ئێمە لە تۆرە کۆمەڵایەتیەکان

وتار

یەکێتی تۆپی پێ بێڕێزی بەرامبەر هاندەری تۆپی پێ و ڕاهێنەران و یاریزانانی تازەپێگەیشتوان دەکات

دانەر ئەسڵان

فیدراسیۆنی تۆپی پێی کوردستان تا دێت ڕۆژ بە ڕۆژ گومان لە سەر خۆی زیاتر دەکات و سوکایەتی بە هەستی هەموان دەکات بۆ هەفتەی ٤ کۆبوونەوە لە کات و وادەی ڕەسمی خۆیدا ئەنجام نادات و هیچ بڵاو کراوەیەکیش لەو بارەیەوە ئاشکرا ناکات.

لیژنەی ئۆڵۆمپی بۆچی بێ دەنگە لەم سوکایەتییەی بە وەرزش و تۆپی پێ و تازەپێگەیشتوان دەکرێت؟

یەکێتی تۆپی پێی شارەکانی سلێمانی و هەولێر و زاخۆ و شارەکانی تر بۆچی سەری خۆتان دانەواندووە قسەیەک ناکەن هەر هیچ نەبێت ئەن لایکێک بکەن؟

یانەکانی کوردستان زاخۆ پێشمەرگەی سلێمانی جیهان هەولێر بۆچی قبوڵی دەکەن و هیچ ناڵێن؟

باشە بۆ هەمووان قوڕ و قەپتان لێ کردووە ئایا هەڵواسینی فۆتۆیەک لە یاریگایەکدا ئاوها دەکات هەموو لە ترسدا بێ دەنگ بن؟

کەواتە من پێشنیار دەکەم نازناوی تازەپێگەیشتوان بە یانەی هەولێر ببەخشریت وەک پاڵەوانێکی پاش و بێگەرد کە هەموو شتێکی خۆی کرد تا ببێتە پاڵەوان و پێویستی بە هاوکاری کەسیش نەبوو.

تێ بینی/ یەکێتی تۆپی پێی کوردستان نە هیچ بەڵگەیەکتان لە لایە نە لیژنەکەشتان ڕاستگۆ بوو میسداقێت و ڕاستگۆیی خۆتانتان خستە ژێر پرسیارێکی گەورەوە.

ریکلام

وتار

رۆشنبیری وه‌رزشكاری كورد له‌ برنج و فاسۆلیادا

هه‌رێز جه‌مال

له‌ ماوه‌ی رابردوو مامۆستایه‌كی دیاری كۆلیجی وه‌رزشی زانكۆی سلێمانی و راهێنه‌رێكی دیاری یارییه‌كانی گۆره‌پان و مه‌یدان له‌ كوردستان و عێراق كه‌ ئه‌ویش دكتۆر ئه‌حمه‌د به‌هادینه‌ ، په‌رتوكێكی ده‌ركردو هه‌ر به‌ خۆرایش له‌ كافی نێتی ئه‌منه‌ سووره‌كه‌ بڵاویكرده‌وه‌ په‌رتوكه‌كه‌شی به‌ ناوی جه‌سته‌ی ته‌ندروست بوو .

ئێواره‌ی نمایشی كتێبه‌كه‌ی دكتۆر پێش وه‌خت ئاماده‌بووین ، له‌وێ شه‌ن و كه‌وی په‌ڕتوكه‌كه‌ كرا ، راسته‌وخۆ یاده‌وه‌ری ئه‌و كاتانه‌ی بیرخستمه‌وه‌ كه‌ بابه‌تێكم له‌سه‌ر خه‌وو خۆراكی یاریزانی كورد له‌ یه‌كێك له‌ رۆژنامه‌ لۆكالیه‌كان ده‌ سالێك پێش ئێسته‌ بڵاوكرده‌وه‌و به‌ڵام خوا مه‌گه‌ر خۆی بزانێت یاریزانی كوردم چۆن لێ هاربوو .

به‌ حوكمی زۆر خوێندنه‌وه‌و گه‌ڕانم له‌ بواره‌ وه‌رزشیه‌كان ته‌نیا خۆم له‌ چوارچێوه‌ی لاكێشه‌ی سه‌وز نه‌بینیوه‌ته‌وه‌ هه‌میشه‌ بێوه‌ڵام نه‌بووم له‌ كۆڕو كۆمه‌ڵێك كه‌ ئه‌گه‌ر باس له‌ رۆناڵدۆو مێسی یان هه‌ر یاریزانێك بكرێت بڵێن به‌ چی پیر نابن و به‌ چی ده‌مێنه‌وه‌ وه‌ڵامه‌كه‌ی بزانم ، له‌ ماوه‌ی رابردوو پاش سه‌ردانیكردنی هه‌ریه‌كه‌ له‌ یاریگه‌كانی كامپ نوی تایبه‌ت به‌ یانه‌ی به‌رشه‌لۆنه‌و دۆرتمۆندی ئه‌ڵمانی و ئه‌یاكسی هۆڵه‌ندی هێنده‌ی تر تێگه‌یشتم ئه‌مانه‌ی وه‌رزش ده‌كه‌ن له‌م یانانە ته‌نیا وه‌رزشێك نییه‌ ، به‌ڵكو رۆشنبیری پێشكه‌وتنیان به‌ خواردن و خه‌وو ژیانیانه‌وه‌ به‌شێكی گه‌وره‌ی کرداری ڕۆژانەیانە .

وه‌ختی خۆی وتم یاریزانی كورد به‌ تایبه‌ت یاریزانی تۆپی پێ ، نابێت ته‌نیا نه‌وه‌د خوله‌ك وه‌رزش بكه‌ن و دواتر هه‌شت و هۆشیان نه‌مێنێ ، كه‌مێك نێرگه‌له‌كێشان كه‌مبكه‌نه‌وه‌و بزانن چی ده‌خۆن و چی ده‌كه‌ن و چۆن ده‌نوون .
یاریزانمان هه‌یه‌ ئێسته‌ش نازانێت ژه‌مێك نانخواردنی ته‌ندروست بخوات ، ده‌یان وه‌رزشكارو یاریزانی هاوڕێم هه‌یه‌ سوێند به‌خوا سه‌رنجم داوه‌ یه‌ك سه‌عات پێش یارییه‌كه‌ی ٢ له‌فه‌و دوو قاپ برنج و شله‌و گۆشتاوی خواردووه‌ ، به‌داخه‌وه‌ یاریزانمان هه‌یه‌ ئێسته‌ش تاوه‌كو ٥ به‌یانی خه‌به‌ره‌ له‌و سۆشیال میدیا سه‌ری لێ تێكداوه‌ ، به‌داخه‌وه‌ راهێنه‌ری ئێسته‌ش زۆربه‌یان لاوازن و رێنماییه‌كه‌رێكی باش نیین ، هه‌رچه‌نده‌ خه‌تا ئه‌وانیش نییه‌ زۆرینه‌ چونكه‌ راهێنه‌رێكی دیاری كوردستان وتی وه‌ڵای یاریزانمان هه‌یه‌ گۆره‌كه‌ی خۆی ناشوات .

من نالێم یاریزان یان وه‌رزشكاری ئازیز تۆ ئه‌م ره‌خنانه‌ی من به‌ رقه‌وه‌ وه‌ربگره‌ یاخود رێنمایكه‌رت ببم هه‌موو شت قه‌ده‌غه‌ بكه‌یت ، به‌ڵام باشترین رێگه‌كان كه‌مبكه‌ره‌وه‌و به‌ پێی به‌رنامه‌یه‌كی ته‌ندروست بڕۆ چونكه‌ دڵنیابه‌ چه‌ند له‌ مه‌شق و یاریكردن سه‌ركه‌تووبوویت ، كه‌ رۆشنبیری جه‌ست و ژیانت نه‌بوو یه‌ك توری قوڕاوی ناهێنێیت .

به‌ حوكمی به‌رده‌ست بوونی زانیارییه‌كان بوونی پێداویستییه‌كان پێویسته‌ وه‌رزشكار سوود له‌وانه‌ ببینێت ، به‌ تایبه‌ت مه‌له‌وانی و جیم و ئاسن و نانخواردن ، ئازیز له‌ به‌یانی زووتر نییه‌ دكتۆرێكی تایبه‌تمه‌ند بدۆزه‌ره‌وه‌ یان كه‌سێكی شاره‌زا له‌ ته‌واوكاره‌ خۆراكیه‌كان با پرۆگرامێكی تایبه‌تت بۆ جابنێت چونكه‌ جه‌سته‌ی تۆی وه‌رزشكاری پێویستی به‌ رێنمایدانه‌ ، من نالێم برۆ بۆ لای ئه‌و به‌ناو راهێنه‌ره‌ له‌شجوانیانه‌ی كه‌ هه‌ندێكیان خه‌ریكی فێل و ته‌ڵه‌كه‌و بازرگانیان ، دوای ئه‌وه‌ش سه‌رێك له‌ دكتۆر ئه‌حمه‌د بده‌و زوو به‌ زوو ئه‌و كتێبه‌ نایابه‌ی به‌ خۆڕایی ده‌ستبخه‌و با به‌هه‌مووان رووه‌ جوانه‌كه‌ی وه‌رزش به‌ مه‌به‌ستی پێشكه‌وتن هه‌نگاوێكی گه‌وره‌ بنێیین .

تێبینی : ره‌سمه‌كه‌ش له‌به‌رده‌م كۆشكی له‌فه‌كه‌ی یانه‌ی برۆسیادۆرتمۆند به‌رده‌م سیگناڵ ئیدونا پاركه‌ .

بەردەوام بە لە خوێندنەوە

وتار

بۆچی زیدان براوە بوو؟

بڕیار تەها

ڕیاڵ مەدرید زۆر باش دەرکەوت، ڕیاڵ مەدرید هاوسەنگی لە نێوان بەرگری و هێرشبردندا ڕاگرت بوو، ڕیاڵ مەدرید بە پلان فشاری دەکرد و بە پلان ڕیتمی یارییەکەی بە ویستی خۆی خاو دەکردەوە، ڕیاڵ مەدرید بە تاکتیکی سەرکەوتوو تۆپەکانی دەهاویشتە نیوە یاریگای بەرشەلۆنە و بە تاکتیكی ورد پارێزگاری لە تۆپەکانی قاچی دەکرد، ڕیاڵ بە تاکتیک هێرشەکانی بۆسەر هێڵی سزای بەرشەلۆنە چڕ دەکردەوە، کۆی هەموو ئەوانە وایانکرد ڕیاڵ مەدرید بەهێزتر و تۆقێنەرتر دەربکەوێت، تەواوی ئەم کارانەش دەگەڕێتەوە بۆ لێهاتووی زەینەدین زیدانی ڕاهێنەر دەرئەنجامی ئەوەش ڕیاڵ مەدرید متمانە و هەیبەتی بۆ گەڕایەوە.

زیدان سەرەتا کاری لەسەر هێرشەکانی بەرشەلۆنە کرد بوو، بەڵام بە ترسنۆکی نا، لە هەمانکاتیشدا بە پەلاماردان و توند و تیژی نایاسایی نا، بەڵکو بە ڕۆحیەتێکی بەرز و بە تاکتیکێکی ورد، کاتێک تۆپ لای بەرشەلۆنە بوو ڕیاڵ مەدرید یاری مان تو مانی نەدەکرد بەو شێوەیەی کە هەموو یاریزانەکانی بجوڵێن و توانایەکی زۆر بەهەدەر بدەن و بۆ تایمی دووەم تەسلیم ببن، بەڵکو تەنیا چەند یاریزانێکی ڕیاڵ نزیک لە هێرشەکانی بەرشەلۆنە دەجوڵان، کاتێک تۆپ لە باڵی ڕاستی بەرشەلۆنە بوو، چوار یاریزان لە ڕیاڵ مەدرید ( مێند، ئیسکۆ، کرووس، کاسمێرۆ) چاودێرییەکی وردیان دەکرد و ڕووبەریان بچوک دەکردەوە و فشاریان دەخستە سەر هەڵگری تۆپ کاتێك هێرشەکەش دەچووە باڵی چەپی بەرشەلۆنە، هەریەکە لە ( کارڤاخاڵ، گاریس بەیڵ، ڤاڵڤێردی، کاسمێرۆ ) هەمان کاریان دووبارە دەکردەوە، بەڵام ڕۆڵی کاسمێرۆ زیاتر بوو لە یاریزانێک، هەر لەبەر ئەوەش کاسمێرۆ بە پاشایی یارییەکە ( king of the match ) هەڵبژێردرا و شایستەش بوو، چونکە جگە لە هاوکاری پلانی بەرگری دەکرد لە هەمانکاتیشدا پاڵپشتی هێرشەکانیشی دەکرد و لە شوێنەکەی خۆشیدا وەک ئیرتیکاز بۆشایی نەدەدا بەدەستەوە، واتا ڕیاڵ مەدرید بە تەواوی یاریزانەکانی بەرگرییەکی هەرەوەزی زۆر باشیان کرد، ئەمەش بەرشەلۆنەی تەواو نائومێد کرد بوو.

خاڵێکی دیکەی بەهێزی ڕیاڵ مەدرید لەم شەودا هێرشبردنێکی ڕێکخراو بوو، کەمن ئەو یانانەی لە ناو یاریگای کامپ نو بتوانن بۆ ماوەیەکی زۆر لە نیوە یاریگای بەرشەلۆنەدا پاسات بکەن و کۆنترۆڵی یاریگا و تۆپ بکەن، ئەمشەو زیدان ئەم پلانەی زۆر بە باشی جێبەجێکرد، بە جۆرێک ئەگەر ئەنجامی یارییەکە لەسەر شاشەکە نەبوایە هەستت دەکرد بەرشەلۆنە بە چەند گۆڵێک لە پێشە بۆیە پاشەکشەی کردووە.

لە هێرشەکاندا یاریزانانی ڕیاڵ مەدرید دوو ئامانجیان هەبوو، یەکەم – خاوکردنەوەی ڕیتمی یارییەکە تا ئەوەی یاریزانانی بەرشەلۆنە نەچنە نێو کەش و هەوای یاریگای کامپ نۆوە، دووەم- کارکردن بوو لەسەر ئەو بۆشاییانەی لە ناوی هێڵی بەرگری و ناوەندی بەرشەلۆنەدا دروست دەبوو، لە مەشدا ڤاڵڤێردی لە ناوەند و کەریم بێنزیمە ڕۆڵێکی تاکتیکی باشیان دەگێڕا و سەرپەرشتی پلانەکانی زیدان – یان دەکرد، هەڵبەت یاری نەکردنی مۆدریچ و یاریپێکردنی ڤاڵڤێردی لە شوێنی یەکێک بوو لە بڕیارە دروستەکانی زیدان، چونکە مۆدریچ ئەو توانا بەرزە جەستەییەی چەند وەرزی ڕابڕدووی نەماوە، تا ئەوەی بتوانێت بۆکس تو بۆکس یاری بکات و لە هەردوو پلانی بەرگری و هێرشبەریدا هاوکاری یانەکەی بکات، جگە لەوەش ئەزموونی کرووس و کاسمێرۆ گرفتی غیابی ئەزموونی مۆدریج – یان داپۆشی بوو.

بەردەوام بە لە خوێندنەوە

وتار

گاڵتەکردن بە وەرزشی سلێمانی وەک نەخۆشیەکی دەروونی

هەرێز جەمال

ئەو قەوانە سواوەی کە چەندین ساڵە لە نێو کایە بەتالەکەی وەرزشی کوردستان و عێراق و دواتر بە تایبەت شاری سلێمانی و دەوروبەری پارێزگاکانی تری کوردستان هەیە توانج دانە لە وەرزشی سلێمانی کە جارێک پیێ دەگوترێت بێ ساحێب چارێک پێی دەوترێت شاری بێ ئەنجام لە یارییەکان بە تایبەت فتبۆڵ یان شاری بێ بەرهەم..

جارێ من دەپرسم کێ لە شارەکانی ترەوە دەیان ساڵە ئینتاجی هەبووەو وەرزشکاری ناردبێتە هەلبژاردەی عێراق،کام یاریزانی تۆپی پێی شارەکانی تر ئێستە لە هەلبژاردەکانی فتبۆلی عێراقن و یاریزانن؟

توانجەکە هەر لە دەرەوەی سلێمانی نییە بەڵکو لە ناو شاری سلێمانیە، جار نا جارێ کۆمەلێک قیت دەبنەوە سلێمانی کوا بە زمانی خۆیان (ریازە(ی تیایە سلێمانی کوا چی تیا ماوە.

بەڕاستی زۆر بە ڕەوانی دەمەوێت بلێم لەم بابەتە شارچێتیەک زەق دەکەمەوە بۆ ئەوانەی کە تەنیا تۆپ دەبین و وەرزش لە تۆپی پێ دەبینینەوە،؟ من نازانم ئەو جەریدەچی و ناقدو فەردەسوفانە وەرزش بە چی تێگەیشتوون.

ئەگەر چەند سالێک لەمەوبەر قەیرانی دارایی هەبوبێت و چالاکیەکان وەستابن ئەوە بە تەحەداوە دەلێم لە دوای ئەو کاتە نەک کوردستان بەلکو عێراقیش بەقەد سلێمانی چالاکی وەرزشی نەبووە، ئاخر تۆیەک کە تەنیا رێگەی یاریگای مەلعەبەکە دەزانیت و ناوی چوار یانەو شەش یاریزانی یارییەکانی تر نازانی ئیتر چۆن ئەو مافە بە خۆت دەدەی خۆت دەکەی بە پرۆفیسۆر و چاودێری بابەتەکان.

من نازانم بۆ کەس ئەنجامی یارییە تاکیەکان هەزم ناکات، دەیان یاریزانی درەوشاوەی گۆرەپان ومەیدان و پایسکیلسواری و یارییە هونەرە بەرگرییەکان تۆپى سه‌رمێزو و باسكه‌و باله‌مان هه‌یه‌ له‌ ته‌واوى یانه‌كانى شارى سلێمانى نوێنەرایەتی هەلبژاردەی عێراق دەکەن ئیتر بۆ ئەم شارە ریازەی تیا نەماوە؟ بە تەحەداوە یەک شاری کوردی نییە هێندەی سلێمانی لەسەر ئاستی تاک پالەوانی هەبووبێت کە ئەمە بە سەدەکانی رابردوو وابووە و دلنیام بۆ سالانی داهاتوش هەر درێژە دەکێشێت..

با کوێرانە شتەکان نەبینین، کەم پالەوانێتی یانەکانی عێراق هەیە نەهاتبێتە سلێمانی هەر لە بالە باسکە بۆکسین یارییە ئاوییەکان پالەوانێتی تۆپی دەست کە ئێستا رکابەرییەکانی زۆر بە بەهێزی لە دوو هۆلی شارەکە بەڕێوەدەچێت، کەم یاری تۆپی پێ هەیە هەندێک لە یاریگاکانی و یانەکانی جمەیان لە هاندەر نەیە قسەم لەسەر هەندێ یانەی نییە کە مارکێتینگیان بۆ ڕاکێشانی هاندەر زۆر کەمە.

خۆ سلێمانی هیچ نەبێت ئەو ژێر خانە باشەی هەیە یاریگاکانی وەک پایتەختەکەی بلێ و بارزان نابێتە قوڕو چلپاو، خۆ وە نەبێت لێرەش شامی شەریف بێت لە نەبوونی کۆمەڵگایەکی وەرزشی مۆدێرن و تراکێکی باشی گۆرەپان و مەیدان و چەند هۆلێکی پێوێست کە بۆ هەموان بێت و کەس قەرزارباری یانەکان و ئەم و ئەو نەبێت.

راستە شارە حەیاتەکە سواوە بە کۆمەلێک کەسی ناوەرزشی کۆمەلێک دەموچاوی بێزراو کە دواجار ئەمە کاری کارگێڕییەوە دەبێت مەرجەعێکی دلسۆز تەسفیە حسابی ئەمانە بکات بەلام دواجار تانەو تەشەر دان لە وەرزشی سلێمانی و چالاکیی بەردەوامی لە نەخۆشییەکی دەروونی زیاتر هیچی تر نییەو گومانم هەیە ئەوانەی دلسۆزی سلێمانین و وەرزش دۆستی هەقیقین دان بەو ڕاستیە دەسلمێنن کە کەم رۆژ هەیە زرمەی تۆپ و تەقە تەقی سپایکسەکان لە یاریگە نەبیت

بەردەوام بە لە خوێندنەوە

کوردستان