ئێمە لە تۆرە کۆمەڵایەتیەکان

جیهان

كۆمكاری عەرەبی: ئەوەی توركیا دەیكات پاڵپشتیكردنی تیرۆر و سەهەڵدانەوەی داعشە

خەڵك-بەشی هەواڵ

ئەمینداری گشتی ڕێكخراوی كۆمكاری عەرەبی ڕایدەگەیەنێت، ترسمان لە پاكتاوی نەژادی كوردانی سوریا هەیە لە لایەن توركیاوە.

ئەمڕۆ شەممە ئەحمەد ئەبولغێت ئەمینداری گشتی ڕێكخراوی كۆمكاری عەرەبی لە كۆبوونەوەی كۆمكاری عەرەبیدا ڕایگەیاند، توركیا دەیەوێت باری دیموگرافی باكوری سوریا بگۆڕێت بە بەرچاوی كۆمەڵگەی نێودەوڵەتییەوە.
وتیشی”ئێمە بە پێویستی دەزانین ڕووبەڕووی ئەو هەوڵە لە ناوبەرەی دوژمنی توركیا ببینەوە كە دەیەوێت دژ بە كوردەكان بیكات”.

ئاماژەی بۆ ئەوەش كرد، كۆمەڵگەی نێودەوڵەتی لە مامەڵەكردنێكی مرۆییانە بەرامبەر تاوانەكانی توركیا لە سوریا شكستی هێنا، بۆیە دەبێت هەڵگری بەرپرسیارێتی بین و مەوقیفی شیاومان هەبێت بەرامبەر بە هەوڵە دوژمنكارانەكانی توركیا لە خاكی سوریا.

ناوبراو ئاشكراشیكرد، بە توندی ئیدانەی هەر هەوڵێكی لەناوبردن و لەشكركێشی سەر سوریا دەكەین و دەبێت دەستبەجێ‌ كردەوە سەربازییە دوژمنكارانەكانی سوپای توركیا بوەستێنرێت، ئەمەی ڕوودەدات پاڵپشتییكردنی تیرۆر و سەهەڵدانەوەی گروپە چەكدارە توندڕەوەكانی وەك داعشە.

 

ئەمەش لەكاتێكدایە چەند ڕۆژێكە سوپای توركیا هێرشی بۆسەر ڕۆژئاوای كوردستان دەستپێكردووە و بە سەدان هاوڵاتی سڤیل بوونەتە قوربانی.

جیهان

دەیان كەس بوونەتە قوربانی
هۆشداری سەرهەڵدانی ڤایرۆسێكی كوشندە لە چین دەدرێت

خەڵك-بەشی هەواڵ

 

چین هۆشداری سەرهەڵدانی ڤایرۆسێكی كوشندە دەدات و ئاشكراشیدەكات، تاكو ئێستا 7 كەس بەهۆی ئەو ڤایرۆسەوە گیانیان لەدەستداوە.
گڵوباڵ تایمز بڵاویكردەوە، ڤایرۆسی “SFTS” لە ڕێگەی جۆرێك لە گیانداری خشۆك بڵاودەبێتەوە و لە چین دۆزراوەتەوە و تا ئێستاش 60 كەس تووشی ڤایرۆسەكە بوون و 7 كەسیش گیانیان لەدەستداوە.
ئاشكراشیكرد، سەرەتا ڤایرسەكە لە پارێزگای جیانگسو دۆزرایەوە، بەڵام دواتر دانیشتوانی پارێزگای ئانهوئیش تووشی ڤایرۆسەكە بوون.
یەكێك لە تووشبووان بە ڤایرۆسەكە ڕایگەیاند، لە نیشانەكانی ئەم پەتایە ئەوەیە كە تایەكی زۆر توندی هەیە و خرۆكە سپییەكانی خوێنیش كەم دەكەن كێشە ڕووبەرووی خوێن دەبێتەوە.
بەپێی زانیارییەكان، گواستنەوەی ڤایرۆسەكە بەهۆی خوێنەوە یاخود تیكەڵبوونی تووشبوو لەگەڵ یەكتر دەگوازرێتەوە.

بەردەوام بە لە خوێندنەوە

جیهان

لە 24 كاتژمێردا، 2020 كەس لە ئێران تووشی كۆرۆنا بوون

خەڵك-بەشی هەواڵ

 

وتەبێژی وەزارەتی تەندروستی ئێران ڕایدەگەیەنێت، لە 24 كاتژمێری ڕابردوودا 2020 كەس تووشی كۆرۆنا بوون.

سیما سادات لاری وتەبێژی وەزارەتی تەندروستی ئێران لە كۆنفڕانسێكی ڕۆژنامەوانیدا ڕایگەیاند، لە 24 كاتژمێری ڕابردوودا 2020 كەس لە ئێران تووشی ڤایرۆسی كۆرۆنا بوون و 163 كەسیش گیانیان لە دەستداوە.

وتیشی”لە سەرەتای دەركەوتنی ڤایرۆسەكە تاكو ئەمڕۆ 236 هەزار و 712 كەس لە ئێران تووشی كۆرۆنا بوون”.

ئاماژەی بۆ ئەوەش كرد، هەر بەهۆی ڤایرۆسەكەوە تا ئێستا 18 هەزار و 427 كەس لە ئێران گیانیان لە دەستداوە.

بەردەوام بە لە خوێندنەوە

جیهان

ئاماری قوربانیانی خۆپیشاندانەكانی بەیروت ئاشكرا كرا

خەڵك-بەشی هەواڵ

 

زیاتر لە 700 كەس بەهۆی پێكدادانی نێوان خۆپیشاندەرانی بەیروت و هێزە ئەمنییەكان بریندار بوون.
كەناڵی ئەلجەزیرە بڵاویكردەوە، 728 خۆپیشاندەر بەهۆی پێكدادانیان لەگەڵ هێزە ئەمنیەكان بریندار بوون.
ئاشكراشیكرد، هێزە ئەمنییەكان گازی فرمێسك ڕێژیان بەسەر خۆپیشاندەراندا ڕشتووە.

خۆپیشاندانەكانی بەیروت دوای تەقینەوەكانی 4ی ئەم مانگە لە نزیك بنكەیەكی هێزە دەریاییەكانی لوبنان سەریهەڵدا و لە ڕووداوەكەدا 158 كەس گیانیان لەدەستدا و 6 هەزاری دیكەش بریندار بوون و بە دەیان خانو و ئۆتۆمبێلی لەناوبرد.

بەردەوام بە لە خوێندنەوە

کوردستان