ئێمە لە تۆرە کۆمەڵایەتیەکان

جیهان

لێدوانەكانی تڕەمپ، توركیای تووشی شۆك كردووە

خەڵك – بەشی هەواڵ

ڕاوێژكارێكی سەرۆك كۆماری توركیا، دەڵێت، لێدوانە پێچەوانەكانی سەرۆكی ئەمریكا نیگەرانی كردوون لە كاتێكدا هەردوو وڵات، پێكەوە باسیان لە ئەنجامدانی لەشكركێشی بۆ سەر باكووری سوریا كردووە، ئەوەش دەخاتەڕوو كە بەر لە ئەنجامدانی هێرشەكان هەردوو سەرۆك بە تەلەفۆن پەیوەندییان بەیەكەوە كردووە.

 

گولنار ئابیت، ڕاوێژكاری رەجەب تەیب ئەردۆگان، بە پێگەی تورك پرێسی وتووە: بەر لەئەنجامدانی هێرشەكان سەرۆكی توركیا و هاوتا ئەمریكاییەكەی بە تەلەفۆن گفتوگۆیان لەبارەی كردە سەربازییەكان بۆ سەر سوریا كردووە و هاوڕا بوون لەسەر ئەنجامدانی ئەو كردەوە سەربازیانەی لە خاكی سوریادا ئەنجام دەدرێن لە چوارچێوەی دروستكردنی ناوچەی ئارام.

 

ئەو ڕاوێژكارەی ئەردۆگان، سەرسوڕمانی خۆی نیشان دەدات، سەبارەت بە تویتەكانی سەرۆكی ئەمریكا لە كاتێكدا ڕێگەی پێداون هێرش بكەن بەڵام بە داڕمانی ئابووری توركیا هەڕەشەیان لێ‌ دەكات و ناو بە ناو لێدوانی پێچەوانە دەدات لەسەر توركیا.

 

پاش كشانەوەی بەشێك لە سەربازانی ئەمریكایی لە هەندێك خاڵی چاودێری لە ناو خاكی سوریا و لە دەسپێكی هێرش و پەلامارەكانی تورك بۆ سەر ڕۆژئاوای كوردستان، دۆناڵد تڕەمپ سەرۆكی ئەمریكا لە تویتێكدا ڕایگەیاند: “توركیا زیاد لەوە بكات كە ڕێگەی پێدراوە ئەوا ئابوورییەكەی وێران دەكات”.

جیهان

ئەردۆغان هەڕەشەی دەستپێكردنەوەی هێرشەكان بۆ ڕۆژئاوای كوردستان دەكات

خەڵك-بەشی هەواڵ

سەرۆك كۆماری توركیا ڕایدەگەیەنێت، لە حاڵی جێبەجێنەكردنی بەڵێنەكانی ئەمریكادا هێرشەكان بۆ سەر باكوری ڕۆژهەڵاتی سوریا دەست پێدەكاتەوە.
ڕەجەب تەیب ئەردۆغان سەرۆك كۆماری توركیا لە وتارێكدا ڕایگەیاند، حەوت سەربازی توركیا و 79 چەكداری گروپ چەكدارەكانی ئۆپۆزسیۆنی سوریا لە هێرشەكانی سەر ڕۆژئاوای كوردستان كوژراون.
لەبارەی كۆبوونەوەكەی ئەمڕۆشیەوە لەگەڵ ڤلادیمێر پۆتینی سەرۆكی ڕوسیا لە سوچی ئاشكرایكرد، لەگەڵ پۆتیدا تاوتوێی ڕەوشی سوریا دەكات.
وتیشی”ڕوسیا و توركیا لەبەرانبەر ڕووبەڕووبوونەوەی تیرۆر و ڕەوشی سوریا هاوبۆچوون و تێكۆشینی هاوبەش دەكەن”.

ئەم لێدوانە هاوكاتە كە ئەمشەو كاتژمێر 10ی شەو بە كاتی كوردستان وادەی ئاگربەستی نێوان توركیا و هەسەدە كۆتایی پێدێت و بەپێی لێدوانی بەرپرسانی توركیا و هەسەدە شەڕ دەستپێدەكاتەوە.

بەردەوام بە لە خوێندنەوە

جیهان

پۆمپیۆ: ترەمپ ئامادەیە هێزی سەربازی دژی توركیا بەكاربهێنێت

خەڵك – بەشی هەواڵ

وەزیری دەرەوەی ئەمریكا ڕایدەگەیەنێت، دۆناڵد ترەمپ سەرۆكی ئەمریكا ئامادەیە لەكاتی پێویستدا هێزی سەربازی دژی توركیا بەكاربهێنێت.

مایك پۆمپیۆ وەزیری دەرەوەی ئەمریكا ڕایگەیاند، دۆناڵد ترامپ ئامادەیە ڕێگەچارەی سەربازیی دژی توركیا بگرێتەبەر ئەگەر پێویست بكات.

ئەمەش لەكاتێكدایە، لەگەڵ دەستپێكی هێرشەكانی توركیا بۆ سەر ڕۆژئاوای كوردستان (باكووری ڕۆژهەڵاتی سوریا) ئەمریكا بڕیاریدا سەرجەم هێزە سەربازییەكانی لە ناوچەكە بكێشێتەوە.

بەردەوام بە لە خوێندنەوە

ئابوری

نوام چۆمسكی: بایكۆت ئابووری توركیا دادەڕمێنێت

خەڵك – بەشی هەواڵ

فەیلەسوفێكی ئەمریكایی ڕایدەگەیەنێت، بایكۆتكردنی كاڵای توركیایی ئابووری ئەو وڵاتە دادەڕمێنێت.

نوام چۆمسكی نووسەری بەناوبانگ و فەیلەسوفی ئەمریكایی لە پەیامێكدا سەبارەت بە بایكۆتی كاڵای توركیایی بەهۆی هێرشەكانی بۆ سەر ڕۆژئاوای كوردستان و باكووری سوریا ڕایگەیاند، پێویستە هونەرمەندان و نووسەران و ڕۆشنبیرانی جیهان ، بایكۆتی كاڵای توركيايی بكەن و مامەڵەی پێوەنەكەن.

نوام چۆمسكی ئاماژەی بەوەشكرد، ئەگەر بایكۆتی كاڵای توركی بكرێت و بازاڕەكان بەبێ بەرهەمی توركیایی بمێنێتەوە، توركیا تووشی داڕمانی ئابووریی دەبێت، هەروەها بۆ ڕاوەستانی هێرشەكان داوا دەكات توركیا بخرێتە ژێر گوشاری نێودەوڵەتییەوە.

بەردەوام بە لە خوێندنەوە

کوردستان