ئێمە لە تۆرە کۆمەڵایەتیەکان

عێراق

كۆمسیۆن: هەڵبژاردنی پارێزگاكان دواناخرێت

خەڵك-بەشی هەواڵ

جێگری سەرۆكی كۆمسیۆنی باڵای سەربەخۆی هەڵبژاردنەكانی عیراق ڕایدەگەیەنێت، بەهیچ شێوەیەك ناتوانین هەڵبژاردنی ئەنجومەنی پارێزگاكان دوابخەین.

ڕزگار حەمە محێدین جێگری سەرۆكی كۆمسیۆنی باڵای سەربەخۆی هەڵبژاردنەكانی عیراق بە دەنگی ئەمریكای ڕاگەیاند، ئەنجامدانی هەڵبژاردنی پێشوەختە پێویستی بە بڕیاری پەڕلەمانی عیراقەو تا ئێستاش بەفەڕمی هیچ شتێكمان بەدەست نەگەیشتووە بۆ هەڵبژاردنی پێشوەختە.
وتیشی”لە ئامادەكاری تەواوداین بۆ ئەنجامدانی هەڵبژاردنی ئەنجومەنی پارێزگاكان، كە زیاترینی داواكارییەكان ئەوەیە گۆڕانكاری بكرێت، لە ئەنجامدانی هەڵبژاردنەكانیش ئەوە دەكرێت”.

ئاشكراشیكرد، هەموو توانای كۆمسیۆن بۆ ئەنجامدانی هەڵبژاردنی ئەنجومەنی پارێزگاكانە، چونكە هەموو هەڵبژاردنێك بەنزیكەیی پێویستی بە (220) ی ڕۆژ هەیە، هەر لەتۆماركردنی ناوی قەوارە و لایەنەكانی بەشدار لەهەڵبژاردنەكان، ناوی كاندیدەكان و بەدواداچوونی خۆیان و بڕوانامەكانیان ئامادەكاری وەرەقەی دەنگدان، چونكە لە عیراقدا 24 ملیۆن دەنگدەر هەیە بۆیە كۆمسیۆن دەبێت بەلانی كەم 24 ملیۆن وەرەقەی دەنگدان ئامادە بكات.

ڕوونیشیكردەوە، بەهیچ شێوەیەك ناتوانین هەڵبژاردنی ئەنجومەنی پارێزگاكان دوابخەین، چونكە ئەوە لەدەسەڵاتی ئێمەدا نییە، هەروەها لەهەمواری یاسای هەڵبژاردنەكان كە ئەنجامدراوە ڕۆژی 1/4/2020 بۆ ئەنجامدانی هەڵبژاردنی ئەنجومەنی پارێزگاكان دیاریكراوە و لەسەر ئێمە بووەتە یاسا و پابەندین بەجێبەجێكردنی.

سەبارەت بە توانای كۆمسیۆن بە ئەنجامدانی هەردوو هەڵبژاردنی ئەنجومەنی پارێزگاكان و پەڕلەمان لەیەك كاتدا، ناوبراو ڕایگەیاند، ناتوانین، چونكە هەنگاوی زۆرمان بۆ ئەنجامدانی هەڵبژاردنی پارێزگاكان بڕیوە، كۆمەڵێك گرێبەستمان لەگەڵ كۆمپانیاكان كردووە بۆ پێداویستییەكانی هەڵبژاردن ناتوانرێت ئەو گرێبەستانە هەڵبوەشێنرێتەوە، هەروەها كۆمسیۆن ئامادەكاری تەواوی داڕشتووە كە هەڵبژاردنی ئەنجومەنی پارێزگاكان بكرێت، ناكرێت بێیت پلانی دووەم دابنێیت، چونكە یەك مەكتەبمان هەیە كە ئەركی جێبەجێكردنی هەڵبژاردنی ئەنجومەنی پارێزگاكانت پێسپاردووە، ناكرێت لەم قۆناغەدا بوترێت وەرە ئەركی دووەمیش جێبەجێ بكە.

عێراق

سەدر سەركردەیەكی سڕكرد

خەڵك –بەشی هەواڵ

موقتەدا سەدر رێبەری رەوتی سەدر سەركردەیەكی رەوتەكەی سڕكرد بەهۆی ئەوەی پابەندی بڕیارەكەی نەبووە لە راگرتنی پشتیوانی لە خۆپیشاندەران.

نووسینگەی سەدر لە راگەیەندراوێكدا بڵاویكردەوە، ئەسعەد ناسڕی سڕكراوە بەهۆی ئەوەی پابەندی بڕیارەكانی سەدر نەبووە.

ناسری سەركردەی باڵای رەوتی سەدر بڕیارەكانی موقتەدا سەدری جێبەجێنەكردووەو سەركردایەتی خۆپیشاندەرانی ناسریەی كردووە دوێنێ.

رەوتی سەدر بە فەڕمی كشانەوەی خۆی لە پشتیوانیكردن لە خۆپیشاندەران راگەیاند و هێزە ئەمنییەكانی عیراقیش هێرشیانكردەسەر خۆپیشاندەران.

بەردەوام بە لە خوێندنەوە

عێراق

خۆپیشادانی فراوان لە عیراق بەردەوامە

خەڵك- بەشی هەواڵ

ئەمڕۆ جارێكی دیكە خۆپیشاندەران لە گۆڕەپانی تەحریر لە بەغدا و شارەكانی باشوری عیراق ڕژانەوە سەر شەقامەكان و داوای گۆڕینی سیستمی سیاسی وڵات دەكەن.

میدیاكانی عیراق بڵاویانكردەوە، خۆپیشاندەران لە بەغدا، بابل، كەربەلا، دیوانیە و ناسرییە خۆپیشاندانی فراوانیان دەستپێكردووە.

ماوەی زیاتر لە سێ‌ مانگە خۆپیشاندانی فراوان لە عیراق بەڕێوەدەچێت بۆ هەلی كار و گۆڕینی سیستمی سیاسی وڵات.

بەردەوام بە لە خوێندنەوە

عێراق

نەتەوە یەكگرتووەكان: پێویستە حكومەتی عیراق لە بری توندوتیژی خزمەتی هاووڵاتیانی بكات

خەڵك – بەشی هەواڵ

نێردەی تایبەتی نەتەوە یەكگرتووەكان لە عیراق ڕەخنە لە توندوتیژی بەرامبەر بە خۆپیشاندەران و جێبەجێنەكردنی داواكارییەكانیان دەگرێت.

جینین هینیس پلاسخارت نێردەی تایبەتی سكرتێری گشتی نەتەوە یەكگرتووەكان بۆ عیراق ڕایگەیاند:”لێنەپرسینەوە و نەبوونی گیانی لێبوردەیی شایەنی عیراقییەكان نیین، كە چوار مانگە بە ئازایانە بەرگریی لە داواكارییەكانیان دەكەن، لەگەڵ ئەوەشدا ژمارەی كوژراو و بریندارەكان تادێت زیاتر دەبێت”.

نێردەی تایبەتی سكرتێری گشتی نەتەوە یەكگرتووەكان بۆ عیراق ئاماژەی بەوەشكرد:”ئەو هەنگاوانەشی تائێستا گیراونەتەبەر بێبەرهەم دەبن ئەگەر تەواونەكرێن، پێویستە خزمەتی خەڵك بكرێت و بپارێزرێن، نەك بە توندوتیژی ڕووبەڕوویان ببنەوە”.

بەردەوام بە لە خوێندنەوە

کوردستان