ئێمە لە تۆرە کۆمەڵایەتیەکان

کوردستان

“هێرشەكانی توركیا سەپاندنی شەڕە بەسەر هەموو كورد دا”

خەڵك-بەشی هەواڵ

چاودێرێكی سیاسی ڕایدەگەیەنێت، هێرشەكانی توركیا هێرشێكی كلاسیكی نییە و سەپاندنی شەڕێكە بەسەر هەموو كورد دا، نەك تەنها ڕۆژئاوا.

دوێنێ چوار شەممە توركیا هێرشەكانی بۆسەر ڕۆژئاوای كوردستان دەستپێكرد و بەپێی زانیارییەكان جموجوڵە سەربازییەكان لە ئێستادا لە سنوورەكانی نێوان توركیا و سوریاش بەردەوامە.

كاوە نادر چاودێری سیاسی بە (خەڵك)ی ڕاگەیاند، بەهیچ شێوەیەك پەیەدە كارێكی ئەوتۆی لەبەرانبەر توركیا نەكردووە تاكو هێرشی بكاتەسەری، بەڵام توركیا هەبوونی كورد بە نەمانی خۆی دەزانێت و بە كارەساتی دەزانێت.
وتیشی”هەسەدە هەنگاوی باشیان نابوو لە ڕووی پەیوەندی دیبلۆماسییەوە، بەتایبەت دوای تێكشاندنی داعش و قاعیدە كە توركیا دژی كورد دروستی كردبوون لەسوریا، بەڵام شكانی ئەوانە وایكرد توركیا ڕاستەوخۆی خۆی بێتە شەڕەكەوە، بۆ ئەوەی دەرفەت نەدا دەستكەوتەكانی ڕۆژئاوا فراوانتر ببێت و بچێت بۆ پارچەكانی دیكە”.

ئاماژەی بۆ ئەوەش كرد، لەسەر هەموو كوردێك پێویستە دژایەتی ئەو هێرشە بكات و خۆپیشاندان بكرێت و كەلوپەلی توركیا نەكڕن و نامە بنێرن بۆ ئەو بڕیاڕبەدەستانەی جیهان كە كاریگەریان هەیە لەسەر سیاسەتی نێودەوڵەتی، كە هێرشەكانی توركیا خزمەتی ئاشتی و ئارامی لە جیهاندا ناكات.

ڕوونیشیكردەوە، ئەمڕۆ ئەنجومەنی ئاسایش كۆدەبێتەوە و ئەگەر بڕیارێك بدات و توركیا بڕیارەكە جێبەجێ نەكات هەموو جۆرە سزایەكی دەدرێت بە دەركردنیشی لە ئەنجومەنی نەتەوە یەكگرتووەكان.

ناوبراو ڕاشیگەیاند، دامودەزگای ئەمریكایی ئازادن و دەسەڵاتی تایبەتی خۆیان هەیە، تڕەمپ زۆر بێ شەرمانە و بازرگانیانە دەسەڵاتەكانی خۆی لەسەر حسابی خوێنی شەهیدان بەكارهێنا و كار بۆ خۆی دەكات و دەسەڵاتەكانی بەكار دەهێنێت، بەڵام ئەوروپاییەكان لە ترسی ئاوارەكان كەمێك شلیان كردووە و ڕای گشتی و میدیاكانی ئەو وڵاتانە بە گشتی هەموو ئەوە نیشان دەدات كە ناڕەزایەتییەكی زۆر هەیە بەرانبەر هەڵوێستی دەسەڵاتدارانی توركیا.

عێراق

نوێنەرێك: بڕیاری دەركردنی هێزە بیانییەكان لە عیراق توركیاش دەگرێتەوە

خەڵك – بەشی هەواڵ

ئەندامێكی ئەنجومەنی نوێنەرانی عیراق ڕایدەگەێنێت، بڕیاری دەركردنی هێزە بیانییەكان لە عیراق توركیاش دەگرێتەوە.

ڕۆژی 5ی ئەم مانگە، ئەنجومەنی نوێنەرانی عیراق بڕیارێكی بۆ دەركردنی هێزە بیانییەكان لە عیراق دەركرد، بەپێی بڕیارەكە هەرێمی كوردستانیش دەگرێتەوە، چونكە سەر بە عیراقە و ئەمەش لە دەستوردا چەسپاوە.

لەوبارەیەوە، ئەڵماس فازڵ ئەندامی لیژنەی یاسایی ئەنجومەنی نوێنەرانی عیراق لەسەر فڕاكسیۆنی یەكێتی لە لێدوانێكی ڕۆژنامەوانیدا ڕایگەیاند:” ئەو بڕیارە تا ئێستا نەكراوە بە یاسا، بۆیە پێویستە حكومەت ئەو بڕیارە بكات بە یاسا، لە ڕاستیدا ئەگەر بێتو بڕیارێك هەبێت بۆ دەركردنی هێزە بیانییەكان كە ئەوان لە چوارچێوەی ڕێككەوتنێكدا هاتوون بۆ لەناوبردنی داعش ئەوە كات كارەكانیان تەواو بووە و پێوستە لەو چوارچێوەیەدا بڕیار بدرێت بە دەركردنی هێزە بیانییەكان”.

ئەو ئەندامەی لیژنەی یاسایی ئەنجومەنی نوێنەرانی عیراق لەسەر فڕاكسیۆنی یەكێتی ڕوونیشیكردەوە:”ئەگەر باس لە دەركردنی هێزی بیانی بكەین، بڕیارەكە هەموو وڵاتەكان دەگرێتەوە، بە ئەمریكا و ئێران و توركیاشەوە، بڕیارەكەش بۆ كەمكردنەوەی ئەو گوشارە گەورانەیە كە لەسەر عیراق هەیە، كە لە بنەڕەتدا ململانێیەكی گەوەری نێودەوڵەتی لە عیراق هەیە، بەداخەوە عیراق بووەتە گۆڕەپانی یەكلاكردنەوەی ململانێكان بە تایبەت ململانێی سیاسی كە سەروەری خاكی پێشێل دەكرێت، بۆیە بڕیاری دەكردنی هێزی بیانی توركیاش دەگرێتەوە”.

ك.ج

بەردەوام بە لە خوێندنەوە

کوردستان

پیلانێكی داعش بۆ سەر كەمپی مەخمور شكستپێهێنرا

خەڵك – بەشی هەواڵ

ژمارەیەك تیرۆریستی داعش هەوڵیاندا پەلاماری سەر كەمپی پەنابەرانی شەهید ڕۆستەم جودی – مەخمور، بەڵام ئاشكرابوون و كشانەوە.

ئاژانسی (ڕۆژ نیوز) بڵاویكردەوە ئێوارەی ئەمڕۆ 28/1/2020، ژمارەیەك تیرۆریستی داعش، ویستیان هێرشبكەنە سەر كەمپی پەنابەرانی شەهید ڕۆستەم جودی- مەخمور، بەڵام لەلایەن هێزەكانی پاراستنی كەمپەكەوە هەستیان پێكرا و ئەوانیش كشانەونەتەوە.

بەگوێرەی ئەو زانیارییانەی كە سەرچاوە ئەمنیيەكانی كەمپەكە داویانە بەو ئاژانسە، تیرۆریستەكان ویستویانە لە باشووری كەمپی مەخمورەوە بێنە ناو كەمپەكە، بەڵام لەلایەن هاووڵاتیانی كەمپەكەوە هەستیان پێكراوە و هێزەكانی پاراستنی كەمپەكە ڕووبەڕوویان بوونەتەوە و ناچار بوون پاشەكشێ بكەن.

سەرچاوە ئەمنییەكانی كەمپەكە، ئاماژەیان بەوەكرد، لە ئێستادا بارودۆخی ئەمنی كەمپەكە لەژێر كۆنتڕۆڵی هێزەكانی پاراستنی كەمپەكەدایە و هیچ كێشەیەك نییە.

جێی ئاماژەیە، لە سەرلەبەیانی ئەمڕۆوە، فڕۆكە و هێلیكۆپتەر بەسەر مەخموردا دەگەڕان، كە دەوترا فڕۆكەی هاوپەیمانی نێودەوڵەتییە، لەدوای پەلامارەكەش سەرنجیان خستووەتە سەر كەمپەكە.

ك.ج

بەردەوام بە لە خوێندنەوە

کوردستان

سەرۆكی دەستەی دەستپاكی: دەبێت هەرێم ببێتە خاوەنی دەستوور

خەڵك-ئارام سەردار
سەرۆكی دەستەی دەستپاكی لەهەرێمی كوردستان ڕایگەیاند، ئیرادەی سیاسی بنەمای كارەكانە بۆ ئەنجامدانی چاكسازی لەهەرێمی كوردستان.

ئەحمەد ئەنوەر، سەرۆكی دەستەی دەسپاكی لەهەرێمی كوردستان سەبارەت بە ڕاپۆرتی چاودێری و هەڵسەنگاندنی بۆ هەنگاوەكانی چاكسازی حكومەتی هەرێم، كە لەلایەن ڕێكخراوی ستۆپ بۆ چاودێری و پەرەپێدان بەهاوبەشی سندوقی نیشتمانی ئەمریكی (NED) بڵاوكراوەتەوە ڕایگەیاند، تاكە ڕێگامان بۆ دەربازبوون لە كێشە و گرفتەكان، پێوستە هەوڵبدەین بۆ دروستكردنی سیستمێكی باش و گونجاو بەسیستەمكردنی پڕۆسەی حوكمڕانی، بۆیە ئەوە ڕاپۆرتەش، كە بڵاوكراوەتەوە هەنگاوێكی گرنگە.

دەشڵێت: “پێویستە پڕۆسەی چاكسازی ڕێنمایی و ڕێكاری تایبەتی هەبێت، هەروەها دەبێ هەرێمی كوردستان ببێتە خاوەن دەستووری خۆی، لەچوارچێوەی پڕۆسەی چاكسازیش ئێستا لەهەرێمی كوردستان كەرتی گشتی كەرتێكی زۆر گەورەیە و لە پێویستی حكومەت زیاترە، بۆیە بەهێزترین هەنگاو ئەوەیە، كە ئیرادەی سیاسی هەبێت بۆ چاكسازی”.

باسی لەوەشكرد، ئیرادەی سیاسی كاریگەری یەكلاكەرەوەی دەبێت لە پڕۆسەی چاكسازیدا، هەرچەندە هەنگاوەكانی دیكە وەك پراكتیك گرنگە، بەڵام ئیرادەی سیاسی بنەمای سەرەكی كارەكان دەبێت.

بەردەوام بە لە خوێندنەوە

کوردستان