ئێمە لە تۆرە کۆمەڵایەتیەکان

جیهانی

“بەهرەمەندەکەی سیلیستی” زێدانی لە کڕینی پۆگبا پەشیمان کردۆتەوە !

خەڵک سپۆرت

زینەدین زێدانی فەرەنسی ڕاهێنەری یانەی ڕیاڵ مەدریدی ئیسپانی بڕیاریداوە لە گواستنەوەکانی هاوینەی داهاتوودا هەوڵ بۆ گواستنەوەی پۆل پۆگبای هاونیشتیمانی نەدات.

ڕۆژنامەی “دەیلی مەیڵ”ی بەریتانی پاڵپشت بە چەندین سەرچاوەی ناوخۆیی یانەی شاهانەی مەدرید بڵاویکردۆتەوە، فیدریکۆ ڤاڵڤێردی ئۆرۆگوایی ئەستێرەی هەڵکشاوی پێکهاتەکەی زێدان لە کۆتا ڕووبەڕوبونەوە بەرامبەر یانەی گرانادا ئاستێکی ناوازەی پێشکەش کردووە، بەشێوەیەک کە خودی زێدان و ستافی هونەری یانە زەبەلاحەکەی مەدرید سەرسامبوون، هەر بەوهۆیەشەوە لەنێو خۆیاندا کۆبونەوەیان ئەنجامداوە و گەیشتونەتە بۆچونێکی نوێ.

“زیزۆ” لەگەڵ هاوڕێکانی دەربارەی فیدی ڤاڵڤێردی ئەستێرەی هەڵبژاردەی ئۆرۆگوای گفتوگۆی کردووە و گەیشتۆتە ئەو قەناعەتەی کە لاوە سیلیستیەکە دەتوانێت لە داهاتوودا هەڵگری مەشخەڵی هێڵی ناوەندی پێکهاتەی مێرەنگی بێت، هەروەها ستافەکە بەگشتی دووچاری دوودڵی بوون سەبارەت بە کڕینی پۆل پۆگبای ئەستێرەی هێڵی ناوەندی یانەی مانچستەر یونایتد.

بەپێی سەرچاوەکان، زێدان لەم سنورەدا نەوەستاوە، بەڵکو بە ئەگەرێکی بەهێزی لەقەڵەمداوە بۆ داهاتوو ڤاڵڤێردی تێهەڵکێشی پێکهاتەی سەرەکی بکات و وەک شوێنگرەوەی لوکا مۆدریچی کرواتی مامەڵەی لەگەڵدا بکات.

ڤاڵڤێردی تەمەن ٢١ ساڵ، یەکێکە لە بەهرەمەندانی ئۆرۆگوایی و چەند وەرزێکە لەگەڵ پێکهاتەی شاهانە وەک یەدەگێک یاریی دەکات، هەرگیز هەلی یاریکردنی بەشێوەی سەرەکی پێنەدراوە و پێدەچێت چیتر زێدان گەیشتبێتە قەناعەت سەبارەت بەتواناکانی و لە داهاتوودا ئەو دەرفەتەی پێبدات.

جیهانی

زێدان چووە ڕیزی ڕاهێنەرە ئەفسانەییەکانی ڕیاڵەوە و تەنها سێ ناوی لەبەردەمدا ماوە

خەڵک سپۆرت

زینەدین زێدانی فەرەنسی یاریی لەدوای یاریی مێژووی تاکە کەسی تۆمار دەکات و بەبردنەوەی لە یانەی ئیسپانیۆل توانی ڕاهێنەرێکی مێژوویی یانەی شاهانە لەڕووی ڕیکۆردەکانەوە تێپەڕبکات.

ئەمڕۆ یانەی شاهانەی مەدرید لەیاریگای “سانتیاگۆ بێرنابیۆ” میوانداری ئیسپانیۆلی کەتەلۆنی کرد و بە ئەنجامی دوو گۆڵی بێوەڵام سەرکەوتنیان بەدەست هێنا، زینەدین زێدانی ڕاهێنەری شاهانە لەسەر ئاستی تاکە کەسی توانی یاریی ژمارە ١٢٢ وەک ڕاهێنەری یانەکە ئەنجام بدات کە لەو ماوەیەدا ٨٢ بردنەوە و ٢٤ یەکسانبوون و ١٥ دۆڕاندنی تۆمار کردووە، هەروەها پێکهاتەکانی بەگشتی ٣٠٩ گۆڵیان تۆمار کردووە و ١٢٦ گۆڵیان لەسەر تۆمار کردووە.

بەم ڕیکۆردەوە “زیزۆ” توانی ڕیکۆردەکانی لویس مۆلۆنی ئەفسانەی ڕاهێنەرانی مێرەنگی یەکسان بکاتەوە کە لەسەردەمی خۆیدا لەهەمان ژمارەی یارییدا ٧٤ بردنەوە و ٢ یەکسانبوون و ١٢ دۆڕاندنی تۆمار کردووە.

لەمێژووی “لۆس بلانکۆس”ی مەدریدیدا تەنها سێ ڕاهێنەر زیاتر لە زێدان ئەرکی ڕاهێنانی پێکهاتەی شاهانەیان لەئەستۆ بووە، پێکهاتوون لە: لیۆ بینهاکەر ١٣٩ یاریی، ڤیسینتی دێل بۆسکی ١٥٣ یاریی، هەروەها میگێل مونۆزی ئەفسانەیی کە لە ٤٢٤ یارییدا ڕاهێنەری یانە زەبەلاحەکەی مەدرید بووە و مەحاڵە ڕاهێنەرێک بتوانێت هەمان ڕێژە تۆمار بکاتەوە.

بەردەوام بە لە خوێندنەوە

جیهانی

لەبەر پێنج هۆکار، ئەگەر ئارسیناڵ ئەنچلۆتی بکڕێت دەگەڕێتەوە لوتکە

کارگێڕی یانەی ئارسیناڵ ماوەیەکە ئونای ئیمیری ڕاهێنەریان دوورخستۆتەوە و لەجێگەی لیۆنبێرگ بەشێوەی کاتیی دەستبەکار بووە، شارەزایان پێیان وایە کارلۆ ئەنچلۆتی باشترین هەڵبژاردەیە لەبەردەم کاربەدەستانی یانە ئینگلیزیەکەدا.

ئەنچلۆتی تەمەن (٦٠) ساڵ وەرزی ڕابردوو لەگەڵ یانەی ناپۆلی پلەی دووەمی ڕیزبەندی یانەکانی ئیتاڵیای دەستەبەر کرد، بەڵام لەم وەرزەدا بەهۆی کێشە کارگێڕیەکان و تێکچوونی پەیوەندیەکانی لەگەڵ ئیدارەی ناپۆلی کەوتۆتە بارودۆخێکی ناهەموارەوە و تائێستا لەپلەی حەوتەمی ڕیزبەندیدان و لەکۆی (١٤) یاریی تەنها پێنج بردنەوەیان تۆمار کردووە.

لەلایەکی ترەوە یانەی ئارسیناڵ لەململانێکانی وەرزی ٢٠١٩/٢٠٢٠ی “پریمەرلیگ” لە ئاستێکی مامناوەنددا بوون و لەکۆی (١٤) یاریی تەنها چوار بردنەوەیان بەدەستهێناوە و لەپلەی نۆیەمدان، ئەگەریش هەیە لەحاڵی بەردەوامبوونی ئەنجامە خراپەکاندا دووچاری قەیرانی قوڵتربن.

ڕۆژنامەی “زە سەن”ی بەریتانی ئاشکرای کردووە، لەنێو سەرجەم ڕاهێنەرانی جیهاندا کارلۆ ئەنچلۆتی لەبەر (پێنج هۆکار) شایستەترینە بۆ وەرگرتنی پۆستی ڕاهێنەری تۆپچیەکانی شاری لەندەن، هۆکارەکانیش بریتین لە:

  • شارەزایی لە پریمەرلیگدا هەیە و لە ساڵی ٢٠٠٩ وەک ڕاهێنەری چێڵسی جێگەی گوس هیدینگی هۆڵەندی گرتەوە، پلەی سێیەمی خولەکەی بەدەستهێنا، دواتر نازناوی خولی ناوخۆ و “فا کاپ”ی کۆکردەوە، کاتێک ماڵئاوایی لە بلوزی لەندەن کرد ڕێژەی بردنەوەکانی لەڕیزبەندی ڕاهێنەرانی خولەکەدا سێیەم بوو.

  • براوەی نازناوەکانە، بەپێچەوانەی ئارسیناڵەوە کە (١٦) ساڵە هەگبەی نازناوەکانی بەتاڵە، مێژووی ئەنچلۆتی بۆ یانە ئینگلیزیەکە گونجاوە و بەوە ناسراوە کە لە چنینەوەی نازناوەکاندا شارەزایە و ١٢ خولی ناوخۆی لە چوار خولی جیاواز و سێ نازناوی خولی یانە پاڵەوانەکانی لەگەڵ میلان و ڕیاڵ مەدرید بەدەستهێناوە.
  • لە گەڕاندنەوەی ئاستی یاریزانان و هاندانی ئەستێرەکاندا بەتواناترینی بوارەکەی خۆیەتی، لەبارەیەوە زلاتان ئیبراهیمۆڤیچ و کریستیانۆ و چەندینێکی تر ڕایانگەیاندووە، ئەگەر بارودۆخی نەخوازراو نەبوایە حەزیان بەوە بووە بۆ هەتا هەتایە لەگەڵ ئەم ڕاهێنەرەدا کاربکەن.
  • تاکتیکی دیاریکراوی نییە و لەگەڵ بارودۆخەکاندا گۆڕانکاری دەکات، بەپێچەوانەی ئونای ئیمیری ڕاهێنەری پێشوو کە تەنها بە یەک شێوازی هێرشبەری یاریی دەکرد و لەڕووی بەرگریەوە لاواز بوو، ئەنچلۆتی پاڵپشت بە پلانی (٤ – ٤ – ٢) یاریی دەکات و جۆری ئەو یاریزانانەی کاریان پێدەکات بەراورد بە یاریزانانی ئارسیناڵ زۆر گونجاوە.
  • دەتوانێت کاریگەری لەسەر نوێکردنەوەی بۆندی یاریزانە گەورەکان دروست بکات و یاریزانی گەورەتریش پەلکێشی ڕیزەکانی گانەرز بکات، لەپێشوودا ئەندازیاری کڕینی چەندینێکی وەک جەیمس ڕۆدریگێز و گاریس بەیل و تیاگۆ سیلڤا و لوکاس مۆرا و ڕۆناڵدینیۆ بووە.
بەردەوام بە لە خوێندنەوە

جیهانی

خشتە و کاتی یارییەکانی ئەمڕۆی خولەکانی ئەوروپا (شەممە)

خەڵک سپۆرت

ئەمڕۆ خولە ناوخۆییەکانی ئەوروپا (ئەڵمانیا، ئیتاڵیا، ئینگلتەرا، فەرەنسا، ئیسپانیا) بەردەوامی بە ململانێکانی وەرزی ٢٠١٩/٢٠٢٠ دەدەن و جەندین یاریی ئاگرین ئەنجام دەدرێن، گرنگترینیان ئەمانەن:

خولی ئینگلیزی

ئێڤەرتۆن – چێڵسی (٣:٣٠)

تۆتنهام – بێرنڵی (٦:٠٠)

واتفۆرد – کریستاڵ پاڵاس (٦:٠٠)

بۆرنماوس – لیڤەرپوڵ (٦:٠٠)

مانچستەر سیتی – مانچستەر یونایتد (٨:٣٠)

خولی ئیسپانیا

ڕیاڵ مەدرید – ئیسپانیۆل (٣:٠٠)

گرانادا – دیپۆرتیڤۆ ئالاڤێس (٦:٠٠)

لیڤانتی – ڤالێنسیا (٨:٣٠)

بەرشلۆنە – ڕیاڵ مایۆرکا (١١:٠٠)

خولی ئیتاڵیا

ئاتالانتا – هیلاس ڤیرۆنا (٥:٠٠)

ئودینێزی – ناپۆلی (٨:٠٠)

لازیۆ – یوڤانتۆس (١٠:٤٥)

خولی ئەڵمانیا

دۆرتمۆند – فۆرتونا دوسڵدۆرف (٥:٣٠)

فرایبۆرگ – ڤۆلفسبۆرگ (٥:٣٠)

بوروسیا مونشنگلادباخ – بایرن میونشن (٥:٣٠)

ئاوگسبۆرگ – ماینز (٥:٣٠)

لایپزیگ – هۆفنهایم (٥:٣٠)

بایەرلیڤەرکوزن – شالکە (٨:٣٠)

خولی فەرەنسا

مۆنتیپیلێ – پاریس سانت جێرمان (٧:٣٠)

مۆناکۆ – ئەمیان (١٠:٠٠)

ستاد ڕین – ئینجێر (١٠:٠٠)

ستراسبۆرگ – تولوز (١٠:٠٠)

نیس – میتز (١٠:٠٠)

بەردەوام بە لە خوێندنەوە

کوردستان