ئێمە لە تۆرە کۆمەڵایەتیەکان

کوردستان

فوئاد حسێن: 40 ملیار دۆلار بۆ مووچە دەڕوات
“كێشەكانی هەولێر و بەغدا بە یەك دوو كۆبوونەوە چارەسەر نابن”

خەڵك-ئارام سەردار
ئەمڕۆ دوو شەممە ۱٤ی ئۆكتۆبەری ۲۰۱۹ لەمیانی بەشداریكردنی لە كۆنفڕانسی ئابووری كوردی- ئەمریكی، وەزیری دارایی عیراق ڕایگەیاند، هەرێم و عیراق پێویستیان بەیەكتر هەیە.

فوئاد حسێن، وەزیری دارایی عیراق لەوتارێكدا ڕایگەیاند، دۆخی سیاسی و ناوخۆ لەعیراق و ناوچەكە ئاڵۆزە، بەڵام مانای ئەوە نیە دەرفەت نەبێ بۆ ڕیفۆرم و چاكسازی، دۆخی سیاسی و ئابوریش پەیوەندی هەیە بەدۆخی عیراق و هەرێم و ناوچەكەش، چونكە دۆخی سیاسی و ئابوری كاریگەریان لەسەر یەكتر هەیە.

دەشڵێت: “ئەو تەحددیانەی ڕووبەڕووی عیراق دەبێتەوە پەیوەندی بەچەند هۆكارێك هەیە، لەوانە كێشەی نێوان ئەمریكا و ئێران، چونكە تەنها بۆ عیراق بەكێشەیەكی ناوخۆیی دەزانرێت و هەر كاتێك كێشە هەبێت لەناوخۆی عیراق وەڵام دەدرێتەوە، بۆیە كێشە دەرەكیەكان و ناوخۆییەكان كاریگەریان دەبێت لەسەر بارودۆخی ئابووری عیراق”.

بەوتەی فوئاد حسێن، كێشەی سوریاش كاریگەری دەبێت لەڕووی سیاسی و ئابووری و تەنانەت ئەمنیش لەسەر عیراق، چونكە ئێستا نزیكەی ۷۰ هەزار خێزانی تیرۆرستان، كە لەكەمپەكان بوون ئازادن، نزیكەی ۲ هەزار تیرۆرستیش، كەبەشێكیان لە سەركردەكانیان بوون ئازاد دەبن ئەمانەش وادەكات جارێكی تر داعش و گروپە تیرۆرستیەكان، كە لاواز بووبوون بەهێزببنەوە و كاریگەری نەرێنی درووست بكەن، چونكە لەو ۷۰ هەزار خێزانە ۳۱ هەزار خێزان عیراقین.

ڕاشیگەیاند، پرسە ناوخۆییەكانیش بەتایبەت خۆپیشاندانەكانی چەند ڕۆژ لەوەوپێش جیاوازی هەبوو لەگەڵ پێشووتر، كە زۆربەیان گەنجی تەمەن ۱٥ بۆ ۳۰ ساڵ دەبوون داوای ڕێفۆرمیان دەكرد، بەڵام دواتر تووندووتیژی لێ كەوتەوە و ۱۰٥ كەس كوژارن و٦۲۰۰ كەسیش بریندار بوون، ئەمانەش دەبێتە تەحەددیان بۆ سەر سیستەمی حوكمڕانی، كە ماوەی یەك ساڵە حكومەت پێكهاتووە.

وتیشی، “حكومەتی ئێستا لەماوەی ئەم ساڵەدا ساڵی ڕابردوو خۆپیشاندانەكانی بەسرا لەسەر كێشەی كارەبا و ئاو بوو، بەڵام حكومەت پلانی هەیە بۆ باشكردنی دۆخی دارایی، ئەولەویەتیش زیادكردنی بەرهەم هێنانی كارەبا بوو، كە پێشتر ۱٥ بۆ ۱٦ مێگاوات بەرهەم دەهات، ئێستا گەیشتۆتە ۱۹ مێگاوات و پلان هەیە لەچوار ساڵ بگاتە ۲٥ مێگاوات، هەرچەندە زیاتر كێشەی نەقڵ و دابەشكردن هەیە لەكارەبا، بەڵام دەبینین ئەمجارە لەشارەكانی تر خۆپیشاندان هەبوو، بەڵام لەبەسڕا كەمتر بوو، چونكە نزیكەی ۲۰ كاتژمێر كارەبایان هەیە و كێشەی ئاویان نیە”.

سەبارت بە داهاتتیش وتی، “داهاتی عیراق لە ۹۰٪ بۆ ۸۸٪ پشتی بە نەوت بەستووە و بەشەكەی تر لەسەرچاوەكانی ترەوە دێت، بۆیە باشی و خراپی داهات پەیوەستە بەنرخی نەوت، بۆ ئەمساڵ نرخی نەوتمان بە ٥٦ دۆلار دانابوو ئەمساڵیش بەرزی نرخ یارمەتی عیراقی دا، بەڵام بۆ ساڵی داهاتوو بەوتەی شارەزایانی نەوت نرخی نەوت لەنێوان ٤٦ بۆ ٥۰ دۆلار دەبێت، خۆپیشاندانەكان و بڕیارەكانی پەڕلەمان و حكومەتیش سەرشانی دارایی عیراق قوڕس دەكەن، چونكە بۆ ساڵی داهاتوو ۲۰۰ هەزار كەس زیاد دەكرێت بۆ سەر هێزە ئەمنیەكان ئەمەش فشارە لەسەر بوودجە، چونكە نزیكەی ٤۰ ملیار دۆلار لە بوودجە بۆ مووچە دەڕوات”.

ئەوشی خستەڕوو، پێویستە داهاتی عیراق جۆراوجۆر بكرێت و پشت بەكشتوكاڵ و گەشت و گوزار بەتایبەت گەشت و گوزاری ئایینی ببەسترێت، كەساڵانە بەملیۆنان هاووڵاتی دێن بۆ شوێنە ئایینیەكان، هەروها بانكە حكومیەكانیش بەشێك لە پشكەكانیان بفرۆشن و كۆمپانیای ناوخۆیی و دەرەكی پەیدا بكەن، لەهەمان كاتدا بەنیازی بەئەلیكتۆنیكردنی وەزارەت سیستەمی وەرگرتنی باج و ڕسووماتین.

لەبارەی پەیوەندیەكانی هەولێر و بەغدا ئاماژەی بەوەكرد، لە دوو ساڵی ڕابردوودا دەتوانین بڵێین پەیوندیەكان هەر نەمابوون و پچڕابوون، بەڵام ئێستا دانوستان هەیە و لێكتیگەیشتن هەیە، حكومەتی بەغداش دەیەوێت كێشەكان چارەسەر بكات، چونكە هەرێمی كوردستان و عیراقیش پێویستیان بەیەكتر هەیە و دەبێ لەهەرێمی كوردستان لێژنەیەكی بەردەوام هەبێت بۆ دانووستان لەگەڵ بەغدا، چونكە ناكرێت كێشەكان بەسەردانێك و چوونی دوو شاند چارەسەر بكرێن، بەڵكوو دەبێ دانووستانی بەردەوام هەبێت.

کوردستان

مەسعود بارزانی بەشێوەیەكی جیاواز یادی ریفراندۆم دەكاتەوە

خەڵك- بەشی هەواڵ
سەرۆكی پارتی دیموكراتی كوردستان لە سێیەم ساڵیادی ریفراندۆمدا ڕایگەیاند “خۆناچەمێنین”.

ئەمڕۆ هەینی 25ی ئەیلولی 2020، مەسعود بارزانی سەرۆكی پارتی دیموكراتی كوردستان لەڕێی توێتێكەوە لەسەر تۆڕی كۆمەڵایەتی (تویتەر) و لە یادی سێ ساڵەی ڕاپرسی لە هەرێمی كوردستان پەیامێكی بڵاوكردەوە.

پەیامەكەی بارزانی لە مساڵدا بەبۆنەی تێپەڕینی سێ‌ ساڵ بەسەر پرۆسەكەدا جیاوازبوو، چونكە تەنیا بو وشەی “خۆناچەمێنین” یادەكەی كردەوە.

سێ ساڵ لەمەوبەر لە هەرێمی كوردستان، بە پشتیوانی زۆربەی هەرە زۆری هێزە كوردستانییەكان پرۆسەی ریفراندۆم بۆ سەربەخۆیی ئەنجامدرا و ڕێژەی 92.7%ی بەشداربوانیش بە “بەڵێ‌” دەنگیاندا بۆ سەربەخۆیی كوردستان.

بەردەوام بە لە خوێندنەوە

کوردستان

ئەمڕۆ ساڵیادی ریفراندۆمە

خەڵك- بەشی هەواڵ
سێ‌ ساڵ لەمەوبەر پرۆسەی ڕاپرسی یان ریفراندۆم لەسەر جیابوونەوەی هەرێمی كوردستان لە عیراق و دروستكردنی دەوڵەتی سەربەخۆی كوردستان ئەنجامدرا كە بووە خاڵێكی وەرچەرخان لە مێژووی كورد،  بە بۆچوونی زۆرێكیش پرۆسەكە لە ئایندەی میللەتی كورددا وەك هەنگاوێكی ئەرێنی دەمێنێتەوە.

ریفراندۆم لە 25ی ئەیلولی 2017 ئەنجامدرا و زۆربەی هێزە سیاسییەكانی كوردستان پاڵپشت و پشتیوانی پرۆسەكە بوون، گەلی كوردیش لە دەنگدانەكەدا بە ڕێژی زیاتر 90% دەنگی بە “بەڵێ”دا بۆ سەربەخۆیی كوردستان و دروستكردنی دەوڵەتی كوردی.

هەرچەندە پرۆسەكە ئامانجی خوازراوی خۆی نەهێنایەدی و دواتر هەرێمی كوردستان لەلایەن حكومەتی فیدراڵ و وڵاتانی دراوسێوە گوشارێكی زۆری خرایەسەر، بەڵام بەپێی لێكدانەوەی زۆرێك لە شرۆڤەكاران، هەنگاوەكە قۆناغێكی مێژوويی تری بۆ گەلی كورد هێنایەپێش و كورد جارێكی تر خواستی خۆی بۆ سەربەخۆی و دەوڵەتی سەربەخۆ، بەگوێی جیهاندادا.

ریفراندۆم دەنگی گەلی كورد بوو بۆ سەربەخۆی و ناكرێت بەرگی حزبایەتی و كەسێتییە دیاركراوەكانی بەبەردا بكرێت، جوڵە و بزاوتنێكی تری كوردانەش بوو بەرەو ئەو ئامانجەی كە دەبێت ڕۆژێك لەڕۆژان بێتەدی.

بەردەوام بە لە خوێندنەوە

کوردستان

وێنە.. لە هەولێر كەسێك بە تۆمەتی بەكارهێنانی ماددەی كریستاڵ دەستگیركرا

خەڵك – بەشی هەواڵ

بەڕێوەبەرایەتی پۆلیسی پارێزگای هەولێر ڕایدەگەیەنێت، كەسێكیان بە تۆمەتی بەكارهێنانی ماددەی هۆشبەر دەستگیركردووە.

بەڕێوەبەرایەتی پۆلیسی پارێزگای هەولێر لە لاپەڕەی فەڕمی خۆی لە تۆڕی كۆمەڵایەتی فەیسبوك بڵاویكردەوە، هێزەكانیان ئاگاداركرانەوە لەوەی ئۆتۆمبێلێكی جۆری (مارسیدس) بۆ ماوەیەكی زۆر لە شەقامی كۆیە وەستاوە، دوای گەیشتنی پۆلیس دەركەوت كە شۆفێری ئۆتۆمبێلەكە بە هۆی بەكارهێنانی ماددەی هۆشبەرەوە بێ هۆش بووە.

پۆلیسی هەولێر ڕوونیشیكردووەتەوە، تۆمەتبارەكە ناوی (هـ.ن.ر)ە، بڕێكی زۆر ماددەی هۆشبەری لە جۆری (كریستاڵ) و حەب و كەلوپەلی بەكارهێنانی ماددەی هۆشبەر و چەقۆ پێبووە.

پۆلیسی هەولێر ئەوەشیخستووەتەڕوو، پەڕاوی لێكۆڵینەوە بۆ تۆمەتبار كراوەتەوە و بەپێی ماددەی (١٤)ی ماددە هۆشبەرەكان ڕاگیراوە.

 

بەردەوام بە لە خوێندنەوە

کوردستان