ئێمە لە تۆرە کۆمەڵایەتیەکان

جیهانی

پێشنیارەکانی ئانێللی بۆ گۆڕینی سیستمی چامپیۆنز لیگ بەهۆی دژایەتی توندی یانەکانەوە ڕاگیرا !

خەڵک سپۆرت

ڕابیتەی یانە پیشوەرەکانی ئەوروپا پێشنیاری گۆڕینی سیستمی بەڕێوەچوونی ململانێکانی خولی یانە پاڵەوانەکانی ئەوروپای خستەوە بەر باس و دووبارە ڕووبەڕوی دژایەتی توندی یانەکان بووەوە.

ڕابیتەی یانە پیشەوەرەکانی ئەوروپا کە نوێنەرانی زیاتر لە ٢٠٠ یانەی پرۆفیشناڵی کیشوەری ئەوروپا دەکات، دووبارە پێشنیاری گۆڕانکاری سیستمی بەڕێوەچوونی ململانێکانی چامپیۆنز لیگی خستەوە سەر مێزی گفتوگۆکردن و ئەمجارەش بەهۆی دژایەتیکردنی زۆرینەی یانەکانەوە پێشنیارەکە تا کاتێکی نادیار دواخرا.

میدیا بیانەکان لەزاری چەند سەرچاوەیەکی ناوخۆیی یەکێتی تۆپی پێی ئەوروپاوە (یوێفا) ئاشکرایان کردووە، لەماوەی دوو ڕۆژی ڕابردوودا لیژنەی دارایی و ئەندامانی ئەنجومەنی یەکێتی تۆپی پێی ئەوروپا لەبارەی پێشنیاری ڕابیتەی یانەکانەوە گفتوگۆی چڕوپڕیان ئەنجامداوە و لەکۆتاییشدا نەگەیشتونەتە ئەنجام.

پێشنیارەکانی ئەندریا ئانێللی سەرۆکی ڕابیتەی یانە پیشوەرەکان و هاوڕێکانی بریتیە لە گۆڕینی سیستمی چامپیۆنزلیگ و سەرخستنی ٢٤ یانەی هەمیشەیی لەپاڵ یانە سەرکەوتووەکانی یوروپا لیگ و خولە ناوخۆییەکان، بەڵام ئەم پێشنیارە تەنها لەلایەن یانە زەبەلاحەکانەوە پاڵپشتی کراوە و تەواوی یانە مامناوەند و بچوکەکان ڕەتیان کردۆتەوە، بەڵکو دژایەتیەکی توندیشیان کردووە، لەسەر ئەم ڕۆشناییەش سەرۆکایەتی (یوێفا) بڕیاردانی لەسەر پێشنیارەکە ڕاگرتووە تا ئەو کاتەی بەڕێوەبەرە تاکنیکیەکان و کەسانی پسپۆر لەبارەیەوە گفتوگۆ دەکەن.

جیهانی

ئوزێل وەڵامێکی توندی ڕەخنەگران و ڕاهێنەری ئارسیناڵی دایەوە: هەموو شتێک هەر منم؟!

خەڵک سپۆرت

مەسعود ئوزێلی ئەستێرەی ئەڵمانی یانەی ئارسیناڵ بەتوندی وەڵامی ڕاهێنەری یانە و ئەو ڕەخنەگرانە دەداتەوە، کە پێیان وایە لەم وەرزەدا هۆکاری شکستی یانەکەی بووە.

ماوەی مانگێک زیاترە ئوزێل بەهۆی هۆکارە ئەمنیەکانەوە لەپێکهاتەی ئارسیناڵ دوورخراوەتەوە، لەدوای کۆتایی هاتنی وادەی لێکۆڵینەوە پۆلیسیەکان ناوبراو لەلایەن ئونای ئیمیری ڕاهێنەرەوە سڕکراوە و تەنها لە دوو ڕووبەڕوبونەوەدا بەشداری کردووە، ئەوەش بێزاری لای یاریزانەکە دروست کردووە لە کاتێکدا گرانبەهاترین یاریزانی یانەکەیە و هەفتانە بڕی ٣٥٠ هەزار پاوەند موچە وەردەگرێت.

ئوزێل لەم بارەیەوە بە “دەیلی مەیڵ”ی ڕاگەیاندووە :” ئەگەر لە یارییە گەورەکاندا باش نەبوینایە، هەمیشە هەڵە هەڵەی من دەبوو، ئەگەر ئەوە ڕاست بێت، چۆن لێکدانەوە بۆ ئەنجام و ئاستی یارییە گەورەکانی ئەم وەرزە دەکەن کە من تیایدا دوورخراومەتەوە؟ جیاوازیەکی ڕاستەقینە لەم بابەتەدا نییە”.

هەروەها دەڵێت :” دەزانم خەڵکانێک بەردەوام چاوەروانی زیاترم لێدەکەن و چاوەڕێن یاریی بکەم و جیاوازی دروست بکەم، بەڵام ئەوەش بابەتێکی ئاسان نییە، چونکە من تاکە یاریزان نیم لە پێکهاتەکەدا، لە بیریشتان نەچێت هەندێک لە ڕکابەرە گەورەکان لەئێمە بەهێزترن”.

لەلێدوانێکی جیاوازدا (عازف اللیل) بە ماڵپەڕی “تۆڵک سپۆرت”ی بەریتانی ڕاگەیاندووە :” ئەوەی بەسەر من هاتووە بارودخۆێکی نەخوازراوە و هۆکارێک نییە بۆ جێهێشتنی یانەی ئارسیناڵ، بۆندەکەم تا هاوینی ٢٠٢١ درێژەی هەیە و تا ئەو کاتە لێرە بەردەوام دەبم”.

بەردەوام بە لە خوێندنەوە

جیهانی

میلان لە گواستنەوەی جەنگاوەرەکەی یوڤانتۆس نزیک بۆتەوە !

خەڵک سپۆرت

ئیدارەی یانەی ئەی سی میلانی ئیتاڵی لە گواستنەوەی ماریۆ مانزۆکیچی کرواتی نزیک بونەوە و یاریزانەکە سێ هەڵبژاردەی لەبەردەمدایە.

ماریۆ مانزۆکیچی هێرشبەری کرواتی لەم وەرزەدا پێگە سەرەکیەکەی لە پێکهاتەی ماوریزیۆ ساری لە یوڤانتۆپس لەدەستداوە، بەوهۆیەوە ماوەیەکی زۆرە لە یاریکردن دابڕاوە و هەموو ئەگەرەکانیش بەو ئاڕاستەیەن لە نزیکترین وادەی گواستنەوەدا یانەی خانمە پیرەکە بەجێبهێڵێت.

پێگەی “ئیل جۆرناڵی”ی ئیتاڵی ئاشکرای کردووە، لە چەند هەفتەی ڕابردوودا دەنگۆی ئەوە هەبووە هێرشبەری ناوبراو پەیوەندی بە یانەی مانچستەر یونایتدەوە بکات و لەهەمان کاتدا یانەکانی ئینتەرمیلان و ئەی سی میلان هاتونەتە نێو هاوکێشەکە و بەتایبەت ڕۆسۆنێری نزیکە لە گواستنەوەیەوە.

بەپێی سەرچاوەکە، مان یونایتد لە گفتوگۆکاندا بۆ گواستنەوەی ماندزۆکیچ سەرکەوتوو نەبوون، بەڵام هێشتا ئەو یانەیە هەڵبژاردەیەکە و ئەوەی پێشەنگی گفتوگۆکانی گرتووە یانەی ئەی سی میلانە، کە بەسەرپەرشتی زڤۆنیمێر بۆبانی بەڕێوەبەر و بە یاریدەی ئانتی ڕیبیچی یاریزانی کرواتی پڕۆسەیەکیان بۆ قایلکردنی مانزۆ دەستپێکردووە، هەروەها یانەی ئینتەرمیلانیش بەهەمان شێوە لەنێو گفتوگۆکاندایە.

ئیل جۆرناڵی دووپاتی دەکاتەوە، یانەی ئینتەرمیلان دەیانەوێت وەک شوێنگرەوەی لوکاکۆ مامەڵە لەگەڵ مانزۆی کرواتی بکەن بۆیە ئەگەر زۆرە لە گفتوگۆکاندا سەرکەوتوو نەبن، جگە لەوەش نوێنەرانی یوڤانتۆس پێیان باشترە یاریزانەکەیان ئاڕاستەی ئەی سی میلان بکەن نەک ئینتەرمیلان، کە لەم وەرزەدا ڕکابەری سەرخەتی یانە سپی و ڕەشەکەیە.

بەردەوام بە لە خوێندنەوە

جیهانی

ماتیۆس بۆ بایرن میونشن: لەبەر ئەم هۆکارە، مایسترۆی تۆتنهام مەکڕن !

خەڵک سپۆرت

لۆتەر ماتیۆسی ئەفسانەی ئەڵمانیا و یانەی بایرن میونشن هۆشداری بە یانە ئەڵمانیەکە دەدات سەبارەت بە کڕینی یەکێک لە یاریزانە ناودارەکانی یانەی تۆتنهام.

لەماوەی ڕابردوودا دەنگۆی گواستنەوەی کریستیان ئیریکسن لە یانەی تۆتنهامەوە بۆ بایرن میونشن بڵاوکرایەوە، میدیاکانی بەریتانیا ئاماژەیان بەوە کردووە کە ئیدارەی یانە باڤاریەکە دەیانەوێت سود لە تێکچونی ڕەوشی یانە ئینگلیزیەکە وەربگرن و هەوڵەکانیان بۆ گواستنەوەی یاریزانە ٢٧ ساڵە دانیمارکیەکە چڕ بکەنەوە.

لەم بارەیەوە لۆتەر ماتیۆسی ئەفسانەی ئەڵمانیا بە “بێلد سپۆرت”ی ڕاگەیاندووە :” ماوەیەکی زۆر چاودێری تواناکانی ئیریکسنم کرد و بەتایبەت لە ساڵی ٢٠١٩ توشی بێهیوایی کردم، بەنسبەت منەوە پەیوەندیکردنی ئەم یاریزانە بە بایرنەوە هیچ واتایەکی نابێت و دەبێتە موفاجەئە بۆم، چونکە لەو جۆرە یاریزانانە نییە کە سود بە بایرن بگەیەنێت”.

ماتیۆس تەنها بەو ڕوونکردنەوەیەوە ناوەستێت، بەڵکو هۆکاری ئەم بۆچونەی ئاشکرا دەکات و دەڵێت :” ئەگەر ئیریکسن بەپێی پێویست سود بە تۆتنهام نەگەیەنێت کەواتە چۆن سودمەند دەبێت بۆ بایرن؟ جگە لەوەش ئۆلی هۆنێسی سەرۆکی باڤاری ئاماژەی کردووە کە پێویستی بە یاریزانی یەدەگ نییە، دان بەوەدا دەنێم کە دانیمارکیەکە یاریزانێکی تاکتیکیە، بەڵام زۆر لەسەرخۆیە، نیکۆ کۆڤاچی ڕاهێنەری بایرنیش لەو جۆرە ڕاهێنەرانەیە کە حەزی بە یاریزانی خێرایە”.

بەردەوام بە لە خوێندنەوە

کوردستان