ئێمە لە تۆرە کۆمەڵایەتیەکان

کوردستان

داوای كۆبوونەوەی ئەنجوومەنی ئاسایش دەكرێت
بەریتانیا و فەڕەنسا و ئەڵمانیا لەسەر دۆخی ڕۆژئاوا هاتنە دەنگ


خەڵك- بەشی هەواڵ
دوابەدوای دەستپێكردنی هێرشی توركیا بۆ سەر ڕۆئاوای كوردستان هەریەكە لە بەریتانیا و فەڕەنسا داوای كۆبوونەوەی ئەنجوومەنی ئاسایش دەكرێت و هەسەدە-ش داوای ناوچەی ئارام و دژە فڕین دەكات.

سەرۆكی ئەنجوومەنی ئاسایشی نێودەوڵەتی لە لێدوانێكیدا ڕایگەیاند، كە ئەنجوومەنەكە چاودێری دۆخی باكووری سوریا دەكات و داوایان لێ‌ دەكەم دان بەخۆیاندا بگرن و هاووڵاتیانی سڤیل بپارێزرێن.

لای خۆشیەوە، وەزیری دەرەوەی ئەڵمانیا ڕایگەیاند، پڕۆسەی سەربازی توركیا لە سوریا دەبێتە هۆی زیاتربوونی كێشەكان لە ناوچەكە و بەهێزبوونەوەی داعش.

هاوكات بەپێی هەواڵێكی بەپەلەی (RT)ی ڕوسی، هەریەكە لە وەزیرانی دەرەوەی فەڕەنسا و بەریتانیا داوایان لە ئەنجوومەنی ئاسایش كردووە كۆبوونەوەیەكی بەپەلە ئەنجام بدات سەربارەت بە دۆخی سوریا و هێرشی توركیا بۆ سەر ناوچەكانی باكوری ڕۆژهەڵاتی سوریا.

هەروەها، لیندزی گراهام، سیناتۆری كۆمارییەكان ڕایگەیاند، كە لە كۆنگرێس كارێك دەكات بۆ ئەوەی ئەردۆغان باجێكی قورس بدات.

ئەمە لەكاتێكدایە، كە هەسەدە لە ڕاگەیەنراوێكدا لە تویتەری خۆی داوای لە كۆمەڵگەی نێودەوڵەتی كردووە هێرشەكانی توركیا ڕابگرێت و ناوچەی دژەفڕین و ئارام بۆ ڕۆژئاوای كوردستان بچەسپێنێت.

عێراق

مەسعود بارزانی بەفەرمی پشتگیری لە مستەفا كازمی دەكات


خەڵك – بەشی هەواڵ
سەرۆكی پارتی دیموكراتی كوردستان لە پەیوەندییەكی تەلەفۆنیدا پشتگیریی خۆی بۆ مستەفا كازمی ، سەرۆكوەزیرانی ڕاسپێردراوی حكوومەتی عیراق ڕاگەیاند، كە ئەمڕۆ لە لایەن سەرۆككۆمارەوە بۆ ئەو پۆستە ڕاسپێردرا .

ماڵپەڕی مەسعود بارزانی، سەرۆكی پارتی دیموكراتی كوردستان لە ڕاگەیەنراوێكدا بڵاویكردووە ، ئەمڕۆ پێنجشەممە 9ی نیسانی 2020 بارزانی لەڕێی تەلەفۆنەوە پەیوەندی بە مستەفا كازمی، سەرۆكوەزیرانی ڕاسپێردراوی حكوومەتی عیراق كرد.

ڕاشیگەیاندووە، لەو پەیوەندییە تەلەفۆنییەدا مەسعود بارزانی، پشتگیریی خۆی بۆ ڕاسپاردنی مستەفا كازمی، بۆ سەرۆكایەتیی حكوومەتی عیراق ڕاگەیاند و هیوای سەركەوتنی بۆ خواست.

لە ڕاگەیەنراوەكەداهاتووە، مەسعود بارزانی هیوای خواست، كە ئەو هەنگاوە ببێتە هۆی لەیەكنزیكبوونەوەی هەموو پێكهاتەكانی عیراق و دەروازەیەكیش بێت بۆ چارەسەربوونی كێشە و قەیرانەكانی عیراق.

بەردەوام بە لە خوێندنەوە

کوردستان

تورکیا تووشبووانی کۆرۆنا دەگوێزێتەوە بۆ سەرێکانی لە ڕۆژئاوای کوردستان


خەڵک – بەشی هەواڵ

 

هاوسەرۆکی کۆمیتەی تەندروستیی باکوور و ڕۆژهەڵاتی سوریا ڕایگەیاند، دەوڵەتی تورکیا تووشبووانی کۆرۆنا دەگوێزێتەوە بۆ نەخۆشخانەی سەرێکانی لە ڕۆژئاوا و بەو شێوەیە سەرقاڵی ئەنجامدانی تاوانە.

 

دکتۆر جوان مستەفا هاوسەرۆکی کۆمیتەى تەندروستیی باکوور و ڕۆژهەڵاتی سوریا باسی لە مەترسیی پەتاى کۆرۆنا بۆ سەر باکوور و  ڕۆژهەڵاتی سوریا کرد و بە ئاژانسى (ANF)ی ڕاگەیاند، دەوڵەتى تورکیا نەخۆشخانەى ڕۆژ لە سەرێکانی کردۆتە شوێنى کەرەنتینە بۆ توشبوانی کۆرۆنا.

 

ئاماژەى بەئەوەشدا، دەوڵەتی تورکیا کەسانی توشبوو بە کۆرۆنا دەگوێزێتەوە بۆ ئەو نەخۆشخانەیەى سەرێکانی، ئەمەش مەترسییەکى زۆر گەورەیە بۆ بڵاوبوونەوەى نەخۆشیی کۆرۆنا بۆ سەر ناوچەکە.

 

وتیشی:” دەوڵەتى تورکیا لەو ڕێگەیەوە خەرێکى ئەنجامدان تاوانە”.

 

لەبارەى تواناکانیان بۆ کۆنتڕۆڵکردنی باری تەندروستی ناوچەکەیان دەڵێت:”بەپێی تواناکانى خۆمان ئامادەکاری و ڕێوشوێنمان گرتووەتەبەر، بەڵام توانای ئەوەمان نییە بەرامبەر بە پەتایەکى لەوشێوەیە بوەستینەوە”.

 

باسی لەئەوەش کرد، باکوور و ڕۆژهەڵاتی سوریا ماوەى ٩ ساڵە لە ناو شەڕ و گەمارۆدایە و ئێستاش ئەو پەتایە هاتووەتە سوریا و ڕۆژهەڵاتی ناوەڕاست، کە ڕۆژانە دەبێتە هۆی مردنی چەندین کەس، دواى ئەوەى پەتاکە گەیشتە ڕۆژهەڵاتی ناوەڕاست خاڵە سنوورییەکانیان داخست و ڕێگایان نەدا کەس خۆی لە سنوورەکان نزیک بکاتەوە، لەسەرتاسەری ناوچەکەدا گەشتی نێوان شارەکان ڕاوەستێنراوە و چوونە دەرەوە قەدەغەکراوە، کارەکانى دەرمان ڕژاندن و پاککردنەوە ئەنجام دەدرێن و بەپێی تواناکانیان ئامادەکارییە پێویستەکان دەکەن، بۆیە لە سایەى ئەو ڕێوشوێنانەى گیراونەتەبەر تاوەکو ئێستا لە ناوچەکەدا هیچ نەخۆشێک تۆمار نەکراوە.

 

وتیشی:”هەموو کاتێک ئەگەری ئەوە هەیە، لە هەرێمەکەدا  ڤایرۆسی کۆرۆنا بڵاوببێتەوە و لە دۆخێکى لەو شێوەیەدا ئێمە توانای چارەسەرکردن و پێداویستیی پزیشکی و تیمی تەندروستی و توانای مادیمان زۆر کەم دەبێت و توانامان نابێت بەرەنگاری ئەو نەخۆشییە ببینەوە، بۆ نمونە لە ناوچەیەکى وەک شەهبا توانای تەندروستی زۆر کەمە. ئەو توانا تەندروستییەی هەیە بەشی پێداویستیی ڕۆژانە ناکات، چونکە ناوچەیەکى گەمارۆدراوە”.

 

بەردەوام بە لە خوێندنەوە

کوردستان

ڕوونكردنەوەی وتەبێژی حكومەت لەسەر هەواڵی كڕینی ئۆتۆمبێل بۆ وەزیرەكان


خەڵك – بەشی هەواڵ
وتەبێژی حكومەتی هەرێمی كوردستان ڕەتیدەكاتەوە كە ئۆتۆمبێلی مۆدێل 2020 بۆ وەزیرەكان كڕدرابێت.

جوتیار عادل وتەبێژی حكومەت وێڕای ڕەتكردنەوەی هەواڵەكە، ڕاشیگەیاند داوا لە داواکاری گشتی دەکەین رێکاری پێویست بەرامبەر ئەو كەس و لایەنانە بگرێتە بەر کە دەبنە هۆی ناسەقامگیریی کۆمەڵایەتی و نانەوەی ئاژاوە بۆ مەرامێکی سیاسیی دیاریکراو و لەمەودوا رێگە بەم چەشنە چەواشەکارییانە نەدات.

دەقی ڕوونكردنەوەكە:

روونکردنەوەیەک لە گوتەبێژی حكومەتی هەرێمی کوردستانەوە

لە هەندێ کەناڵی میدیایی ناوخۆیی، بەمەبەستی بەلارێدا بردنی رای گشتی، هەواڵی بێ بنەما بڵاوکراوەتەوە كە گوایە حکومەت ئۆتۆمبێلی مۆدێل ۲۰۲۰ بۆ وەزیرانی کابینەی نۆیەمی کڕیوە.

ئەم بابەتە دوورە لە راستییەوە و ھیچ بنەمایەكی نییە. لەم كاتە ھەستیارەدا پاراستنی سەلامەتی و تەندروستی هاووڵاتیان و دابینکردنی خۆراک و مووچەی فەرمانبەران لە كارە پێشینەكانی حكومەتە.

ئەندامانی کابینەی نۆیەمی حكومەتی ھەرێمی كوردستان بە هەستکردن بە بەرپرسیارێتیی ئەم دۆخە هەستیارە، هەر یەکەیان بە پێی پسپۆڕییەکەی بەتەواوەتی خۆیان بۆ پاراستنی تەندروستیی گشتی هاووڵاتیان تەرخانکردووە.

داوا لە داواکاری گشتی دەکەین رێکاری پێویست بەرامبەر ئەو كەس و لایەنانە بگرێتە بەر کە دەبنە هۆی ناسەقامگیریی کۆمەڵایەتی و نانەوەی ئاژاوە بۆ مەرامێکی سیاسیی دیاریکراو و لەمەودوا رێگە بەم چەشنە چەواشەکارییانە نەدات.

د. جوتیار عادل
گوتەبێژی حکومەتی هەرێمی کوردستان
٢٠٢٠/٤/٩

بەردەوام بە لە خوێندنەوە

کوردستان