ئێمە لە تۆرە کۆمەڵایەتیەکان

جیهان

 بەرامبەر كڕینی فڕۆكەی F35 ڕێگە بە توركیا دراوە هێرش بكرێتە سەر ڕۆژئاوا

خەڵك – بەشی هەواڵ

 

سەرۆكی ئەمریكا، لە بەرامبەر گرێبەستی كڕینی نەوەی پێنجەمی فڕۆكەی (Lockheed Martin F35)، ڕێگەی بە توركیا داوە ئۆپەراسیۆنەكانی بەرێتە ناو خاكی سوریا بە بیانوی دروستكردنی ناوچەی ئارام و پاراستنی وڵاتەكەی لە هەر ئەگەرێك.

 

بە پێی هەواڵی پێگەی (Business Insider)، هەر یەكە لە سەرۆكی توركیا و ئەمریكا، لە پەیەوەندییەكی تەلەفۆنیدا گفتوگۆیان دەربارەی هەوڵەكانیان بۆ دروستكردنی ناوچەی ئارام و دەستكردن بە پرۆسە سەربازییەكان كردووە و دۆناڵد تڕەمپ، لای خۆیەوە لە بەرامبەر گرێبەستی كڕینی نەوەی پێنجەمی فڕۆكەی (Lockheed Martin F 35)، مۆڵەتی داوە بە توركیا تاك لایەنە هێرش بكاتە سەر سوریا.

 

ڕۆژی 6ی ئۆكتۆبەر سەرۆكی ئەمریكا بڕیاریدا بە كشانەوەی نزیكەی 1000 سەربازی ئەمریكایی لە سوریا بەمەش ڕێگەی بۆ توركیا خۆش كرد تا یەك لایەنە پرۆسە سەربازییەكانی بەرێتە ناوخاكی سوریا بە تایبەت ڕۆژئاوای كوردستان و دژ بە شەڕڤانان بجەنگێ‌ كە پێشتر لە پاڵ سەربازانی ئەمریكا لە سوریا دەجەنگان و لە شەڕی دژ بە داعشدا جێدەستیان دیار بووە و خاوەنی 11 هەزار شەهیدی ئەو جەنگەن.

جیهان

سەرۆكی ڤەنزوێلا: كۆرۆنا چەكێكی بایۆلۆجییە و لە دژی چین دروستكراوە

خەڵك- بەشی هەواڵ
نیكۆلاس مادورۆ سەرۆكی ڤەنزوێڵا ڕایدەگەیەنێت، ڤایرۆسی كۆرۆنای نوێ‌ چەكێكی بایۆلۆجییە و لە دژی چین بەكاردەهێنرێت.

وەزارەتی دەرەوەی ڤەنزوێلا لە زاری مادورۆوە بڵاویكردەوە “بەپێی ئەو توێكارییانەی لە جیهاندا كراون، دەركەوتوو كە ڤایرۆسی كۆرۆنا دەكرێت وەك زنجیرەیەكی داهێنراو تەماشا بكرێت و بۆ مەبەستی جەنگی بایۆلۆجی دژ بە چین بەكاربهێنرێت”.

وتیشی: “زۆر دیاردە هەن كە ئاماژە بە ڕاستی ئەم بۆچوونە دەكەن، بۆیە پێویستە بە ڕاشكاوانە باسی بكەین و زەنگی مەترسی لێبدەین لەپێناو ڕێگرتن لە بەكارهێنانی ڤایرۆسی كۆرۆنا وەك چەك دژ بە چین و گەلانی جیهان”.

بە وتەی سەرۆكی ڤەنزوێلا “شارستانی مرۆیی پێشتر ڕووبەڕووی نەخۆشی وەها نەبۆتەوە”.

ڤایرۆسی كۆرۆنای نوێ‌ لە كۆتایی كانوونی یەكەمی ڕابردوو لە شاری ووهانی چینی دۆزرایەوە كە بە یەكێك لە چڕترین شارەكانی چین لەڕووی دانیشتوانەوە دادەنرێت و ژمارەی دانیشتوانی دەگاتە 12 ملیۆن كەس.

بەهۆی نەخۆشییەكەوە تائێستا نزیكەی 2800 كەس گیانیان لەدەستداوە، ژمارەی تووشبوانیش لە چین گەیشتۆتە نزیكەی 80 هەزار كەس، ڤایرۆسەكەش لە زیاتر لە 50 وڵاتی جیهاندا بڵاوبۆتەوە.

بەردەوام بە لە خوێندنەوە

جیهان

هیچ وڵاتێك ئامادە نییە وەریانبگرێت
هەزاران كۆچبەر لە سنوورەكانی توركیا و یۆنان و بولگاریا كۆبوونەتەوە

خەڵك-بەشی هەواڵ

لە 28 ئەم مانگەوە توركیا سنوورەكانی بۆ كۆچبەرانی نایاسایی كردووەتەوە، بەو هۆیەوە هەزاران كۆچبەر خۆیان گەیاندە سنوورە ئاوی و وشكانییەكانی توركیا لەگەڵ یۆنان و بولگاریا.

ئەم بڕیارەی حكومەتی توركیا وەك كاردانەوە بوو بەرامبەر ئەو هێرشەی لە ئیدلب كرایە سەر هێزەكانی و 33 سەربازی كوژران. توركیا هۆكاری گواستنەوەی بۆ گەیاندنی كۆچبەران بۆ ناوچە سنوورییەكان ئامادە كردووە.

ئەو كۆچبەرانە، پێكدێن لە هاوڵاتیانی كوردستان، عیراق، ئەفغانستان، پاكستان و سوریا و چەند وڵاتاێكی دیكە كە لە ناوچە سنوورییەكانی نێوان توركیا و ئەوروپا ماونەتەوە.

بەردەوام بە لە خوێندنەوە

جیهان

یەكەم حاڵەتی توشبوون بە كۆرۆنا لە ئاژەڵدا تۆماركرا

خەڵك- بەشی هەواڵ
ڕێكخراوی تەندروستی جیهانی ڕایدەگەیەنێت، ئەمڕۆ شەممە یەكەم حاڵەتی توشبوون بە ڤایرۆسی كۆرۆنا لە سەگێكدا لە هۆنگ كۆمگ تۆماركرا.

بەپێی ئاژانسی فرانس پرێس، دوابەدوای دەستنیشانكردنی یەكەم حاڵەتی توشبوون بە ڤایرۆسی كۆرۆنا لە ئاژەڵدا لە هۆنگ كۆنگ، هەموو ئاژەڵە ماڵییەكان كە خاوەنەكەیان توشی ڤایرۆسەكە بووە، خرانە ژێر چاودێری تەندروستی.

دەسەڵاتدارانی هۆنگ كۆنگ دەڵێن:”ئەو سەگە دەخرێتە ژێر چاودێری تەندروستی بۆ ماوەی 14 ڕۆژ، چونكە لەدوای وەرگرتنی سامپڵەكانی لوت و دەمی ئاژەڵەكە، نیشانەكانی توشبوون بە ڤایرۆسی كۆرۆنا دەركەوتووە”.

بە گوێرەی هەواڵ، سەگەكە بەشێوەیەكی ورد چاودێری دەكرێت و پشكنینی پێویستی بۆ ئەنجام دەدرێت، بە دەستبەسەری دەمێنێتەوە، تا ئەو كاتەی چاكدەبێتەوە.

بەردەوام بە لە خوێندنەوە

کوردستان