ئێمە لە تۆرە کۆمەڵایەتیەکان

جیهان

فنلاندا، فرۆشتنی چەكی بە توركیا ڕاگرت

خەڵك – بەشی هەواڵ

 

وەزیری بەرگری فنلاندا لەسەر پەلاماری توركیا بۆ ڕۆژئاوای كوردستان هاتە دەنگ و ڕایدەگەیەنێت، بە پێی ئەو بەرپرسیارییەتیەی لەسەر شانمانە، بڕیارماندا بە ڕاگرتن و پێ‌ نەفرۆشتنی چەك و پێداویستی سەربازی بە توركیا.

 

ئانتی كایكۆنن، وەزیری بەرگری فنلاندا، لە پێگەی تایبەتی خۆی لە تۆڕی كۆمەڵایەتی تویتەر، ڕایگەیاندووە: دەسپێكردنی هێرش بۆ سەر سوریا دۆخەكە تێك دەدات و ئەمەش وا دەكات، كە ئێمە بە مامەڵەكانمان لەگەڵ توركیا بچینەوە و چەك و پێداویستی سەربازی بەو وڵاتە نەفرۆشین.

 

ئەوەشی نوسیوە، وەك وڵاتێك كە ڕێز لە مافەكانی مرۆڤ دەگرین نابینە بەشێك لە كوشت بڕی كەسانی سیڤیل.

جیهان

ئێران رێوشوێن بۆ رێگری لە كۆرۆنا دەگرێتەبەر

خەڵك –بەشی هەواڵ

كۆماری ئیسلامی ئێران رێوشوێنی توند لە دەروازەكان دەگرێتەبەر بۆ رێگری لە بڵاوبونەوەی نەخۆشی كۆرۆنا.

بەپێی ئاژانسی مێهری ئێرانی لە دەروازەكانی ئێرانەوە رێوشوێنی توند گیراوەتەبەر لە دانانی تیمی تایبەتی پشكنین و چاودێری گەشتیاران بۆ رێگری لە بڵاوبونەوەی نەخۆشی كۆرۆنا.

نەخۆشی كۆرۆنا لە چین بڵاوبووەتەوە، لەوێ زیاتر لە 40 كەس بەهۆیەوە گیانیان لەدەستداوە و هەزارانی دیكەش تووش بوون.

هاوكات نەخۆشییەكە گەیشتووەتە ئەمریكا و فەرەنسا و ئوسترالیا و وڵاتانی دیكەی ئاسیای وەك ژاپۆن و كۆریای باشور و مالیزیا و چەند وڵاتێكی دیكە.

بەردەوام بە لە خوێندنەوە

جیهان

بەهۆی ڤایرۆسی كۆرۆناوە، ئەمریكا بەشێك لە كارمەندانی لە چین كشاندەوە

خەڵك- بەشی هەواڵ

وەزارەتی دەرەوەی ئەمریكا ڕایگەیاند، بەهۆی ترسی توشبوون بە نەخۆشی ڤایرۆسی كۆرۆناوە، كارمەندانی كۆنسوڵخانەی وڵاتەكەیان لە شاری ووهانی چین كشاندووەتەوە بۆ ئەمریكا.

وەزارەتی دەرەوەی ئەمریكا لە ڕاگەیەندراوێكدا ئاماژەی بەوەكردووە، ئەو كارمەندانە توشی ڤایرۆسەكە نەبوون، بەڵام بۆ پاراستنی گیانی ئەوان كارمەندەكانیان كشاندووەتەوە.

ماوەی چەند هەفتەیەكە نەخۆشی ڤایرۆسی كۆرۆنا لە چین بڵاوبووەتەوە و تائێستا هەزاران كەس گیانیان لەدەستداوە.

بەردەوام بە لە خوێندنەوە

جیهان

ترەمپ وەڵامی وەزیری دەرەوەی ئێرانی دایەوە

خەڵك- بەشی هەواڵ

سەرۆكی ئەمریكا ڕەتیكردەوە، سزاكان لەسەر ئێران هەڵبگرێت بەرامبەر بە ڕێككەوتن.

پێشتر وەزیری دەرەوەی ئێران ڕایگەیاندبوو، كە وڵاتەكەی ئامادەیە لەگەڵ ئەمریكا گفتووگۆ بكات بۆ ڕێككەوتن، ئەگەر سزاكانیان لەسەر هەڵبگرێت، بەڵام ئەمریكا ڕەتیكردەوە.

لە تازەترین تویتدا كە ئەمڕۆ یەك شەممە بڵاوی كردووەتەوە، ترەمپ وتویەتی”سزاكان هەڵناگیرێن، بەرامبەر بە ڕێككەوتن”.

لەسەرەتای ئەم مانگەوە بەهۆی كوشتنی قاسم سولەیمانی، فەرماندەی هێزەكانی قودسەوە، پەیوەندییەكانی ئێران و ئەمریكا چووەتە قۆناغێكی مەترسییدارەوە.

بەردەوام بە لە خوێندنەوە

کوردستان