ئێمە لە تۆرە کۆمەڵایەتیەکان

جیهان

گروپی ئەوروپا: پێویستە توركیا ئۆپەراسیۆنەكانی لە سوريا ڕبگرێت

خەڵك- بەشی هەواڵ
گروپی ئەوروپا لە ئەنجومەنی ئاسایشی نێودەوڵەتی، بەپێویستی دەزانێت توركیا ئۆپەراسیۆنە سەربازییەكانی لە سوریا ڕابگرێت و ڕەتیشیدەكاتەوە، ئۆپەراسیۆنە سەربازییەكە چارەسەری كێشەكان بكات لە سوریا.

گروپی ئەوروپا لە ئەنجومەنی ئاسایشی نێودەوڵەتی، داوای توركیا كرد، ئۆپەراسیۆنە سەربازییەكانی لە باكووری خۆرهەڵاتی سوریا ڕابگرێت و ڕایگەیاند، ئۆپەراسیۆنەكەی توركیا هەڕەشە لەسەر ئەو دەستكەوتانە دروست دەكات كە هاوپەیمانی نێودەوڵەتی لە دژی داعش لە وڵاتەكەدا هێنایەدی.

هەر لەو بارەیەوە گروپی ئەوروپا، ڕەتیكردەوە لەڕێی ئۆپەراسیۆنی سەربازییەوە كێشەكانی سوریا چارەسەربكرین.

لە دوێنێ‌ چوار شەممە 9ی تشرینی یەكەمی 2019، سوپای توركیا لەڕێی بۆردومانی فڕۆكە جەنگییەكانی، هێرش و پەلامارەكانی بۆسەر شار و شارۆچكەكانی ڕۆئاوا دەستپێكرد، دەستپێكردنی ئەم هێرش و پەلامارانەش، هاوكاتە لەگەڵ ڕاگەیاندنی پاشەكشەكردنی هێزەكانی ئەمریكا لە ناوچەكانی باكووری خۆرهەڵاتی سوریا كە لەلایەن كوردەوە بەڕێوەدەبرێن.

جیهان

دامەزرێنەی مایكرۆسۆفت وادەی كۆتایی هاتنی كۆرۆنا ئاشكرا دەكات

خەڵك – بەشی هەواڵ

بیل گەیتس دامەزرێنەی كۆمپانیای مایكرۆسۆفت كە یەكێكە لەو سەرمایەدارانەی جیهان كە هاوكاری لێكۆڵنەوەكان لەسەر ڤایرۆسی كۆرۆنا دەكات لەدیدارێكدا ڕایگەیاند: كۆتایی ساڵی داهاتوو ڤایرۆسی كۆرۆنا كۆتایی دێت و مرۆڤایەتی بەسەریدا زاڵ دەبێت.

گەیتس ئاماژەی بەوەكردووە، سەرەتا ڤایرۆسی كۆرۆنا لای وڵاتانی پێشكەوتوو كۆتایی دێت، لەكاتێكدا وڵاتە هەژارەكان ماوەیەكی تر بەدەست ئەو پەتایەوە دەناڵێنن.

بیل گەیتس ڕاشیگەیاند: پێشبینی دەكرێت ڤایرۆسی كۆرۆنا لەكۆتایی ساڵی 2020 لای وڵاتانی پێشكەوتوو كۆتایی بێت و كۆتایی ساڵی 2021 ئەو ڤایرۆسە لای وڵاتانی هەژار كۆتایی بێت.

دامەزرێنەی كۆمپانیای مایكرۆسۆفت ئەوەی خستەڕوو، لێكۆڵینەوە و داهێنانەكان لەبواری دەستنیشانكردن و دۆزینەوەی چارەسەری نوێ و ڤاكسینی دژی ڤایرۆسی كۆرۆنا سەرسوڕهێنەرە و لەكۆتاییدا ڤاكسینی دژی كۆرۆنا دەدۆزرێتەوە و دەكرێت خۆیان لەو پەتایە بپارێزێن لەڕێگەی ڤاكسینەكانەوە.

بەردەوام بە لە خوێندنەوە

جیهان

فەڕەنسا لەبارەی دۆخی لوبنانەوە هۆشداری دەدات

خەڵك – بەشی هەواڵ

لەكاردانەوەی دەست لەكاركێشانەوەی حكومەتی لوبنان بەسەرۆكایەتی حەسان دیاب، وەزارەتی دەرەوەی فەڕەنسا هۆشداریدا لەوەی لوبنان بەرەو هەرەسهێنان دەڕوات لەكاتی ئەنجام نەدانی چاكسازیی پێویست و ئاماژەی بەوەكرد كاری لەپێشینە بریتییە لەپێكهێنانی كابینەی نوێی حكومەتی لوبنان بەشێوەیەكی خێرا.

وەزارەتی دەرەوەی فەڕەنسا دووپاتی كردەوە، لەم ساتە قورسەدا وڵاتەكەی هاوشان لەگەڵ لوبنان دەوەستێت و پشتیوانی دەكات هەروەك هەمیشە كردوویەتی.

وەزارەتی دەرەوەی فەڕەنسا ئەوەی خستەڕوو, چاكسازییەكان و ئاوەدانكردنەوەی شاری بەیروت یەكێك دەبێت لەدیارترین ئەو ئاستەنگیانەی ڕووبەڕووی حكومەتی نوێی لوبنان دەبێتەوە و جەختیشی كردەوە لەپێویستی گوێگرتن لەداواكارییەكانی گەلی لوبنان لەبارەی چاكسازییەوە.

بەردەوام بە لە خوێندنەوە

جیهان

دوایین ئەنجامی قوربانیانی تەقینەوەكەی بەیروت ڕادەگەیەنرێت

خەڵك- بەشی هەواڵ
وەزارەتی تەندروستی لوبنان، دوایین ئەنجامی قوربانیانی تەقینەوەكەی بەیروت ڕادەگەیەنێت، ئاماژە بە بەرزبوونەوەی ژمارەكەش دەكات بۆ 171 كوژراو، ئەمەش لەكاتێكدایە كە ژمارەی بێسەروشوێنان لەنێوان 30 بۆ 40 كەسدان.

حەمەد حەسەن وەزیری تەندروستی حكومەتی كاربەڕێكەر لە لوبنان لە كۆبوونەوەی لەگەڵ ڕیك برینن بەرپرسی باری نائاسایی لە ڕێكخراوی تەندروستی جیهانی ڕاگەیاند”بەرەنجامی تەقینەوەكەی هەفتەی ڕابردووی بەیروت، بۆ 171 كوژراو بەرزبۆتەوە، ئەمەش لەكاتێكدایە كە تائێستاش ژمارەی بێسەروشوێنەكانی بەهۆی تەقینەوەكەوە، لەنێوان 30 بۆ 40 كەسدان”.

بە وتەی حەمەد حەسەن”نزیكەی 1500 بریندار پێویستییان بە چارەسەری ورد و تایبەت هەیە، وێڕای ئەوەش تائێستا 120 بریندار لەبەر سەختی برینەكەنیان لەژێر چاودێری وردی پزیشكیدان”.

دوێنێ‌ دوو شەممە، حكومەتی لوبنانی بەسەرۆكایەتی حەسان دیاب، بەهۆی تەقینەوەكەی هەفتەی ڕابردووی بەندەری بەیروتەوە، بە فەرمی دەستلەكاركێشانەوەی خۆی پێشكەش بە پەرلەمانی و ڵاتەكە كرد.

بەردەوام بە لە خوێندنەوە

کوردستان