ئێمە لە تۆرە کۆمەڵایەتیەکان

کوردستان

داوا دەكرێت كوردیش ئایین بۆ بەرگری لە خۆكردن بەكاربهێنێت


خەڵك-بەشی هەواڵ

مامۆستایەكی ئایینی داوا دەكات لایەنە كوردییەكان ئایین بەكاربهێنن لە كاروباری ڕۆژانەی خۆیاندا بەتایبەت ئەوانەی كە ئایین لە دژی كورد بەكاردەهێنن.
توركیا هێرشەكانی بۆسەر ڕۆژئاوای كوردستان دەستپێكردووە و ئاینی ئیسلامیشی وەكو چەكێكی بەهێز دژی كوردانی ڕۆژئاوا بەكارهێناوە، ئەمەش لەكاتێكدایە وڵاتە داگیركەرەكانی كوردستان هەمیشە ئایینیان لەدژی كورد بەكارهێناوە بەتایبەت لە هێرشە ناڕەزاكانیان دژی كورد.

مامۆستا ئەحمەدی قامیشی مامۆستای ئایینی بە (خەڵك)ی ڕاگەیاند، ئەم جۆرە كێشانەی ئێستا دروست بووە پەیوەندی بە ئاییینەوە نییە و شەڕەكە لەسەر دەسەڵات و لەناوبردنی بەرانبەرە.
وتیشی”لەمێژە عەرەب ئایینی بەكارهێناوەو ماوەیەكی زۆر حوكمی پێكردووە، پاشان توركەكان ئاینیان بەكارهێناوە لە دەوڵەتی عوسمانی، ئێستاش شیعە ئایین بەكاردەهێنێت و وڵاتێكی زۆری بەدەستەوەیە”.

ئاشكراشیكرد، چ ڕێگرییەك هەیە ئێمەی كوردیش ئایین بەكاربهێنین، ئایین بۆ ئەوە هاتووە بەكاریبهێنین، بەداخەوە ئێمە ئاینمان پەراوێز خستووە، بۆیە بەجۆرێك لە جۆرەكان تووشی ژێردەستەیی و زەلیلی بووین.

ڕوونیشیكردەوە، پێویستە لە هەمووكات زیاتر ئێمەی كوردی موسڵمان ئایین بەكاربهێنین بۆ بەرژەوەندی دنیا و قیامەتمان، چونكە ئایین بەرنامەكەی ژیانە، ئەوەی دەڵێت با ئایین لە ژیان جیا بێت ئەوە پلانی نەیارانی ئایینی ئیسلامن.

سەبارەت بە هێرشەكانی توركیا بۆسەر ڕۆژئاوای كوردستان مامۆستا ئەحمەدی قامیشی ڕایگەیاند، ئەوەی توركیا دەیكات دەستدرێژییەكی ئاشكرایە بۆسەر وڵاتێكی دراوسێ، ئەگەر وەكو ئایین قسەی لەسەر بكەین دەستدرێژییەو ڕێگەپێنەدراوە.
وتیشی”باشترە ئێمە ئایین بەكاربهێنین، بەڵام بە مەرجێك لە ئایدیا و ئەجێنداشمان ئایین هەبێت، كێشەی ئێمە ئەوەیە كە شۆڕشەكانمان ئایینیان پەراوێزخستووە، با لەمەودوا ئایین بەكاربهێنین بەرانبەر ئەو كەسانەی ئاینمان لەبەرانبەر بەكاردەهێنن”.

جەختیش لەوە دەكاتەوە، سیستەمی دەسەڵاتی وڵاتانی ئێمە ئەوەیە ئایینیان پەراوێز خستووە كە ئایینیش پەراوێز خرا، مامۆستایانی ئایینیش پەراوێز دەخرێن، جگە لەوەی هەندێكجار بۆ مەرامی خۆیان ئایین بەكاردەهێنن، بەڵام ئەگەر لایەنێك ئایینی پەراوێزخستبێت ڕووی نایەت بڵێت وەرن با بە ئایین چارەسەری كێشەكان بكەین.

کوردستان

ئەو كەسانەی پابەندی ڕێنماییەكان نابن، لە سبەینێوە سزا دەدرێن


خەڵك-بەشی هەواڵ

 

بەڕێوەبەرایەتی هاتووچۆی هەولێر ڕایدەگەیەنێت، لە سبەینێوە شۆفێرانی ئۆتۆمبێلەكانی گواستنەوەی گشتی و تاكسی بە سەرنشینەكانییەوە، پابەندی ڕێنماییە تەندروستییەكان نەبن سزایان بەسەردا دەسەپێنن.

بەڕێوبەرایەتی هاتووچۆی هەولێر لە ڕاگەیەندراوێكدا ئاماژە بۆ ئەوە دەكات، بە پشتبەستن بە بڕیاری وەزارەتی ناوخۆی حكومەتی هەرێمی كوردستان، لە ڕۆژی یەك شەممە 2020/5/31 وە، شۆفێری ئۆتۆمبێلەكانی گواستنەوەی گشتی و تاكسی بەسەرنشینەكانییەوە، دەبێت پابەندبن بە بەستنی (دەمامك) و جێبەجێكردنی ڕێنماییە تەندروستییەكانی خۆپارێزی لە ڤایرۆسی كۆرۆنا.

ئاشكراشیكرد، بەپێچەوانەوە سەرپێچیكاران ئەو سزایەیان بەسەردا دەسەپێت، كە لە خاڵی (دەیەم)ی بەیانی ژمارە (37)ی وەزارەتی ناوخۆی حكومەتی هەرێمی كوردستان ئاماژەی پێدراوە.

بەردەوام بە لە خوێندنەوە

کوردستان

چاكسازی لە خۆیانەوە دەستپێدەكەن
بزووتنەوەی ئیسلامی، دەستپێخەرییەك بۆ چاكسازی ڕادەگەیەنێت


خەڵك-بەشی هەواڵ

 

ئەندامێكی سەركردایەتی بزووتنەوەی ئیسلامی ڕایدەگەیەنێت، لە ئێمەوە دەست بە بڕینی مووچەی خانەنشینان بكەن.
هەرچەندە چەند جارێك حكومەتی هەرێم بڕیاری جێبەجێكردنی یاسای چاكسازی داوە، بەڵام تاكو ئێستا ئەوەی دەبینرێت هیچ هەنگاوێكی كردەیی بۆ ئەو پرسە نەنراوە، هۆكاری سەرەكیش بۆ حزبی بوونی ئەو هاووڵاتییە بندیوارانە دەگەڕێتەوە كە حكومەت ناوێرێت دەست بۆ بڕینی مووچەكانیان ببات.

سەلام كەریم ئەندامی سەركردایەتی بزووتنەوەی ئیسلامی بە (خەڵك)ی ڕاگەیاند، حكومەت خانەنشینی بۆ بەشێكی كەم لە پێشمەرگەكانمان كردووە وەكو مافێكی مێژوویی وەك ئەوەی پێشمەرگەكانمان لە شاخ بوون و وەكو هێزی سێهەمی كوردستان بووە، لەگەڵ ئەوەشدا ئێمە ئامادەین ئەگەر نادادپەروەرییەك یان هەڵەیەك لە سەركردایەتی ئەوكاتی بزووتنەوە كرابێت و كەسێك بە هەر پلەیەك كە شیاوی نەبووبیـَت خانەنشین كرابێت، ئامادەین و داواشمان كردووە بگۆڕدرێت.
وتیشی”لەگەڵ ئەوەشدا دەبێت ئاماژە بۆ ئەوە بكەین، ئێمە هێزی سێهەمی خاوەن پێشمەرگە بووین، دەبێت پارتی و یەكێتیش چاكسازی و پاكسازی لە خانەنشینانی خۆیان بكەن، ئەگەرنا ئێمەش ئامادەنین لەسەر مافی پێشمەرگەكانی خۆمان سازش بكەین”.
ئاشكراشیكرد، پێشمەرگەكانی ئێمە بیری ئازای و ڕزگاریی كوردستانیان لە مێشكیان گەڵاڵە بووە، نەك وەكو خەڵكێكی دیكە كە ئەوكات لەناو شاردا بووە و لەگەڵ بەعسدا بووە ماڵ و منداڵی خۆی جێنەهێشتووە، ئێستا چۆن دەكرێت ئەو مووچەی هەبێت و ئەوانەی ئێمە نەیانبێت.
ڕوونیشیكردەوە، ئێمە قسەكەمان لەسەر ئەوەیە پلەیەك دراوە بە پێشمەرگەیەكمان شیاوی ئەو پلەیە نییە، خۆمان و دینمان و بەرنامەمان ڕێگەمان نادات شتێكی نادادپەروەری بكەین.

جەختی لەوەش كردەوە، ئەگەر ئەو حاڵەتە چووە بواری جێبەجێكردنەوە داوامان لە حكومەتی هەرێم و لایەنی پەیوەندیدار كردووە ناوەكان تەسلیم بە خۆمان بكرێتەوە و خۆمان پاكسازی تێدا بكەین، چونكە خۆمان دەزانین كێ شایەنێتی، ناكرێت لەولاوە خۆی دەستی تێبخات و مووچەكانیان ببڕێت.

بەردەوام بە لە خوێندنەوە

کوردستان

وەزارەتى تەندروستى بڕیاری نوێ بۆ ڕووبەڕووبوونەوەى کۆرۆنا دەردەکات


خەڵک – بەشی هەواڵ

 

بڕیارە ئەمڕۆ شەممە وەزارەتى تەندروستى بڕیاری نوێ بۆ ڕووبەڕووبوونەوەى ڤایرۆسی کۆرۆنا ڕابگەیەنێت.

 

بەپێی زانیارییەکان بڕیارە ئەمڕۆ شەممە وەزارەتى تەندروستى کۆبوونەوەیەک ئەنجامبدات، بۆ هەڵسەنگاندنی دۆخی ئێستای کوردستان و دانانی میکانیزمی نوێ بۆ ڕووبەڕووبوونەوەى ڤایرۆسی کۆرۆنا.

 

هەر بەپێی زانیارییەکان بڕیارە پاش کۆبوونەوەکە، ئەنجامی کۆبوونەوەکە و بڕیارە نوێیەکان بۆ ڕای گشتى بخرێنەڕوو.

 

حاڵەتەکانى کۆرۆنا لەهەرێمی کوردستان ڕوو لەهەڵکشانە، بەجۆرێک لەئێستادا کۆی حاڵەتەکان بەرزبۆتەوە بۆ ٥٧٥ حاڵەت، کە لەناویاندا ٤٠٩ کەس چاکبوونەتەوە و پێنج کەسیش گیانیان لەدەستداوە.

 

 

بەردەوام بە لە خوێندنەوە

کوردستان