ئێمە لە تۆرە کۆمەڵایەتیەکان

جیهان

پەرلەمانی كوردستان لەبارەی دۆخی ڕۆژئاوای كوردستان ڕاگەیەنراوێكی بڵاوكردەوە


خەڵك – بەشی هەواڵ

پەرلەمانی كوردستان لە ڕاگەیەنراوێكدا ئاماژەبەوەدەكات، “بە نیگەرانییەكی قوڵەوە لە لەشكركێشی سوپای توركیا بۆ چەند ناوچەیەكی جیاجیای ڕۆژئاوای كوردستان دەڕوانێت و داوا دەكەین هەرچی زووە ئەم ئۆپراسیۆنانە بوەستێنرێن و لە ڕێگای دیالۆگ و چارەسەری ئاشتییانەوە كێشەكان چارەسەر بكرێن”.

پەرلەمانی كوردستان ڕاشیدەگەیەنێت،”بەردەوام بە دواداچوون بۆ ئەم دۆخە دەكات و ئامادەكاری بۆ دانیشتنێكی تایبەت لەسەر دۆخی ڕۆژئاوای كوردستان دەكات”.

دەقی ڕاگەیەنراوەكە:

راگەیەنراویك لە سەرۆكایەتی پەرلەمانی كوردستانەوە

پەرلەمانی هەرێمی كوردستان، بە نیگەرانیەكی قوڵەوە لە لەشكركیشی سوپای توركیا بۆ چەند ناوچەیەكی جیاجیای رۆژئاوای كوردستان دەروانێت و داوا دەكەین هەرچی زووە ئەم ئۆپەراسیۆنانە بوەستێنرین و لە ریگای دیالۆگ و چارەسەری ئاشتییانەوە كێشەكان چارەسەر بكرین . دۆخی ناوچەكە هیشتا لە قۆناغیكی هەستیار و ناجێگیردایەو شەری تیرۆر كۆتایی نەهاتووەو گەلانی ناوچەكە لە نەهامەتی و ناسەقامگیریدا دەژین و پیمان وایە ئەم لەشكركیشیە نەك چارەسەری كیشەكان ناكات، بەلكو ئاسۆی چارەسەری و ئاشتی دوورتر دەخاتەوە.

داوا لە كۆمەڵگای نیوەدەلەتی دەكەین، بە تایبەتی ئەمریكا و روسیا و بەریتانیا و فەرەنسا ، هەموو هیزو توانایان بخەنە گەڕ بۆ وەستاندنی ئەم دۆخە نەخوازراوەو ریگرتن لە ناسەقامگیری زیاتر و هەولدان بۆ رەخساندنی هەلومەرجی نوێ بۆ دانوستاندن.

بە توندی ئیدانەی هەر جۆرە پەلامارێك دەكەین كە هاولاتیانی سیڤیل بە ئامانج بگریت لە هەر لایەكەوە بیت. پەرلەمانی كوردستان پشتیوانی تەواو لە بوونی دیالۆگ و گفتوگۆ دەكات لە سەر ئاستی هەریمایەتی بۆ دۆزینەوەی چارەسەری هەمیشەیی كیشەكانی ناوچەكە.

گەلی كوردستان ، بە شانازییەكی زۆرەوە پیشەنگی خەبات و قوربانی بووە لە شكست پیهینانی تیرۆریستانی داعش و هینانەدی ئاشتی و سەقامگیری ناوچەیی و جیهانی. بەردەوامی ئەم دۆخە نەخوازراوە سەربازییەی سەر رۆژئاوای كوردستان ، زەمینەی زیاتر بۆ تیرۆرسیتان دینیتە ئاراو دەستكەوتەكانی شەری تیرۆر لە ناو دەبات و بەوەش ئاشتی هەریمایەتی و جیهانی دەكەویتە بەردەم هەرەشەی جددیەوە.

پەرلەمانی كوردستان بەردەوام پشتیوانی چارەسەری ئاشتییانەو دیموكراسییانەی دۆزی رەوای خەلكی كوردستانە لە هەر پارچەیەك بیت.

داوا لەسەرجەم هیز و لایەنە كوردستانیەكان دەكەین ، هەموو ناكۆكیەكی سیاسی بخەنە لاوەو لە سەر بنەمای حیكمەت و دووربینی سیاسی ، پیكەوە لە خەباتی ئاشتییانەو دیپلۆماسیانەو مەدەنیانە بەردەوام بن بۆ كۆتایی هینان بەم دۆخە نەخوازراوە.

پەرلەمانی كوردستان بەردەوام بە دواداچوون بۆ ئەم دۆخە دەكات و ئامادەكاری بۆ دانیشتنێكی تایبەت لەسەر دۆخی رۆژئاوای كوردستان دەكات.

جیهان

ئێران؛ تەقینەوەیەك لە ناوەندێكی كارەبا ڕوویدا


خەڵك – بەشی هەواڵ

سەرۆكی ڕێكخراوەی ئاگركوژێنەوەی شارەوانی ئەهواز ڕایدەگەیەنێت، لە هێزگەی شەهید مەدحەجی زەرگان ئەهواز بە هۆی تەقینەوەی ترانسەوە ئاگری تێبەربوو ، دەشڵێت،”توانای بەرهەم هێنانی 418 میگاوات كارەبای هەبووە”.

ئاژانسی مهیری ئێران بڵاویكردەوە، پاش نیوەڕۆی ئەمڕۆ شەممە 4-7-2020 تەقینەوەیەك لە ناوەندێكی بەرهەمهێنانی كارەبای ئێران بە ناوی ‘زڕگان’ لە پارێزگای خوزستان لە نزیك شاری ئەهواز ڕوویدا و ئاگرێكی گەورە لێكەوتەوە.

ئاژانسەكە لە زاری ، ئیبراهیم قەنبەری، سەرۆكی ڕێكخراوەی ئاگركوژێنەوەی شارەوانی ئەهواز ڕایگەیاندووە، هۆكاری ڕووداوەكەش تەقینەوەی ترانسێكی كارەبا بووە.

هەندێك لە میدیاكانی ئەو وڵاتە باس لەوەدەكەن، كە تا ئێستا نەتوانراوە ئاگری ناوەندەكە كۆنتڕۆڵ بكرێت و زیانەكانی تەقینەوەكەش بە 80 ملیار تمەن مەزەندە كراوە.

ئەمە لەكاتێكدایە، لەماوەی ئەم مانگەدا چەندەمین تەقینەوەیە، كە لە ناوەندە سەربازیی و ئەتۆمییەكانی ئێران لە ماوەی ڕابردوو ڕووبدات، پێشتر لە ناوەندێكی سەربازیی لە نزیك تارانی پایتەخت ڕوویدا، دوای ئەوەش تەقینەوە لە ناوەندێكی ئەتۆمیی ئێران لە پارێزگای ئیسفەهان ڕوویدا.

بەردەوام بە لە خوێندنەوە

جیهان

نزیكەی 238 هەزار كەس لە ئێران تووشی كۆرۆنا بوون


خەڵك-بەشی هەواڵ

 

وتەبێژی وەزارەتی تەندروستی ئێران ڕایدەگەیەنێت، لە 24 كاتژمێری ڕابردوودا 2449 كەس تووشی كۆرۆنا بوون.

سیما سادات لاری وتەبێژی وەزارەتی تەندروستی ئێران لە كۆنفڕانسێكی ڕۆژنامەوانیدا ڕایگەیاند، لە 24 كاتژمێری ڕابردوودا 2449 كەس لە ئێران تووشی ڤایرۆسی كۆرۆنا بوون و 148 كەسیش گیانیان لە دەستداوە.

وتیشی”لە سەرەتای دەركەوتنی ڤایرۆسەكە تاكو ئەمڕۆ 237 هەزار و 878 كەس لە ئێران تووشی كۆرۆنا بوون”.

ئاماژەی بۆ ئەوەش كرد، هەر بەهۆی ڤایرۆسەكەوە تا ئێستا 11 هەزار و 408 كەس لە ئێران گیانیان لە دەستداوە.

بەردەوام بە لە خوێندنەوە

جیهان

حكومەتی ئەمریكا، خەڵاتی داوە بە هەر كەسێك هاووڵاتییەكی سوورپێستی ڕادەست بكات


خەڵك-بەشی هەواڵ

 

لە ئاگادارییەكی حكومەتی ئەمریكادا كە لە ڕۆژنامەیەكدا بڵاوكراوەتەوە ئاماژە بۆ ئەوە دەكات، هەركەسێك هاووڵاتییەكی سوور پێست ڕادەستی حكومەت بكات بڕی 200 دۆلاری دەدرێتێ.

تۆڕی سپوتنیك بڵاویكردەوە، ساڵی 1863 لە ویلایەتی داكوتا ئاگادارییەكی حكومەتی ئەمریكا بڵاوكراوەتەوە كە هەركەسێك جەستەی سوورپێستێك ڕادەستی حكومەتی ئەمریكا بكات بڕی 200 دۆلاری وەك خەڵات دەدرێتێ.
هەرچەندە سوورپێستكان لە قاڕەی ئەمریكان، بەڵام وەك گروپێكی جیاواز و لە نەژادێكی جیاواز هەڵسوكەوت دەكەن و دەژین و بەشێك لە بیرمەندان پێیان وایە ئەو كەسانە لە بنەڕەتدا هیندین.

بەردەوام بە لە خوێندنەوە

کوردستان