ئێمە لە تۆرە کۆمەڵایەتیەکان

جیهان

فرۆشتنی چەك بە توركیا ڕاگیرا
یەكێتی ئەوروپا ئیدانەی ئۆپەراسیۆنەكەی ئەنقەرە دەكات

خەڵك- بەشی هەواڵ
یەكێتی ئەوروپا، ئۆپەراسیۆنە سەربازییەكەی توركیا لە باكووری خۆرهەڵاتی سوریا ئیدانە دەكات، بەڵام فرشتنی چەكی بە توركیا قەدەغە نەكرد، بەڵكو ڕایگرت.

ئەمڕۆ دوو شەممە، ئەندامانی یەكێتی ئەوروپا كۆبوونەوە و بەڵێنیاندا هەناردەی چەك بۆ توركیا هەڵپەسێرن، بەڵام ئەو هەڵوێستە نەگەیشتە ئاستی قەدەغەكردنی هەناردەی چەك بۆ وڵاتەكە وەك ئەڵمانیا و فەرەنسا هەوڵیان بۆ دەدا.

بەپێی بەیاننامەیەكیش، كە لەلایەن ئەنجوومەنی ئەوروپاوە بڵاوكرایەوە، “ئۆپەراسیۆنە سەربازییەكەی توركیا لە باكووری سوریا بەرەنجامی خراپی دەبێت”، ئاماژەی بە ڕاگرتنی هەناردەی چەكیش كرد بۆ توركیا لەلایەن هەندێك لە وڵاتانی ئەوروپاوە.

وەزیرەكانی دەرەوەی وڵاتانی یەكێتی ئەوروپا لەدوای كۆبوونەوەیان لە لۆكسمبۆرگ ڕایانگەیاند، “وڵاتانی ئەندام پابەنددەبن بە گرتنەبەری هەڵوێستی نیشتمانی سەبارەت بە سیاسەتەكانی هەناردەكردنی چەك بۆ توركیا”.

لەلایەكی ترەوە، حكومەتەكانی ئەوروپا ڕێككەوتن لەسەر دانانی لیستێك بۆ ئەو سزا ئابورییانەی، كە ئامانج لێیان پڕۆسەكانی پشكنینی توركیا بەشوێن نەوت و غاز لە ئاوەكانی بەرانبەر بە قوبرس، بەڵام لیستەكە لەئێستادا هیچ ناوێك لەخۆناگرێت.

جیهان

11 كەس لە كاتی هەوڵدان بۆ ڕزگاركردنی منداڵێك خنكان

خەڵك – بەشی هەواڵ
لە یەكێك لە كەناراوەكانی شاری ئەسكەندەرییەی میسر، 11 كەس لە كاتی هەوڵدانیان بۆ ڕزگاركردنی منداڵێك خنكان.

فەرمانگەی گەشتوگوزاری ئەسكەندەرییە بڵاویكردەوە كە ڕۆژی هەینی 11 كەس هەوڵیانداوە منداڵێك لە نێو ئاوی كەناراوی نخێل ڕزگاربكەن، بەڵام هەر 11 كەسەكە و منداڵەكەش خنكان.

ڕوونیشیكردەوە كە تەرمی زۆربەی قوربانییەكان لە ئاوەكە دەرهێندراوە و هەوڵیش دەدەن ئەوانی دیكەش بدۆزنەوە.

بەردەوام بە لە خوێندنەوە

جیهان

لەسەدا ٩٦ی ئەو کەسانەی تووشی کۆرۆنا دەبن، چاکدەبنەوە

خەڵک – بەشی هەواڵ

 

بەپێی نوێترین ئامار،زیاتر لەحەوت ملیۆن و ٣٦٧ هەزار تووشبووی کۆرۆنا لەجیهاندا چاکبوونەتەوە و بەنزیکەیی لەسەدا ٩٦ی ئەو کەسانەى تووشی ئەم ڤایرۆسە دەبن چاکدەبنەوە.

 

بەپێی نوێترین ئامار لەسەرەتای بڵاوبوونەوەى ڤایرۆسی کۆرۆنا تاکو ئێستا نزیکی ١٢ ملیۆن و ٦٣٢ هەزار کەس تووشی ڤایرۆسی کۆرۆنای نوێ بوون.

 

هەر بەپێی ئەو ئامارە، لەوماوەیەدا زیاتر لەحەوت ملیۆن و ٣٦٧  هەزار کەس چاکبوونەتەوە، کە لەبەرامبەردا نزیکی ٥٦٢ هەزار  کەس گیانیان لەدەستداوە، ئەوانی دیکەش لەژێر چارەسەردان.

 

بەپێی خەمڵاندنەکان بۆ ئەو ئامارانەى بڵاودەکرێنەوە بەنزیکەیی لەسەدا ٩٦ی ئەو کەسانەی تووشی کۆرۆنا دەبن، چاکدەبنەوە.

بەردەوام بە لە خوێندنەوە

جیهان

ژاپۆن 23 ملیاری بۆ ئێف 35 داناوه‌

خەڵک – لوقمان غه‌فوور

وه‌زاره‌تی ده‌ره‌وه‌ی ئه‌مریكا ره‌زامه‌ندی گه‌یانده‌ ژاپۆن له‌سه‌ر كڕینی 105 فرۆكه‌ی ئیف 35 به‌ بڕی 23 ملیار دۆلار.

به‌پێی هه‌واڵێكی سی ئێن ئێن ئه‌م داوایه‌ی ژاپۆن بریتییه‌ له‌ كڕینی 63 فرۆكه‌ی جۆری ئێف 35-ئه‌ی، 42 فرۆكه‌ی ئێف 35 -بی، 110 بزوێنه‌ری جۆری ئێف 135 و كه‌لوپه‌لی پێویست و یه‌ده‌كی فرۆكه‌كه‌.

وه‌زاره‌تی ده‌ره‌وه‌ ده‌ڵێت: فرۆشتنی فرۆكه‌كان په‌سه‌ندكراوه‌، وێرای پاڵپشتی هونه‌ری و راهێنان به‌ فرۆكه‌وانه‌كان كه‌ ده‌شێت 25 ساڵ به‌رده‌وام بێت.

وه‌زاره‌تی ده‌ره‌وه‌ی ئه‌مریكا ئه‌م پاڵپشتییه‌ی بۆ ژاپۆن به‌ ئاشكرا له‌ به‌یاننامه‌یه‌كدا ئاشكراكردووه‌ و ده‌ڵێت: “كارێكی ژیاری گرنگی به‌رژه‌وه‌ندی نیشتمانی ئه‌مریكایه‌ تا هاوكاری ژاپۆن بكات له‌ پێشخستن و پارێزگاری توانای به‌هێزبوون و كاریگه‌ری ژاپۆن تا پارێزگاری له‌ خۆی بكات.” ده‌شڵێت: “ئه‌م پێشنیازه‌ هیچ ناهاوسه‌نگییه‌ك له‌ ناوچه‌كه‌دا دروست ناكات.”

فرۆكه‌ی ئێف 35 دروستكراوی كارگه‌ی لوكهید مارتن له‌ فۆرت وۆرس له‌ ته‌كساس-ه‌ به‌ڵام ئه‌و فرۆكانه‌ی كه‌ به‌ وڵاتانی هاوپه‌یمانان ده‌فرۆشرێن له‌لایه‌ن وڵاتانی كڕیاره‌وه‌ پارچه‌كانی ده‌به‌سترێت.

له‌ئاداری 2020 وه‌زاره‌تی به‌رگری ئه‌مریكا رایگه‌یاند كۆمپانیای میتسوبیوشی بۆ پیشه‌سازییه‌ قورسه‌كان كارگه‌كانی له‌ژاپۆن داخست بۆ ماوه‌ی هه‌فته‌یه‌ك به‌هۆی ترس له‌ كۆرۆنا ڤایرۆس، بۆیه‌ ئێستا له‌ دوای كرانه‌وه‌ی كارگه‌كان ده‌ست ده‌كرێت به‌ به‌ستی فرۆكه‌كان.

بەردەوام بە لە خوێندنەوە

کوردستان