ئێمە لە تۆرە کۆمەڵایەتیەکان

کوردستان

ژمارەی شەهید و بریندارەكانی بۆردومانەكەی توركیا ڕاگەیەنرا

خەڵك- بەشی هەواڵ
نەخۆشخانەی تلتەمر ژمارەی شەهید و بریندارەكەی بۆردومانەكەی توركیای بۆ سەر هاووڵاتیانی خۆپیشاندەر و سڤیل بڵاوكردەوە، كە ئەمڕۆ لەسەر ڕێگای نێوان تلتەمر و سەرێ‌ كانی كرانە ئامانج.

نەخۆشخانەی تلتەمر لە ڕاگەیەنراوێكدا ئاماژەی بەوەكردووە، كە بەهۆی بۆردومانی توركیاوە بۆ سەر هاووڵاتیانی سڤیل 10 كەس بریندار بوون.

ئاشكراشی كردووە، كە لەو بۆردومانەدا 100 كەس بریندار بوون.

ئەمڕۆ لەكاتی خۆپیشاندانی هاووڵاتیان لە تلتەمرەوە بۆ سەرێ‌ كانی، فڕۆكە جەنگییەكانی توركیا هاووڵاتیانی سڤیلی بۆردومان كرد.

تکایە تاوەکو پیتان دەکرێت بڵاوبکەنەوە دەولەتی تەرۆریست و داگیرکەری تورک لە سەرێکانی و لەبەفرۆکەی جەنگیی کاروانێکی ئۆتۆمبیلی هاولاتیان و ژمارەیەک لە رۆژنامەوانانیان کردە ئامانج و لەئاکام دا دەیان کەس شەهیدبون. لە ناو قوربانیەکاندا ژمارەیەک لە رۆژنامەوانی هاوکارانمان شەهیدبوو و بریندرابوونە..برواننە دیمەنی درندەیی دەولەتی تیرۆریستی تورک…

Posted by Hiwa Dilan on Sunday, October 13, 2019

کوردستان

پۆلیس دەست بەسەر ئۆتۆمبێلی دزراوی ھاووڵاتییەكدا دەگرێت

خەڵك- بەشی هەواڵ
بەڕێوەبەرایەتی پۆلیسی پارێزگای سلێمانی ئاشكرای دەكات، كە ئۆتۆمبێلی هاووڵاتییەك دوای دزرانی ئۆتۆمبێلێك، لەلایەن هێزەكانیانەوە توانراوە لە یەكێك لە گەڕەكەكانی شار بدۆزرێتەوە.

بەڕێوەبەرایەتی پۆلیسی پارێزگای سلێمانی لە ڕاگەیەنراوێكدا ئاماژەی بەوەكردووە، شەوی ڕابردوو مەفرەزەكانی بەشی پۆلیسی نەھێشتنی تاوانی سلێمانی دەستیان بەسەر ئۆتۆمبێلی دزراوی ھاووڵاتییەكدا گرت و دوای ڕێكارە یاساییەكان ڕادەستی خاوەنەكەی دەكرێتەوە .

ئاشكراشی كردووە، پاش تۆماركردنی سكاڵای یاسایی لەلایەن ھاووڵاتییەكەوە، كە سێیەم ڕۆژی جەژنی قوربان بۆ كڕینی كەلوپەل لەماركێتێك لەنزیك پاركی ئازادی دابەزیوە و ئۆتۆمبێلەكەی بەكارپێكراوی بەجێهێشتووە و لێی دزراوە، دەستبەجێ ھێزەكانی پۆلیس لێكۆڵینەوەكانیان دەستپێكرد و توانییان شەوی ڕابردو لەگەڕەكێك لەشاری سلێمانی دەست بەسەر ئۆتۆمبێلەكەدا بگرن و دوای گرتنەبەری ڕێكارە یاساییەكان ڕادەستی خاوەنەكەی دەكرێتەوە.

پۆلیس دەشڵێت: “لەئێستادا ئۆتۆمبێلەكە، كە لەجۆری كامارۆیە لەبەشی پۆلیسی نەھێشتنی تاوانە لێكۆڵینەوە لە ڕوداوەكە بەردەوامە” .

پۆلیسی سلێمانی داوا لە هاووڵاتیان دەكات، “لەكاتی دابەزینیان، ئۆتۆمبێلەكانیان بە كارپێكراوی بەجێ‌ مەهێڵن تا تووشی ڕووداوی لەو شێوەیە نەبنەوە”.

بەردەوام بە لە خوێندنەوە

کوردستان

پێشمەرگەیەك بە تەزووی كارەبا گیانی لەدەستدا

خەڵك- بەشی هەواڵ
پێشمەرگەیەك لە دیوانی وەزارەتی پێشمەرگەی حكومەتی هەرێمی كوردستان، بە تەزووی كارەبا گیانی لە دەستدا.

بەپێی ڕاگەیەندراوێك كە ئەمڕۆ چوار شەممە لەلایەن شۆڕش ئیسماعیل وەزیری پێشمەرگەی حكومەتی هەرێمی كوردستانەوە بڵاوكرایەوە:”سەرلەبەیانی ئەمڕۆ چوارشەممە 5ی ئابی2020، هەواڵی كۆچی دوایی پێشمەرگە و كارمەندی دیوانی وەزارەتمان (ن.ع / سامان سادق مستەفا) پێگەیشت”.

وەزیری پێشمەرگە دەڵێت: “كۆچكردوو، ماوەی چەندین ساڵە لەخۆشەویستی بۆ باخچەكانی وەزارەت و دڵسۆزی لە پێشمەرگایەتیدا خۆنەویستانە لە ئەركەكەی بەردەوام بوو، ئەمڕۆش لەكاتی كاركردندا، كە چەندین ساڵە باخەوانی وەزارەتە بەهۆی رووداوی كارەباوە گیانی لەدەستدا”.

هەر لە ڕاگەیەندراوەكەدا شۆڕش ئیسماعیل دەڵێت” پرسە و سەرەخۆشی لەخۆمان و كەسوكارو خانەوادەكەیان دەكەین ئومێدەوارین دواناخۆشی هەموولایەك بێت، رۆحی كۆچكردووش شاد بێت”.

بەردەوام بە لە خوێندنەوە

کوردستان

كەركوك، فەرماندەیەكی مەیدانی داعش دەستگیركرا

خەڵك- بەشی هەواڵ
دەزگای ئاسایشی نیشتمانی عیراق، دەستگیركردنی فەرماندەیەكی مەیدانی و چەكدارێكی (دیوان الجند)ی ڕێكخراوەكە لە پارێزگەی كەركوك ڕادەگەیەنێت.

بەپێی ڕاگەیەندراوێك كە ئەمڕۆ چوار شەممە لەلایەن دەزگای ئاسایشی نیشتمانی عیراقەوە بڵاوكرایەوە”بەپشتبەستن بە زانیارییە هەواڵگرییەكان، هێزێكی دەزگای ئاسایشی نیشتمانی لە پارێزگەی كەركوك توانی لەڕێی یاداشتی دادوەرییەوە یەكێك لە فەرماندە مەیدانییەكانی بە ناو (دیوانی جوندی سەر ویلایەتی كەركوك)ی سەردەمی دەستگرتنی داعش بەسەر ناوچەكەدا دەستگیربكات، ئەو فەرماندەیەی داعش دانی ناوە بە سەركردایەتیكردنی بۆ هێرشكردنە ناوچەی بەشیر و هێرشكردنە سەر هێزە ئەمنییەكان، وێڕای ڕاگواستنی خێزانەكان و تەقاندنەوەی ماڵەكانیان”.

هەر لە ڕاگەیەندراوەكەدا هاتووە”هێزێكی تری سەر بە دەزگاكە، یەكێك لە چەكدارەكانی بە ناوی دیوانی جوندی ویلایەتی كەركوك بەپێی ماددەی (1/4 تیرۆر) دەستگیركرد، دەستگیركراوەكەش دانی ناوە بە بەشداریی لە چەندان هێرش بۆسەر هێزە حكومییەكان لە باشووری خۆرئاوای كەركوك و لەپاش وەرگرتنی وتەكانيشی، ڕادەستی لایەنە پەیوەندیدارەكان كرا، تا ڕێوشوێنی یاسایی لەدژ بگیرێتەبەر”.

بەردەوام بە لە خوێندنەوە

کوردستان