ئێمە لە تۆرە کۆمەڵایەتیەکان

جیهان

ڤیدیۆ.. سەرۆكی دەستەی پاراستنی هەرێمی فورات: هەمووتان چەكەكانتان هەڵگرن و ئامادەكاریی خۆتان بكەن

خەڵك – بەشی هەواڵ

عیسمەت شێخ حەسەن سەرۆكی دەستەی پاراستنی هەرێمی فورات (كۆبانێ و گرێ سپی) ڕایدەگەیەنێت:” قەدەری كوردان وەهایە. بانگی هەموو دەوڵەتانمان كرد، دەوڵەتی جیهان نەما بانگی نەكەین، تەنانەت لەگەڵ كۆمكاری عەرەبی و ئەنجومەنی ئاسایشیش دانیشتین. هیچ كەس نەیتوانی دەردی ئێمە دەرمان بكات. كەواتە ئێمە كول و دەردی خۆمان بە خۆمان دەرمان دەكەین”.

سەرۆكی دەستەی پاراستنی هەرێمی فورات (كۆبانێ و گرێ سپی) ئاماژە بەوەشدەكات:”كاتێك ئێمە دەمانگوت هیچ پشتیوانێكمان نییە و پێویستە خۆمان ببینە هاریكاری خۆمان، كەس بڕوای پێنەدەكردین. ئێستا ئێوە دەبینن چیمان بەسەردێت. ئەوەتا هەموو دەڵێن ناتوانین هیچتان بۆ بكەین.لەبەرئەوە ئێستا ئێمە لەگەڵ ڕوسیا و ڕژێم ڕێككەوتووین”.

عیسمەت شێخ حەسەن ئەوشیخستەڕوو:”بڕیارە ئێوارەی ئەمڕۆ هێزەكانی ڕژێمی سوریا بگەنە ئێرە. لەگەڵ ئەوەشدا با ئێمە بڕوا بە كەس نەكەین. ئێمە دەبێ لەسەر پێی خۆمان بوەستین. هەمووتان چەكەكانتان هەڵگرن و ئامادەكاریی خۆتان بكەن. لە ماڵەكانتان دوور مەكەونەوە با دز و چەتە نەكەونە ماڵەكانمان”.

#كوباني :تصريح لعصمت شيخ حسن رئيس مجلس العسكري لمدينة كوباني بدخول الحكومة السورية لمناطق منبج وكوباني

Posted by ‎قوات سوريا الديموقراطية‎ on Sunday, October 13, 2019

جیهان

كۆشكی سپی: ترەمپ ئامادەیە دەسەڵات ڕادەست بكات

خەڵك – بەشی هەواڵ

كۆشكی سپی ڕایدەگەیەنێت، سەرۆكی ئەمریكا ئامادەیە دسەڵات ڕادەستی سەرۆكی دوای خۆی بكات.

كایلی ماكنانی سكرتێری ڕۆژنامەوانی كۆشكی سپی ئەمریكا ڕایگەیاند:”سەرۆك دۆناڵد ترەمپ بەئەنجامی هەڵبژاردنی سەرۆكایەتی كە لەتشرینی دووەمی داهاتوودا بەڕێوەدەچێت قایل دەبێت”.

ئەم ڕوونكردنەوەیەی كۆشكی سپی دوای دێت، ڕۆژی چوارشەممەی ڕابردوو دۆناڵد ترەمپ سەرۆكی ئەمریكا لە كۆنفڕانسێكی ڕۆژنامەوانیدا ئامادە نەبوو بەڵێن بدات بە ڕادەستكردنی ئاشتییانەی دەسەڵات لەكاتیێكدا كە جۆ بایدنی ڕكابەری لە هەڵبژاردنەكان سەركەوتن بەدەستبهێنێت و ببێتە سەرۆكی داهاتووی وڵاتەكەیان.

بەردەوام بە لە خوێندنەوە

جیهان

داود ئۆغڵۆ: پارتەكەی ئەردۆغان دوا هەناسە دەدات

خەڵك – بەشی هەواڵ

سەرۆكی پارتی داهاتووی توركیا هێرشی توند دەكاتە سەر سەرۆك كۆماری وڵاتەكەی.

ئەحمەد داود ئۆغڵۆ سەرۆكی پارتی داهاتووی توركیا لەلێدوانێكیدا هێرشی توندی كردە سەر ڕەجەب تەیب ئەردۆغان سەرۆك كۆماری وڵاتەكەی و بە دامەزراندنی ڕژێمێكی سەركوتكار تۆمەتباری كرد.

داود ئۆغڵۆ وتیشی: لەسایەی سیستمی سەرۆكایەتیدا كە لە ساڵی 2018ەوە كاری پێدەكرێت سەرجەم دامەزراوەكانی دەوڵەت لەناوەڕۆك و ئەركی خۆیان داماڵراون.

ئەحمەد داود ئۆغڵۆ لەدرێژەی لێدوانەكەیدا لەبارەی ئەگەری هەمواركردنی یاسای هەڵبژاردنەكان بۆ بەرتەسك كردنەوەی كاری پارتە سیاسییە نوێیەكان، ئاماژەی بەوەدا: لەگەڵ ئەوەی پارتی داد و گەشەپێدانی دەسەڵاتدار و هاوپەیمانەكانی بەردەوام باس لە هەمواركردنی یاسای هەڵبژاردنەكان دەكەن، پێشبینیەكان ئەوەیان بۆ ڕووندەكەنەوە، وادەی هەڵبژاردن نزیك بووەتەوە، ئەحمەد داود ئۆغڵۆ ئەوەشی بە (دوا هەناسەدانی پارتەكەی ئەردۆغان ناوبرد).

بەردەوام بە لە خوێندنەوە

جیهان

زەریف: واشنتۆن بە دوو مەرج دەتوانێت بگەڕێتەوە بۆ ڕێككەوتنی ئەتۆمی

خەڵك – بەشی هەواڵ

وەزیری دەرەوەی ئێران ڕایدەگەیەنێت، واشنتۆن تەنها بە دوو مەرج دەتوانێت بگەڕێتەوە بۆ ڕێككەوتنی ئەتۆمیی، دەشڵێت، بەلایانەوە گرنگ نییە چ كاندیدێك لە هەڵبژاردنی سەرۆكایەتی ئەمریكادا سەردەكەوێت.

محەمەد جەواد زەریف وەزیری دەرەوەی ئێران ڕایگەیاند، ئەگەر ئەمریكا بیەوێت بگەڕێتەوە بۆ ڕێككەوتنی ئەتۆمی پێویستە سەرەتا قەرەبووی تاران بكاتەوە و دواتر بەڵێن بدات كە جارێكی تر لەو ڕێككەوتنە ناكشێتەوە.

سەبارەت بە هەڵبژاردنی سەرۆكایەتی ئەمریكاش باسی لەوەكرد، بەلایانەوە گرنگ نییە كێ لە كۆشكی سپی دەبێت، ئەوەی بەلایانەوە گرنگە سیاسەتی دەرەوەی ئەمریكایە.

جێی ئاماژەیە، واشنتۆن ساڵی 2018 لە ڕێككەوتنی ئەتۆمی كشایەوە و سزاكانی بەسەر ئێراندا سەپاندەوە تائێستا بەرپرسانی حكومەتی ئەمریكا بە سەرۆكایەتی دۆناڵد ترەمپ هیچ خواستێكیان بۆ گەڕانەوە بۆ ئەو ڕێككەوتنە نیشان نەداوە، لەبەرامبەردا، جۆ بایدن كاندیدی دیموكراتەكان باسی لەوەكردووە، لەئەگەری سەركەوتنی لە هەڵبژاردنی سەرۆكایەتیدا، دەگەڕێتەوە بۆ ڕێككەوتنی ئەتۆمی، بەلام بەو مەرجەی ئێران بە تەواوەتی پابەندی ڕێككەوتنەكە بێت.

بەردەوام بە لە خوێندنەوە

کوردستان