ئێمە لە تۆرە کۆمەڵایەتیەکان

کوردستان

“توركیا یاسای نێودەوڵەتی شكاندووە”


خەڵك- بەشی هەواڵ

د. محەمەد جەلال، پسپۆڕی پەیوەندییە نێودەوڵەتییەكان و مامۆستای زانكۆ پێیوایە، زۆربەی وڵاتانی دەستڕۆیشتوو پابەندی یاسا نێودەوڵەتییەكان نابن و بەپێی بەرژەوەندی تایبەتی خۆیان مامەڵە دەكەن.

ناوبراو بۆ (خەڵك) ئاماژەی بەوەكرد، ئەوەی توركیا دەیكات بەرامبەر بە ڕۆژئاوای كوردستان جۆرێكە لە داپڵۆسین و ڕەشەكوژی، بۆیە ئەنجومەنی ئاسایش لە ئاستیدا بێدەنگ نابێت.

وتیشی”پێویستوایە نوێنەری سوریا لە نەتەوەیەكگرتووەكان سكاڵا تۆمار بكات، ئەگەر نەیشیكات ئەنجومەنی ئاسایش خۆی هەڵوێستی دەبێت، كاریگەری زۆری دەبێت بۆ سەر بابەتی بە ئەندامبوونی توركیا لە یەكێتی ئەوروپا و كێشەی زیاتری بۆ دروست دەكات”.

ئەو پسپۆڕە نێودەوڵەتییە ڕونیكردەوە، ئەوەی گرنگە هاندانی ڕایگشی نێودەوڵەتییە بۆ ئەوەی بەشداربن و فشار لەسەر توركیا دروستبكەن بۆ ڕاگرتنی هێرشەكان.

کوردستان

11 تووشبووی كۆرۆنا لە سلێمانی چاك بوونەوە


خەڵك-بەشی هەواڵ

بەڕێوەبەری تەندروستی سلێمانی ڕایدەگەیەنێت، 11 تووشبووی دیكەی كۆرۆنا لەشاری سلێمانی چاك بوونەوە.

سەباح هەورامی بەڕێوەبەری تەندروستی سلێمانی لە كۆنفرانسێكی ڕۆژنامەوانیدا ڕایگەیاند، 11 كەسی دیكەی تووشبووی كۆرۆنا لە پارێزگای سلێمانی چاك بوونەتەوە.

وتیشی”كۆی ئەو كەسانەی چاكبوونەتەوە لە پارێزگای سلێمانی گەیشتووەتە 63 كەس”.

بەردەوام بە لە خوێندنەوە

ئابوری

ئەمڕۆ وەزارەتی خوێندنی باڵا مووچە وەردەگرێت


خەڵك-بەشی هەواڵ

بەپێی ئەو خشتەیەی پێشتر وەزارەتی دارایی بڵاویكردەوە، بڕیارە ئەمڕۆ یەك شەممە 5-4-2020 مووچەی مانگی 12ی ساڵی ڕابردووی وەزارەتی خوێندنی باڵای حكومەتی هەرێمی كوردستان دابەش بكرێت.

بەپێی زانیارییەكانیش دابەشكردنی مووچە لە ڕۆژانی داهاتوو بەردەوام دەبێت، ئەمەش لەكاتێكدایە مووچەی سێ مانگی ئەمساڵ هیچ وادەیەك دیاری نەكراوە بۆ دابەشكردنی.

بەرپرسانی حكومەتی هەرێم ڕایدەگەیەنن، بەهۆی بڵاوبوونەوەی ڤایرۆسی كۆرۆنا و داخستنی سەرجەم چالاكییە ئابوورییەكان، داهاتی حكومەتی هەرێم لە سفر نزیك بووەتەوە، بەو هۆیەشەوە دابەشكردنی مووچەی لەكاتی خۆیدا دابەش ناكرێت.

بەردەوام بە لە خوێندنەوە

کوردستان

وەزارەتی تەندروستی: 18 كەسی دیكە لە هەولێر تووشی كۆرۆنا بوون


خەڵك – بەشی هەواڵ
ئەمڕۆ یەك شەممە وەزارەتی تەندروستی هەرێمی كوردستان تووشبوونی 18 كەسی دیكەی بە ڤایرۆسی كۆرۆنا ڕاگەیاند.

لە ڕاگەیەندراوەكەی وەزارەتی تەندروستیدا هاتووە لە بەردەوامی پشکنینەکان و گەڕان بەدوای گومانلێکراوان، 18 تووشبووی ڤایرۆسی کۆرۆنای نوێ COVID-19 لە شاری ھەولێر دەستنیشانکران.

ڕوونیشیكردەوە کە تووشبووەكان 8 پیاو و 6 ئافرەت و 4 منداڵن و سەرجەمیان بەرکەوتەی تووشبوویەکی پرسەی ماتەمینی گەڕەکی کارێزانن و دانیشتووی چەند گەڕەکێکی جیاوازی شاری هەولێرن.

بەوەش کۆی گشتی تووشبووانی پرسەی ماتەمینیەکەی گەڕەکی کارێزان بووە 32 كەس.

بەردەوام بە لە خوێندنەوە

کوردستان