ئێمە لە تۆرە کۆمەڵایەتیەکان

کوردستان

كۆسرەت ڕەسوڵ لەبارەی ڕۆژئاوای كوردستانەوە داوایەك لە ئەنجومەنی ئاسایشی نێودەوڵەتی دەكات

خەڵك – بەشی هەواڵ

جێگری سكرتێری گشتی یەكێتیی نیشتمانیی كوردستان لەبارەی لەشكركێشی توركیا بۆ ڕۆژئاوای كوردستان داوا لە ئەنجومەنی ئاسایشی نێودەوڵەتی دەكات لە كۆبوونەوە چاوەڕوانكراوەكەیاندا كورد بی ئومێد نەكەن.

كۆسرەت ڕەسوڵ عەلی جێگری سكرتێری گشتی یەكێتیی نیشتمانیی كوردستان لە پەیامێكیدا ڕایدەگەیەنێت:”داوا لە كۆمەڵگای نێوەوڵەتی دەكەین، چۆن لە جەنگی تێكشكاندنی تیرۆریستانی داعشدا، پشتیوانی گەلی قارەمانی كوردستان بوون، لەم پەلاماردان و لەشكركێشەیشدا، بێنەدەنگ بۆ ڕاگرتنی شەڕ و ڕێگەگرتن لەكارەساتی گەورەی مرۆیی و تێكچوونی ئاسایشی ناوچەكە. لەمڕووەوە داوا لە ئەندامانی ئەنجومەنی ئاسایش دەكەین، لە كۆبونەوەی چاوەروانكراویاندا گەلەكەمان نائومێد نەكەن و لەبەرژەوەندی ئاشتی و ئاسایشیدا بڕیاربدەن”.

هاوكات، كۆسرەت ڕەسول عەلی ڕاشیدەگەیەنێت:”دەستپێشخەری كۆبوونەوە و میوانداریكردنی لوتكەی لایەنە سیاسییەكانی كوردستان دەخەمەڕوو و بۆ پتەوكردنی تەبایی لایەنە سیاسییەكان و یەكڕیزی گەلەكەمان و یەكخستنی هەڵوێستەكان و ئامادەكاری بۆ ڕووبەڕووبونەوەی مەترسییەكان و مامەڵەكردن لەگەڵ پێشهاتەكان”.

دەقی پەیامەكە:

پەیامێك لە كۆسرەت رەسول عەلی -یەوە

‎بەداخەوە سەرباری هۆشداری و ناڕەزایی ناوچەیی و نێودەوڵەتی، لەشكركێشی و پەلاماری بۆ باكوری سوریا و ڕۆژئاوای كوردستان دەستی پێكرد، كە سەرباری پێشێلكردنی یاسا نێودەوڵەتیەكان و سەروەری خاكی سوریا، ژیانی هەزاران مرۆڤی مەدەنی بێدیفاع لەژێر مەترسی تۆپباران و ئاگری شەڕدان.

‎پەنابردن بۆ بژاردەی شەڕ و بەلاوەنانی بژاردەی ئاشتی و چارەسەری سیاسی، كارەساتێكی گەورەی مرۆیی دەخوڵقێنێ و ئاسایش و ئۆقرەیی ناوچەكە و جیهانیش دەخاتە مەترسیەوە و جارێكی تر هەڕەشەی تیرۆر كوچی بە لیشاو بەجۆرێكی تر سەرهەڵدەداتەوە.

‎داوا لە كۆمەڵگای نێوەوڵەتی دەكەین، چۆن لە جەنگی تێكشكاندنی تیرۆریستانی داعشدا، پشتیوانی گەلی قارەمانی كوردستان بوون، لەم پەلاماردان و لەشكركێشەیشدا، بێنەدەنگ بۆ ڕاگرتنی شەڕ و ڕێگەگرتن لەكارەساتی گەورەی مرۆیی و تێكچوونی ئاسایشی ناوچەكە. لەمڕووەوە داوا لە ئەندامانی ئەنجومەنی ئاسایش دەكەین، لە كۆبونەوەی چاوەروانكراویاندا گەلەكەمان نائومێد نەكەن و لەبەرژەوەندی ئاشتی و ئاسایشیدا بڕیاربدەن.

‎لەم بارودۆخە ئاڵۆزو مەترسیدارەدا، داوا لە هەموو هێزە سیاسیەكانی كوردستان و گەلی كوردستان دەكەم، تەبایی و یەكریزیمان بپارێزین و نێوماڵی كوردستان تۆكمەتر بكەین. هەموو هەوڵێكمان بخەینەگەر بۆ هاوكاری مرۆیی ئاوارەكان و بەكارهێنانی هەموو كەناڵە پەیوەندییە دیپلۆماتیەكان لە پێناوی ڕێگەگرتن لە تەشەنەكردنی مەترسیەكان.

‎هەروەها دەستپێشخەری كۆبونەوەو میوانداریكردنی لوتكەی لایەنە سیاسیەكانی كوردستان دەخەمەروو و بۆ پتەوكردنی تەبایی لایەنە سیاسیەكان و یەكریزی گەلەكەمان و یەكخستنی هەڵوێستەكان و ئامادەكاری بۆ رووبەروبونەوەی مەترسیەكان و مامەڵەكردن لەگەڵ پێشهاتەكان.
‎سەربكەوێ ئاشتی ، نەفرەت لە شەڕو خوێنڕشتن.

 

‎كۆسرەت رەسول عەلی

‎جێگری سكرتێری گشتی ی.ن.ك

9/10/2019

کوردستان

پەروەردە كاتی ئەنجامی تاقیكردنەوەی 12ی ئامادەیی ڕاگەیاند

خەڵك- بەشی هەواڵ
وەزارەتی پەروەردەی حكومەتی هەرێمی كوردستان ئاشكرای دەكات، كە ئەمشەو لە كاتژمێر 8:30 ئەنجامی تاقیكردنەوەی 12ی ئامادەیی بڵاودەكرێتەوە.

وەزارەتی پەروەردەی حكومەتی هەرێم لە ڕاگەیەنراوێكدا ئاماژەی بەوەكردووە، كاتژمێر ٨:۳۰ ی خولەكی ئەمشەو، وەزیری پەروەردە ئەنجامی تاقیكردنەوەكانی خولی یەكەمی قۆناغی ۱۲ ی ئامادەیی بە هەموو بەشەكانیەوە لە كۆنگرەیەكی ڕۆژنامەوانیدا ڕادەگەیەنێت.

خوێندكارانی پۆلی 12ی ئامادەیی دەتوانن بەشێوەی ئۆنلاین لە رێگەی ئەم لینكەوە ئەنجامەكانیان وەربگرنەوە، كە دوای ڕاگەیاندنی ئەنجامەكان لینكەكە كارا دەبێت.

بەردەوام بە لە خوێندنەوە

کوردستان

تەندروستی هەولێر سەنتەری داتا و زانیاری كۆرۆنای دامەزراند

خەڵك- بەشی هەواڵ
بەڕێوەبەرایەتی گشتی تەندروستی هەولێر ڕایدەگەیەنێت، كە سەنتەری داتا و زانیاری بۆ توشبوانی كۆرۆنا دامەزراندووە و دەشڵێت: “ئەوانەی پشكنینیان كردووە ئەنجامەكانی لەوێوە وەرگرنەوە”.

بەڕێوەبەرایەتی گشتی تەندروستی هەولێر لە ڕاگەیەنراوێكدا ئاماژەی بەوەكردووە، كاتی پێدانەوەی ڕاپۆرتی ئەنجامی پشكنین لە كاتژمێر (٨:٠٠)ی بەیانی تاوەكو (٤:٠٠)ی ئێوارە دەبێت.

ئاگاداریەك بۆ هاوڵاتیانی خۆشەویستی سنوری شاری هەولێر
بەڕێوەبەرایەتی گشتی تەندروستی هەولێر (سەنتەری داتاو زانیاری)دامەزراندوە بۆ هاوڵاتیانی خۆشەویست بۆ مەبەستی وەرگرتنەوەی ئەنجامی پشكنینی ڤایرۆسی كۆڕۆنا- COVID19 كە ئەو هاونیشتیمانیانەی لە ڕێگەی سەنتەرەكانی چارەسەری ڤایرۆسی كۆڕۆنا پشكنینیان ئنجام دابوو ، بۆ ئەم مەبەستە ژمارەی تایبەت دەستیشانكراوە وەكو ئاسانكاری بۆ وەرگرتنەوەی ئەنجامی پشكنینەكانیان كە لەخوارەوە ئاماژەی پێكراوە،
١.كاتی دەوام :لە گشت ڕۆژانی هەفتە كاتژمێر(٨:٠٠)ی بەیانی تاوەكو (٨:٠٠)ی ئێوارە دەبێت.
۲.كاتی پێدانەوەی ڕاپۆرتی ئەنجامی پشكنین لە كاتژمێر (٨:٠٠)ی بەیانی تاوەكو (٤:٠٠)ی ئێوارە دەبێت.
شوێن:سەنتەری داتاو زانیاری COVID-19 لەنێو نەخۆشخانەی چاو ، كە دەكەوێتە سەر ڕێگای بنەسڵاوە گەڕەكی شارەوانی تەنیشت یانەی ئاسۆی وەرزشی.
07502578585
07502579292
07502580101
07502580202
ڕاگەیاندنی بەڕێوەبەرایەتی گشتی تەندروستی هەولێر
۱۲ی ئابی ۲۰۲۰

بەردەوام بە لە خوێندنەوە

کوردستان

سبەینێ‌ گەڕەكێكی دیكەی سلێمانی بێ‌ كارەبا دەبێت

خەڵك- بەشی هەواڵ
لیژنەی سەرپەرشتیاری پڕۆژەی تۆڕی زیرەكی كارەبا لە سلێمانی ڕایدەگەیەنێت، كە بەهۆی بەستنی پێوەری زیرەكی كارەباوە سبەینێ‌ گەڕەكی بەختیاری بێ‌ كارەبا دەبێت.

لیژنەی سەرپەرشتیاری پڕۆژەی تۆڕی زیرەكی كارەبا لە سلێمانی لە ڕاگەیەنراوێكدا ئاماژەی بەوەكردووە، گەڕەكی (بەختیاری) و دەورووبەری هەردوو قوتابخانەی (دواڕۆژ) و (فیدراڵ)، فیدەری(۱۹) سبەینێ پێنج شە‌ممە (13/8/2020) پێوەری زیرەكی كارەبایان بۆ دەبەسترێت.

ڕاشیگەیاندووە، سبەینێ لە كاتژمێر (7 ی بەیانی بۆ 12ی نیوەڕۆ) كارەبای نیشتمانییان نابێت، ئەوەش لە پێناو سەلامەتی گیانی تیمەكانی كارەبا و هاووڵاتیان خۆیان.

جەختیشی كردۆتەوە، بەستنی پێوەرەكە بێ بەرامبەر و هیچ بڕە پارەیەك لە هاوڵاتی وەرناگیرێت و خەرجییەكەی لەسەر حكومەتە.

دەشڵێت: “لە پێناو پاراستنی ئامێرە كارەباییەكان ئێوارە پێش لێدانەوەی كارەبا بۆ یەكەمجار هەموو ئامێرە كارەباییەكانیان بكوژێننەوە و دواتر لەدوای یەك هەڵیان بكەنەوە “.

بەردەوام بە لە خوێندنەوە

کوردستان