ئێمە لە تۆرە کۆمەڵایەتیەکان

کوردستان

كۆڕەو لە ڕۆژئاوای كوردستان دەستی پێكرد

خەڵك- بەشی هەواڵ
دوابەدوای دەستپێكردنی هێرشی سەربازی بۆ سەر ناوچەكانی ڕۆژئاوای كوردستان لەلایەن سوپای توركیاوە، لێشاوی ئاوارەبوون و كۆڕەوی هاووڵاتیانی كورد دەستی پێكرد.

ئێوارەی ئەمڕۆ ڕەجەب تەیب ئەردۆغان، سەرۆكی توركیا دەستپێكردنی هێرشی سەربازی بۆ سەر خاكی ڕۆژئاوای كوردستان ڕاگەیاند و فڕۆكە جەنگییەكان چەند گوند و شارۆچكەیەكیان بۆردومان كرد.

میدیاكانی ڕۆژئاوای كوردستان بڵاویانكردەوە، كە سوپای توركیا دەستیان كردووە بە بۆردومانی گوندی (سی كركا) لە قامیشلۆ و میشرافە لە سەرێ‌ كانی و تەل فندر و سوەیلج لە گرێ‌ سپی.

ئاماژەیان بەوەشكردووە، كە هاووڵاتیان لە ناوچە سنووریەكان هەڵدێن و شەپۆلی ئاوارەبوون دەستی پێ‌ كردووە.

لای خۆشیەوە، مستەفا بالی، وتەبێژی هێزەكانی سوریای دیموكرات لە تویتەری خۆی ڕایگەیاند، بەهۆی هێرشی فڕۆكە جەنگییەكانەوە بۆ سەر ناوچەكانی باكوری ڕۆژهەڵاتی سوریا ترس و دڵەڕاوكێ‌ لای هاووڵاتیان دروست بووە.

کوردستان

سكرتێر و جێگر و بڕیاردەری ئەنجوومەنی سەركردایەتی یەكێتی هەڵبژێردران

خەڵك- بەشی هەواڵ

كۆبوونەوەی ئەنجوومەنی سەركردایەتی یەكێتیی نیشتمانیی كوردستان ئەنجامدرا و سكرتێر و جێگر و بڕیاردەری ئەنجوومەنەكە هەڵبژێردران.

پەیامنێری (خەڵك) لە سلێمانی ڕایگەیاند، كە دوانیوەڕۆی ئەمڕۆ كۆبوونەوەی ئەنجوومەنی سەركردایەتی یەكێتی لە سلێمانی بە سەرۆكایەتی هاوسەرۆكایەنی حزبەكە (بافڵ تاڵەبانی و لاهور شێخ جەنگی) ئەنجام درا.

ڕاشیگەیاند، كە لە كۆبوونەوەكەدا بە زۆرینەی دەنگ هەریەكە لە فەرید ئەسەسەرد بۆ سكرتێری ئەنجوومەن و مستەفا چاڵاوی بە جێگری سكرتێر و تابان عەبدوڵڵا بە بڕیاردەری ئەنجوومەنەكە هەڵبژێردران.

بەردەوام بە لە خوێندنەوە

کوردستان

بەرپرسێكی نەوەی نوێ‌ لەڕووداوی هاتووچۆدا گیانی لەدەستدا

خەڵك – بەشی هەواڵ
ئەندامێكی ئەنجوومەنی بەڕێوەبردنی جوڵانەوەی نەوی نوێ بەیانی ئەمڕۆ بە ڕووداوێكی هاوتووچۆ لە نزیك نەخۆشخانەی شار لە سلێمانی گیانی لەدەستدا.

پڕۆفیسۆر د. محەمەد ڕەئوف، مامۆستای زانكۆ و ئەندامی ئەنجوومەنی بەڕێوەبردنی جوڵانەوەی نەوی نوێ بەیانی ئەمڕۆ شەممە 29-2-2020 لەكاتی پەڕینەوەی لە شەقامی بازنەیی مەلیك مەحمود لە نزیك نەخۆشخانەی شار لە سلێمانی تووشی ڕووداوی هاتووچۆ بووە.

بەپێی زانیارییەكان، لە پاش گەیاندنی بە نەخۆشخانەی فریاكەوتنی سلێمانی و مانەوەی بۆ ماوەی چەند كاتژمێرێك، گیانی لەدەستداوە.

پڕۆفیسۆر د. محەمەد ڕەئوف، مامۆستای زانكۆ لەماوەی ڕابردوودا بە زانیارییە ئابوورییەكانی هاوكارێكی گرنگ و بەردەوامی (تۆڕی میدیایی خەڵك) بووە.

بەردەوام بە لە خوێندنەوە

کوردستان

وەزیری تەندروستی بۆ (خەڵك): نزیكەی دوو هەزار كەس بەهۆی كۆرۆناوە كەرەنتینە كراون

سلێمانی – نزار جەزا
وەزیری تەندروستی ڕایدەگەیەنێت، تا ئێستا هەزار و 850 كەس لە 21 شوێنی هەرێمی كوردستاندا خراونەتە ژێر چاودێری تەندروستییەوە.

د. سامان بەرزنجی، وەزیری تەندروستی حكومەتی هەرێمی كوردستان بە (خەڵك)ی ڕاگەیاند، تا ئێستا هەزار و 850 كەس بۆ دڵنیابوون لە تەندروستییان لە 21 شوێندا خراونەتەوە ژێر چاودێرییەوە.

ئەوەشی خستەڕوو، كە لەو ژمارەیە 838 كەس لە هەولێر، 400 لە سلێمانی، 413 لە دهۆك، 150 لە گەرمیان، 43 لە هەڵەبجە و لە كۆیەش 6 كەس خراونەتە ژێر چاودێری تەندروستییەوە.

وەزیری تەندروستی ئاماژەی بەئەوەشدا، كە دوێنێ لە هەموو هەرێمی كوردستاندا تەنیا 37 نمونەی پشكنین لە كەسانی گومانلێكراو وەرگیراوە، لەو ژمارەیەش ئەنجامی 35 كەسیان دەركەوتووە، كە هەڵگری كۆرۆنا نەبوون و دووانەكەی دیكەش هێشتا ئەنجامەكانیان دەرنەچووە.

بەردەوام بە لە خوێندنەوە

کوردستان