ئێمە لە تۆرە کۆمەڵایەتیەکان

جیهان

حكومەتی سوریا هەڵوێستی خۆی بەرانبەر بە هێرشەكانی توركیا ڕاگەیاند

خەڵك- بەشی هەواڵ
وەزارەتی دەرەوەی سوریا، بە توندی ئۆپەراسیۆنە سەربازییەكانی توركیا لەنێو خاكی سوریادا ئیدانە دەكات و ڕایدەگەیەنێت، ئەنقەرە ڕۆڵی زامنكەری لە پڕۆسەی ئەستانا لەدەستدا.

وەزارەتی دەرەوەی سوریا لە بەیاننامەیەكدا ڕایگەیاند، “سوریا بەتوندی خواستە دوژمنكارییەكانی ڕژێمی توركیا ئیدانە دەكات لەسەر سنورەكانی سوریا، كە پێشێلكارییەكی ئاشكرایە بۆ یاسا نێودەوڵەتییەكان و بڕیارەكانی ئەنجوومەنی ئاسایشی نێودەوڵەتی، كە هەموویان جەخت لەسەر ڕێزگرتن لە یەكێتی و سەلامەتی و سەروەری سوریا دەكەنەوە”.

هەر لە بەیاننامەكەی وەزارەتی دەرەوەی سوریادا هاتووە، “هەڵسوكەوتی دوژمنكارانەی ڕژێمەكەی ئەردۆغان بەڕوونی خواستی پاوەنخوازی تورك لە خاكی سوریا دەخاتەڕوو، كە ناكرێت بە هیچ شێوەیەك بیانووی بۆ بهێنرێتەوە”.

دیمەشق، بەرپرسیارێتی هاتنەناوەوەی هێزەكانی توركیا بۆ نێو خاكی سوریا دەخاتە ئەستۆی هەندێك لە ڕێكخراوە كوردییەكان كە “گرەویان لەسەر پڕۆژەی ئەمریكای دەكرد و بەردەوام لەكاتی چاوپێكەوتنەكاندا لەبارەی مەترسییەكانی ئەو پڕۆژەیە ئاگاداردەكرانەوە، تا نەبنە ئامراز بەدەست بێگانەكان”.

جیهان

ئۆغلۆ: لە بارەی ئیدلبەوە لەگەڵ مۆسكۆ هەماهەنگیمان هەیە

خەڵك- بەشی هەواڵ

وەزیری دەرەوەی توركیا، لە بارەی پرسی ئیدلب-ەوە ڕایگەیاند “توركیا و ڕوسیا بەردەوام دەبن لە هەماهەنگی بۆ گەیشتن بە ڕێككەوتنی كۆتایی”.

مەولود چاوش ئۆغڵو وتی: “توركیا و ڕوسیا بۆ گەیشتن بە ریَِككەوتنی كۆتایی لەبارەی ئیدلب بەردەوام دەبن لە هەماهەنگی”.

وتیشی “پێویستە ڕێگانەدەین پرسی سووریا كاریگەری لەسەر هەماهەنگی نێوان توركیا و ڕوسیا دروست بكات”.

ئەوەشی خستەڕوو كە دوابەدوای كۆبوونەوەی نێوان شاندی هەردوولا لە مۆسكۆ، قسە لەسەر ئەوە دەكرێت كە ئایا ئەنجامدانی كۆبوونەوەی زیاتر پێویستە یاخود نا.

بەردەوام بە لە خوێندنەوە

جیهان

بەڕێوەبەری تەندروستی وهان بەهۆی كۆرۆناوە گیانی لەدەستدا

خەڵك- بەشی هەواڵ

تەلەفزیۆنی فەرمی چین بڵاوی كردەوە، بەڕێوەبەری تەندروستی شاری وهانی چین كە زۆرترین ڕێژەی كۆرۆنای تێدا بڵاوبووەتەوە گیانی لەدەستداوە.

حكومەتی چین بڵاوی كردەوە كە 1868 كەس بەهۆی كۆرۆناوە گیانیان لەدەستداوە و لە نێویاندا ئەمڕۆ سێ‌ شەممە بەڕێوەبەری تەندروستی وهان گیانی لەدەستداوە.

نەخۆشی كۆرۆنا بێجگە لە چین لە چەند وڵاتێكی دیكەش بڵابووەتەوە و تائێستا چەندین كەس لە دەرەوەی ئەو وڵاتەش گیانیان لەدەستداوە.

بەردەوام بە لە خوێندنەوە

جیهان

كرملن: هێز ڕەوانەی لیبیا ناكەین

خەڵك – بەشی هەواڵ

وتەبێژی كۆشكی سەرۆكایەتی ڕوسیا (كرملن)، ڕایدەگەیەنێت، سەرۆكی ڕوسیا تا ئێستا هیچ فەرمانێكی لە بارەی ڕەوانەكردنی هێز بۆ لیبیا دەرنەكردووە.

دمیتری بیسكۆڤ وتەبێژی كۆشكی سەرۆكایەتی ڕوسیا (كرملن)، لە كۆنفڕانسێكی ڕۆژنامەوانیدا ڕایگەیاند: “ڤلادیمیر پوتن، فەرماندەی باڵای هێزە چەكدارەكانی ڕوسیایە و تا ئێستا هیچ بڕیارێكی بۆ ناردنی هێزی سەربازی بۆ لیبیا دەرنەكردووە و هیچ سەرباز و هێزێكی ڕوسیا لە لیبیا بوونیان نییە”.

پێشتر، دامەزراوەی میدیایی (بی.بی.سی) بڵاویكردبووەوە، تەرمی ئەفسەرێكی ڕوسیا لە كەرتی “ئورینبۆرگ”ی ناوەڕاستی ڕوسیا بە خاك سپێردراوە، ئەگەری زۆر لە ئارادایە ئەو ئەفسەرە ڕوسیاییە لە لیبیا كوژرا بێت، لەوبارەیەوە بیسكۆڤ وتی: “ئێمە هیچ زانیارییەكمان لە بارەی ئەو پرسەوە نییە”.

جێی ئاماژەیە، ڕەجەب تەیب ئەردۆغان سەرۆكی توركیا ڕایگەیاندبوو، بانگەشەكانی ڕوسیا لەگەڵ واقیعدا یەك ناگرنەوە، چونكە ڕوسیا لە لیبیا لە ئاستێكی هەرە بەرزدا دەستتێوەردانی هەیە.

ك.ج

بەردەوام بە لە خوێندنەوە

کوردستان