ئێمە لە تۆرە کۆمەڵایەتیەکان

ژینگە

كەشناسی: نمە باران دەبارێت


خەڵك- بەشی هەواڵ
نزیكەی 20 ڕۆژ بەسەر هاتنی وەرزی پاییز تێپەڕ بووە و هیچ شەپۆلێكی باران بارین ناوچەكانی عیراق و هەرێمی كوردستانی نەگرتۆتەوە، كەشناسی عیراق-یش دەڵێت: “پلەكانی گەرما لەماوەی ئەم هەفتەیەدا ناجێگیر دەبن و سبەینێ‌ لە چەند ناوچەیەك باران دەبارێت”.

دەستی گشتی كەشناسی و بوومەلەرزەزانی عیراق لە ڕاپۆرتێكدا ئاماژەی بەوەكردووە، سبەینێ‌ چوار شەممە ئاسمان لە ساماڵەوە دەگۆڕێت بۆ نیمچە هەور و لە چەند ناوچەكانی ڕۆژئاوای وڵات لە ناوەڕاست و باشوور نمە باران دەبارێت، بەڵام پلەكانی گەرما ناگۆڕێن.

ئاماژەی بەوەشكردووە، لە ناوچەكانی هەرێم ئاسمان نیمچە هەور دەبێت و پلەكانی گەرما بە جێگیری دەمێننەوە.

ڕاشیگەیاندووە، ڕۆژی پێنج شەممە ئاسمانی سەرجەم ناوچەكان نیمچە هەور دەبێت و پلەكانی گەرما بە جێگیری دەمێننەوە.

ئاشكراشی كردووە، ڕۆژی هەینی لە ناوچەكانی ناوەڕاستی وڵات ئاسمان دەبێتە نیمچە هەور و دواتریش هەوری تەواو و ئەگەری نمە باران هەیە لە ناوچەكانی ڕۆژئاوای وڵاتدا، بەڵام لە هەرێمی كوردستان ئاسمان ساماڵ دەبێت لەگەڵ بوونی هەندێك پەڵەهەور و پلەكانی گەرماش ڕوو لە دابەزین دەكەن.

ژینگە

هاووڵاتییەك لەسەر ڕاوی ماسی دەستگیر كرا


خەڵك- بەشی هەواڵ
بەڕێوەبەرایەتی پۆلیسی دارستان و ژینگەی ڕاپەڕین ئاشكرای دەكات، كە هاوولاتییەكیان لەسەر ڕاوی ماسی لە دووەم ڕۆژی دەژن دەستگیر كردووە.

بەڕێوەبەرایەتی پۆلیسی دارستان و ژینگەی ڕاپەڕین لە ڕاگەیەنراوێكدا ئاماژەی بەوەكردووە، لەدرێژەی كار و چالاكیەكانی سنووری بەڕێوەبەرایەتیمان بەسەرپەرشتی لیژنەی قەدەغەكردنی ڕاوی ماسی كارمەندانی بەشی پۆلیسی دارستان و ژینگەی پشدەر دەرچوون بۆ سەرزێی بچوك بەمەبەستی ڕێگری كردن لەسەرپێچیكارانی ڕاوی ماسی.

ڕاشیگەیاندووە، لەئەنجامی گەڕان و پشكنینی ناوچەكە توانیان ڕاوچییەك دەستگیربكەن و دەستیش بەسەر تۆڕێكدا بگرن.

ئاشكراشی كردووە، دەستبەجێ پەڕاوی لێكۆڵێنەوەی بۆ كرایەوە و دادوەری لێ ئاگادار كرایەوە .

بەردەوام بە لە خوێندنەوە

ژینگە

كەشناسی لەسەر پلەكانی گەرما ڕوونكردنەوەیەكی بڵاوكردەوە


خەڵك- بەشی هەواڵ

كەشناسی هەرێم ڕوونكردنەوەیەكی “پێویست دەربارەی دابەزینی پلەكانی گەرما و تێگەیشتنێكی هەڵە لە هەندێ لە دەزگاكانی ڕاگەیاندندا” بڵاودەكاتەوە و جەختدەكاتەوە، كە پلەكانی گەرما بۆ خوار 10 پلەی سیلیزی دابەزیون نەك سفری سیلیزی.

بەڕێوەبەرایەتی گشتی كەشناسی و بوومەلەرزەزانی هەرێم لە ڕوونكردنەوەیەكدا ئاماژەی بەوەكردووە، دوابەدوای بڵاوكردنەوەی پێشبینیمان بۆ نزمبوونەوەی پلەكانی گەرما بۆ 11 تا 12 و گەیشتنی بۆ ژێر 10 پلەی سیلیزی بۆ ناوچە شاخاوییەكان و 15 پلە بۆ سەنتەری شارەكان، بە داخەوە، پێدەچێ (لێكتێنەگەیشتن)ێك ڕوویداوە.

دەشڵێت: “چەند دەزگایەكی بەڕێزی ڕاگەیاندن بە هەڵە مامەڵەیان لەگەڵ ڕاپۆرتی (بەشی پێشبینی) و لێدوانی (ئەژی چەتۆ حەسەن) بەرپرسی بەشی ڕاگەیاندنی بەڕێوەبەرایەتییەكامانیان كردووە، بەوەی كە پلەكانی گەرما بۆ (ژێرەوەی سفری سیلیزیی) دادەبەزێ، كە ئەمەش هەڵەیە و زانیارییەكە دروست نییە”.

ڕاشیگەیاندووە، بەڵكو (بەشی پێشبینی) لە بڵاوكراوەكەیدا بە ڕوونی ئاماژەی بە (ژێر 10 پلەی سیلیزیی) نەوەك (ژێرەوەی سفری سیلیزیی) كردووە، چونكە پلەكانی گەرما لە هەرێمی كوردستان و لەو كاتەی وەرزی ساڵدا ناگاتە ئاستی پلەكانی ژێرەوەی سفری سیلیزیی.

كەشناسی داواشی كردووە، “دەزگاكانی ڕاگەیاندن بە وردیی مامەڵە لەگەڵ بڵاوكراوە و لێدوانەكانمان بكەن”.

بەردەوام بە لە خوێندنەوە

ژینگە

لەگەڵ نزیكبوونەوەی هاوین نزمترین پلەی گەرما لە هەرێم تۆماركرا


خەڵك- بەشی هەواڵ
بەپێی ڕاپۆرتێكی كەشناسی هەرێم، ئەمڕۆ پلەكانی گەرما بەشێوەیەكی بەرچاو ڕوو لە نزمبوونەوە دەكەن و لە چەند ناوچەیەك پلەی گەرما بۆ 7 پلە دابەزی.

بەپێی ڕاپۆرتێكی كەشناسی هەرێم، “دوای ھاتنی بارستە ھەوایەكی فێنك بۆ سەر ناوچەكەمان كەوا پلەكانی گەرما بە نزیكەی ١١ تا ١٢ پلە نزم كردەوە بۆ سبەی بەیانی پێشبینی دەكەین نزمترین پلەكانی گەرما لە ھەندێ ناوچەی شاخاوی لە ژێر ١٠ پلەی سیلیزی بێت و سەنتەری پارێزگاكانیش لە ١٥ پلە نزیك دەبێتەوە”.

ئاشكراشی كردووە، كاریگەری ئەو بارستە ھەوایە فێنكەش سبەی كۆتای دێت و ڕۆژی چوار شەممە پلەكانی گەرما ڕوو لە بەرزبوونەوە دەكاتەوە .

جەختیشی كردۆتەوە، نزم بوونەوەی پلەکانی گەرما بەو ڕێژە زۆرە حالەتێکی دەگمەنە بە تایبەتی لەم وەرزە و مانگە.

هاوكات بەپێی خشتەیەك، كە كەشناسی بڵاویكردۆتەوە، ئەمڕۆ پلەی گەرما لە پێنجوێن لە سلێمانی و كانی ماسی لە دهۆك بۆ 7 پلە دابەزیوە.

بەردەوام بە لە خوێندنەوە

کوردستان