ئێمە لە تۆرە کۆمەڵایەتیەکان

کوردستان

پەڕلەمانتارێكی پێشوو دەبێتە وەزیر لە حكومەتی هەرێم

خەڵك – بەشی هەواڵ
وەزیری هەرێم بۆ كاروباری پێكهاتەكانی هەرێمی كوردستان ڕایدەگەیەنێت، ئەمڕۆ بە فەرمی مەرسومی بوونم بە وەزیری هەرێم بۆ كاروباری پێكهاتەكان لە لایەن سەرۆكی حكومەتەوە واژۆ كرا، دەشڵێت: “لە ئایندەدا دەبینە نوێنەری هەموو پێكهاتەكان بەشێوەیەكی ڕاست و دروست”.

ئایدن مەعروف، وەزیری هەرێم بۆ كاروباری پێكهاتەكانی هەرێمی كوردستان بە (خەڵك)ی ڕاگەیاند، ئەمڕۆ سەرۆكی حكومەتی هەرێم بە فەرمی مەڕسومی دەستبەكاربوونی بۆ بەندە وەك وەزیری هەرێم بۆ كاروباری پێكهاتەكان دەركرد.

وتیشی، “لە ئایندەدا وەك وەزیری هەرێم دەبینە نوێنەری تەواوی پێكهاتەكان، لە توركمان و مەسیحی و ئێزدی و شەبەك و تەواوی پێكهاتەكانی هەرێم و دەبینە نوێنەرێكی ڕاستەقینە بۆ هەمووان لە ناو حكومەتی هەرێم”.

لەبارەی شوێن و بینا بۆ ڕاپەڕاندنی كاروبارەكانی وەزارەتەكەی ئەو وەزیرە ڕایگەیاند، لە ئێستادا تەنها مەڕسومەكە دەرچووە و لە ئایندەدا كار و پڕۆژەكانمان دەست پێدەكەین و ئەوكات لە ڕووی شوێن و بیناشەوە هەماهەنگی دەكەین.

ئایدن مەعروف، لە خولی پێشووی پەڕلەمانی كوردستان پەڕلەمانتار بوو لەسەر پشكی پێكهاتەی توركمانەكان لە حزبی بەرەی توركمانی.

کوردستان

هۆڵەندا: دەست بە مەشق و ڕاهێنان بە هێزەكانی پێشمەرگە دەكەینەوە

خەڵك – بەشی هەواڵ

وەزارەتی بەرگری هۆڵەندا ڕایدەگەیەنێت، دەست بە مەشق و ڕاهێنان بە هێزەكانی پێشمەرگە دەكەنەوە.

ئانك بێیلێڤڵد وەزیری بەرگری هۆڵەندا لە نامەیەكدا بۆ پەرلەمانی وڵاتەكەی باسی لەوەكردووە، سەربازانی هۆلەندا، لە چوارچێوەی هاوپەیمانیی نێودەوڵەتی دژ بە داعش، دەست بە ڕاهێنانی هێزی پێشمەرگە لە هەرێمی كوردستان و هێزە چەكدارەكانی عیراق دەكاتەوە.

وەزیری بەرگری هۆڵەندا ڕاشیگەیاندووە، عادل عەبدولمەهدی سەرۆك وەزیرانی دەستلەكاركێشاوەی عیراق داوای لە هێزە هۆڵەندییەكان نەكردووە عیراق جێبهێڵن، چونكە لە بارودۆخی هەستیاری ئێستادا هەنگاوێكی لەو چەشنە زیان بە سەقامگیریی وڵاتەكە دەگەیەنێت.

بە وتەی وەزیری بەرگریی هۆڵەندا، نزیكەی ٥٠ سەربازی ئەو وڵاتە لە هەرێمی كوردستان جێگیر كراون و بڕیارە دەست بە ڕاهێنانی سەربازی بۆ پێشمەرگە بكەنەوە.

بەهۆی قوڵبوونەوەی ئاڵۆزییەكانی ئێران و ئەمریكا لەسەر خاكی عیراق بەشێك لە وڵاتانی ئەوروپا و ڕۆژئاوایی لەنێویاندا هۆڵەندا بە شێوەیەكی كاتی مەشق و ڕاهێنانی هێزە سەربازییەكانی عيراق و پێشمەرگەیان ڕاگرتبوو.

ك.ج

بەردەوام بە لە خوێندنەوە

کوردستان

وەزیری پێشمەرگە داوای خەرجكردنی دوو جۆر دەرماڵە بۆ پێشمەرگە دەكات

خەڵك – بەشی هەواڵ

شۆڕش ئیسماعیل وەزیری پێشمەرگەی هەرێمی كوردستان داوا لە سەرۆكایەتی ئەنجومەنی وەزیران دەكات دەرماڵەی بڕوانامە ‌و دەرماڵەی پایە بۆ هێزەكانی پێشمەرگە خەرج بكرێت.

لەو نووسراوەدا كە بۆ سەرۆكایەتی ئەنجومەنی وەزیرانی هەرێمی كوردستانی ناردووە، شۆڕش ئیسماعیل وەزیری پێشمەرگە داوا دەكات بەپێی ڕێنمایی دارایی ژمارە 21ی ساڵی 2008، دەرماڵەی پایە ‌و بڕوانامە بۆ گشت ئەفسەر‌ و پلەدار‌ و پێشمەرگەكانی وەزارەت خەرج بكرێت.

هەر لە نووسراوەكەدا، ڕێژەی دەرماڵەكان بەپێی مووچەی بنەڕەتی دیاریكراوە، بەجۆرێك دەرماڵەی بڕوانامە بۆ هەڵگرانی بڕوانامەی دكتۆرا بەڕێژەی لە100%، بۆ هەڵگرانی بڕوانامەی ماستەر لە 75%، بۆ هەڵگرانی بڕوانامەی بەكالۆریۆس لە45%، بۆ هەڵگرانی بڕوانامەی دبلۆم لە35%، بۆ هەڵگرانی بڕوانامەی ئامادەیی لە 25% و بۆ هەڵگرانی بڕوانامەی ناوەندی ‌و بەرەو خوارەوە 15%.

هەروەها دەرماڵەی پایە بۆ بەڕێوەبەری بەڕێوەبەرایەتی 25%، بۆ بەرپرسی بەش لە 20% و بۆ بەرپرسی هۆبەش لە 15%ی مووچە بنەڕەتییەكەی بۆ خەرج بكرێت.

ك.ج

بەردەوام بە لە خوێندنەوە

کوردستان

خەڵك؛ ژمارەی حاجییان ئاشكرادەكات
سبەینێ‌ تیروپشك بۆ ناوى حاجيیانی ئەمساڵ دەكرێت

خەڵك- بەشی هەواڵ
وەزارەتی ئەوقاف و كاروباری ئایینی حكومەتی هەرێمی كوردستان ئاشكرای دەكات، كە سبەینێ‌ تیروپشك بۆ حاجییانی ئەمساڵ (2020) ئەنجام دەدرێت و دەشڵێت: “پشكی هەرێم 4 هەزار و 500 حاجییە”.

نەبەز ئیسماعیل، وتەبێژی وەزارەتی ئەوقاف و كاروباری ئایینی هەرێم بۆ (خەڵك) ئاماژەی بەوەكرد، “بەپشتیوانی خوای گەورە سبەینێ‌ یەك شەممە ١٩⁄ ١⁄ ٢٠٢٠ لەدیوانی وەزارەتی ئەوقاف و كاروباری ئایینی بەئامادەبوونی دادوەران و لایەنی پەیوەندیدار، تیروپشك بۆ ناوی حاجییان بۆ ئەمساڵ ٢٠٢٠ ئەنجام دەدرێت”.

ڕاشیگەیاند، لە ساڵی 2017 دا 86 هەزار كەس ناوی نووسی بۆ ئەنجامدانی فەریزەی حەج و لەو ساڵەدا تیروپشك بۆ ناوی حاجییان بۆ ساڵەكانی (2017 و 2018 و 2019) ئەنجام درا.

ئاشكراشی كرد، ئەو ناوانەی لای ئێمە ماون و حەجیان ئەنجام نەداوە 72 هەزار و 202 كەسن و داوای ئەنجامدانی فەریزەی حەج دەكەن، بۆیە تیروپشكیان بۆ دەكرێت و بۆ ئەمەش ناوی 4 هەزار و 500 كەس ڕادەكێشرێت بۆ ئەوەی لەمساڵدا فەریزەی حەج ئەنجام بدەن.

أ.ح

بەردەوام بە لە خوێندنەوە

کوردستان