ئێمە لە تۆرە کۆمەڵایەتیەکان

عێراق

سەركردەیەكی ڕەوتی حیكمە بۆ (خەڵك) باسی خۆپیشاندانەكانی كەركوك دەكات

خەڵك- بەشی هەواڵ
سەركردەیەكی ڕەوتی حیكمە لە كەركوك پێیوایە، خۆپیشاندانەكانی عیراق بەهەمان شێوەی بەرەنجاكەكانی لەناكاوبوون، ڕەتیشیكردەوە زانیاری هەبێت لەبارەی دروستبوونەوەی خۆپیشاندانەكان لە دوای مەڕاسیمەكانی چلەی ئیمام حسێن، كە هەندێك لە سەرچاوەكان ئاماژەیان پێكردبوو.

نەجات حسێن، سەركردەی توركمانی لە ڕەوتی حیكمەی نیشتمانی و ئەندامی ئەنجوومەنی پارێزگای كەركوك لە لێدوانێكیدا بۆ (خەڵك) ڕایگەیاند، “خۆپیشاندانەكانی بەغدا و شارەكانی تری عیراق، بە هەمان شێوەی بەرەنجامەكانی لەناكاوبوون”، داواكارییەكانی خۆپیشاندەرانیشی بە ڕەوا و بەڵێنەكانی بەرپرسانی بە درۆ لەقەڵەمدا.

بە وتەی نەجات حسێن، “خۆپیشاندەران داوای هەلی كار و بەگژداچوونەوەی گەندەڵی و باشكردنی ئاستی خزمەتگوزارییەكانیان كرد، دواتر داواكارییەكانیان بۆ هەڵوەشاندنەوەی پەڕلەمان و ڕووخانی حكومەت و هەڵبژاردنی پێشوەخت درێژبووەوە، بەڵام پەڕلەمان لەبری هەڵوەشاندنەوەی خۆی، كە یەكێك بوو لە داواكارییەكانی خۆپیشاندەران، بڕیاری هەڵوەشاندنەوەی ئەنجوومەنی پارێزگەكانی دەركرد”، ئەم بڕیارەی پەڕلەمانیشی بە بڕیارێكی سەیر و ناباو وەسفكرد.

سەبارەت بە هەڵوێستی ڕەوتی حیكمەش، نەجەتا حسێن وتی، “ئەوان لە ڕەوتی حیكمەی نیشتمانی، لەگەڵ خۆپیشاندانەكاندان و پشتیوانیان دەكەن، بەڵام نابێت دەستدرێژی بكرێتە سەر سامانی دەوڵەت و فەرمانگەكان و پۆلیس، پێویستە خۆپیشاندەران بەشێوەی ئاشتیانە لەسەر خۆپیشاندانەكانی خۆیان بەردەوام بن، تا گوشارەكانیان دەگەیەننەجێ‌ و پەڕلەمان و حكومەت ناچار دەكەن، داواكارییەكانیان جێبەجێ‌ بكەن”.

لەماوەی چەند ڕۆژی ڕابردوو خۆپیشاندانی فراوان لە بەغدای پایتەخت و شارەكانی تری ناوەڕاست و باشووری عیراق سازكرا، خۆپیشاندەران لە خۆپیشاندانەكاندا داوای باشكردنی ئاستی خزمەتگوزارییەكان و بنبڕكردنی گەندەڵی و دۆزینەوەی هەلی كاریان كرد، بەڵام بەهۆی دروستبوونی ڕووبەڕووبوونەوە لەنێوان خۆپیشاندەران و هێزە ئەمنییەكان، زیاتر لە 100 كەس كوژران و زیاتر لە 6 هەزار كەسی تر برینداربوون.

عێراق

داڤۆس.. ترەمپ بەجیا لەگەڵ بەرهەم ساڵح و نێچیرڤان بارزانی كۆدەبێتەوە

خەڵك – بەشی هەواڵ

كۆشكی سپی بەرنامەی كۆبوونەوەكانی سەرۆكی ویلایەتە یەكگرتووەكانی ئەمریكای لە داڤۆس بڵاوكردەوە و بەپێی بەرنامەكە لەگەڵ ژمارەیەك سەرۆك كۆدەبێتەوە لەوانە: سەرۆك كۆماری عیراق و سەرۆكی هەرێمی كوردستان.

ئاژانسی ڕۆیتەرز بڵاویكردەوە، كۆشكی سپی بەرنامەی سەردانەكەی دۆناڵد ترەمپ سەرۆكی ویلایەتە یەكگرتووەكانی ئەمریكای بڵاوكردووەتەوە كە بەجیا لەگەڵ بەرهەم ساڵح سەرۆك كۆماری عیراق، نێچیرڤان بارزانی سەرۆكی هەرێمی كوردستان، سیمۆنێتا سۆماروگا سەرۆكی سویسرا و عیمران خان سەرۆك وەزیرانی پاكستان كۆدەبێتەوە.

پێشتر سەرۆكایەتیی هەرێمی كوردستان ڕاگەیەنراوێكی بڵاوكردەوە و ڕایگەیاند، نێچیرڤان بارزانی سەرۆكی هەرێمی كوردستان بە بانگهێشتێكی فەڕمی بەشداری لە كۆڕبەندی ئابووریی جیهانیی (داڤۆس) دەكات و لەگەڵ دۆناڵد ترەمپ سەرۆكی ئەمریكا و ئەنتۆنیۆ گۆتێرێز، سكرتێری گشتیی نەتەوە یەكگرتووەكان كۆدەبێتەوە.

هاوكات بەپێی بەرنامەی كۆڕبەندەكە، بەرهەم ساڵح سەرۆك كۆماری عیراق ڕۆژی چوارشەممە 22/1/2020 لە كاتژمێر 18:00 وتاری دەبێت و دواتر لەلایەن فەرید زەكەریا، پێشكەشكاری (سی ئێن ئێن) چاوپێكەوتنی تەلەفزیۆنی لەگەڵ سازدەكرێت.

سبەینێ‌ سێشەممە 21/1/2020، كۆڕبەندی ساڵانەی ئابووریی (داڤۆس) لە شارۆچكەی داڤۆس لە ڕۆژهەڵاتی سویسرا دەستپێبكات، لە كۆڕبەندەكە دەیان سەركردە، گەورە بازرگان و چالاكوان بەشداریدەكەن، لەنێویاندا دۆناڵد ترەمپ، سەرۆكی ئەمریكا.

ك.ج

بەردەوام بە لە خوێندنەوە

عێراق

كەنەدا لەبارەی كێشەیەكی مەترسیدارەوە هۆشداری دەداتە عیراق

خەڵك – بەشی هەواڵ

باڵیۆزی كەنەدا لە بەغدا لەبارەی (كێشەیەكی مەترسیدار) هۆشداریداوەتە حكومەتی عیراق.

ئولریك شانۆن باڵیۆزی كەنەدا لە بەغدا لە هەژماری تایبەتی خۆی لە تۆڕی كۆمەڵایەتی تویتەر بڵاویكردووەتەوە، ئەمڕۆ دووشەممە 20/1/2020 لەگەڵ عادل عەبدولمەهدی كۆبووەتەوە.

باڵیۆزی كەنەدا لە بەغدا ئاماژەی بەوەشداوە:”لە كۆبوونەوەكەدا هۆشداریداوەتە حكومەتی عیراق دەربارەی پرسێكی گرنگ كە ناوی بردووە بە (كێشەی مەترسیدار)، كێشەكەش پەیوەندی بەوەوە هەیە كە حكومەتی عیراق تا ئێستا ڤیزا و مۆڵەتی كاركردنی بۆ ڕێكخراوە فریاگوزارییە نێودەوڵەتییەكان لە عیراق نوێ‌ نەكردووەتەوە”.

ئولریك شانۆن ئەوەشیخستووەتەڕوو:”ئەمە كێشەیەكی گەورەو مەترسیدارە، كێشەكەشی لەگەڵ عادل عەبدولمەهدی باسكردووە”.

ڕوونیشیكردووەتەوە:”كەنەدا وڵاتێكی كاریگەرە لەبواری فریاگوزاری مرۆیی لە عیراق، بەرنامەكانیشمان ڕۆڵی بەرچاوی هەبووە، لەگەڵ هاوبەشەكانیشمان بۆ چارەسەركردنی كێشەكە گوشار دەكەین”.

ك.ج

بەردەوام بە لە خوێندنەوە

عێراق

دەیانی تریش برینداربوون
رۆیتەرز: دوو خۆپیشاندەر لە بەغدا كوژران

خەڵك- بەشی هەواڵ
ئاژانسی (رۆیتەز) لە زاری پۆلیسی عیراقییەوە، ئاماژە بە كوژرانی دوو خۆپیشاندەر دەكات لە بەغدا، دوای ئەوەی لەلایەن هێزە ئەمنییەكانەوە گازی فرمێسكڕێژ و دەستڕێژی گوللـەيان لەدژ بەكارهێنرا، سەرچاوەكانی تریش ئاماژە بە برینداربوونی دەیانی تر دەكەن.

ئەمڕۆ دوو شەممە، ئاژانسی (رۆیتەرز) لە زاری پۆلیسی عیراقییەوە بڵاویكردەوە”دوو خۆپیشاندەر لە بەغدا كوژراون كە یەكێكیان گوللـە بەر سەری كەوتووە و ئەوی تر بەهۆی گازی فرمێسكڕێژەوە گیانی لەدەستداوە”.

بەوتەی ئەو سەرچاوەیە”هەردوو خۆپیشاندەرەكە لە نەخۆشخانە بەهۆی سەختی برینەكانیانەوە گیانیان لەدەستداوە”.

هەر لەو چوارچێوەیەدا، شانەی میدیای ئەمنی عیراقی ڕایگەیاندبوو، 14 ئەفسەر بە بەردی هەندێك لەوانەی خۆیان خزاندووەتە نێو خۆپیشاندەران و ئاژاوە دەنێنەوە، برینداربوون.

لە شارەكانی تری باشووری عیراقيش، سەدان خۆپیشاندەر تایەیان لەسەر شەقامەكان سوتاند و ڕێگە سەرەكییەكانیان لە شارەكانی ناسریە و كەربەلا و عەممارە داخست.

خۆپیشاندەران دەڵێت”عادل عەبدولمەهدی سەرۆك وەزیرانی كاربەڕێكەر، بەڵێنەكانی جێبەجێ‌ً نەكردووە، لەوانەش پێكهێنانی حكومەتێكی نوێ‌ كە جێگەی ڕەزامەندی عیراقییەكان بێت”.

پەیوەست بە خۆپیشاندانەكانی ئەمڕۆی عیراق، هێزەكانی پۆلیس لە بەغدا دەڵێن”هێزەكانیان توانیویانە هەموو ئەو ڕێڕەوانە بكەنەوە كە پێشتر لەلایەن خۆپیشاندەرانەوە داخرابوون”.

 

أ.ج

بەردەوام بە لە خوێندنەوە

کوردستان