ئێمە لە تۆرە کۆمەڵایەتیەکان

جیهانی

پێشنیارەکانی ئانێللی بۆ گۆڕینی سیستمی چامپیۆنز لیگ بەهۆی دژایەتی توندی یانەکانەوە ڕاگیرا !

خەڵک سپۆرت

ڕابیتەی یانە پیشوەرەکانی ئەوروپا پێشنیاری گۆڕینی سیستمی بەڕێوەچوونی ململانێکانی خولی یانە پاڵەوانەکانی ئەوروپای خستەوە بەر باس و دووبارە ڕووبەڕوی دژایەتی توندی یانەکان بووەوە.

ڕابیتەی یانە پیشەوەرەکانی ئەوروپا کە نوێنەرانی زیاتر لە ٢٠٠ یانەی پرۆفیشناڵی کیشوەری ئەوروپا دەکات، دووبارە پێشنیاری گۆڕانکاری سیستمی بەڕێوەچوونی ململانێکانی چامپیۆنز لیگی خستەوە سەر مێزی گفتوگۆکردن و ئەمجارەش بەهۆی دژایەتیکردنی زۆرینەی یانەکانەوە پێشنیارەکە تا کاتێکی نادیار دواخرا.

میدیا بیانەکان لەزاری چەند سەرچاوەیەکی ناوخۆیی یەکێتی تۆپی پێی ئەوروپاوە (یوێفا) ئاشکرایان کردووە، لەماوەی دوو ڕۆژی ڕابردوودا لیژنەی دارایی و ئەندامانی ئەنجومەنی یەکێتی تۆپی پێی ئەوروپا لەبارەی پێشنیاری ڕابیتەی یانەکانەوە گفتوگۆی چڕوپڕیان ئەنجامداوە و لەکۆتاییشدا نەگەیشتونەتە ئەنجام.

پێشنیارەکانی ئەندریا ئانێللی سەرۆکی ڕابیتەی یانە پیشوەرەکان و هاوڕێکانی بریتیە لە گۆڕینی سیستمی چامپیۆنزلیگ و سەرخستنی ٢٤ یانەی هەمیشەیی لەپاڵ یانە سەرکەوتووەکانی یوروپا لیگ و خولە ناوخۆییەکان، بەڵام ئەم پێشنیارە تەنها لەلایەن یانە زەبەلاحەکانەوە پاڵپشتی کراوە و تەواوی یانە مامناوەند و بچوکەکان ڕەتیان کردۆتەوە، بەڵکو دژایەتیەکی توندیشیان کردووە، لەسەر ئەم ڕۆشناییەش سەرۆکایەتی (یوێفا) بڕیاردانی لەسەر پێشنیارەکە ڕاگرتووە تا ئەو کاتەی بەڕێوەبەرە تاکنیکیەکان و کەسانی پسپۆر لەبارەیەوە گفتوگۆ دەکەن.

جیهانی

هێرناندێز هێرناندێز وەک داوەری یاریی کلاسیکۆ دیاری کرا

خەڵک سپۆرت

ئەلیخاندرۆ خوسێ هێرناندێزی ئیسپانی لەلایەن ڕایەڵەی یانەکانی ئیسپانیاوە وەک داوەری کلاسیکۆی چون لە یاریگای “کامپ نو” دەستنیشان کرا.

ڕایەڵەی یانەکانی ئیسپانیا لەنێوان چوار داوەری ناوداری خولی ئیسپانیا بڕیاریدا ئەلیخاندرۆ خوسێ هێرناندێزی ناسراو بە “هێرناندێز هێرناندێز” یاریی کلاسیکۆی چون لە یاریگای کامپ نوی تایبەت بە یانەی بەرشلۆنە بەڕێوەببات.

هێرناندێز یەکێکە لە داوەرە خاوەن کەسایەتیە بەهێزەکان و تائێستا سێ ڕووبەڕوبونەوەی کلاسیکۆی بەڕێوەبردووە، ئەنجامی کلاسیکۆیەکیان بردنەوە بووە بۆ ڕیاڵ مەدرید (٢ – ١)، هەروەها یارییەکیش یەکسانبوون (٢ – ٢)، لە ڕووبەڕوبونەوەیەکی تریشدا یانەی بەرشلۆنە براوە بووە (٣ – ٢).

هێرناندێز لەژیانی وەرزشییدا کاردی سوری بەڕووی سێرجیۆ ڕامۆسی کاپیتانۆی ڕیاڵ مەدرید بەرزکردۆتەوە، هەروەها لە هەژمارکردنی پەناڵتی لە کامپ نو لەسەر یانەی بەرشلۆنە سوربووە و لایەنگری هیچکام لە دوو یانە زەبەلاحەکە نییە.

میدیاکانی ئیسپانیا بەگشتی لەبارەی ئەم داوەرەوە ناڕەزاییەتیان دەرنەبڕیوە سەرباری بوونی چەندین حاڵەتی گومانلێکراو لەو سێ کلاسیکۆیەی ئەنجامیداوە.

بەردەوام بە لە خوێندنەوە

جیهانی

لە یاریی مان و نەماندا ئینتەرمیلان ئامادەیە و بەرشلۆنە بەبێ مێسی ڕووبەڕوی دەبێتەوە

خەڵک سپۆرت

سبەیشەو ڕووبەڕوبونەوەیەکی گرنگ و چارەنوسازی قۆناغی کۆمەڵەکانی چامپیۆنز لیگ لە شاری میلانۆ ئەنجام دەدرێت و تەنها بە بردنەوە ئینتەرمیلان لە داوی دەرکردن ڕزگار دەکات.

سبەیشەو کاتژمێر (١١:٠٠) بەکاتی کوردستان لە یاریگای جوسێپی میاتزا ڕووبەڕوبونەوەی گەڕی شەشەمی کۆمەڵەی شەشەم ئەنجام دەدرێت و یانەی ئینتەر میلان لەنێو یاریگا و هاندەرانیدا تەنها بەبردنەوە دەتوانێت سەرکەوتن بۆ قۆناغی (١٦) مسۆگەر بکات، جگە لەو ئەنجامە هەر ئەنجامێکی تر ناچاریان دەکات چاوەڕوانی ئەنجامی یاریی نێوان بوروسیا دۆرتمۆند و سلاڤیا پراگ بکەن.

ئەنتۆنیۆ کۆنتی ڕاهێنەری نێراتزۆری لەم بارەیەوە ڕایگەیاندووە :” تەنها ئامادەبوونی یاریزانان دادمان نادات، بەڵکو پێویستە هاندەران و یاریگا ئامادەبێت و بە ئەقڵیەتی بردنەوە یاریی بکەین، هەرچی لەتواناماندا بێت بۆ بردنەوە و تۆماری گۆڵ بەرامبەر بەرشلۆنە بەکاری دەخەین و گرنگیشە یانەی بەرشلۆنە لەوپەڕی توانا هونەریەکانیدا نەبێت”.

میدیاکانی ئیتاڵیا ماوەی دوو ڕۆژە تەپڵی کۆکردنەوەی کۆمەڵەی هاندەران لێدەدەن و داوا لە کۆرڤا نود دەکەن بەوپەڕی هێزەوە هانی مارە شینەکان بدەن بۆ سەرکەوتن بەسەر یانەی بەرشلۆنە، لەکاتێکدا یانە ئیسپانیەکە سەرکەوتنی مسۆگەر کردووە و پێویستی بە ئەنجامەکە نییە.

لەبەرامبەردا یانەی بەرشلۆنە بەفەرمی لیستی یاریزانە بەشدارەکانی لەو یارییەدا ئاشکرا کرد، تیایدا ناوەکانی هەریەک لە جێرارد پیکێ و لیۆ مێسی ئەفسانە و سێرجی ڕۆبێرتۆ نەهاتووە واتا ئێرنێستۆ ڤاڵڤێردی بەهۆکاری هونەری و حەوانەوە ئەم سێ ناوەی دوورخستۆتەوە، لەبەرامبەردا بانگهێشتی ئانسو فاتی ئەستێرەی لاوی کردووە.

بەردەوام بە لە خوێندنەوە

جیهانی

(بەفەرمی) بەهۆی ئابڕوچونی ماددە وزەبەخشەکانەوە ڕوسیا بەشداری مۆندیالی قەتەر ناکات !

خەڵک سپۆرت

ئاژانسی ڕووبەڕوبونەوەی ماددە وزەبەخشەکان بەفەرمی سزای چوار ساڵ سڕکردنی بەسەر ڕوسیا ووەرزش و وەرزشکارانی ئەو وڵاتەدا سەپاند.

ئەمڕۆ لیژنەی ڕووبەروبونەوە بەکارهێنانی ماددە وزەبەخشەکان لە سویسرا کۆتا کۆبونەوەی سەبارەت بە کەیسی ڕوسیا و بەکارهێنانی ماددە وزەبەخشەکان ئەنجامدا، تەواوی ئەندامانی لیژنەکە کە (١٢) ئەندام بوون پێیان وابوو ڕوسیەکان لە ڕێسا کارپێکراوەکان لایانداوە و دەنگیان لەسەر سزادانی ئەو وڵاتەدا.

لەڕابردوودا پشکنەرە نێودەوڵەتیەکان ئاشکرایان کرد، کە وڵاتی ڕوسیا پڕۆسەی بەکارهێنانی ماددە وزەبەخشەکان لەسەر وەرزشکارانیی جێبەجێ دەکات و لیژنەی ئۆڵۆمپی جیهانی لەم بارەیەوە لێکۆڵینەوەی دەستپێکرد، بەڵام کاربەدەستانی ڕوسیا ئامادەنەبوون ئەنجامی پشکنینەکان پێشکەش بکەن.

بەم هۆیەوە لیژنەکانی لێکۆڵینەوە کەیسەکەیان بۆلیژنەی جیهانی ڕووبەڕوبونەوەی بەکارهێنانی ماددە وزەبەخشەکان بەرزکردەوە و ئەوانیش لەلایەن خۆیانەوە بۆ ماوەی چوار ساڵ سزایان بەسەر وڵاتی ورچە سپییەکاندا سەپاند، لەو ماوەیەدا تیمەکانی ئۆڵۆمپی ڕوسیا ناتوانن بەشداری ئۆڵۆمپیادی تۆکیۆی ٢٠٢٠ بکەن و هەڵبژاردەی تۆپی پێی ڕوسیاش لەمۆندیالی ٢٠٢٢ دووردەخرێتەوە.

بەپێی ئەو زانیارییانەی لەسەرچاوەکانەوە بڵاودەکرێنەوە، هەڵبژاردەی تۆپی پێی ڕوسیا دەتوانێت لە جامی نەتەوەکانی ئەوروپای ساڵی ٢٠٢٠ بەشداری بکات، بەوپێیەی یەکێتی تۆپی پێی ئەوروپا کار بە بڕیارەکانی لیژنەی ئۆڵۆمپی جیهانی ناکات.

بەردەوام بە لە خوێندنەوە

کوردستان