ئێمە لە تۆرە کۆمەڵایەتیەکان

کوردستان

سەردار عەبدوڵڵا: شیكردنەوەی ڕاستەقینە دورە لە ئینتمایی نەتەوەیی و حەز و سۆز


خەڵك- بەشی هەواڵ

سەدار عەبدوڵڵا، سیاسەتمەداری سەربەخۆ و سەرۆكی پێشوتری فراكسیۆنی گۆڕان لە پەرلەمانی عیراق ڕایگەیاند، لە سوریاوە تەنها شەڕ ناكرێت و ناوچەی نفوسی دیاری بكرێت، بەڵكو جارێكی دیكە نیزامی جیهانی تازە ڕەسم دەكرێتەوە.

ناوبراو لە چاوپێكەوتنێكی تەلەفزیۆنیدا ئاماژەی بەوەكرد، پێویستە كورد لەو ئاستەدا سەیری خۆی و دەوروبەری بكات و بزانێت دەتوانێت چی بكات و ناتوانێت چی بكات.

وتیشی”دەبێت بزانین بنەڕەتی كێشەكە لە ئاستی ستراتیژیدا چییە، كێشەی ئێمە ئەوەیە لەسەر ئاستی ستراتیژی وەریناگرین و بە تاكتیك و لێدوان وەری دەگرین، بۆ نمونە خەڵكانێك لە دڵسۆزیانەوە دەڵێن ئاسمانی سوریا بەدەست ئەمریكاوەیە و توركیا ناتوانێت فڕۆكە هەڵبستێنێت و بەوەش دەتوانین زەوی لێبكەین بە ئاگر، لەكاتێكدا ئەو كەسانە لەوێ نین و نازانن، ئەم ئێوارەیە فڕۆكەی ئێف 16 بۆردومانی كرد”.

ناوبراو هەر لە قسەكانیدا باسی لەوەكرد، لەكاتی شیكردنەوەدا پێویستە”بابەتی و بێلایەنی” بوون لەبەرچاو بگیرێت، ئینتیمای نەتەوەیی و حزبی لەبەرچاو نەگیرێن و نەیار و هاوپەیمان بە وردی بخوێنرێنەوە و پاشان لەسەر بنەمایی بەرژەوەندی میللەت بڕیار بدرێت و نابێت لەسەر بنەمای حەز و سۆز بڕیار بدرێت.

ریکلام

کوردستان

وێنە.. پۆلیسی هەولێر دەستگیركردنی دوو بازرگانی ماددەی هۆشبەری ڕاگەیاند


خەڵك – بەشی هەواڵ

بەڕێوەبەرایەتی پۆلیسی پارێزگای هەولێر ڕایدەگەیەنێت، دوو تۆمەتباریان دەستگیركردووە كە بازرگانییان بە ماددەی هۆشبەرەوە كردووە.

بەڕێوەبەرایەتی پۆلیسی پارێزگای هەولێر لە ڕاگەیەنراوێكدا ئاشكرایكرد، هێزەكانیان دوو تۆمەتباریان دەستگیر كردووە كە بازرگانییان بە ماددەی هۆشبەر كردووە بە ناوەكانی (و.ص.ع)، (ا.س.ا) و دوای دەستگیركردنیان دانیان نا بە تاوانەكەیاندا.

ئاماژە بەوەشكراوە، هەردوو تۆمەتبار لە كاتی دەستگیركردنیاندا كەلوپەلی قەدەغەكراو وەك (دەمانچە و چەقۆ و تەور و ماددەی هۆشبەریان لەلا بووە)، هەروەها توانراوە ئۆتۆمبێلێك لە جۆری (BMW) دەستی بەسەردا بگیرێت كە ئۆتۆمبێلی یەكێك لە تۆمەتبارەكان بووە.

بەڕێوەبەرایەتی پۆلیسی پارێزگای هەولێر ئەوەشیخستووەتەڕوو، پەڕاوی لێكۆڵینەوە بۆ ئەم مەبەستە ڕێكخرا و دادوەر بڕیاریداوە بە بەندكردنی هەردوو تۆمەتبار بە ماددەی (۱٤) لە یاسای سزادان، كە تایبەتە بە ماددە هۆشبەرەكان.

ك.ج

 

بەردەوام بە لە خوێندنەوە

کوردستان

بەڕێوەبەرایەتی گشتی تەندروستی هەولێر ئاگادارییەك بڵاودەكاتەوە


خەڵك – بەشی هەواڵ

بەڕێوەبەرایەتی گشتی تەندروستی هەولێر لە ئاگادارینامەیەكدا ئاگاداری هاووڵاتیانی شاری هەولێر دەكاتەوە، ئەو كەسانەی لە ڕێكەوتی 15/2/2020 لە دەوەری وڵات هاتوونەتەوە ناو كوردستان لە سنووری پارێزگای هەولێر بۆ ئەنجامدانی پشكنینی دڵنیابوون لە نەخۆشی ڤایرۆسی كۆرۆنا لە ڕێكەوتی 1/4/2020 لە كاتژمێر 9ی بەیانی تا كاتژمێر 12ی نیوەڕۆ بەڵگەنامەی سەفەر (پاسپۆرت) لەگەڵ خۆیان بهێنن و سەردانی یەكێك لەم بنكە تەندروستییانە بكەن.

ناو شار:

ـ بنكەی تەندروستی برایەتی خێزانی
ـ كورانی عنكاوە
ـ بنكەی تەندروستی شەهیدان
ـ بنكەی تەندروستی ملا فەندی
ـ بنكەی تەندروستی كوردستان
ـ سەنتەری شادی خێزانی

دەرەوەی شار:

ـ بنكەی تەندروستی ڕاژان
ـ بنكەی تەندروستی سارێژ
ـ نەخۆشخانەی گشتی شەقڵاوە
ـ نەخۆشخانەی گشتی بلێ
ـ سەنتەری چارەسەری كۆڕۆنا لە سۆران (بنكەی چارە)

 

بەڕێوەبەرایەتی گشتی تەندروستی هەولێر ئاماژەی بەوەشداوە، تەنها ئەو هاووڵاتییانە سەردان بكەن كە پشكنینیان بۆ ئەنجام دەدرێت و ئەو هاووڵاتییانەی كە كەرەنتین (Quarantine) كراون یاخود پشكنینیان بۆ كراوە نایانگرێتەوە.

 

دەقی ئاگادارینامەكە:

ئاگاداریەك بۆ هاوڵاتیانی شاری هەولێری خۆشەویست

لەبەر بەرژەوەندی گشتی و پاراستنی تەندروستی هاولاتیان و كۆنترۆلكردنی بلاوبونەوە و توشبون بە نەخۆشی ڤایرۆسی كۆرۆنا، سەرجەم ئەو هاولاتییانەی كە لە ڕێكەوتی 15/2/2020 لەدەرەوەی وڵات هاتونەتەوە ناو كوردستان لەسنوری پارێزگای هەولێر، بۆ ئەنجامدانی پشكنینی دڵنیابوون لە نەخۆشی ڤایرۆسی كۆرۆنا (COVID-19)لە ڕێكەوتی 1/4/2020 كاتژمێر (٩)ی بەیانی تاكو كاتژمێر (١٢)ی نیوەرۆ، بەلگەنامەی سەفەر (پاسپۆرت) لەگەل خۆیان بهێنن و سەردانی یەكێك لەم بنكە تەندروستییانەی خوارەوە بكەن.

ناو شار:
ـ بنكەی تەندروستی برایەتی خێزانی
ـ كورانی عنكاوە
ـ بنكەی تەندروستی شەهیدان
ـ بنكەی تەندروستی ملا فەندی
ـ بنكەی تەندروستی كوردستان
ـ سەنتەری شادی خێزانی

دەرەوەی شار:
ـ بنكەی تەندروستی ڕاژان
ـ بنكەی تەندروستی سارێژ
ـ نەخۆشخانەی گشتی شەقڵاوە
ـ نەخۆشخانەی گشتی بلێ
ـ سەنتەری چارەسەری كۆڕۆنا لە سۆران (بنكەی چارە)

تێبینی:
• تەنها ئەو هاوڵاتییانە سەردان بكەن كە پشكنینیان بۆ ئەنجام دەدرێت
• ئەو هاوڵاتییانەی كە كوارەنتین (Quarantine) كراون یاخود پشكنینیان بۆ كراوە نایانگرێتەوە.

بەردەوام بە لە خوێندنەوە

کوردستان

وێنە.. لاهور شێخ جەنگی بۆ پزیشك و كارمەندانی تەندروستی: ئێوە سەربازی ونن


خەڵك – بەشی هەواڵ
هاوسەرۆكی یەكێتی بە یاوەری وەفدێكی باڵای حزبەكەی سەردانی شارۆچكەی دەربەندیخانی كرد.

لاهور شێخ جەنگی هاوسەرۆكی یەكێتیی نیشتمانیی كوردستان بەیاوەری هەریەك لە دكتۆر میران عەباس و دكتۆر سۆران جەمال تاهیر ئەندامانی مەكتەبی سیاسی و چەتۆ ساڵح ئەندامی ئەنجومەنی گشتی سەركردایەتی، ئەمڕۆ دووشەممە 30/3/2020، سەردانی شارۆچكەی دەربەندیخانیان كرد و لەگەڵ قائیمقام و بەڕێوەبەرایەتی تەندروستی دەربەندیخان و هێزەكانی پۆلیس و ئاسایش و هاتوچۆ كۆبووەوە.

هاوسەرۆكی یەكێتی لە كۆبوونەوەكەدا ڕایگەیاند:”ئێمە وەك یەكێتیی نیشتمانیی كوردستان سوپاستان دەكەین كە لەم بارودۆخەدا ئەركەكانی سەرشانتان زۆر بەباشی ڕاپەڕاندووە و ڕێنماییە تەندروستییەكان بۆ سەلامەتی دانیشتووانی شارۆچكەكە جێبەجێ دەكەن”.

لاهور شێخ جەنگی وتیشی جەختیشیكردەوە:” پشتیوانی هەموو داواكارییەكانتان دەبین و لەچەند ڕۆژی تریشدا خۆراك دەنێرین بۆ خێزانە هەژار و كەم دەرامەتەكانی سنوورەكە”.

دواتر، لاهور شێخ جەنگی سەردانی بەڕێوەبەرایەتی تەندروستی دەربەندیخانی كرد و لەگەڵ پزیشك و كارمەنداندا كۆبووەوە و دەستخۆشی ئەرك و ماندوبوونی لێكردن و بە سەربازی ون وەسفی پزیشك و كارمەندانی كرد.

ك.ج

 

بەردەوام بە لە خوێندنەوە

کوردستان