ئێمە لە تۆرە کۆمەڵایەتیەکان

کوردستان

وەزارەتی بەرگری توركیا ڕاگەیەندراوێكی بڵاوكردەوە

خەڵك –بەشی هەواڵ

وەزارەتی بەرگری توركیا ڕاگەیەندراوێكی لەسەر هێرشكردنەسەر رۆژئاوای كوردستان بڵاوكردەوە.

بەپێی ڕاگەیەندراوەكە، ئۆپەراسیۆنی سوپای توركیا بە پێی بەرنامەی دیاریكراو بەڕێوەدەچێت و هەندێك شوێن كۆنترۆڵكراون و بە درێژایی شەو هێرشی زەوینی و ئاسمانی بەردەوام بوون.

بەپێی نوێترین زانیارییەكان لەبەیانی ئەمڕۆوە شەڕ لە میحوەرەكانی گرێسپی و سەرێ كانیێ بە چڕی دەستیپێكردووە و هەسەدەش تێكشكاندنی چوار تانك و فڕۆكەیەكی بێفڕۆكەوانی توركیا و كوژرانی پێنج چەكداری سەر بە توركیای ڕاگەیاند.

ئابوری

ئینستیوتی پەی: بەپێی پڕۆژەی چاكسازی دەرماڵەی مامۆستایان و فەرمانبەران دەبڕدرێت

خەڵك-بەشی هەواڵ

 

سەرۆكی ئینستیوتی پەی بۆ پەروەردەو گەشەپێدان ڕایدەگەیەنێت، پڕۆژەی چاكسازی چاك (ساز) نەكراوە و موچەو دەرماڵەی خاوەن بڕوانامەكان كەمدەكرێتەوە.

سەروەر عەبدولڕەحمان سەرۆكی ئینستیوتی پەی بۆ پەروەردەو گەشەپێدان لە هەژماری خۆی بڵاویكردەوە، پڕۆژە یاسای بەناو چاكسازی، كە بانگەشەیەكی زۆری بۆ دەكرێت، چەند خاڵێكی باشی تێدایە، وەك كەمكردنەوەی موچەی پلە باڵاكان لەپێناو دادی كۆمەڵایەتی، بڕینی موچە نایاساییەكان، یەكخستنی پلە وەزیفییەكان، لادانی بن دیوارەكان و پاككردنەوەی لیستی موچەی شەهیدان و پێشمەرگەی دێرین و كەمئەندامی سەنگەر و چاودێری كۆمەڵایەتی لە كەسانی ناشایستە. گەڕانەوەی ئارەزومەندانەی پەڕلەمانتارانی خانەنشین بۆسەر وەزیفەی پێشوتریان.

دەشڵێت “لەگەڵ ئەوەشدا یاساكە ناوی چاكسازییە دەستی بۆ بابەتە سەرەكییەكان و جومگە هەستیارەكان نەبردووە كە هۆكاری سەرەكیی گەندەڵی و بەهەدەردانی سامانی گشتین، وەك كەرتی نەوت و گاز، وەبەرهێنان، دیارنەمانی داهاتە ناوخۆییەكان، قەرز و دەستێكەڵكردنی كۆمپانیاكانی كەرتی تایبەت، كاراكردنی دامەزراوەكانی دیوانی چاودێری و دەستەی دەستپاكی كە دەستیان بەستراوە، كێشانەوەی دەستی حزب لە بازرگانی و دەستێخستنی لە كاروباری گشتی و حكومی و چەندانی تر”.
ئاشكراشیدەكات، ئەوەی جێگای سەرسوڕمانە تێیدا مووچەی فەرمانبەران كەمدەكرێتەوە بەوەی بەشێكیان دەرماڵەكانیان دەبڕدرێت و بەشەكەی تریشیان كەمدەكرێتەوە، بۆ نمونە دەرماڵەی بڕوانامەكانی دبلۆم لە (35%)ەوە دەبێت بە (5%)، بەكالۆریۆس لە (45%)ەوە دەبێت بە (10%).، دبلۆمی باڵا لە (55%)ەوە دەبێت بە (15%).، ماستەر لە (75%)ەوە دەبێت بە (15%)، دكتۆرا لە (100%)ەوە دەبێت بە (20%)، جگە لەمانە چارەنووسی دەرماڵەكانی نازناوی زانستیش دیار نیە، وەك مامۆستای یاریدەدەر (15%)، مامۆستا (25%)، پڕۆفیسۆری یاریدەدەر (35%)، پڕۆفیسۆر (50%)..

دەشنووسێت، لە دواهەمواری یاسای خزمەتی شارستانیی عیراقیدا كە لەم دواییانە پەسەندكراوە لە پەڕلەمانی عیراقدا نەك كەم نەكرایەوە، بەڵكو زیادیش كراوە.

ڕوونیشیدەكاتەوە، جگە لەمە ئەوەی لەم پڕۆژە یاسایەدا باسی لێوە نەكراوە زیادكردنی موچەی خانەنشینیی پلە نزمەكانە، لەكاتێكدا لە پەڕلەمانی عیراقدا هەمواركرا كە كەمترین موچەی خانەنشینی (500.000) پێنج سەد هەزار دینارە، كەچی لە هەرێمدا خانەنشین هەیە تەنها (150.000) سەدوپەنجا هەزار دینار وەردەگرێت، ئەمە جگە لەوەی دەرماڵەی بەشێكی زۆر لە فەرمانبەرانی وەزارەتەكانی پەروەردە، كارەبا، تەندروستی و هتد دەبڕێت، پڕۆژە یاساكە كەموكوڕی زۆری تێدایە، ناكرێت بۆ پەردەپۆشكردن بەناوی چاكسازییەوە هێزە سیاسیەكان بەخەڵكی بفرۆشنەوە.

جەخت لەوەش دەكاتەوە، پێویستە فەرمانبەران و مامۆستایان دژی بووەستنەوە بەم شێوازەی ئێستای، چونكە ئەگەر پێشتر بەناوی پاشەكەوتەوە موچەیان پێنەدەدرا، كەچی ئێستا خەریكە بەناوی چاكسازییەوە بە یاسایی لێیان دەبڕدرێت.

بەردەوام بە لە خوێندنەوە

کوردستان

كۆبوونەوەی ئەنجومەنی وەزیران دەستیپێكرد

خەڵك –بەشی هەواڵ

كۆبوونەوەی ئەنجومەنی وەزیرانی هەرێمی كوردستان دەستیپێكرد.

بەپێی زانیارییەكان لە كۆبوونەوەی ئەمڕۆدا پرۆژەی چاكسازی پەسەنددەكرێت و ڕەوانەی پەرلەمانی كوردستان دەكرێت.

لەوبارەیەوە سەروەر عەبدولڕەحمان پەرلەمانتاری پێشووی كوردستان ئاشكرایكردووە لە پرۆژەكەدا دەرماڵەی مامۆستایان و فەرمانبەران دەبڕدرێت و مووچە كەمدەكرێتەوە.

هاوكات لە پرۆژەكەدا مووچەخۆری بندیوار و نایاسایی و مووچەی پلەباڵاكانیش كەمدەكرێتەوە.

 

بەردەوام بە لە خوێندنەوە

ژینگە

زۆرترین بڕی باران لە چوارتاو قەرەداغ باریوە

خەڵك-بەشی هەواڵ

بەڕێوەبەرایەتی كەشناسی و بومەلەرزەزانی هەرێمی كوردستان ڕێژەی باران بارینی لە 24 كاتژمێری ڕابردوو بڵاوكردەوە.

بەپێی زانیارییەكانی كەشناسی هەرێمی كوردستان، زۆرترین ڕێژەی بارین باران لە 24 كاتژمێری ڕابردوو لە ناوچەی چوارتا سەر بە پارێزگای سلێمانی بە بڕی29 ملم باریوە.
هەر بەپێی زانیارییەكانی كەشناسی هەرێم زۆرترین باران بۆ ئەمساڵ لە ناوچەی قەرەداغ سەر بە پارێزگای سلێمانی باریوە و بڕی 317 ملم باران باریوە.

بەردەوام بە لە خوێندنەوە

کوردستان