ئێمە لە تۆرە کۆمەڵایەتیەکان

جیهان

ترەمپ: لەگەڵ كۆنگرێس كۆكم لەسەر ئەوەی سزای قورس بەسەر توركیادا بسەپێنرێت


خەڵك – بەشی هەواڵ

سەرۆكی ئەمریكا ڕایدەگەیەنێت، لەگەڵ كۆنگرێس كۆكم لەسەر ئەوەی سزای قورس بەسەر توركیادا بسەپێنرێت.

دۆناڵد ترەمپ سەرۆكی ئەمریكا، لەكۆنگرەیەكی ڕۆژنامەوانیدا لەسەر هێرشەكانی توركیا بۆ سەر باكووری ڕۆژهەڵاتی سوریا ڕایگەیاند:” بیرۆكەی ڕەجەب تەیب ئەردۆغان بۆ هێرشكردنە سەر باكووری ڕۆژهەڵاتی سوریا بیرۆكەیەكی هەڵەیە”.

دۆناڵد ترەمپ ڕوونیشكردوە:” ئەگەر ئەردۆغان بەردەوام بێت لە بیرۆكەكانی و بەشێوەیەكی ژیرانە مامەڵە نەكات و ناوچەكە بخاتە مەترسییەوە ئابوورییەكەی دەڕوخێنم”.

ترەمپ ئەوەشیخستەڕوو:” لەگەڵ كۆنگرێس كۆكم لەسەر ئەوەی سزای قورس بەسەر توركیادا بسەپێنرێت، بەڵام چاوەڕوان دەبین و دواجار لەسەر توركیا بڕیار دەدەین”.

سەرۆكی ئەمریكا لەبارەی زیندانییەكانی داعشەوە ئاماژەی بەوەدا:” زۆرمان وت كە وڵاتان بێن زیندانییەكان ببەنەوە و لەگەڵ كوردەكان چاودێری زیندانیەكانی داعشمان كردووە”.

جیهان

لەجیهاندا نزیکی ٣٣٠ هەزار تووشبووی کۆرۆنا چاکبوونەوە


خەڵک – بەشی هەواڵ

بەپێی نوێترین ئامار، نزیکی 330 هەزار تووشبووی کۆرۆنا لەجیهاندا چاکبوونەتەوە.

 

بەپێی نوێترین ئاماری نەخشەی گووگڵ کە پشت دەبەستێت بەداتاکانی ڕێکخراوی تەندروستی جیهانی، لەسەرەتای بڵاوبوونەوەى ڤایرۆسی کۆرۆنا تاکو ئێستا نزیکی ملیۆنێک و 485 هەزار کەس تووشی کۆرۆنای نوێ بوون.

 

هەر بەپێی ئەو ئامارە، لەوماوەیەدا 329 هەزار و 879 کەس چاکبوونەوە،واتە بەڕێژەى لەسەدا 22.2 ی تووشبووان چاکبوونەتەوە، کە لەبەرامبەردا 88 هەزار و 538 کەس گیانیان لەدەستداوە، واتە بەڕێژەى لەسەدا 5.9ی توشبووان گیانیان لەدەستداوە.

 

لەهەرێمی کوردستانیش تاکو ئێستا  310 کەس تووشی ئەم ڤایرۆسە نوێیە بوون، کە بەهۆیەوە 3 کەس گیانیان لەدەستداوە و لەبەرامبەردا 132 کەس چاکبوونەتەوە.

بەردەوام بە لە خوێندنەوە

جیهان

داواكارییەكی لە ئەمریكا و چین هەیە
ڕێكخراوی تەندروستی جیهانی داوادەكات كۆرۆنا بە سیاسی نەكرێت


خەڵك- بەشی هەواڵ
ڕێكخراوی تەندروستی جیهانی داوا دەكات تەنگژەی ڤایرۆسی كۆرۆنا بە سیاسی نەكرێت.

بەپێی (سكای نیوز عربیە)، ڕێكخراوی تەندروستی جیهانی داوای لە ویلایەتە یەكگرتووەكان و چین كردووە”یەكگرتووبن بەڕووی كۆرۆنادا”.

ئەمڕۆ چوار شەممە، ڕێكخراوی تەندروستی جیهانی، ڕەخنەی لە پلانەكەی دۆناڵد ترەمپ سەرۆكی ئەمریكا گرتبوو، سەبارەت بە هەڵپەساردنی كۆمەك و یارمەتییەكانی حكومەتی ئەمریكا بۆ بودجەی ڕێكخراوەكە لەم تەنگژەیەدا كە جیهانی پێدا تێدەپەڕێت بەهۆی بڵاوبوونەوەی ڤایرۆسی كۆرۆنای نوێ‌ “كۆڤید-19″.

هەر لە بارەی هەڵوێستەكەی ترەمپەوە سەبارەت بە ڕاگرتنی كۆمەك و یارمەتییەكانی ئەمریكا بۆ ڕێكخراوەكە، هانس كلۆگی بەڕێوەبەری لقی ئەوروپای ڕێكخراوی تەندروستی جیهانی سەر بە نەتەوە یەكگرتووەكان ڕایگەیاندبوو”تائێستا ڕووبەڕووی قۆناغێكی سەخت دەبینەوە بەهۆی كۆرۆناوە، ئەمە كاتێكی گونجاو نییە بۆ ڕاگرتنی كۆمەك و یارمەتییەكان”.

بەردەوام بە لە خوێندنەوە

جیهان

ئەمریكا، تووشبوانی كۆرۆنا 400 هەزار كەس تێدەپەڕێنن


خەڵك- بەشی هەواڵ
ژمارەی تووشبوانی ڤایرۆسی كۆرۆنا لە ویلایەتە یەكگرتووەكان، 400 هەزار حاڵەت تێدەپەڕێنێت، ئەمەش مایەی بەردەوامی بڵاوبوونەوەی زیاتری ڤایرۆسەكە دەگەیەنێت لەو وڵاتەدا كە لەئێستادا پلەی یەكەمی ژمارەی تووشبوانی بە نەخۆشییەكە تۆماركردووە.

تا ئەمڕۆ چوار شەممە، بەپێی سەنتەری قەڵاچۆكردنی نەخۆشییەكان و دامەزراوە پزیشكییە پەیوەندیدارەكان لە ئەمریكا، 402.471 توشبوو بە ڤایرۆسی كۆرۆنای نوێ‌ “”COVID-19 تۆماركراون.

ویلایەتە یەكگرتووەكان لەسەر ئاستی جیهان یەكەم وڵاتە لەڕووی ژمارەی تووشبوان بە ڤایرۆسی كۆرۆنا و ژمارەی تووشبوانی دووهێندەی دەوڵەتی دووەمە كە ئیسپانیایە و 146.690 حاڵەتی توشبوونی تێدا تۆماركراوە، ئیتاڵیاش لەو ڕیزبەندییەدا لە پلەی سێیەمدایە بە 135.586 حاڵەت.

لەگەڵ ئەمەشدا ویلایەتە یەكگرتووەكان لەسەر ئاستی جیهان دووەم وڵاتە لەڕووی تۆماركردنی حاڵەتەكانی گیانلەدەستدان بەهۆی ڤایرۆسەكەوە كە تائێستا 12914 حاڵەتی تۆماركردووە، لەكاتێكدا ئیتاڵیا لە پلەی یەكەمدایە بە تۆماركردنی 17127 حاڵەتی گیانلەدەستدان و ئیسپانیاش لە پلەی سێیەمدایە كە بەهۆی كۆرۆناوە 14555 حاڵەتی گیانلەدەستدانی تۆماركردووە.

بەردەوام بە لە خوێندنەوە

کوردستان