ئێمە لە تۆرە کۆمەڵایەتیەکان

کوردستان

(خەڵك) وردەكاری ڕاگرتنی پاداشت و سەفەری پەرلەمانتاران ئاشكرادەكات

خەڵك- بەشی هەواڵ

بەپێی دواین بڕیاری سەرۆكایەتی پەڕلەمانی كوردستان تەنها بۆ حاڵەتی پێویست پەڕلەمانتاران و فەرمانبەرانی پەرلەمان سەفەر دەكەن و بەوەش پاداشتی سەفەر”ئیفاد” تەنها بۆ چەند حاڵەتێكی تایبەت دەبێت.

هیوا نەسرەدین، بەرپرسی ئیدارەی پەرلەمانی كوردستان بە (خەڵك)ی ڕاگەیاند، بڕیارەكە بۆ ڕێكخستنەوەی خەرجی و ئیشوكارەكانی پەرلەمانەوە، بۆ ئەوەی ڕێگری بكرێت لە خەرجی ناپێویست.

وتیشی”هیچ پەیوەندییەكی دوو قۆڵی لەگەڵ پەرلەمانتاری وڵاتێكی دیكە یان لەگەڵ لایەنی وڵاتان وەرناگیرێت، بەڵام دەبێت بانگهێشت یان نوسراوی فەرمی بۆ پەرلەمانی كوردستان هاتبێت و دوای دیراسەكەكردنی كە بزانرێت پێویستە یان نا، دواتر بڕیاری دەدرێت”.

لە خولەكانی پێشووی پەرلەمانی كوردستان پەرلەمانتاران چەندینجار لەسەر خەرجی پەرلەمان بەناوی سەردانەوە دەچوونە وڵاتانی جیهان و بۆ هەر سەفەرێكیش پاداشت دەكران.

پەرلەمانتارانی هەرێمی كوردستان یەكێكن لەو توێژانەی زۆرترین قسە لەسەر مووچە و ئیمتیازاتەكانیان دەكرێت، بەشێوەیەك هەر پەرلەمانتارێك موچەكەی 8 ملیۆن و 200 هەزار دینارە و دوای چوارساڵیش بە 6 ملیۆن و 500 هەزار دینارەوە خانەنشین دەكرێت، بەبێ‌ لەبەرچاوگرتنی تەمەن و ساڵانی خزمەت.

کوردستان

برینی دوانیان سەختە
بەوێنە، لە دوو ڕووداوی هاتووچۆدا لە پێنجوێن چوار كەس برینداربوون

خەڵك- بەشی هەواڵ
لە دوو ڕووداوی هاتوچۆدا لەسەر رێگە ناڵپارێز- پێنجوێن، چوار كەس بریندار بوون، لێپرسراوی نەخۆشخانەی پێنجوێنیش دەڵێت، برینی دوانیان قورسە.

بەپێی ڕاگەیەندراوێك كە لەلایەن لوقمان لێپرسراوی نەخۆشخانەی پێنجوێنەوە بڵاوكراوەتەوە”لە دوو ڕووداوی هاتوچۆی وەرگەڕان و پێكدادان لە سەر رێگەی پێنجوێن ـ ناڵپارێز چوار كەس برینداربوون”.

بە وتەی لوقمان لەتیف”بریندارەكان هێندراونەتە نەخۆشخانەی پێنجوێن، برینی دوانیان سووكە و ڕەنگە دوای دڵنیابوونەوە و چارەسەر ڕەوانەی ماڵەوە بكرێنەوە، بەڵام دوانیان شكاوی ئێسكیان هەیە و ئەوان دەمێننەوە لە نەخۆشخانە”.

ڕووداوەكانی هاتووچۆ لە هەرێمی كوردستان لەم چەند ساڵەی دوایی بەشێوەیەكی بەرچاو ڕوویان لە زیادبوون كردووە، بە بۆچوونی هەندێك لە شارەزایان، هۆكارەكەی بە پابەندنەبوونی شۆفێران بە ڕێنماییەكانی هاتووچۆ و بە بۆچوونی هەندێكی تر بۆ خراپی ڕێگەوبانەكان دەگەڕێتەوە.

بەردەوام بە لە خوێندنەوە

عێراق

وەزیری كشتوكاڵی عیراق بەڵێنی چارەسەركردنی كێشەكانی گەنمی جوتیارانی هەرێمیدا

سلێمانی – نزار جەزا
لیژنەیەكی حكومەتی هەرێم لەبارەی پارەی گەنمی جوتیارانی هەرێم لەبەغدادە و وەزیری پلاندانانی هەرێمیش ئاشكرای دەكات، وەزیری كشتوكاڵی عیراق بەڵێنی چارەسەركردنی كێشەكانی داوە.

دارا ڕەشید وەزیری پلاندانانی حكومەتی هەرێم لەوەڵامی پرسیارێكی (خەڵك)دا ڕایگەیاند، پێشتر وەفدێكی حكومەتی هەرێمی كوردستان بەبەشداری وەزیری كشتوكاڵ و وەزیری هەرێم بۆ كاروباری بەغداد سەردانی بەغدادیان كرد، و بڕیاریاندا لیژنەیەك بەبەشداری نوێنەری سەرجەم وەزارەتە پەیوەندیدارەكان دروستبكرێت.

زیاتر ڕوونیكردەوە، ئەو لیژنەیە ئێستا لەبەغدادن و وەزیری كشتوكاڵی عیراق بەڵێنی چارەسەركردنی كێشەكانی داوە، بەڵام تاكو ئێستا لیژنەكە لەبەغداد نەگەڕاونەتەوە، تاكو وردەكاری بەڵێن و دەستكەوتەكانی ئەو لیژنەیە بزانن و باسی بكەن.

جوتیارانی هەرێمی كوردستان لەساڵانی 2014 و 2015 و 2016 گەنمیان بە حكومەتی عیراق داوە، بەڵام حكومەتی عیراق بەشێك لەو پارەیەی پێ نەداون، پێشتریش لەڕێگەی دادگاوە ئەو مافە بۆ جوتیارانی هەرێم گەڕێنرایەوە، بەڵام حكومەتی عیراق ئامادەنەبوو پارەكە دابین بكات.

بەردەوام بە لە خوێندنەوە

کوردستان

بەوێنە، لەچەند گەڕەکێکی هەولێر بەهۆی بارانی بەخوڕ ئاو لە چەند شوێنێک بەرزبووەوە

خەڵک

سەرلەبەیانی ئەمڕۆ پێنچ شەممە ۲۰ی شوباتی ۲۰۲۰، لەئەنجامی بارینی بارانی بەخوڕ و بەردەوام لەچەند گەڕەکێکی شاری هەولێر ئاو لە چەند شوێنێک بەرزبۆوە، پارێزگاری هەولێر ڕایدەگەیەنێت، دەبێت چارەسەری بنەڕەتی بۆ ئەو شوێنانە بکرێت.

بەبێ ئەوەی هیچ زەرەر و زیانێکی هەبێت، لەئەنجامی بارینی بارانی بەخوڕ و بەردەوام لەچەند گەڕەکێکی شاری هەولێر ئاو لە چەند شوێنێک بەرزبۆوە، دەست بەجێ تیمەکانی شارەوانی و بەرگری شارستانی و ئاوەڕۆ بەئەرکی خۆیان هەڵسان، چارەسەری کێشەی کۆبوونەوەی ئاوی بارانیان کرد.
پشتر لەلایەن تیمەکانی شارەوانی بۆ ئەوەی کێشەی لافاو درووست نەبێت، سەرجەم ئاوەڕۆکانیان پاککردبووەوە.

لەکاتی بەسەرکردنەوەی شوێنەکانیش د.فرسەت سۆفی، پارێزگاری هەولێر ڕایگەیاند، دەبێت چارەسەری بنەڕەتی بۆ ئەو شوێنانە بکرێت.

بەردەوام بە لە خوێندنەوە

کوردستان