ئێمە لە تۆرە کۆمەڵایەتیەکان

تەندروستی

بۆچی ناتوانیت ختوکەی خۆت بدەیت؟


خێزان

هه‌رچه‌نده‌ هۆكاره‌كانی ختوكه‌دان تا ئێستا به‌شێوازێكی زانستی یه‌كلا نه‌بۆته‌وه‌و بابه‌ته‌كه‌ په‌یوه‌سته‌ به‌ هه‌سته‌وه‌ره‌كان و سۆزه‌وه‌، به‌ڵام تا ئێستا ئه‌وه‌ت له‌ خۆت پرسیوه‌ كه‌ بۆچی ناتوانیت خۆت ختوكه‌ی خۆت بده‌یت؟

به‌پێی توێژینه‌وه‌یه‌كی زانستی ده‌ركه‌وتوه‌ كه‌ كاتێك كه‌سێك ختوكه‌ت ده‌دات مێشكت به‌پێی بارودۆخه‌كه‌ كاردانه‌وه‌ی ده‌بێت، به‌شێكی په‌یوه‌سته‌ به‌ هه‌سته‌وه‌ره‌كان و به‌شێكیشی وه‌ك به‌رگریه‌كی جه‌سته‌یه‌.

به‌ڵام به‌هۆی ئه‌وه‌ی كاتێك خۆت ختوكه‌ی خۆت ده‌ده‌یت مێشكت له‌ ورده‌كاریه‌كه‌ی ئاگاداره‌و هه‌ر له‌سه‌ره‌تاوه‌ خۆی ئاڕاسته‌كان ده‌دات، هه‌ر بۆیه‌ له‌ كاتی به‌ركه‌وتندا هیچ كاردانه‌وه‌یه‌ك نیشان نادات.

ریکلام

تەندروستی

ئەکزیما چییە و چۆن لەسەر دەستت درووستدەبێت؟ چارەسەرەکەشی بخوێنەرەوە


خێزان

نەخۆشی ئێکزیما بە یەکێک لە نەخۆشیە بەر بڵاوەکانی پێست دادەنرێت. ئێکزیما لە ئەنجامی ھەوکردنی پێستەوە دروست دەبێت. ئەم نەخۆشیە بە خوران، سووربوونەوەی پێست و دروست بوونی لیر و قڵیشان دەناسرێتەوە.

ئێکزیما بە زۆری لە ئانیشک، بەشی پشتەوەی ئەژنۆکان و دەم و چاو زیاتر ڕومەت، سمت، پشتەوەی گوێ و دەست و قاچ دەردەکەوێت.

 

هۆکارەکانی درووستبوونی:

  • ماددەی وەڕسکەر وەک سابون، شامپۆ و ماددە پاک کەرەوەکان بە گشتی و ھەروەھا گۆشت و سەوزە.
  • زیندەوەری بچوک وەک بەکتریا و ڤایرۆس و کەڕوو.
  • خواردن وەک بەرھەمەکانی شیر.
  • گۆڕانی ڕێژەی ھۆڕمۆن بە تایبەتی لە خانمانی دووگیان.
  • ماددەی ھەستیار وەک تۆز، ئاژەڵی ماڵی و کڕێژی سەر.
  • پلەی گەرمی زۆر بەرز یان زۆر نزم وە شێی بەرز و نزم و ئارەقە کردن.

 

چۆن چارەسەری دەکەیت؟

 

-بەکارھێنانی ئاوی شلەتێن بۆ خۆشوشتن

-بەکارھێنانی کرێمی شێدارکەرەوە ھەموو ڕۆژێک.

-لەبەرکردنی جلی بە لۆکە یان کوتاڵی نەرم دروستکراو، وە دوورکەوتنەوە لە لەبەرکردنی جلی زبر و تەسک.

-کورتکردنەوەی نینۆک بە شێوەیەکی بەردەوام بۆ دوورکەوتنەوە لە بریندارکردنی پێست.

-دوورکەوتنەوە لە گۆڕانی کت و پڕی پلەی گەرمی وە دوورکەوتنەوە لە کردنی چالاکی کە دەبێتە ھۆی ئارەقە کردن.

-چارەسەرێکی سرووشتی بەسوود بۆ نەخۆشیەکە لە ڕێگەی ئاوی برنجەوەیە، بە لۆکەیەک ئاوی برنجەکە بدە لە دەست و ناوچەی توشبوون  و با چەند خولەکێک پێوەی بمێنێتەوە و پێوەی وشک ببێتەوە

-وەرگرتنی دەرمانی دژە زیندەیی  و دژە ھەستیاری و دژە کەڕوو و یاخود چارەسەر کردن بە تیشک، بەکارھێنانی شەپۆلی ژوور وەنەوشەیی بۆ ئەو تووشبووانەی کە لە قۆناغێکی پێشکەوتووی نەخۆشیەکەن.

بەردەوام بە لە خوێندنەوە

تەندروستی

گەر ئەم خاڵە لە گوێچکەتدا هەبوو مانای چییە؟ ئایا پێویستە سەردانی دکتۆر بکەیت؟


خێزان

لە بەشێکی کەم لە خەڵکیدا لە بەشی سەرەوەی گوێچکەیان چاڵێک هەیە کە هەندێکجار ئەو چاڵە قوڵە و دەتواندرێت بە ئاسانی هەستی پێبکرێت.

لەڕووی زانستیەوە ئەو چاڵە بە preauricular sinus ناودەبرێت کە بەشێوەیەکی خۆڕسک لە هەندێک کەسدا لە کاتی بە یەکگەشتنی ماسولکەی گوێچکە لەگەڵ ماسولکەی سەردا بەیەک دەگات.

ئەم چاڵە هیچ زیانێکی تەندروستی نییە تەنها ئەوەندە نەبێت کە زۆرجار ئەگەری دروستبونی هەوکردن تێیدا زۆرە، واتە گەر توشی هەوکردن بوو پێویستە زوو چارەسەری تەندروستی گونجاوی بۆبکەیت.

بەردەوام بە لە خوێندنەوە

تەندروستی

چەند ڕێگەیەکی کاریگەر بۆ ئەوەی جەستەت هەمووی بکەیت بە ماسولکە بێ ئەوەی زیان بەخۆت بگەیەنیت


خێزان

ئەمەی خوارەوە چەند ڕێگەیەکی کاریگەرە بۆ ئەوەی جەستەت هەمووی بکەیت بە ماسولکە بێ ئەوەی زیان بەخۆت بگەیەنیت و پڕۆتینی زیانبەخش بخۆیت:

-خواردن

کاتێک وەرزش دەکەیت پێویستە ڕێژەی خواردن زیاتر بکەیت و ڕۆژانە ٢ هەزار بۆ ٢،٥٠٠ کالۆری بخۆیت، جگە لەوەش پێویستە پرۆتینی تەندرووستی بخۆیت، وەک هێلکە و ماست و ماسی سەلەمون و هاوشێوەکانی.

 

پێویستیشە ڕۆژانە ٣ ژەمی سەرەکی و ٢-٣ ژەمی بچوکیش بخۆیت وەک میوە و ئەڤۆگادۆ و بادەم.

 

-وەرزشی گشتی

پێویستە وەرزشە تایبەتەکان بکەیت کە ماسولکەت بەهێز دەکات و بە پێی ناوچەکانی جەستەت وەرزش بکەیت بە جۆرێک کە ماسلوکەکانت بەهێز بکەیت.

جگە لەوەش دەبێت وەرزشە گشتیەکانی وەک مەلە و ڕاکردن و پەتپەتێن کەمبکەیتەوە، چونکە ئەوانە زیاتر بۆ سوتاندنی چەورییە نەک بەهێزکردنی ماسولکەت.

 

-دابەشکردنی ڕۆژەکان

ڕۆژەکانی هەفتە دابەشبکە و هەر ڕۆژە و سەرنج بخە سەر بەشێکی تایبەتی جەستەت و ئەو وەرزشانە بکە کە بۆ ئەو جۆرە وەرزشە بەسوودە.

وەرزشەکان بە درووستی فێرببە و بزانە کە کام وەرزشە بۆ کام ماسولکەیەی جەستەت باشە

 

-هەندێک ئامۆژگاری دیکە

-نابیت وەرزشەکانت ببێتە ڕۆتین و دەبێت بەردەوام ژمارەکانی زیاتر بکەیت و کێشی قورستر بکەیت

-نابێت وەرزشەکان بە هەڕەمەکی بکەیت و پێویستە پابەندبیت بە کاتەوە

-جەستەی خۆت بناسە، چونکە جەستە لە کەسێکەوە بۆ کەسێکی دیکە دەگۆڕێت و ڕەنگە وەرزشێک بۆ کەسێک باش بێت و بۆ کەسێکی دیکە وانەبێت.

-پێویستە ئەوەت لەبیربێت کە گرنگە ناوە ناوە پشوو وەربگریت.

 

 

ئەمەی خوارەوە خشتەیەکی زانستی و بەسوودە کە دەتوانیت بەکاری بهێنیت

بەردەوام بە لە خوێندنەوە

کوردستان