ئێمە لە تۆرە کۆمەڵایەتیەکان

عێراق

تورکیا پەیوەندییەکانی خۆی لەگەڵ بەغدا پەرەپێدەدات
ریفراندۆمی ئەیلول خاڵی وەرچەرخانی پەیوەندییەکانی ئەو دوو وڵاتە بوو

خەڵک-

بە پێی ڕاپۆرتێکی رۆژنامەی “میللیەت” ـی تورکی، لە ئێستادا پەیوەندییەکانی نێوان ئەنکارا و بەغداد لەسەر پەیوەندییەکانی ئەنکارا و ھەولێر گەشەیان کردووە و بەم زووانەش تورکیا کونسوڵییەکانی خۆی لە موسڵ و بەسرە دەکاتەوە.

رۆژنامەکە دەڵێت، لەپاش کۆنترۆڵکردنی موسڵ لە لایەن داعشەوە، پەیوەندییەکانی نێوان تورکیا و عیراق گەیشتنە خراپترین ئاست، دواتر ریفراندۆمەکەی ھەرێمی کوردستان گیانی ھێنایەوە بەبەر پەیوەندییەکانی نێوان ئەو دوو وڵاتە و بەو ھۆیەوە چەند جارێک کۆبوونەوە و بیروڕایان لەیەک نزیک کردەوە.

ھەروەھا دەڵێت، لە ئێستادا پەیوەندییەکان گەشتوون بە ڕێکەوتنی پێشکەوتوو لەبارەی کردنەوەی خاڵێکی سنوریی دیکە لەگەڵ تورکیا و ھاوکاریی ئەمنی، لە ئایندەیەکی نزیکیشدا کە تەنھا چەند ھۆکارێکی ھونەری ماوەن، تورکیا کونسوڵخانەکانی خۆی لە دوو شاری موسڵ و بەسرە دەکاتەوە، لەبەرامبەردا پەیوەندییەکانی نێوان ھەولێر و ئەنکارا کشانەوەی گەورەیان بەخۆیانەوە دیوە.

کاتی کەوتنی موسڵ بەرپرسانی عیراقی بەشێوەی ڕاستەوخۆ و ناراستەوخۆ تورکیایان تۆمەتبار دەکرد بە ھاوکاریی کردنی داعش، ئەوەش پەیوەندییەکانی نێوان ھەردوو لای ئاڵۆزتر کرد، گەرچی تورکیا کونسوڵییەکەی لە موسڵ و ٤٥ کارمەندی کونسوڵخانەکەشی بە دیلی کەوتبوونە دەستی داعش، دواتر لە لایەن داعشەوە لە ڕێکەوتنێکی نھێنیدا ئازاد کران.

رۆژی ٢٠١٤/٦/٩ چەکدارەکانی داعش گەشتنە ناو موسڵ، پاش دوو رۆژ و لە ٢٠١٨/٦/١١ گەشتنە باڵیۆزخانەی تورکیا کە لە بەشی رۆژھەڵاتی شارەکە بوو بە بێ ئەوەی کارکردنیان وەستاندبێت، لەوێش ئۆتورک یەڵماز سەرکونسوڵی تورکیا لە موسڵ، لەگەڵ ٤٥ کارمەندی باڵیۆزخانەکە و خێزانەکانیشیان دەستبەسەر کران، پاش ١٠١ رۆژ بە سەلامەتی نێردرانەوە بۆ تورکیا.

ئابوری

ئێران 50%ی قەرزی كارەبا لە عیراق وەردەگرێتەوە

خەڵك – بەشی هەواڵ

یاریدەدەری وەزیری وزەی ئێران ڕایدەگەیەنێت: ڕێژەی 50%ی ئەو قەرزانەیان وەرگرتووەتەوە كە لە بری كارەبا بۆ عیراقیان هەناردەكردووە.

هەمایۆن حائری یاریدەدەری وەزیری وزەی ئێران لە لێدوانێكی ڕۆژنامەوانیدا ڕایگەیاند، پڕۆسەی هەناردەكردنی كارەبا بۆ عیراق بەردەوامە و لە دواین سەردانی وەزیری وەزەی ئێرانیش بۆ عیراق گرێبەستی هەناردەكردنی كارەبا بۆ ئەو وڵاتە بۆ 2 ساڵی تر درێژ كراوەتەوە.

یاریدەدەری وەزیری وزەی ئێران ئاماژەی بەوەشكرد، 50% شایستە دارایییەكانی هەناردەكردنی كارەبایان لە عیراق وەرگرتووەتەوە ‌و بڕیارە بە میكانیزمێكی نوێ‌ لە ڕێگەی مامەڵەی بانكییەوە، ئەو بەشەی تری ماوە وەریبگرنەوە.

یاریدەدەری وەزیری وزەی ئێران ئەوەشی خستەڕوو، هەناردەكردنی بڕی كارەبا بۆ وڵاتانی دراوسێ‌ بەردەوام گۆڕانكاری بەسەردا دێت ‌و بەپێی وەرزەكانی هاوین‌ و زستان جیاوازی هەیە.

پێشتریش حكومەتی ئێران ڕایگەیاندبوو، عیراق لە پێشەنگی وڵاتانەدایە كارەبا لە ئێرانەوە هاوردە دەكەن‌ و لە كاتژمێرێكدا 6 ملیار و 652 ملیۆن كیلۆ وات كارەبای ئێرانی بۆ هەناردەكراوە.

بەردەوام بە لە خوێندنەوە

عێراق

كازمی:‌ بەردەوام دەبین لەكاركردن بۆ ڕێگریكردن لە گەندەڵكاران لە دەروازە سنوورییەكاندا

خەڵك – بەشی هەواڵ

سەرۆك وەزیرانی‌ عیراق ڕایدەگەیەنێت: حكومەت بەردەوام دەبێت لەكاركردن بۆ ڕێگریكردن لە گەندەڵكاران لە دەروازە سنوورییەكاندا و دانانی‌ پلانی‌ پێویست بۆ پەرەپێدانیان.

نووسینگەی‌ ڕاگەیاندنی‌ مستەفا كازمی‌ سەرۆك وەزیران و فەرماندەی‌ گشتی‌ هێزە چەكدارەكانی‌ عیراق لە ڕاگەیەنراوێكدا ئاماژەی‌ بەوەدا، ئەمڕۆ ناوبراو سەرۆكایەتی‌ كۆبوونەوەی‌ ئەنجومەنی‌ وەزاری‌ ئاسایشی‌ نیشتمانی‌ كرد و تیایدا تاووتوێی‌ چەند پرسێك كران.

لە ڕاگەیەندراوەكەدا هاتووە، لە كۆبوونەوەكەدا كازمی‌ ئەنجامی‌ سەردانەكەی‌ بۆ دەروازەی‌ سنووریی‌ مەندەلی‌ و ئەو ڕێوشوێنانەی‌ بۆ پەرەپێدانی‌ ئەو دەروازەیە و ڕێگرتن لە گەندەڵی‌ تیایاندا گیراونەتەبەر، خستەڕوو.

لە كۆبوونەوەكەدا كازمی‌ ئەوەیخستووەتەڕوو: “حكومەت بەردەوام دەبێت لەكاركردن بۆ ڕێگریكردن لە گەندەڵكاران تا دەروازە سنوورییەكان بۆ بەرژەوەندی‌ خۆیان بەكارنەهێنن و پلانی‌ پێویست دادەنێت بۆ پەرەپێدانی‌ دەروازەكان”.

بەپێی ڕاگەیەندراوەكە، “لە كۆبوونەوەكەدا ئەنجومەنی‌ وەزاری‌ ئاسایشی‌ نیشتمانی‌ تاووتوێی‌ پێشێلكارییەكانی‌ توركیای‌ بۆسەر خاك و ئاسمانی‌ عیراق كرد و جەختی‌ لە بەردەوامبوونی‌ وتووێژی‌ دیپلۆماتی‌ لەگەڵ‌ توركیا كردەوە بۆ ڕاگرتنی‌ پێشێلكارییەكان كە دەستدرێژییە بۆسەر سەروەری‌ عیراق و بۆ پەیوەندییەكانی‌ نێوان هەردوو وڵات خراپە، سەرەڕای‌ زیانگەیاندن بە هاووڵاتیان و موڵك و ماڵیان”.

لە بەشێكی‌ تری‌ كۆبوونەوەكەدا ئەنجومەنەكە گفتوگۆی‌ لەبارەی‌ خۆپیشاندانەكان و پێویستی‌ مانەوەی‌ بە ئاشتییانە كرد بەجۆرێك پارێزگاری‌ لە ئازادی‌ دەربڕین و سەروەری‌ یاسا و هەیبەتی‌ دەوڵەت بكات.

هاوكات ئەنجومەنی‌ وەزاری‌ ئاسایشی‌ نیشتمانی‌ دۆسێی‌ تیرۆركردنی‌ كەسایەتییەكانی‌ تاووتوێ كرد و جەختی‌ كردەوە لەوەی‌ لایەنە پەیوەندیدارەكان ئەركەكانیان ئەنجام بدەن و پەلە بكەن لە ئاشكراكردنی‌ ئەنجامی‌ لێكۆڵینەوەكان و ئاشكراكردنی‌ ناسنامەی‌ تاوانكاران و بەسزا گەیاندنیان.

بەردەوام بە لە خوێندنەوە

عێراق

پەروەردەى عيراق بڕیاری دەرچوونی گشتی بۆ خوێندكارانی ئامادەیی دەركرد

خەڵك- بەشی هەواڵ
وەزارەتی پەروەردەی حكومەتی عیراق بڕیاریدا خوێندنی ئەمساڵ بە دەرچوونی گشتی ئارەزوومەندانە هەژمار بكات بۆ خوێندكارانی سەرجەم بەشەكانی ئامادەیی.

وەزارەتی پەروەردەی عیراق لە بەیاننامەیەكدا ئاماژەی بەوەكردووە، كە بڕیاریانداوە ئەمساڵی خوێندنی (2019- 2020 بە ساڵی دەرچوونی گشتی ئارەزوومەندانە بۆ ئەو خوێندكارانەی ئامادەیی هەژمار بكات، كە ئارەزوویان لە ئەنجامدانی تاقیكردنەوەی خوولی یەكەم و دووەم نییە.

ڕاشیگەیاندووە، ئەو ڕێكارە لەچوارچێوەی ڕاسپاردەی عەلی حەمید، وەزیری پەروەردەیە بۆ سەلامەتی خوێندكاران لەو دۆخە تەندروستییەی وڵاتی تێكەوتووە.

ئاماژەی بەوەشكردووە، لیژنەی هەمیشەیی تاقیكردنەوە گشتییەكان ڕێنماییان داوە بە بەڕێوەبەرایەتییە گشتییەكانی پەروەردە لە پارێزگاكان بە وەرگرتنی داواكاری ئەو خوێندكارانەی نایانەوێت تاقیكردنەوە لە تاقیكردنەوەكانی كۆتایی لە خوولی یەكەم و دووەم بكەن.

جەختیشی كردۆتەوە، كە دەبێت داواكاری خوێندكارەكە واژۆی بەخێوكەرەكەی پێوەبێت و دواین كات بۆ ناردنی داواكارییەكان 26ی تەمموزە.

بەردەوام بە لە خوێندنەوە

کوردستان