ئێمە لە تۆرە کۆمەڵایەتیەکان

جیهان

پۆل بریمەر: ئۆباما عیراقی پێشكەشی ئێران و داعش كرد، ترەمپیش سوریا

خەڵك – بەشی هەواڵ

حاكمی مەدەنی عیراق لە دوای پڕۆسەی ئازادكردنی عیراق لەلایەن ئەمریكا و هاوپەیمانەكانی لە دوای ساڵی 2003 ڕایدەگەیەنێت، كاتێك ئۆباما سەرۆكی ئەو كاتی ئەمریكا بڕیاریدا هێزەكانی وڵاتەكەی لە عیراق بكشێنێتەوە عیراقی پێشكەشی ئێران و داعش كرد.

پۆل بریمەر حاكمی مەدەنی عیراق لە دوای پڕۆسەی ئازادكردنی عیراق لەلایەن ئەمریكا و هاوپەیمانەكانی لە دوای ساڵی 2003 سەبارەت بە دوا پێشهاتەكانی ڕۆژهەڵاتی ناوەڕاست و بڕیاری سەركردەكانی ئەمریكا لەوبارەیەوە ڕایدەگەیەنێت:” كاتێك باراك ئۆباما سەرۆكی ئەمریكا بڕیاریدا سوپای ئەمریكا لە یعراق پاشەكشەبكات، ئەو وڵاتەی كردە دیاری بۆ ئێران و داعش”.

بریمەر دەشڵێت:” كاتێكیش دۆناڵد ترەمپ بڕیاریدا سوپای ئەمریكا لە سوریا پاشەكشە بكات، هەمان هەڵەی باراك ئۆبامای دووبارە كردەوە، بەوپێیەی هەژموونی ئێران لەو وڵاتەدا فراوانە و مەترسی داعشیش كۆتایی نەهاتووە”.

ئابوری

جێگری سەرۆكی ئێران: قۆناغە سەختەكەی ئابووریمان تێپەڕاند

خەڵك – بەشی هەواڵ

جێگری سەرۆكی كۆماری ئیسلامی ئێران ڕایدەگەیەنێت، وڵاتەكەی قۆناغە سەختەكەی ئابووری تێپەڕاندووە.

ئیسحاق جیهانگیری جێگری سەرۆكی كۆماری ئیسلامی ئێران ڕایگەیاند:”سەرەڕای پیلانی دوژمنان، ئێران توانی قۆناغە سەختەكەی ئابووری تێپەڕێنێت و بەشێكی زۆری بەربەستەكانی بەردەم پەرەپێدانی وڵاتەكەی تێك بشكێنێت”.

جێگری سەرۆكی ئێران وتیشی:”ئەمریكاییەكان لەو باوەڕەدابوون دەتوانن لە ڕێگەی گەمارۆی ئابوورییەوە گەلانی ئێران بوروژێنن و ئاڵۆزی دروست بكەن، بەڵام گەلانی ئێران بە هەماهەنگی لەگەڵ هەوڵی لێپرسراوانی وڵات ڕێگەیان نەدا بگەنە مەرامەكانی خۆیان”.

ئیسحاق جیهانگیری ئەوەشیخستەڕوو:”سیاسەتی دروستكردنی ئاژاوە لە لایەن ئەمریكاییەكانەوە تەمەنی كورت دەبێت و دووپاتیشیكردەوە، گەلانی ئێران لەبەردەم داهاتوویەكی ڕووناك و ڕۆژانێكی پڕ لە بەختەوەریدان”.

بەردەوام بە لە خوێندنەوە

جیهان

ژنێك پۆستی سەرۆكی پۆلیڤیای وەرگرت

خەڵك – بەشی هەواڵ

دوای هەڵهاتنی سەرۆكی پۆلیڤیا بۆ مەكسیك، ژنێك لەجێگەی سەرۆكی ئەنجومەنی پیرانی ئەو وڵاتە پۆستی سەرۆكی ئەو وڵاتەی وەرگرت.

دوای ئەوەی بەهۆی خۆپیشاندان و ناڕەزایەتیەكانی وڵاتەكەی ئیڤۆ مۆرالیس سەرۆكی پۆلیڤیا دەستبەرداری پۆستەكەی بوو و بەرەو مەكسیك هەڵهات، هەر چەندە بەپێی دەستووری ئەو وڵاتە دەبوو سەرۆكی ئەنجومەنی پیرانی جێگەی بگرێتەوە، بەڵام بەهۆی ئەوەی ناوبراویش دەستەبەرداری پۆستەكەی بووبوو، ژنێك بەناوی جيانین ئانیز ئەندامی ئەنجومەنی پیران بەسەرۆكی وڵات دیاری كرا و سوێندی یاسایی خوارد.

بەپێی دەستوور دوای سوێندخواردنەكەی، جيانین ئانیز ماوەی 90 ڕۆژی لەبەردەم دەبێت بۆ بەڕێوەبردنی كاروباری وڵات و ئەنجامدانی هەڵبژاردنی پێشوەخت.

بەردەوام بە لە خوێندنەوە

جیهان

سەرۆك وەزیرانی كوەیت دەستی لەكاركێشایەوە

خەڵك – بەشی هەواڵ

وتەبێژی حكومەتی كوەیت ئاشكرایكرد، سەرۆك وەزیرانی كوەیت داوای دەستلەكاركێشانەوەی پێشكەشی میری ئەو وڵاتە كردووە.

تاریق مزرم وتەبێژی حكومەتی كوەیت لە ڕاگەیەنراوێكدا ڕایگەیاند، شێخ جابر موبارەك سەرۆك وەزیرانی كوەیت داوای دەستلەكاركێشانەوەی پێشكەشی میری ئەو وڵاتە كردووە.

سەبارەت بە هۆكاری دەستلەكاركێشانەوەكەی سەرۆك وەزیرانی كوەیت، تارق مزرم ئەوەی خستەڕوو، مەبەست لە دەستلەكاركێشانەوەكە بۆ پێكهێنانی كابینەیەكی نوێ حكومەتی كوەیتە.

ئەمەش لە كاتێكدایە، لە ڕۆژی 6ی ئەم مانگەوە خۆپیشاندان و ناڕەزایی لە كوەیتی پایتەخت و بەشێك لە شارەكانی ئەو وڵاتە بەڕێوەدەچێت و خۆپیشاندەران داوای چاكسازی سیاسی دەكەن و دواتریش داوایان لە میری وڵاتەكەیان كرد پەرلەمان و حكومەت هەڵبوەشێنێتەوە.

بەردەوام بە لە خوێندنەوە

کوردستان