ئێمە لە تۆرە کۆمەڵایەتیەکان

جیهانی

ڕاکیتیچ: بارودۆخی من ئاڵۆزە و کریستیانۆ بەتایبەتی پەیوەندی پێوە کردم

خەڵک سپۆرت

ئیڤان ڕاکیتیچی کرواتی دەیەوێت لەڕیزەکانی یانەی بەرشلۆنە بەشداری زیاتری پێبکرێت و نهێنی پەیوەندیەکی تەلەفونی لەگەڵ کریستیانۆ ڕۆناڵدۆی پورتوگالی ئاشکرا دەکات.

ڕاکیتیچ ماوەی دوو وەرزە لە یاریزانێکی سەرەکی و کاریگەرەوە خزێنراوەتە سەر کورسی یەدەگ و تەنانەت لەم وەرزەدا لەکۆی ڕووبەڕوبونەوەکانی چامپیۆنز لیگ تەنها ٣٠ خولەک و لە چوارچێوەی ململانێکانی خولی ئیسپانیا تەنها ١٥٧ خولەک بەشداری پێکراوە، ئەوەش بێزاری لای خودی یاریزانەکە و خێزانەکەی دروست کردووە.

لەم بارەیەوە ڕاکی بە تۆڕی “٢٤ ساتا”ی کرواتی ڕاگەیاندووە :” هاوینی ڕابردوو لەگەڵ مێسی و بارتومیۆ قسەم کرد و هەمووان بۆچونی منیان دەزانی، دەشیانزانی هەڵبژاردەی ئەوەم لەبەردەمدایە یانەکە بەجێبهێڵم، من هێشتا دەمەوێت لەپێناو بەرشلۆنەدا بجەنگم و سود بەیانەکەم بگەیەنم، هەر کاتێک پێویستیان بە من بێت ئامادەم، بەڵام ئەگەر لە داهاتودا بارودۆخەکە گۆڕانکاری بەسەردا نەیەت، ئەوا دووبارە پێویست بە دانیشتن و قسەکردن دەکات”.

هەروەها دەڵێت :” نازانم چی ڕوودەدات، بارودۆخی من زۆر ئاڵۆزە، نامەوێت تەنها ئەندامێکی یانەکە بم، بەڵکو دەمەوێت یاریی بکەم، هێشتا بۆندەکەم دوو وەرزی تێدا ماوە و هیچ یانەیەک لە بارسا باشتر نییە، بەڵام وەک وتم دەمەوێت یاریی بکەم و نامەوێت کارم پیاسەکردن بێت لەنێو بازاڕەکانی بەرشلۆنە”.

لەکۆتاییدا نهێنیەک ئاشکرا دەکات و دەڵێت :” هاوینی ڕابردوو کریستیانۆ ڕۆناڵدۆ بەتایبەتی پەیوەندی پێوەکردم، دووپاتیکردەوە کە ژووری جلگۆڕینەکانی یانەی یوڤانتۆس چاوەڕوانم دەکەن و خۆشحاڵ دەبن ئەگەر پەیوەندیان پێوە بکەم، بەڵام یانەی بەرشلۆنە داوای بڕی ٥٠ ملیۆنی لە یوڤانتۆس کرد و پڕۆسەکە بەوهۆیەوە شکستی هێنا”.

جیهانی

بەفەرمی… بەرشلۆنە بۆندی لەگەڵ مارتن برەیزوایتی دانیمارکی ئیمزا کرد

خەڵک سپۆرت

ئەمڕۆ بەفەرمی یانەی بەرشلۆنە گواستنەوەی مارتن برەیزوایتی دانیمارکی بۆ ڕیزەکانی ئاشکرا کرد.

بەپێی ئەو زانیارییانەی لەلایەن ڕۆژنامەی “مارکا”ی ئیسپانییەوە ئاشکراکراون، برەیزوایت لە یانەی لیگانێسەوە بەبڕی (١٨) ملیۆن یورۆ پەیوەندی بە یانەی بەرشلۆنەوە دەکات، کە ئەوەش نرخی شکاندنی بۆندەکەیەتی.

ماوەی گواستنەوەکە تا هاوینی ٢٠٢٤ بەردەوامی دەبێت و لەو ماوەیەدا هەر یانەیەک خوازیاری دابینکردنی بێت پێویستە نرخی شکاندنی بۆندەکەی پێشکەش بکات کە بە (٣٠٠) ملیۆن یورۆ خەمڵێنراوە.

گواستنەوەی برەیزوایتی هێرشبەری دانیمارکی هاوکاتە لەگەڵ پێکانەکانی لویس سوارێز و عوسمان دیمبیلی کە تا کۆتایی وەرز ناتوانن بەشداری هیچ چالاکییەکی وەرزشیی بکەن.

هێرشبەرە نوێیەکەی بارسا لە پێگەکانی هێرشبەری سەرەڕم و هێرشبەری باڵی ڕاست و ناوەندی هێرشبەریی دەتوانێت یاریی بکات، تەمەنی ٢٨ ساڵە و ئەوەش ئەو خەسڵەتانەن کە بەهۆیەوە زۆرینەی ئەنجومەنی ئیدارەی بلاوگرانا ڕەزامەندییان لەسەر گواستنەوەی نیشانداوە.

لەم وەرزەدا برەیزوایت بەشداری ٢٧ یاریی کردووە بە درێسی یانەی لیگانێسەوە لە خولی ناوخۆ و جامی ئیسپانیا، توانیویەتی هەشت گۆڵ تۆمار بکات.

برەیزوایت ئەزمونی لە یانەکانی ئیسبێرگ و تولوز و میڵدزبرە و بۆردۆ و لیگانیس بەدەستهێناوە، لە ساڵی ٢٠٠٩وە وەک یاریزانێکی پرۆفیشناڵ دەستی بەیاریکردن کردووە.

بەردەوام بە لە خوێندنەوە

جیهانی

خشتە و کاتی یارییەکانی ئەمڕۆی خولی ئەوروپی (پێنج شەممە)

خەڵک سپۆرت

ئەمشەو ڕووبەڕوبونەوەکانی قۆناغی (٣٢)ی خولی ئەوروپی “یوروپا لیگ” دەستپێدەکەن، چەندین یاریی بەهێز ئەنجام دەدرێن، گرنگترینیان ئەمانەن:

سپۆرتنیگ لشبۆنە – ئیستانبوڵ باشاک شەهیر (٨:٥٥)

خیتافی – ئەیاکس ئەمستەردام (٨:٥٥)

کۆپنهاگن – سێلتیک (٨:٥٥)

کلوج – سڤیلیە (٨:٥٥)

کلوپ بروج – مانچستەر یونایتد (٨:٥٥)

لودۆگۆریس ڕازگراد – ئینتەرمیلان (٨:٥٥)

ئینتراخت فرانکفۆرت – ڕێدبول سالزبۆرگ (٨:٥٥)

شاختار – بەنفیکا (٨:٥٥)

وڵڤەرهامبتۆن – ئیسپانیۆل (١١:٠٠)

بایەرلیڤەرکوزن – پۆرتۆ (١١:٠٠)

ئەپۆیل نیقۆسیا – بازل (١١:٠٠)

ئۆڵۆمپیاکۆس – ئارسیناڵ (١١:٠٠)

ئالکەمار – لاسک لینز (١١:٠٠)

ڤۆلفسبۆرگ – مالمۆ (١١:٠٠)

ڕۆما – جینت (١١:٠٠)

گلاسگۆ ڕەینجەرز – سپۆرتینگ براگا (١١:٠٠)

بەردەوام بە لە خوێندنەوە

جیهانی

ڕیاڵ مەدرید و یوڤانتۆس هاوکێشەی ئیکاردی و جیزوس بە دوو بۆندی گەورە دەگەیەننە ئەنجام

خەڵک سپۆرت

یانەی ڕیاڵ مەدریدی ئیسپانی گرنگی بە ماورۆ ئیکاردی ئەرجەنتینی هێرشبەری یانەی ئینتەرمیلان دەدات، ئەم هەوڵدانەش یانەی یوڤانتۆسی ناچار کردووە بیر لە کڕینی هێرشبەرێکی تر بکەنەوە.

بەپێی زانیارییەکانی “توتۆ سپۆرت”، ماورۆ ئیکاردی لە یانەی ئینتەرمیلانەوە بە شێوەی خواستن پەیوەندی بە پاریس سانت جێرمانی فەرەنسییەوە کردووە، بەڵام لەو یانەیە بەختەوەر نییە و لە ڕووی خێزانییەوە خۆیی و واندا نارای هاوسەری چەندین کێشەیان بۆ دروست بووە، بۆیە لە کۆتایی وەرزدا ئەگەر زۆرە لەژێر هەر بارودۆخێکدا بێت بگەڕێنەوە بۆ ئیتاڵیا.

سەرچاوەکە دووپاتیکردۆتەوە، ئیکاردی لەڕێگەی واندا نارای هاوسەر و لێپرسراوی کارەکانیەوە لەگەڵ یانەی ڕیاڵ مەدرید کەوتۆتە سەرهێڵ، بەڕێوەبەرانی یانەی شاهانە ئامادەییان دەربڕیوە بە پێشکەشکردنی یەکێک لە لوکا مۆدریچ یاخود لوکا یوڤیچ دەرگای گواستنەوەکان بەڕووی یانەی ئینتەرمیلاندا بکەنەوە، ئەوانەش ئەو یاریزانانەن کە ماوەی وەرزێکە ئەنتۆنیۆ کۆنتی ڕاهێنەر داوایان دەکات.

لەکۆتایی وەرزدا یانەی پاریس سانت جێرمان بە بڕی ٧٠ ملیۆن یورۆ دەتوانێت بۆندی ئیکاردی بۆ هەمیشەیی بگۆڕێت، بەڵام وا دەردەکەویت یاریزانەکە بەو گواستنەوەیە قایل نەبێت.

لەلایەکی ترەوە بەڕێوەبەرانی یانەی یوڤانتۆس ناچاربوون لە هەوڵەکانیانەوە بۆ ئیکاردی ڕوو لە ئەگەرەکانی گواستنەوەی گابریال جیزوسی بەرازیلی هیرشبەری یانەی مانچستەر سیتی بکەن.

جیوزس خەونی بەردەوامبوونە لە سیتی و لەتەمەنی ٢٢ ساڵیدایە، تائێستا ١٦ گۆڵ و نۆ ئەسیستی لە ٣٣ یارییدا تۆمارکردووە.

بەردەوام بە لە خوێندنەوە

کوردستان