ئێمە لە تۆرە کۆمەڵایەتیەکان

کوردستان

وەزیری دەرەوەی ئیتاڵیا: هێرشەكەی توركیا جێگەی قەبوڵكردن نییە


خەڵك –بەشی هەواڵ

وەزیری دەرەوەی ئیتالیا لوێجی دی مایۆ ئەمڕۆ پێنج شەممە ڕایگەیاند هێرشی توركیا دژی شەڕڤانە كوردەكان لە سووریا جێگەی قەبوڵكردنییە و داوای بەپەلە ڕاگرتنی كرد.

مایۆ لەكۆنگرەیەكدا لە ڕۆما ڕایگەیاند، هێرشەكەی توركیا جێگەی قەبوڵكردن نییە، شەرمەزاری دەكەن، كردە لەشكرییەكان لە ڕابردوودا بوونە هۆی زۆرتربوونی تیرۆر.

ئاماژەی بەوەشكرد داوای بەپەلە ڕاگرتنی هێرشەكان دەكەن.

ریکلام

کوردستان

دەربارەی دەوام فەرمانبەران ئاگادار دەكرێنەوە


خەڵك- بەشی هەواڵ
بەڕێوەبەرایەتی شارەوانی بەكرەجۆ فەرمانبەران ئاگادار دەكاتەوە، كە لەكاتی دەستپێكردنەوەی دەوام پابەندی ڕێكارەكانی خۆپارێزی بن و بە دەستكێش و دەمامكەوە دەوام بكەن.

ئەندازیار، عومیر حەسەن، بەڕێوەبەری شارەوانی بەكرەجۆ لە ڕاگەیەنراوێكدا ئاماژەی بەوەكردووە، “ھیوام ساغی و سەلامەتی بۆ فەرمانبەران دەخوازم و بە دوور بن لە نەخۆشی و ناخۆشی”.

ڕاشیگەیاندووە، لە پێناو سەلامەتی خۆتان و ھاوڕێكانتان و خەڵكی شار و وڵاتماندا پێویستە پابەند بن بە ڕێنماییەكانەوە و ڕەچاوی ئەم خاڵانە بكەن لەكاتی دەوام كردنتاندا :

1- پێویستە لە كاتی ھاتنتان و دەوامدا دەستكێش و دەمامك بەكاربھێنن .

2- ئەو بەڕێزانەی تووشی ھەر نەخۆشیەك بوون وەك كۆكە و ھەڵامەت، كە دەبێتە ھۆی دڵەڕاوكی بۆ خۆی و فەرمانبەرەكانی ھاوڕێی، تكایە با پەیوەندی بكات بە ئیدارەوە و دەتوانێت دەوام نەكات و دواتر بڕیار لەسەر مۆڵەتەكەی دەدەین و ئیشەڵا كەس نەخۆش نابێت .

3- هاووڵاتیان بە دەستكێش و دەمامك ڕێگەیان پێ دەدرێت بێنە نێو فەرمانگەكەمان، بە پێچەوانەوە مامەڵەكەی لە پرسگە لێی وەردەگیرت تاكو تەواو بوونی كارەكەی سەردانمان دەكاتەوە.

بە بڕیارێكی وەزارەتی ناوخۆی هەرێم لە 1ی حوزەریانەوە تاوەكو ئێوارەی ئەمڕۆ 6ی حوزەیران قەدەغەی هاتووچۆ بۆ ڕێگری لە بڵاوبوونەوەی كۆرۆنا ڕاگەیەنرا و دەوامی فەرمانبەران كرا بە پشوو، بۆیە ئێوارەی ئەمڕۆ كۆتایی بە دۆخەكە دێت و دەوامی فەرمانبەران بەشێوەی تەناوب دەست پێ‌ دەكاتەوە ئەگەر بڕیارێكی دیكە بۆ درێژكردنەوەی پشووی فەرمانگەكان دەرنەچێت.

بەردەوام بە لە خوێندنەوە

کوردستان

هاوسەرەكەی جەبار فەرمان ماڵێكی پێشكەشی ماڵی‌ ساوایان‌ كرد


خەڵك – بەشی هەواڵ
بەڕێوەبەرایەتی گشتی‌ چاودێری‌‌ و گەشەپێدانی‌ كۆمەڵایەتی‌ سلێمانی ڕایدەگەیەنێت، هاووڵاتیەكی‌ خێرخواز و ژمارەیەك لە ئەندامانی‌ خانەوادەكەی ‌ماڵێكێكیان (بینایەكیان) پێشكەشی ماڵی‌ ساوایانی‌ منداڵان كرد.

بەڕێوەبەرایەتی گشتی‌ چاودێری‌‌ و گەشەپێدانی‌ كۆمەڵایەتی‌ سلێمانی لە ڕاگەیەنراوێكدا، كە وێنەیەكی بۆ (خەڵك) هاتووە ڕایگەیاندووە، ئەمڕۆ شەممە 6ی حوزەیران بە ئامادەبوونی‌ خاتو كوێستان محەمەد، وەزیری‌ كار و كاروباری‌ كۆمەڵایەتی ‌‌و عومەر گوڵپی‌، ‌ بەڕێوەبەری گشتی چاودێری و گەشەپێدانی كۆمەڵایەتی سلێمانی و ژیار جەلال، بەڕێوەبەری‌ چاودێری‌ كۆمەڵایەتی‌ سلێمانی‌‌ و هاووڵاتی‌ خێرخواز (سەبیحە شێر محەمەد) و ژمارەیەك لە ئەندامانی‌ خانەوادەكەی‌، مەڕاسیمێكی‌ تایبەت بە پێشكەشكردنی‌ ماڵێك (بینایەك) بە ماڵی‌ ساوایانی‌ منداڵانی‌ سەر بە بەڕێوەبەرایەتی‌ چاودێری‌ كۆمەڵایەتی‌ سلێمانی‌ بەڕێوەچوو.

ئاماژە بۆ ئەوەشكراوە، لە مەڕاسیمەكەدا خاتوو سەبیحە سوپاسی‌ خوای كرد، كە هاوكاریكردووە، كە ئەو ماڵەیە وەك خێر و چاكەیەك بۆ كوڕی‌ كۆچكردوویان كاكە (ڕەوەند جەبار فرمان) پێشكەش بە ماڵی‌ ساوایانی‌ منداڵان بكات.

هاوكات كوێستان محەمەد، وەزیری‌ كار و كاروباری‌ كۆمەڵایەتی‌ سوپاسی‌ سەبیجە و سەرجەم ئەندامانی‌ خانەوادەكەی‌ كرد، بۆ پێشكەشكردنی‌ ئەو بینایە بە ماڵی‌ ساوایان‌ و هیوای‌ خواست نمونەی‌ چاكەی‌ لە شار و هەرێمەكەماندا زۆر بێت.

ماڵی‌ ساوایانی‌ منداڵان، دامەزراوەیەكی‌ حكومییە و سەر بە (بەڕێوەبەرایەتی‌ چاودێری‌ كۆمەڵایەتی‌ سلێمانی)ە و منداڵانی‌ یەك ڕۆژە بۆ چوار ساڵ لە خۆ دەگرێت‌ و لە كوردستاندا تەنها ماڵە، كە دەتوانێت ئەو تەمەنەی‌ منداڵان لە خۆبگرێت و خزمەتگوزاری‌ خۆی‌ پێشكەش بەو منداڵانە بكات، كە لەو تەمەنەدا خێزانەكانیان لەدەست دەدەن.

بەردەوام بە لە خوێندنەوە

کوردستان

هاتووچۆی سلێمانی و هەولێر لەسەر دەوام و مامەڵەی هاوولاتیان ڕوونكردنەوە دەدەن


خەڵك- بەشی هەواڵ
هەریەكە لە  بەڕێوەبەرایەتی هاتووچۆی سلێمانی و هەولێر لەسەر دەوام و پڕكردنەوەی فۆڕمی سەرەی مامەڵەی هاووڵاتیان ڕوونكردنەوەیەك بڵاودەكەنەوە.

بەڕێوەبەرایەتی هاتووچۆی سلێمانی لە ڕوونكردنەوەكەدا، كە وێنەیەكی دراوە بە (خەڵك) ئاماژەی بەوەكردووە، سەبارەت بەو هاووڵاتییانەی هەفتەی پێشوو فۆڕمیان پڕكردبووەوە و بۆ ٦/۱ ناویان هاتبووەوە، كە سەردانی بەڕێوەبەرایەتی بكەن، دەتوانن سبەینێ یەك شەممە ٦/۷ سەردانی بەڕێوەبەرایەتیمان بكەن.

ڕاشیگەیاندووە، لیستێكی تایبەتیان بۆ دروست دەكرێت بەمەبەستی ڕایی كردنی مامەڵەكانیان.

لای خۆشیەوە، بەڕێوەبەرایەتی هاتووچۆی هەولێر لە ڕاگەیەنراوێكدا ئاماژەی بەوەكردووە، ئەوانەی ناویان تۆماركردبوو لەسیستمی ئەلیكترۆنی هاتووچۆی هەولێر بۆ سەردانیكردنی بەشەكانی مۆلەت و تۆمار و ڕۆژانی 6/1 تاكو 6/6یان بۆ دیاریكرابو بۆ سەردانیكردن، سەرلەنوی ناویان تۆماربكەنەوە و سەرە بنووسنەوە بۆئەوەی بتوانن سەردان بكەنەوە.

ڕاشیگەیاندووە، ئەو ماوەیە كەوتە ناو قەدەغەی هاتووچۆ و وەستانی دەوامی فەرمانگەكان.

بە بڕیارێكی وەزارەتی ناوخۆی هەرێم لە 1ی حوزەریانەوە تاوەكو ئێوارەی ئەمڕۆ 6ی حوزەیران قەدەغەی هاتووچۆ بۆ ڕێگری لە بڵاوبوونەوەی كۆرۆنا ڕاگەیەنرا و دەوامی فەرمانبەران كرا بە پشوو، بەڵام دواتر پارێزگاكان دەسەڵاتیان بۆ دابەزێنرا و قەدەغەی هاتووچۆ كۆتایی پێ‌ هێنرا.

بەردەوام بە لە خوێندنەوە

کوردستان