ئێمە لە تۆرە کۆمەڵایەتیەکان

عێراق

لەبارەی هاوسەرگیری سیغەوە سیستانی وەڵامی (BBC) دەداتەوە

خەڵك-بەشی هەواڵ
ماڵپەڕی فەرمی نوسینگەی ئایەتوڵڵا عەلی سیستانی، مەرجەعی باڵای ئاینی لە نەجەف، وەڵامی ڕاپۆرتەكەی (BBC) دەداتەوە لەبارەی هاوسەرگیری سیغەوە.

(BBC) لە 8ی ئەم مانگەدا ڕاپۆرتێكی بنكۆڵكاری لەژێر ناونیشانی “بازرگانی نهێنی سێكس لە عیراق” بڵاوكردبووەوە و ئاماژەی بە بوونی نووسینگەی ئاشكرا بۆ هاوسەرگیری سیغە كردبوو لە عیراق.

لە وەڵامی ڕاپۆرتە بنكۆڵكارییەكەی (BBC)، نووسینگەی سیستانی ڕایگەیاندووە، هاوسەرگیری كاتی لە مەزهەبی ئیمامیدا ڕێگەپێدراوە و هاوشێوەی هاوسەرگیری هەمیشەییە و جگە لە كاری سێكسی كۆمەڵێك ماف لەسەر هەردوو لایەن دیاری دەكات و بە هیچ شێوەیەك ناچێتە قاڵبی بازرگانی سێكییەوە وەك ئێوە باسی دەكەن و بە هیچ شێوەیەكیش سوكایەتی نییە بە شكۆی ژن و لایەنی مرۆیی ژن، ئەوانەی بەو شێوەیەش كاری پێدەكەن، ئایین بەكاردەهێنن بۆ گەیشتنە بە ئامانجە نەشیاوەكانیان.

هەر لە وەڵامەكەی سیستانیدا هاتووە، “بەپێویستی دەزانن دەسەڵاتە پەیوەندیدارەكان بەشوێن ئەو كەسانەدا بگەڕێن خۆیان لە بەرگی پیاوانی ئایینیدا شاردۆتەوە و بە هەڵسوكەوتە قێزەونەكانیان زیان بە كۆمەڵگە و پێگەی ئایین لە دەرونی خەڵكدا دەگەیەنن”.

لە كۆتایی پەیامەكەیدا، نووسینگەی ئایەتوڵڵا سیستانی، ئاماژەی بە هاوسەرگیری كردووە لەگەڵ كچانی منداڵ و دەڵێت: “ئەو دیاردەیە لە كۆمەڵگە خۆرهەڵاتییەكاندا هەبوو، بۆیە لە پەیامی چاپكراوی پێشووماندا هەندێك ئەحكاممان دیاری كردووە، بەڵام لەئێستادا ئەو دیارەیە كەمبۆتەوە و هەر لەبەر ئەوەشە بەشێكی لابراوە لە چاپە نوێیەكاندا، ئەوەی دەمانەوێت جەختی لەسەر بكەینەوە ئەوەیە: بەخێوكەر بۆی نییە لەبەر بەرژەوەندی خۆی، یان بەرژەوەندی كچ، ناچاری بكات هاوسەرگیری بكات، تا ئەو كاتەی لەڕووی جەستەییەوە پێدەگات و ئامادەیی دەرونی تەواوی دەبێت بۆ كاری سێكسی، بەپێچەوانەشەوە نابێت هاوسەرگیری بكات گەر هاوسەرگیرییەكە لە بەرژەوەندی كچدا نەبێت”.

بەپێی ڕاپۆرتێكی ئاژانسی (BBC) هاوسەرگیری “سیغە” لەگەڵ كچانی منداڵ‌ و نەوجەوان بەشێوەیەكی بەربڵاو لەناو شیعەكانی عیراق تەشەنەی كردووە، بەجۆرێك كچانی تەمەن 9 ساڵ بۆ پیاوان سیغە كراون، هەندێك لە پیاوانی ئایینی شیعەش لەبەرامبەر وەرگرتنی بڕێك پارەدا ڕێوڕەسمی هاوسەرگیری كاتیی (موتعە و سیغە) بەڕێوەدەبەن، كە بەشێكیان كچانی مێردمنداڵ ‌و منداڵن.

هەر لە ڕاپۆرتەكەی (BBC)دا هاتووە،كارەكە پێچەوانەی بەڵێنەكانی حكومەتی عیراقە بۆ ڕێزگرتن لەمافەكانی منداڵان، بەپێی یاساش بەتاوان دادەنرێت.

عێراق

سادیقون: پێویستە سنورێك بۆ توركیا دابنرێت

خەڵك- بەشی هەواڵ
بزوتنەوەی (سادیقون)، بە توندی ئیدانەی هێرشەكەی توركیا دەكات كە بووە مایەی شەهيدبوونى دوو ئەفسەری عیراقی لە هێزەكانی پاسەوانی سنور لە ناحیەی سیدەكانی سەر بە پارێزگەی هەولێر.

مەحمود ڕەوبەیعی، وتەبێژی مەكتەبی سیاسی بزوتنەوەی سادیقون لە تویتێكیدا لەسەر تۆڕی كۆمەڵایەتی (تویتەر) ڕایگەیاند”سوپای داگیركەریی توركیا تاوانێكی چەپەڵی ئەنجامدا بە كوشتنی دوو فەرماندەی سەربازیی عیراقی و شۆفێركەیان لە پاسەوانی سنور لە سیدەكانی سەر بە پارێزگەی هەولێری باكووری عیراق”.

بە وتەی ڕوبەیعی”پێویستە سنورێك بۆ ئەو سوكایەتیپێكردنی توركیا بە سەروەریی و خوێنی عیراقییەكان دابنرێت كە تائێستادا حكومەت لەبەر هۆكاریی ناڕاگەیەندراو لەسەریان بێدەنگ بووە”.

وتەبێژەكەی بزوتنەوەی (سادیقون) پێیوایە”دەستهەڵگرتن بە ئیدانەكردن و ڕسواكردنی هێرشەكان، ئاسانكاریی بۆ دوژمنكاريی زياتر خۆشدەكات و هێندەی تر هاندان دەبێت بۆ دەستدرێژییەكان”.

هەر ئەمڕۆ شانەی میدیای ئەمنی عیراقی، توركیای بە تێوەگلان لە هێرشەكەی باكووری پارێزگەی هەولێر تۆمەتبار كرد.

شانەی میدیای ئەمنی لە بەیاننامەیەكدا ڕایگەیاند”ئیدانەی دەستدرێژییەكەی توركیا دەكەین كە لەڕێی فڕۆكەی بێفڕۆكەوانەوە ئەنجامدرا و كاروانێكی سەربازی پاسەوانی سنوری لە ناوچەی سیدەكان كردە ئامانج و بووە مایەی شەهیدبوونی فەرماندەی لیوای دووی پاسەوانی سنوری ناوچەی یەك و فەرماندەی فەوجی سێ‌/ لیوای دوو و شۆفێری ئۆتۆمبێلەكەیان.

بەردەوام بە لە خوێندنەوە

عێراق

دادگای فیدڕاڵی بڕیارێكی لە بەرژەوەندی ڕۆژنامەنووسان دەركرد

خەڵك- بەشی هەواڵ
دادگای فیدڕاڵی عیراق بڕیار دەدات، كە نابێت لەو سكاڵایانەی لەسەر ڕۆژنامەنووسان تۆمار دەكرێت، فەرمانی گرتنیان بۆ دەربچێت.

بەپێی گشتاندنێكی دادگای فیدڕاڵی، كە ئاڕاستەی سەرجەم دادگاكانی تێهەڵچوونەوە كراوە، ئاماژە بەوەكراوە، بەپێی دەستوور مافی ڕۆژنامەوانی و چاپ و ڕاگەیاندن و بڵاوكردنەوە فەراهەم كراوە، بۆیە دەبێت بە وریاییەوە مامەڵە لەگەڵ ئەو سكاڵایانە بكرێت، كە لەسەر ڕۆژنامەنووسان تۆمار دەكرێت.

جەختیشكراوەتەوە، كە لەو سكاڵایانەدا دەبێت سەرەتا ڕێكارەكان پەیڕەو بكرێت لە بانگهێشتی ڕۆژنامەنووس و پەلە نەكرێت لە دەركردنی فەرمانی گرتن.

ئاماژە بەوەشكراوە، كە لەكاتی ئەنجامدانی هەر ڕێكارێك بەرامبەر ڕۆژنامەنووسان، دەبێت سەندیكای ڕۆژنامەنووسان ئاگادار بكرێتەوە.

بەردەوام بە لە خوێندنەوە

عێراق

بۆردومانەكەی توركیا 20 شەهید و برینداری لێكەوتەوە
عیراق بە فەرمی هەڵوێستی لەسەر بۆردومانی پاسەوانی سنوور ڕاگەیاند

خەڵك- بەشی هەواڵ
شانەی ڕاگەیاندنی ئەمنی عیراق ئیدانەی بۆردومانی هێزەكانی پاسەوانی سنوور لە سیدەكان لەلایەن توركیاوە دەكات و ئەنجوومەنی ئاسایشی نیشتمانی-ش بڕیارە كۆببێتەوە.

شانەی ڕاگەیاندنی ئەمنی عیراق لە بەیاننامەیەكدا ئاماژەی بەوەكردووە، بەهۆی بۆردومانی فڕۆكە بێ‌ فڕۆكەوانەكانی توركیا لە ناوچەی سیدەكان لە سنووری پارێزگای هەولێر بۆ سەر كاروانی ئۆتۆمبێلەكانی پاسەوانی سنوور، ئامر لیوای 2 و ئامر فەوجی 3 لە لیوای 2 و شۆفێرەكانیان شەهید بوون.

لای خۆشیەوە، كەناڵی فەرمی (العیراقیە) لە زاری قاسم ئەعرەجی، ڕاوێژكاری ئاسایشی نیشتمانی عیراقەوە بڵاویكردەوە، كە ئەنجوومەنەكە سەبارەت بەو پێشێلكارییانەی توركیا كۆدەبێتەوە و هەڵوێست و بڕیاری خۆی ڕادەگەیەنێت.

میدیاكانی عیراق لەزاری سەرچاوەیەكی ئەمنییەوە بڵاویانكردۆتەوە، كە بەهۆی بۆردومانەكەی توركیاوە لە ناوچەی برادۆست لە سیدەكان، 5 پاسەوانی سنوور، كە دووانیان ئەفسەر بوون شەهید بوون و 10 گەریلای پەكەكە-ش شەهید بوون و هاوكات 5 هاووڵاتی مەدەنیش بریندار بوون.

بەڵام تا ئێستا پەكەكە هیچ ڕوونكردنەوەیەكی فەرمی لەسەر ڕووداوەكە بڵاونەكردۆتەوە.

پێشتر (خەڵك) لە هەواڵێكدا، وردەكاری بۆردومانەكە و ناو و ێنەی فەرماندە شەهیدەكانی بۆردومانەكەی توركیای بڵاوكردەوە.

بەردەوام بە لە خوێندنەوە

کوردستان