ئێمە لە تۆرە کۆمەڵایەتیەکان

کوردستان

لەڕووداوێكی هاتووچۆداشۆفێری ماتۆڕسكیلێك گیانی لەدەستدا


خەڵك – بەشی هەواڵ
بەڕێوەبەرایەتی پۆلیسی گەرمیان ڕایدەگەیەنێت، لە ڕووداوێكی هاتووچۆدا لەسەر ڕێگای كفری كەلار شۆفێری ماتۆڕسكیلێك بەسەختی برینداربوو پاش گەیاندنی نەخۆشخانە گیانی لەدەستدا، دەشڵێت،”شۆفێری ئۆتۆمبێلەكە بەبڕیاری دادوەرو بەپێی مادەی 24 ی هاتووچۆ بەندكراوە”.

عەلی جەمال، بەڕێوەبەری ڕاگەیاندنی پۆلیسی گەرمیان لە ڕاگەیەنراوێكدا، كەوێنەیەكی بۆ (خەڵك) هاتووە ڕایگەیاندووە، ئێوارەی ئەمڕۆدووشەمە 14-10-2019 لەسەر ڕێگای كفری-كەلار نزیك ناحییەی سەرقەڵا ڕووداوێكی هاتووچۆ لەنێوان ئۆتۆمبێلێك لەجۆری سوناتا + ماتۆڕسكیل ڕوویدا.

ڕاشیگەیاندووە، لەئەنجامدا شۆفێری ماتۆڕسكیلەكە بەناوی (میران عەباس ئەحمەد) لەدایكبووی 2003 دانیشتووی كفری بەسەختی برینداربوو پاش گەیاندنی بەبەشی فریاكەوتنی شەهید هەژار لە كەلار گیانی لەدەستدا.

ئاماژەبۆ ئەوەشكراوە، لە ئێستادا تەرمی ناوبراو بەمەبەستی پشكنین براوەتە پزیشكی دادوەری شارۆچكەی كەلار و شۆفێری ئۆتۆمبێلەكەش بەبڕیاری دادوەرو بەپێی مادەی 24 ی هاتووچۆ بەند كراوە.

کوردستان

بینای نەخۆشخانەیەك خاپوور دەبێت
بە بۆردومانی توركیا ژمارەیەك گوندی شارباژێر بێ‌ كارەبا دەبن


خەڵك- بەشی هەواڵ

بەهۆی بۆردومانی فڕۆكەكانی توركیاوە بۆ سەر گوندی (سەفرە) لە ناوچەی شینكایەتی لە سنووری شارۆچكەی (ماوەت) ژمارەیەك گوند بێ كارەبا دەبن و باڵەخانەی نەخۆشخانەیەك خاپوور دەبێت و پێنج گەریلای پەكەكە-ش شەهید بوون.

بەڕێوەبەرایەتی گشتی كارەبای سلێمانی بڵاویكردەوە، دوای ئەوەی شەوی ڕابردوو بە هۆی بوردومانی فڕۆكەكانی دەوڵەتی توركیا لە گوندی سەفرەی سەر بە شارۆچكەی ماوەت، كە ئامانج لێی ئۆتۆمبیلێكی گەڕیلاكانی پەكەكە بووە، بەهۆیەوە ژمارەیەك گوندی ناوچەی شینكایەتی لە سنووری كاری هۆبەی كارەبای ماوەت زیان بە تۆڕی كارەباكەیان گەیشتووە.

دانا قادر، لێپرسراوی هۆبەی چاككردنی ماوەت ڕایگەیاند، ئەمڕۆ تیمەكانی هۆبەی چاككرنەوەی كارەبای ماوەت زیانەكانیان چاككردەوە و كارەبایان بۆ گوندەكەكان گێرایەوە.

پێشتر، كامەران حەسەن، قائیمقامی ماوەت بە (خەڵك)ی ڕاگەیاند، شەوی ڕابردوو لەلایەن فڕۆكەكانی توركیاوە، ئۆتۆمبێلێكی پارتی كرێكارانی كوردستان لەناو گوندی سەفرە بۆردومانكرا و بەهۆیەوە پێنج گەریلای پەكەكە شەهیدبوون.

وتیشی، “بۆردومانەكە دوو مووشەك بووە، مووشەكێك بەر ئۆتۆمبێلەكە كەوتووە و موشەكێكیش بەر نەخۆشخانەیەكی گوندی سەفرە كەوتووە”.

بەردەوام بە لە خوێندنەوە

کوردستان

بەوێنە؛ لە كەلار ئاگرێك كەوتەوە و تانكەر و مۆلیدە و نانەواخانەیەك سووتان


خەڵك- بەشی هەواڵ
لەناو شارۆچكەی كەلار لە سنووری ئیدارەی گەرمیان ئاگرێك كەوتەوە و بەهۆیەوە تانكەرێكی سووتەمەنی و مۆلیدەیەك و نانەواخانەیەك سووتان.

محەمەد كەمال، لە شارۆچكەی كەلار بۆ (خەڵك) ڕایگەیاند، سەرلەئێوارەی ئەمڕۆ چوار شەممە، تانكەرێكی گواستنەوەی سووتەمەنی لەبەردەم مۆلیدەیەكی پێدانی كارەبای ماڵان گری گرت.

ڕاشیگەیاند، كە بەهۆی زۆری ئاگرەكەوە و بڵاوبوونەوەی سووتەمەنیەوە مۆلیدەكەش ئاگری گرت و نانەواخانەیەكیش لە تەنیشی ئەو شوێنە ئاگری گرت و سووتان.

ئاشكراشی كرد، كە خۆشبەختانە هیچ زیانێكی گیانی لەڕووداوەكە نەكەوتۆتەوە، بەڵام زیانی ماددی زۆری هەبووە.

بەردەوام بە لە خوێندنەوە

کوردستان

فرسەت سۆفی: دەمانەوێت خوار و خێچی ئیدارەدان نەهێڵین
بەرپرسی مەڵبەندی 2ی یەكگرتوو: توانرا ماندوونەناسانە ڕێگری لەبڵاوبوونەوەی كۆرۆنا بكرێت


خەڵك-ئارام سەردار
بەرپرسی مەڵبەندی دووی هەولێری یەكگرتوو ڕایگەیاند، توانرا ماندوونەناسانە ڕێگری بكرێت لەبڵاوبوونەوەی كۆرۆنا و هۆشیاركردنەوەی هاووڵاتیان بەڕێنماییە تەندروستیەكان، هاوكات پارێزگای هەولێریش هۆشداری دەدات لەوەی مەترسی كۆرۆنا كۆتایی نەهاتووە و ڕۆژ بەڕۆژ زیاتریش دەبێت ئەگەر پابەندی ڕێنمایی خۆپارێزی نەبێت.

ئەبوبەكر سلێمان، بەرپرسی مەڵبەندی دووی هەولێری یەكگرتوو لەكۆنفڕانسێكی ڕۆژنامەوانیدا ڕایگەیاند، توانرا ماندوونەناسانە ڕێگری بكرێت لەبڵاوبوونەوەی كۆرۆنا و هۆشیاركردنەوەی هاووڵاتیان بەڕێنماییە تەندروستیەكان، ئەمەش بووە هۆكاری ئەوەی هەرێمی كوردستان و هەولێر بەتایبەت پارێزراوبێت لەم پەتا كوشندەیە، ئەمەش جێگای دەست خۆشیە.

دەشڵێت: “ئێمە لەگەڵ نیگەرانیەكانی هاووڵاتیانداین، ڕاستە قەیران هەیە، بەڵام سەرەڕای هەموو ئەو شتانه هاووڵاتیان پابەندی ڕێنماییەكان بوون”.

لای خۆشیەوە، فرسەت سوفی، پارێزگاری هەولێر ڕایگەیاند، سوپاسی برایانی یەكگرتووی ئیسلامی دەكەین، لەم سەردانەدا وێڕای پیرۆزبایی جەژنانە، یەكگرتوو ڕۆڵی باشیان هەبوو لەپشتیوانی كردنی كارەكانمان بۆیە سوپاسی هەڵوێستەكانیان دەكەین، یەكگرتوو لەڕابردووش بەردەوام هۆكاری خێر و چاكە و ڕۆڵی ئاشتیخوازانەیان هەبووە، ئومێدەوارین هەر بەردەوام بن تاوەكوو ببنە هەوێنی ئاشتیخوازانەی پەیوەندی نێوان لایەنەكان.

ئەوەشی خستەڕوو، ئیدارەی پارێزگای هەولێر بۆ هەمووانە و دەمانەوێت خزمەتكاری هەمووانیش بین بەبێ جیاوازی، بۆیە داوای پشتیوانی و هەماهەنگی لەهەموو لایەنە سیاسیەكان بەتایبەت یەكگرتووی ئیسلامی دەكەین، چاویشمان بەسەرجەم هێزە سیاسیەكان دەكەوێت لەهەولێر بۆ ئەوەی ئێمە لەسەر بنەمای هاووڵاتی بوون نوێنەرایەتی هەمووان و خزمەتی هەمووان بكەین، هێزە سیاسیەكانیش بتوانن پشتیوانی لەئیدارەی شارەكە بكەن و بەهەموولایەك بتوانین دادپەروەری بەرپابكەین، چاكسازی ئەنجام بدەین، سوپاسی نیەتپاكی یەكگرتووی ئیسلامیش دەكەین، لەداهاتووش كۆبوونەوەی ترمان دەبێت و دەرگای ئیداراتی خۆمان بەڕووی هێزە سیاسیەكان دەكەینەوە تاوكو باشترین لێكتێگەیشتنمان هەبێت و لەكوێ كەموكوڕیان بینی گوێگرێكی باش دەبین.

باسی لەوەشكرد، هەمووان ئامانجێكی هاوبەشمان هەیە، كە دەمانەوێت خوار و خێچی ئیدارەدان نەهێڵین و تەبایی و نموونەیەكی جوانی حوكمڕانی نیشان بدەین بەدەسەڵات و ئۆپۆزسیۆن، بۆ ئەوەی بەحەق بیسەلمنێنین بۆ خزمەتی خەڵك لێرەین بەدڵنیاییش لایەنەكان تێبینی و سەرنجیان هەبووە و سوودیشیان لێ دەكەین.

پارێزگاری هەولێر وتیشی، “مەترسی كۆرۆنا كۆتایی نەهاتووە و ڕۆژ بەڕۆژ زیاتریش دەبێت، چونكە تێكەڵاوی هەیە و تیمی هێزە ئەمنیەكانیش، كە لەسەر شەقامەكان ماون ڕەنگە ڕێكاری پێویست و یاسایی بگرنە بەر لەبەرامبەر ئەو كەسانەی پابەندی ڕێكارە تەندروستیەكان نابن، وێڕای ئەوەش ڕێنمایی هاووڵاتیان دەكەن.

بەردەوام بە لە خوێندنەوە

کوردستان

کوردستان1 خولەک پێش ئێستا

بینای نەخۆشخانەیەك خاپوور دەبێت
بە بۆردومانی توركیا ژمارەیەك گوندی شارباژێر بێ‌ كارەبا دەبن

خەڵك- بەشی هەواڵ بەهۆی بۆردومانی فڕۆكەكانی توركیاوە بۆ سەر گوندی (سەفرە) لە ناوچەی شینكایەتی لە سنووری شارۆچكەی (ماوەت) ژمارەیەك گوند...

کوردستان30 خولەک پێش ئێستا

بەوێنە؛ لە كەلار ئاگرێك كەوتەوە و تانكەر و مۆلیدە و نانەواخانەیەك سووتان

خەڵك- بەشی هەواڵ لەناو شارۆچكەی كەلار لە سنووری ئیدارەی گەرمیان ئاگرێك كەوتەوە و بەهۆیەوە تانكەرێكی سووتەمەنی و مۆلیدەیەك و نانەواخانەیەك...

کوردستان50 خولەک پێش ئێستا

فرسەت سۆفی: دەمانەوێت خوار و خێچی ئیدارەدان نەهێڵین
بەرپرسی مەڵبەندی 2ی یەكگرتوو: توانرا ماندوونەناسانە ڕێگری لەبڵاوبوونەوەی كۆرۆنا بكرێت

خەڵك-ئارام سەردار بەرپرسی مەڵبەندی دووی هەولێری یەكگرتوو ڕایگەیاند، توانرا ماندوونەناسانە ڕێگری بكرێت لەبڵاوبوونەوەی كۆرۆنا و هۆشیاركردنەوەی هاووڵاتیان بەڕێنماییە تەندروستیەكان، هاوكات...