ئێمە لە تۆرە کۆمەڵایەتیەکان

جیهانی

عوسمانی فەرەنسی بەشداری کلاسیکۆ ناکات و ڤاڵڤێردی پشت بە (MSG) دەبەستێت


خەڵک سپۆرت

یەکێتی تۆپی پێی ئیسپانیا بەفەرمی سزادانی عوسمان دیمبیلی فەرەنسی ئەستێرەی لاوی یانەی بەرشلۆنەی ڕاگەیاند و بەهۆیەوە لەڕووبەڕوبونەوەی کلاسیکۆ بەشداری ناکات.

لیژنەی سزادانەکانی سەر بە یەکێتی تۆپی پێی ئیسپانیا، بەفەرمی بۆ ماوەی دوو ڕووبەڕوبونەوە عوسمانی فەرەنسی سڕکرد، ئەوەش بەهۆی پیاهەڵچونی لەگەڵ ماتیۆ لاهوز ناوبژیوانی ڕووبەڕوبونەوەی نێوان یانەی بەرشلۆنە و سڤیلیە لەکۆتا جەولەی ململانێکانی خولی ئیسپانیا.

لەڕووبەڕوبونەوەی نێوان بارسا و سڤیلیە، یاریزانە ڕەش ئەسمەرەکەی فەرەنسا وتەی ناشرینی ئاڕاستەی ماتیۆ لاهۆزی ناوبژیوان کرد و لاهوز کاردی سوری بەڕوودا بەرزکردەوە، لەم بارەیەشەوە لیژنەی لێکۆڵینەوە و سزادانەکان گەیشتنە ئەو بۆچونەی یاریزانەکە سوکایەتی بە ناوبژیوان کردووە و بەپێی یاسا کارپێکراوەکان سزای ئەو ماددەیە دوو یاریی دوورخستنەوەیە.

ئیدارەی یانەی بەرشلۆنە هەوڵیاندا سزای سڕکردنەکە هەڵبوەشێننەوە، چونکە بەو شێوەیە یاریزانەکە ناتوانێت بەشداری ڕووبەڕوبونەوەی کلاسیکۆ بکات و لەو هەوڵەشدا سەرکەوتوو نەبوون.

بەپێی زانیاریەکانی موندو دیپۆرتیڤۆ، ئێرنێستۆ ڤاڵڤێردی لە کلاسیکۆی کامپ نو لە هێڵی هێرشبەر پشت بەتواناکانی مێسی و سوارێز و گریزمان دەبەستێت و وەک یەدەگ مامەڵە لەگەڵ ئانسو فاتی دەکات.

جیهانی

لەدوای حەکیم زەیاش… چێڵسی لە ئیمزاکردنی دووەم بۆندی هاوینە نزیکبۆتەوە


خەڵک سپۆرت

یانەی چێڵسی ئینگلیزی لەماوەی ڕابردوودا گواستنەوەی حەکیم زەیاشی مەغریبییان لە یانەی ئەیاکس ئەمستەردامەوە یەکلایی کردەوە، لەئێستاشدا نزیکبوونەتەوە لە گواستنەوەی بەرگریکارێکی بەرازیلی.

ئیدارەی بلوزی لەندەن توانیان پاش پێداچوونەوە بڕیاری سڕکردنیان لە گواستنەوەکانی هاوینە پوچەڵ بکەنەوە، لەئێستاشەوە دەستیان بە هەوڵەکانیان بۆ بەهێزکردنی پێکهاتەکەیان کردووە و بڕیارە لەسەر داوای فرانک لامپاردی ڕاهێنەر چەند یاریزانێک لە پێگەکانی دڵی بەرگری و هێرشبەر و باڵی هێرشبەری و باڵی بەرگری چەپ بگوێزنەوە بۆ ڕیزەکانیان.

یەکێک لە کێشەکانی ئەم وەرزەی چێڵسی لە پێگەی دڵی بەرگریدابووە، لامپارد بەدرێژایی وەرز بەشێوەی خولانەوە یاریی بە کۆرت زوما، کریستنسن و ڤیکتۆر تومۆری و ڕۆدیگێر کردووە، بەڵام لەگەڵ ئەوەشدا لەکۆی ٢٩ یاریی ٣٩ گۆڵیان لەسەر تۆمارکراوە.

لەم بارەیەوە مانورۆ لۆنگۆنی ڕۆژنامەوانی فەرەنسی لەتۆڕی کۆمەڵایەتی تویتەر نوسیویەتی: گابرێل ماگالیس گواستنەوەی بۆ یانەی چێڵسی نزیکە لە ئیمزاکردنەوە، یانەی ئێڤەرتۆن ڕکابەرە لە بۆندەکەدا، بەڵام بەرپرسانی چێڵسی زۆر لە پێشن و نزیکە بۆندەکەی ئیمزابکەن”.

گابرێل ماگالیس بەرگریکارێکی بەرازیلی بەتوانای یانەی لیلی فەرەنسییە، تەمەنی ٢٢ ساڵە و ئاستە بەرزەکەی سەرنجی زۆرینەی یانە گەورەکانی وەک پاریس سانت جێرمان و مانچستەر سیتی و یونایتدی ڕاکێشاوە.

بەردەوام بە لە خوێندنەوە

جیهانی

دۆزەرەوەی بەهرەی گریزمان دانی پێدادەنێت: بە ئاشکرا دیارە کە بەختەوەر نییە


خەڵک سپۆرت

ئیریک ئۆڵهاتس، دۆزەرەوەی بەهرەی ئەنتوان گریزمان دووپاتیدەکاتەوە، یاریزانەکە لە یانەی بەرشلۆنە بەختەوەر نییە و بەتێپەڕینی کات دەتوانێت جێگەی خۆی لە یانە کەتەلۆنییەکە بکاتەوە.

گریزمان لە گواستنەوەکانی هاوینەی ٢٠١٩ بەشێوەیەکی فەرمی و بەبڕی ١٢٠ ملیۆن یورۆی نرخی شکاندنی بۆندەکەی لە یانەی ئەتلەتیکۆ مەدریدەوە پەیوەندی بە بەرشلۆنەوە کرد.

لەم وەرزەدا لەکۆی ٣٧ یاریی توانیویەتی ١٤ گۆڵ تۆمار بکات، بەڵام بەڕوخسار و هەڵسوکەوتی یاریزانەکەدا دەردەکەوێت لە بەرشلۆنە بەختەوەر نییە، میدیاکانیش بەردەوام ئاماژەیان بەوەکردووە کە ناتوانێت لەگەڵ شێوازی یانە کەتەلۆنیەکەدا خۆی بگونجێنێت.

ئیریک ئۆڵهاتس ئەو شارەزایەی لەتەمەنی ١٤ ساڵان درکی بە بەهرەی گریزمان کرد و بردییە یانە گەورەکان، لەم بارەیەوە بە میدیاکانی فەرەنسای ڕاگەیاندووە :” کاتێک بەو شێوەیە گریزمان دەبینم ئازاردەچێژم، چونکە دەزانم لەوە زیاتری پێدەکرێت کە لە بەرشلۆنە کردوویەتی، بەڵام لەبەردەم میدیاکاندا هیچ ناڵێت، بە بێدەنگی کاری خۆی دەکات، بەئاسانی دەردەکەوێت کێشەی هەیە و خۆشحاڵ نییە”.

هەروەها دەڵێت :” گریزۆ تەمەنی ٢٨ ساڵە و یاریزانێکی جیهانیی بەتوانایە، دڵنیام لەگەڵ تێپەڕبوونی کات دەتوانێت بەهێزەوە بگەڕێتەوە”.

بەردەوام بە لە خوێندنەوە

جیهانی

حەکیمی نییە… بۆ وەرزی داهاتوو ڕیاڵ مەدرید یاریزانێکی خوازراو دەگەڕینێتەوە


خەڵک سپۆرت

یانەی ڕیاڵ مەدریدی ئیسپانی بڕیاری کۆتایی دەربارەی گەڕاندنەوەی یەکێک لە یاریزانە خوازراوە بەهرەمەندەکانی داوە و وەرزی داهاتوو زێدان پشت بەتواناکانی دەبەستێت.

ڕۆژنامەی “موندۆ دیپۆرتیڤۆ”ی ئیسپانی لەژمارەی ئەمڕۆیدا ئاشکرای کردووە، کە ئیدارەی یانەی ڕیاڵ مەدرید لەسەر گەڕاندنەوەی مارتن ئۆدیگاردی نەرویجی ئەستێرەی خوازراو لە یانەی ڕیاڵ سۆسیداد بڕیاری کۆتاییان داوە و زینەدین زێدان بۆ وەرزی ٢٠٢٠ – ٢٠٢١ پشت بەتوانا هونەرییە بەرزەکەی بەدەستێت.

بەپێی سەرچاوەکە، بەرزی ئاستی ئۆدیگارد لەیانەی ڕیاڵ سۆسیداد سەرنجی بەرپرسانی یانە مەدریدیەکەی ڕاکێشاوە و هاوشانی ئەشرەف حەکیمی مەغریبی زینەدین زێدان داوای گەڕاندنەوەی کردوون.

بارودۆخی ئابووری یانەکانی ئەوروپا بەهۆی بڵاوبوونەوەی ڤایرۆسی کۆرۆناوە بەرەو خراپبوون ڕۆیشتووە و پێناچێت یانە گەورەکان بتوانن لە گواستنەوەکانی هاوینەدا بۆندی گەورە واژوو بکەن، بۆیە لەڕێگەی گەڕاندنەوەی یاریزانە خوازراوەکانەوە هەوڵدەدەن کەلێنەکانی ئەم وەرزە پڕبکەنەوە.

ئۆدیگاردی نەرویجی لەتەمەنی ١٧ ساڵییەوە داواکراوی (٣٠) یانەی گەورەی ئەوروپا بوو، بەڵام لەکۆتاییدا یانەی شاهانە گرەوەکەی لەهەمووان بردەوە و گواستیانەوە بۆ ڕیزەکانیان، بەڵام ناوبراو نەیتوانی جێگەی خۆی لە پێکهاتەکانی زێداندا بکاتەوە و لەسەرەتای هەموو وەرزێکەوە بەشێوازی خواستن ئاڕاستەی یانەکانی تر دەکرێت.

بەردەوام بە لە خوێندنەوە

کوردستان