۆ پاراستنی ژینگە.

کارەکانی ئەم دوو هاوسەرە لە ڕۆژی هاوسەرگیریاندا لە لایەن خەڵکەوە بەرز نخرێندراوە و لە تۆڕە کۆمەڵایەتیەکانیش دەنگدانەوەی زۆری هەبووە.

بەردەوام بە لە خوێندنەوە

کوردستان