ئێمە لە تۆرە کۆمەڵایەتیەکان

جیهان

نەرویج: چەك و كەلوپەلی جەنگی بە توركیا نافرۆشین

خەڵك – بەشی هەواڵ

بەمەبەستی رێگریكردن لە ئۆپراسیۆنی سەربازی سوپای توركیا بۆ سەر ڕۆژئاوای كوردستان، ئەمڕۆ پێنج شەممە 10/10/2019، ئاین ئەریكسن سوریدی وەزیری دەرەوەی نەرویج وەستاندنی فرۆشتنی چەك و كەلوپەلی سەربازی بە توركیا ڕاگەیاند.

ئەم بڕیارەی حكومەتی نەرویج لە كاتێكدایە كە بڕیار بوو وڵاتی نەرویژ بەپێی گرێبەستێك چەك و كەلوپەلی سەربازی بە توركیا بفرۆشێت.

جیهان

ئەردۆغان مەرجی بۆ چوونە دەرەوە لە خاكی سوریا هەیە

خەڵك- بەشی هەواڵ
سەرۆكی توركیا مەرجی خۆی بۆ چوونە دەرەوەی هێزەكانی وڵاتەكەی لە خاكی سوریا ئاشكرادەكات و دەڵێت: “بە سەركردەی وڵاتانم وت كەی ئێوە دەڕۆنە دەرەوە”.
ڕەجەب تەیب ئەردۆغان، سەرۆكی توركیا لە كۆبوونەوەی ئەنجوومەنی ڕاوێژكاری پارتی داد و گەشەپێدانی فەرمانڕەوا لە ئەستەنبوڵ ڕایگەیاند، بەهیچ جۆرێك لە سوریا ناچنە دەرەوە، مەگەر گەلی سوریا بڵێن، سوپاستان دەكەیە و لە ئێستادا بچنە دەرەوە”.

بەپێی هەواڵێكی ئاژانسی (ئەنادۆڵو)ی توركیا، ئەردۆغان ڕاشیگەیاند، كە هێزەكانی توركیا، كە لە ئێستادا لەناو خاكی سوریادان لەسەر داوای گەلی سوریا و بەپێی ڕێككەوتننامەی ئەدەنەی ساڵی 1998 چوونەتە ئەو وڵاتەوە.

ڕاشیگەیاند، هێزەكانی توركیا كاتێك دەچنە دەرەوە لە سوریا، كە هێزی وڵاتانی دیكەش پاشەكشە بكەن و وتیشی، “سەرجەم سەرۆكی ئەو وڵاتانەی قسەم لەگەڵ كردوون پرسیاری ئەوەیان كردووە، كە لە سوریا دەچینە دەرەوە؟ ئێمەش پێمان وتوون: ئەی ئێوە كەی ئەو كارە دەكەن؟”.

بەردەوام بە لە خوێندنەوە

جیهان

فەیسبوك، لاپەڕەی فەڕمی خامنەیی سڕییەوە

خەڵك-بەشی هەواڵ

كۆمپانیای فەیسبوك هەژماری عەرەبی ڕێبەری باڵای ئێرانی داخست.

میدیاكانی ئێران بڵاویانكردەوە، كۆمپانیای فەیسبوك هەژماری تایبەتی عەلی خامنەیی ڕێبەری باڵای شۆڕشی ئیسلامی ئێرانی لە ١٠٠ هەزار بینەر كە ماوەیەك لەمەوپێش بە بیانووی پێشێلكردنی یاساكانی خۆی، سنوورداری كردبوو بە تەواوەتی سڕییەوە.

میدیای فەڕمی ئێران ئاشكراشیدەكات، ئەمە یەكەمجار نییە كە هەژماری ڕێبەری شۆڕش لە تۆڕە كۆمەڵایەتییەكان سنووردار دەكرێتەوە و ئینستاگرام و تویتەریش وەكو فەیسبوك چەندینجار بە سڕینەوەی دەقەكان یان داخستنی هەژماری بەكارهێنانی khamenei.ir هەوڵیان داوە.

بەردەوام بە لە خوێندنەوە

جیهان

چیرۆكی لیزا سمیس، لە پێشوازیكاری فڕۆكەی جێگری سەرۆكەوە بۆ ناو داعش

خەڵك – لوقمان غەفوور

دوای ئەوەی ڕۆژێك لەئاسایشی فرۆكەخانەی ئەستەنبول دەستبەسەرمایەوە، حكومەتی ئێرلەندا، لیزا سمیس- 38 ساڵ و كوڕە 2 ساڵەكەی لە رێگەی توركیاوە گەڕاندەوە بۆ وڵاتەكەی.

ڕۆژی 4ی دیسێمبەر، لیزا سمیس، دوای چوار ساڵ دووربوون لە وڵاتەكەی، لەدۆخێكی ئەمنی تونددا لە داونداڵك-ی ویلایەتی لاوس-ەوە گەیەندرایە دادگای تاوانەكان لە دبلن، تا بە تۆمەتی تاوانی هەڵاتن لە سەربازیی و خیانەتی نیشتمانی لە ئۆكتۆبەری ٢٠١٥ – دیسێمبەری ٢٠١٩، دادگایی بكرێت.

چیرۆكی لیزا بووەتە چیرۆكی نێو لاپەڕەی ڕۆژنامەكانی ئەمریكا، چونكە دوای پێنج ساڵ لە خزمەتی سەربازی لە وەزارەتی بەرگری ئێرلەندا، ساڵی 2015 پەیوەندی دەكات بە ڕیزەكانی رێكخراوی تیرۆریستی داعشەوە.

ڕۆژنامەی زە پرۆڤیدینس جۆرناڵ، لە ژمارەی رۆژی 6-12دا، نوسیویەتی: “لیزا لەڕێگەی تۆڕە كۆمەڵایەتییەكانەوە پەیوەندی بە سەركردەیەكی داعشەوە دەكات كە لەبنەڕەتدا هەڵگری رەگەزنامەی بەریتانی بووە، هەر لە سوریا هاوسەرگیری لەگەڵ دەكات، ئێستا خاوەنی منداڵێكی 2 ساڵە لەو كەسە، لەكاتێكدا مێردەكەی لە شەڕێكی سەختدا ساڵی 2017 كوژراوە و خۆیی و منداڵەكەی لە كەمپی “عەین عیسا” لە باكوری سوریا لە ژێر دەسەڵاتی هێزەكانی سوریای دیموكرات دەستبەسەربوون.

بەپێی زە پرۆڤیدینس جۆرناڵ، لە مانگی ئۆكتۆبەری ئەمساڵ لەدوای هێرشی سەربازی توركیا بۆ سەر رۆژئاوای كوردستان، ژمارەیەك زیندانی داعش و ژن و منداڵی نێو كەمپی عەین عیسا، هەوڵی هەڵاتنیان داوە، بەڵام بەپێی لێدوانی بەرپرسانی توركیا لەلایەن ئەوانەوە دەستگیركراون كە ژمارەیان 287 چەكداری داعش و ژنەكەنیانن، لەنێو ئەو دەستگیركراوانەدا لیزا سمیس یەكێكیان بووە”.

لە چاوپێكەوتنێكی سی ئێن ئێن-دا لەو كاتەی كە لە كەمپی عەین عیسا بووە لە سوریا، لیزا دەڵێت:”بەشداری هیچ شەڕ و مەشقێكی سەربازیم نەكردووە لەلای داعش” وتوشیەتی :”ئێف بی ئای چەند جارێك سەردانیان كردوم و پەنجەمۆر و سمپلی دی ئێن ئەی-م لێوەرگیراوە”.
لەبەرامبەر دانپێدانانەكانیدا “ئێف بی ئای” كۆمەڵێك وێنەی پیشانی لیزا داوە كە نیشانە دەگرێتەوە و مەشق لەسەر چەك دەكات بۆیە دەست دەكات بە گریان و تێدەگات لەوەی ئەوانەی وێنەیان گرتووە و لە ناو داعش بوون، سەر بە ئێف بی ئای بوون.

كاتێك لیزا بەپێی ڕێكەوتنی نێوان توركیا و ئێرلەندا دەنێردرێتەوە بۆ وڵاتەكەی، پەیامنێری “ئار تی ئی” لەنێو ئەو فڕۆكەیەی گەشتی هێڵی ئاسمانی توركیدا بووە كە لە ئەستەنبول-ەوە لیزا و منداڵەكە-ی گواستۆتەوە بۆ دبلن، لیزا رەتیكردۆتەوە هیچ لێدوانێك بدات بۆ كەناڵەكە سەبارەت بە هەستەكانی لەكاتی گەڕانەوەی بۆ وڵاتەكەی.
بەپێی قسەی پەیامنێرەكەی “ئار تی ئی” لیزا لەماوەی ئەو چەند سەعاتەدا شوێنەكەی جێنەهێشتووە و زوربەی كاتەكە یاری لەگەڵ منداڵەكەی كردووە و هیچ پەیوەندییەكی قسەكردنیشی نەبووە لەگەڵ ئەو چوار پاسەوان و دیپلۆماتەی پارێزگارییان كردووە.

پەیامنێرەكە وتوشیەتی، كە لیزا هەر بەرگی حیجابی لەبەردا بووە لەگەشتەكەدا و دۆخی دەروونی لەوپەڕی ئارامیدا بووە و شڵەژاو دەرنەكەوتووە.

ڕۆژنامەی زە واشنتن پۆست لە ژمارەی 6ی دیسێمبەردا ئاماژەی بەوەداوە، لەكاتی دابەزینی لە پێپلیكانەی فڕۆكەكە بە پەتانییەكی ڕەنگاو ڕەنگ سەرو دەوموچاوی شاردراوەتەوە و بەپەلە خراوەتە ناو ئۆتۆمبێلێكی ڕەشی جام تاریكەوە.

توركیا لە كۆتایی نۆڤێمبەرەوە بڕیاری داوە كە ئەو دەستگیركراوە داعشانەی لەلای دەستبەسەرن و هەڵگری ڕەگەزنامەی ئەوروپین، بیانگێڕێتەوە بۆ وڵاتەكەی خۆیان بەپێی ڕێككەوتن لەگەڵ وڵاتەكە.

بەپێی زە نیویۆرك تایمز، لە كۆبوونەوەی لوتكەی ناتۆ، هەریەك لە ئەلمَانیا و فەرەنسا و بەریتانیا ڕازی بوون بە گەڕانەوی ئەو داعشانەی هەڵگری ڕەگەزنامەی وڵاتەكەیان هەیە لەبەرامبەر چەند مەرجێك، بەڵام تا ئێستا ئاشكرا نەبووە مەرجەكانی نێوان توركیا و ئەو وڵاتانانە چین، چونكە توركیا هەمیشە هەڕەشەی بەو داعشانە كردووە كە ئازادایان ئەكاتەوە بەرەو ڕووی وڵاتەكەی خۆیان.

یەكەم گەڕانەوەی دەسبەسەركراوی داعش-یش كە هەڵگری ڕەگەزنامەی ئەوروپییە لە لیزا- وە دەستی پێكردووە و بەپێی ئاژانسەكانی ئێرلەندا 30 هاووڵاتی ئێرلەندی لە2015 -2016 پەیوەندییان بە ڕیزەكانی داعشەوە كردووە، بەڵام بەپێی لێدوانی وەزارەتی بەرگری ئێرلەندا بەشێك لەوانە كوژراون.

شارلی فلانگن وەزیری دادی ئێرلەندا، لە لێدوانێكیدا بۆ ڕۆژنامەنووسان وتوویەتی:”ڕێوشوێنی پێویست بۆ بەخێوكردن و چاودێریكردنی منداڵەكە لەهەمووی گرنگترە”.

دواتر وتی:”مەسەلەیەكی زۆر هەستیارە پێویستە خەڵك ئارام كەینەوە لەدوای ئەوەی كە لە تۆڕە كۆمەڵایەتی و تەلەفیزیۆنەكانەوە دیمەنی گواستنەوەی لیزا لە فرۆكەخانەی توركیاوە گواسترایەوە بۆ ئێرلەندا”.

لیزا سمیس ساڵی 2009 پەیوەندی وەزارەتی بەرگری ئێرلەندییەوە دەكات و وەك سەربازی هێزی پیادە، دوای پێنج ساڵ داوای گواستنەوە دەكات بۆ هێزی ئاسمانی سەربازی تایبەت بە پێشوازیكاری فڕۆكەی نەفەرهەڵگر و دەبێتە پێشوازیكاری فڕۆكەی جێگری سەرۆك وەزیرانی ئێرلەندا.
بەپێی لێكۆڵینەوەی ئێف بی ئای، لیزا لەساڵی 2011 قوڵبۆتەوە لە ئاینی ئیسلام لەكاتێكدا سەربازی وەزارەتی بەرگری ئێرلەندی بووە.

بەردەوام بە لە خوێندنەوە

کوردستان