ئێمە لە تۆرە کۆمەڵایەتیەکان

کوردستان

بارزانی، داوا لە كۆمەڵگەی نێودەوڵەتی و ئەنجومەنی ئاسایش دەكات ڕۆڵی خۆیان بۆ ڕاگرتنی شەڕ بگێڕن

خەڵك – بەشی هەواڵ
سەرۆكی هەرێمی كوردستان داوا لە كۆمەڵگەی نێودەوڵەتی و ئەنجومەنی ئاسایش دەكات ڕۆڵی خۆیان بۆ ڕاگرتنی شەڕ و گێڕانەوەی ئاشتی بگێڕن، دەشڵێت،” ئامادەی هەموو نێوانگیری و هاوكارییەكن بۆ ڕاگرتنی شەڕ، بۆ ئەم مەبەستەش لە هەوڵی بەردەوامدان”.

نێچیرڤان بارزانی، سەرۆكی هەرێمی كوردستان لە پەیامێكدا دەربارەی ئۆپەراسیۆنە سەربازییەكانی ڕۆژهەڵاتی فورات لە سووریا ڕایگەیاندووە، هەر لە سەرەتاوە بە وردی چاودێریی دۆخەكە دەكەین و بە دڵگرانی و نیگەرانییەكی قووڵەوە لە ئۆپەراسیۆنە سەربازییەكانی ڕۆژهەڵاتی فورات لە سووریا دەڕوانین بەتایبەتی، كە گرووپە توندڕەوەكانی ئۆپۆزسیۆنی سووریا تیایدا بەشدارن.

لە پەیامەكەدا هاتووە، كە داوای لە كۆمەڵگەی نێودەوڵەتی و ئەنجومەنی ئاسایش كردووە، ڕۆڵی خۆیان بۆ ڕاگرتنی شەڕ و گێڕانەوەی ئاشتی بگێڕن، ئامادەیی هەرێمیشی دەبڕێوە ،كە نێوانگیری و هاوكارییەكە بۆ ڕاگرتنی شەڕ، بۆ ئەم مەبەستەش لە هەوڵی بەردەوامدایە.

دەقی پەیامەكە:
هەر لە سەرەتاوە بە وردی چاودێریی دۆخەكە دەكەین و بە دڵگرانی و نیگەرانییەكی قووڵەوە لە ئۆپەراسیۆنە سەربازییەكانی ڕۆژهەڵاتی فورات لە سووریا دەڕوانین بەتایبەتی كە گرووپە توندڕەوەكانی ئۆپۆزسیۆنی سووریا تیایدا بەشدارن. شەڕ، دەرگا بە سەر كوشتار و دەربەدەری و ئاوارەبوونی خەڵكی سڤیل و دروستبوونی ناسەقامگیری لە تەواوی ناوچەكەدا دەكاتەوە و هەڕەشە و مەترسیی سەرهەڵدانەوەی تیرۆریش جددیتر و گەورەتر دەكات.

ئێمە كە لە هەرێمی كوردستان و عێراق قوربانییەكی زۆرمان بۆ تێكشكاندنی تیرۆر داوە و مەینەتییەكانی شەڕمان بینیوە، زۆر بە نیگەرانی و هەستیارییەوە لە ئاڵۆزبوونی دۆخەكە و تێكچوونی ئاسایش و نەمانی سەقامگیری دەڕوانین كە دەرەنجامی چاوەڕواننەكراو و مەترسیداری بۆ ناوچەكە و جیهان لێ دەكەوێـتەوە، بۆیە لەپێناو ڕاگرتنی شەڕ و دروستكردنی ئارامیدا، لە هەوڵی بەردەوامداین و بۆ هەموو نێوانگیری و هاوكارییەك ئامادەین.

شەڕ و پێكدادان تەنیا ئاڵۆزی و پشێوی و مەترسی لە ناوچەكە زیاد دەكات، دەسكەوتەكانی تێكشكاندنی داعش لەناو دەبات و لە بەرژەوەندیی هیچ لایەنێكدا نابێت، بۆیە داوا لە كۆمەڵگەی نێودەوڵەتی و ئەنجومەنی ئاسایش دەكەین چارەسەرێكی دادپەروەرانە بۆ ئایندەی سووریا بدۆزێتەوە بە جۆرێك مافی هەموو پێكهاتەكانی تیادا پارێزراو بێت و بە جددی ڕۆڵی خۆی بۆ ڕاگرتنی شەڕ و گەڕانەوەی سەقامگیری و پاراستنی ئاشتی و دیالۆگ و ڕێگەچارەی سیاسی بگێڕێت و ڕێگە نەدرێت خەڵكی سڤیل دەربەدەر و ئاوارە ببن.

نێچیرڤان بارزانی

سەرۆكی هەرێمی كوردستان

10/10/2019

کوردستان

مامۆستایان دەست بەناڕەزایەتییەکانیان دەکەنەوە

خەڵک – بەشی هەواڵ

ئەگەر داواکاری مامۆستایان جێبەجێنەکرێت، لەهەفتەى ئایندەوە لەیەکەم ڕۆژی دەستپێکردنەوەی دەوامی خوێندندا دەست بەناڕەزایەتییەکان دەکەنەوە.

 

یاسین عەبدوڵا وەک نوێنەری  مامۆستایانی ناڕازی و دەستەی داکۆکی لەمامۆستایانی زانکۆ و پەیمانگاکان و ئەنجومەنی فشار لەکۆنفڕانسێکی ڕۆژنامەوانیدا ڕایگەیاند، هیچ جۆرە میکانیزمێک و شێوازێک سەرکەوتوونابێت، مامۆستایان پێوەی پابەندنابن پێوەی، ئەگەر پێش ئەو بڕیارە داواکانیان جێبەجێنەکەن.

 

ئاماژەى بەئەوەشدا، موچەی تەواو لە٣٠ ڕۆژدا دابەشبکرێت و پلەبەرزکردنەوەى مامۆستایان دەستپێبکاتەوە و چارەنووسی موچە پاشەکەوتکراوەکان دیاریبکرێت، کە لەڕەزامەندی مامۆستایان بێت.

 

ئەوەشی خستەڕوو، خوێندنی ئەلیکترۆنی ڕەتدەکەنەوە، چونکە سەرکەوتوونابێت و ئاستی زانستی خوێندکاران دادەبەزێت، بەڵام بۆئەوەی موچەى مامۆستایان لەکاتى خۆیدا دابەشنەکەن، خوێندنیان کردووە بە ئەلیکترۆنی.

 

باسی لەئەوەشکرد، ئەگەر داواکارییەکانیان جێبەجێنەکرێت، لە٢٧ی مانگ لەیەکەم ڕۆژی دەستپێکردنی خوێندندا خۆپیشاندانی سەرتاسەری لەهەموو هەرێمی کوردستان بەپایتەختیشەوە ئەنجامدەدەن.

 

بەردەوام بە لە خوێندنەوە

کوردستان

قادر حەمە جان: كەس ناتوانێت مێژووی یەكێتی لەكەدار بكات

خەڵك- بەشی هەواڵ
ئەندامێكی ئەنجوومەنی باڵای سیاسیی و بەرژەوەندی یەكێتیی نیشتمانیی كوردستان دەڵێت: هیچ دەستەیەك ناتوانێت خەباتی گەلەكەمان بە گشتی و یەكێتی بە تایبەتی لەكەدار بكات.

قادر حەمە جان لە مەراسیمی بەخاكسپاردنی هاوسەری شێخ جەعفەر مستەفا جێگری سەرۆكی هەرێمی كوردستان لە لێدوانێكدا بۆ رۆژنامەنووسان رەخنەی لەوانە گرت كە هەوڵی لەكەداركردنی مێژووی یەكێتی دەدەن.

وتیشی: كورد وەك نەتەوەیەكی گەورە هەمیشە لەخەباتدا بووە، بۆیە هیچ دەستەیەك، ناتوانێت خەباتی گەلەكەمان بە گشتی و یەكێتی بە تایبەتی لەكەدار بكات.

ئاماژەی بەوەشكرد، رژێمی عێراق لە هەموو قۆناغەكانیدا، لە رێی ناپاك و خۆفرۆشەكانیەوە هەوڵی دەدا، ژیان و خەباتی یەكێتی و خەباتی گەلەكەمان لەكەدار بكات، سەرەڕای ئەو هەموو توانا هەواڵگری و هێزە داپڵۆسێنەرەكانیان. لێرەشەوە رایدەگەیەنین كە هیچ كەسێك ناتوانێت خەبات.

بەردەوام بە لە خوێندنەوە

کوردستان

محەمەدی حاجی مەحمود داوای گرتنەوەی ئاوی دوكان و دەربەندیخان دەكات

خەڵك- بەشی هەواڵ
سكرتێری گشتی حزبی سۆسیالیستی دیموكراتی كوردستان داوای گرتنەوەی ئاوی بەنداوەكانی دوكان و دەربەندیخان دەكات لە دژی عێراق.

محەمەدی حاجی مەحمود بۆ دەنگی ئەمریكا وتی: چەند كارت و پێشنیارێك هەیە كە كورد دەتوانێت بەرامبەر حكومەتی عیراقی بەكاریبهێنێت.

وتیشی: ئەم ماوەیە كە حكومەتی عێراقی هەندێك فشاری زیاتری خستە سەر هەرێمی كوردستان، موچەی خەڵكی بڕیووە، بودجەی كوردستانی بڕیووە، زۆر لەپەیوەندییەكانی بڕیووە من خۆم ئەگەر لەم وڵاتە بەرپرس بوومایە، دوو سێ كارتی بەهێزم بەكاردەهێنا.

رونیشیكردەوە، كارتی یەكەم گرتنەوەی سەدی دوكان و دەربەندیخان كە ئەوە گەورەترین كاریگەری هەیە لەسەر باشور و ناوەڕاستی عێراق، خاڵی دووەم كشانەوە لەبەغداد بوو بەسەرۆك كۆمار و هەموو كورد لە بەغداد بكشێتەوە، چونكە ئەگەر كورد بكشێتەوە لە عێراق ناوی عێراق نابێت ئەویش وەكو وڵاتەكانی تر وڵاتێكی عەرەبی دەبێت.

راشیگەیاند، كارتی سێیەم دوو ملیۆن ئاوارە لەكوردستانن بۆ لەكوردستانن ئیشیان چییە؟! بابڕۆنەوە باشور و ناوەڕاستی عێراق یان دیپۆرتمان دەكردنەوە یان ڕێگەی توركیامان بۆ دەكردنەوە بڕۆن بۆ دەرەوە.

بەردەوام بە لە خوێندنەوە

کوردستان