ئێمە لە تۆرە کۆمەڵایەتیەکان

کوردستان

شاری عەین عیسا مووشەكباران كرا

خەڵك –بەشی هەواڵ

سوپای توركیا شاری عەین عیسای لە رۆژئاوای كوردستان مووشەكباران كرد.

هێرشی ئاسمانی و زەوینی سوپای توركیا بۆ سەر شارەكانی رۆژئاوای كوردستان بەردەوامە.

بەپێی نوێترین زانیاری سەرچاوەكانی رۆژئاوا، سوپای توركیا بە مووشەك بۆردومانی شاری عەین عیسای كرد.

کوردستان

سەرۆكی هەرێم پەیامێكی پیرۆزبایی ئاڕاستەی جۆنسن دەكات

خەڵك – بەشی هەواڵ
سەرۆكی هەرێمی كوردستان ڕایدەگەیەنێت، بەدەستهێنانی متمانەی گەلی بەریتانیا سەركەو‌تنێكی گەورەیە بۆ ئێستا و داهاتووی ئەو وڵاتە، بۆیە ئێمە لە هەرێمی كوردستان بە ڕێز و پێزانینەوە لە هاوكاری و پشتگیرییەكانی بەریتانیا بۆ گەلی كوردستان دەڕوانین.

نێچیرڤان بارزانی، سەرۆكی هەرێمی كوردستان لە پەیامێكی پیرۆزباییدا بۆ بۆریس جۆنسۆن، سەرۆك وەزیرانی بەریتانیا بە بۆنەی سەركەوتنی پارتەكەی لە هەڵبژاردنەكانی پەڕلەماندا ڕایگەیاندووە، ئەم سەركەو‌تنە گەورەیە نیشانەی بڕوا و پشتگیری گەلەكەتانە لە سەركردایەتی و ڕوانینی خۆتان و پارتەكەتان بۆ ئێستا و داهاتووی بەریتانیا.

دەقی پەیامەكەی نێچیرڤان بارزانی:

جەنابی سەرۆك وەزیران بۆریس جۆنسۆن،
سەرۆكی پارتی پارێزگارانی بەریتانیا

بەگەرمی پیرۆزباییتان لێدەكەم بۆ ئەو سەركەوتنە گەورەیەی پارتەكەتان پارتی پارێزگارگارانی بەریتانیا لە هەڵبژاردنەكانی پەرلەماندا بەدەستی هێنا. هیوای سەركەوتن بۆ خۆتان و پارتەكەتان دەخوازم.

ئەم سەركەو‌تنە گەورەیە و بەدەستهێنانی متمانەی گەلی بەریتانیا، نیشانەی بڕوا و پشتگیریی گەلەكەتانە لە سەركردایەتی و ڕوانینی خۆتان و پارتەكەتان بۆ ئێستا و داهاتووی بەریتانیا. ئێمە لە هەرێمی كوردستان بە ڕێز و پێزانینەوە لە هاوكاری و پشتگیرییەكانی بەریتانیا بۆ گەلی كوردستان دەڕوانین و بە پەرۆشەوە خوازیاری پەرەپێدانی زیاتری پەیوەندییەكانمانین.

دووبارە پیرۆزبایی لە جەنابتان و پارتەكەتان دەكەم، هیوای سەركەوتن بۆ خۆتان و حكوومەتی داهاتووتان و ئارامی و پێشكەوتنی بەردەوام بۆ گەلی بەریتانیا دەخوازم.

نێچیرڤان بارزانی
سەرۆكی هەرێمی كوردستان
13/12/2019

بەردەوام بە لە خوێندنەوە

کوردستان

بەوێنە؛ بەهۆی تیژڕۆییەوە ئۆتۆمبێلێك وەردەگەڕێت

خەڵك – بەشی هەواڵ
وتەبێژی پۆلیسی هاتووچۆی هەولێر ڕایدەگەیەنێت، بەهۆی تیژڕۆیی و تەڕبوونی شەقامەكە ئۆتۆمبێلێك لە سەر ڕێگای هەولێر- پیرمام كۆنتڕۆڵی لەدەستدا، شۆفێرەكەی بەسەختی برینداربووە، دەشڵێت: “بەهۆی ڕووداوەكەوە بزوێنەری ئۆتۆمبێلەكە ماوەی 50 مەتر لە ئۆتۆمبێلەكە دووركەوتۆتوە”.

فازڵ حاجی، وتەبێژی پۆلیسی هاتووچۆی هەولێر لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، بەیانی ئەمڕۆ هەینی 13-12-2019 لە سەر ڕێگای هەولێر- پیرمام ئۆتۆمبێلێكی جۆری (BMW )ی تایبەت بە هۆی تیژڕۆیی و تەڕبوونی شەقامەكە بە ئاوی باران كۆنتڕۆڵی لەدەستدا و بەسەر شۆستەی دورگەی ناوەندی شەقامەكە كەوت.

ڕاشیگەیاندووە، دواتر خۆی كێشاوە بەچەند دارێكی جوانكاری و ستوونی كارەبا ئەوجا ڕاوەستا و پاش ڕۆیشتنی لەسەر دوورگەی ناوەڕاستی شەقامەكە بۆ مەودای 80 مەتر.

دەشڵێت: “كەوتنی بزوێنەرەكەی بە دووری 50 مەتر لە ئۆتۆمبێلەكەوە تیژڕۆییەكەی نیشان دەدات”.

فازڵ حاجی ئاماژەی بەوەكردووە، بەهۆی ئەو ڕووداوەوە جگە لە زیانە ماددییەكان، شوفێرەكەش زۆر بەسەختی برینداربووە.

بەردەوام بە لە خوێندنەوە

کوردستان

سوڕانەوەی فڕۆكە جەنگیەكان بەئاسمانی هەرێمدا دڵەڕاوكێ‌ بۆ هاووڵاتیان دروست دەكەن

خەڵك- بەشی هەواڵ

چەند ڕۆژێكە بە ئاشكرا و لە زۆر شوێن بە نزمی، فڕۆكەی جەنگی نەناسراو بەسەر چەند ئاسمانی چەند شوێنێكی هەرێمی كوردستاندا دەسوڕێنەوە، تا ئێستا حكومەتی هەرێم هیچ ڕوونكردنەوەیەكی لەم بارەیەوە نەبووە.

بەپێی هەواڵێكی ئاژانسی (ڕۆژ نیوز) ئەمڕۆ سێ ڕۆژە، بەبەردەوامیی چەند فڕۆكەیەكی جەنگی نەناسراو بە سەر ئاسمانی ڕانیە، قەڵادزێ و كۆیەدا دەسوورێنەوە بێ ئەوەی هیچ شوێنێك بۆردوومان بكەن و دوێنێش بەسەر كامپی مەخموردا سووڕانەوە.

لەسەر ئەو فڕۆكانە، تا ئێستا حكومەتی هەرێم و ناوەند هیچ ڕوونكردنەوەیەكیان نەبووە.

سوڕانەوەی ئەو فڕۆكانە، خەڵكی سنووری ڕاپەڕین و كۆیەی خستووەتە دڵەراوكێوە و تا ئەمڕۆش ئەو فڕۆكانە بە ئاسمانی هەرێمەوە دەبینرێن.

بەردەوام بە لە خوێندنەوە

کوردستان