ئێمە لە تۆرە کۆمەڵایەتیەکان

کوردستان

نوێترین تویتی دۆناڵد ترەمپ؛ هەوڵدەدەم كۆتایی بەو جەنگە بێ كۆتاییە بهێنم

خەڵك – بەشی هەواڵ
سەرۆكی ولایەتەیەكگرتووەكانی ئەمریكا ڕایدەگەیەنێت، توركیا دەمێكە پلان بۆ هێرشكردنە سەر كورد دادەنێت و ئەوان هەمیشە لە شەڕدان لەگەڵ یەكدی ، دەشڵێت،”هەوڵدەدەم كۆتایی بە جەنگە بێكۆتاییە بهێنم، لەگەڵ توركیا و كوردەكان گفتوگۆ دەكەم”.

دۆناڵد ترەمپ، سەرۆكی ولایەتە یەكگرتووەكانی ئەمریكا لە تویتێكی نوێدا ، كە ئەمڕۆ پێنجشەممە 10-10-2019 بڵاویكردەوە ڕایگەیاندووە، هەوڵدەدەم كۆتایی بە جەنگە بێ كۆتاییە بهێنم و لەگەڵ توركیا و كوردەكان گفتوگۆ بكەم .
هەر لە تویتەكەیدا ڕاشیگەیاندووە، حكومەتەكەی توركیا دەمێكە پلان بۆ هێرشكردنە سەر كورد دادەنێت و ئەوان هەمیشە لە شەڕدان لەگەڵ یەكدی.

ئاماژەی بۆ ئەوەشكردووە، ئەو ناوچانەی كە ئۆپەراسیۆنەكەی تێدا بەڕێوەدەچێت، هیچ سەربازێكی ئەمریكا و هاوپەیمانانی لێ نەماوە.

ئاشكراشیكردووە، گورزی بەهێزی دارایی لە توركیا دەوەشێنین و سزای دەدەین، ئەگەر بە گوێرەی رێساكان نەجووڵێتەوە، لە نزیكەوە چاودێری رەوشەكە دەكەم.

کوردستان

سكرتێر و جێگر و بڕیاردەری ئەنجوومەنی سەركردایەتی یەكێتی هەڵبژێردران

خەڵك- بەشی هەواڵ

كۆبوونەوەی ئەنجوومەنی سەركردایەتی یەكێتیی نیشتمانیی كوردستان ئەنجامدرا و سكرتێر و جێگر و بڕیاردەری ئەنجوومەنەكە هەڵبژێردران.

پەیامنێری (خەڵك) لە سلێمانی ڕایگەیاند، كە دوانیوەڕۆی ئەمڕۆ كۆبوونەوەی ئەنجوومەنی سەركردایەتی یەكێتی لە سلێمانی بە سەرۆكایەتی هاوسەرۆكایەنی حزبەكە (بافڵ تاڵەبانی و لاهور شێخ جەنگی) ئەنجام درا.

ڕاشیگەیاند، كە لە كۆبوونەوەكەدا بە زۆرینەی دەنگ هەریەكە لە فەرید ئەسەسەرد بۆ سكرتێری ئەنجوومەن و مستەفا چاڵاوی بە جێگری سكرتێر و تابان عەبدوڵڵا بە بڕیاردەری ئەنجوومەنەكە هەڵبژێردران.

بەردەوام بە لە خوێندنەوە

کوردستان

بەرپرسێكی نەوەی نوێ‌ لەڕووداوی هاتووچۆدا گیانی لەدەستدا

خەڵك – بەشی هەواڵ
ئەندامێكی ئەنجوومەنی بەڕێوەبردنی جوڵانەوەی نەوی نوێ بەیانی ئەمڕۆ بە ڕووداوێكی هاوتووچۆ لە نزیك نەخۆشخانەی شار لە سلێمانی گیانی لەدەستدا.

پڕۆفیسۆر د. محەمەد ڕەئوف، مامۆستای زانكۆ و ئەندامی ئەنجوومەنی بەڕێوەبردنی جوڵانەوەی نەوی نوێ بەیانی ئەمڕۆ شەممە 29-2-2020 لەكاتی پەڕینەوەی لە شەقامی بازنەیی مەلیك مەحمود لە نزیك نەخۆشخانەی شار لە سلێمانی تووشی ڕووداوی هاتووچۆ بووە.

بەپێی زانیارییەكان، لە پاش گەیاندنی بە نەخۆشخانەی فریاكەوتنی سلێمانی و مانەوەی بۆ ماوەی چەند كاتژمێرێك، گیانی لەدەستداوە.

پڕۆفیسۆر د. محەمەد ڕەئوف، مامۆستای زانكۆ لەماوەی ڕابردوودا بە زانیارییە ئابوورییەكانی هاوكارێكی گرنگ و بەردەوامی (تۆڕی میدیایی خەڵك) بووە.

بەردەوام بە لە خوێندنەوە

کوردستان

وەزیری تەندروستی بۆ (خەڵك): نزیكەی دوو هەزار كەس بەهۆی كۆرۆناوە كەرەنتینە كراون

سلێمانی – نزار جەزا
وەزیری تەندروستی ڕایدەگەیەنێت، تا ئێستا هەزار و 850 كەس لە 21 شوێنی هەرێمی كوردستاندا خراونەتە ژێر چاودێری تەندروستییەوە.

د. سامان بەرزنجی، وەزیری تەندروستی حكومەتی هەرێمی كوردستان بە (خەڵك)ی ڕاگەیاند، تا ئێستا هەزار و 850 كەس بۆ دڵنیابوون لە تەندروستییان لە 21 شوێندا خراونەتەوە ژێر چاودێرییەوە.

ئەوەشی خستەڕوو، كە لەو ژمارەیە 838 كەس لە هەولێر، 400 لە سلێمانی، 413 لە دهۆك، 150 لە گەرمیان، 43 لە هەڵەبجە و لە كۆیەش 6 كەس خراونەتە ژێر چاودێری تەندروستییەوە.

وەزیری تەندروستی ئاماژەی بەئەوەشدا، كە دوێنێ لە هەموو هەرێمی كوردستاندا تەنیا 37 نمونەی پشكنین لە كەسانی گومانلێكراو وەرگیراوە، لەو ژمارەیەش ئەنجامی 35 كەسیان دەركەوتووە، كە هەڵگری كۆرۆنا نەبوون و دووانەكەی دیكەش هێشتا ئەنجامەكانیان دەرنەچووە.

بەردەوام بە لە خوێندنەوە

کوردستان