ئێمە لە تۆرە کۆمەڵایەتیەکان

جیهان

ئێران 7500 سەرباز ڕەوانەی عیراق دەكات


خەڵك- بەشی هەواڵ
فەرماندەی هێزە تایبتەكانی سەر بە هێزەكانی ئاسایشی ناوخۆی ئێران، ڕەوانەكردنی هێزێك كە لە 7500 سەرباز پێكدێت بۆ عیراق ڕادەگەیەنێت، ئامانج لە ڕەوانەكردنی ئەو هێزەش بە وتەی ئەو فەرماندە ئێرانییە، “بۆ پارێزگارییە لە مەڕاسیمی چلەی ئیمام حسێن”.

ئاژانسی (میهر)ی ئێرانی لە زاری عەمید حەسەن كەرەمی، فەرماندەی هێزە تایبەتەكانی سەر بە هێزەكانی ئاسایشی ناوخۆی ئێران، بڵاویكردۆتەوە، “زیاتر لە 10 هەزار سەربازی سەر بە هێزە تایبەتەكان، بەشێوەیەكی ڕاستەوخۆ بەرپرسیارێتی پاراستنی مەڕاسیمی چلەی ئیمام حسێن لە ئەستۆ دەگرن”.

بە وتەی فەرماندە ئێرانییەكە، “7500 سەرباز بەشێوەیەكی ڕاستەوخۆ لە ئەركدا دەبن و 4 هەزاری تریش وەك یەدەگ لە حاڵەتی ئامادەباشیدا دەبن”.

كەرەمی دەڵێت: “30 هەزار پۆلیس بەشداری لە پاراستنی ڕێڕۆیشتنەكاندا دەكەن، كە لە ئێرانەوە بۆ نێوخۆی عیراق درێژدەبنەوە”.

فەرماندەی هێزە تایبتەكانی ئاسایشی ناوخۆی ئێران پێیوایە، “بەشی هەرە قورسی ئەركەكان، كە لە ئەستۆی هێزە تایبەتەكانی ئێراندایە، لە ڕووبەری 10 بۆ 15 كیلۆمەتردا دەبێت لەسەر سنورەكان، لەگەڵ ئەوەشدا كارە هەواڵگرییەكان چڕدەكرێنەوە و هێزەكانیشیان تەواوی هەوڵەكانیان بۆ كۆنتڕۆڵكردنی ڕەوشەكە دەخەنەگەڕ”.

جیهان

دەیان كەسیش گیانیانلەدەستدا
سعودیە، 1975 حاڵەتی توشبوونى نوێ بە كۆرۆنا تۆماركران


 

خەڵك- بەشی هەواڵ

وەزارەتی تەندروستی سعودیە، تۆماركردنی 32 حاڵەتی گیانلەدەستدان بە ڤایرۆسی كۆرۆنا لە ماوەی 24 كاتژمێری ڕابردوودا ڕادەگەیەنێت.

بەپێی بەیاننامەیەك كە ئەمڕۆپێنج شەممە لەلایەن وەزارەتی تەندروستی سعودیەوە بڵاوكرایەوە”لەماوەی 24 كاتژمێری ڕابروودا 32 حاڵەتی گیانلەدەستدان بەهۆی ڤایرۆسی كۆرۆنا و 1975 حاڵەتی توشبوونی نوێ‌ تۆماركران”.

هەر لە بەیاننامەكەدا هاتووە”لە دوای تۆماركردنی 32 حاڵەتی نوێی گیانلەدەستدان بە ڤایرۆسی كۆرۆنا لە ماوەی 24 كاتژمێری ڕابردوو، كۆی گشتی ژمارەی ئەوانەی بەهۆی ڤایرۆسەكەوە لە سعودیە گیانیانلەدەستداوە بۆ 611 حاڵەت بەرزبۆوە”.

سعودیە لە ئێستادا لە پێش هەموو وڵاتانی عەرەبییەوەیە لەڕووی تۆماركردنی زۆرترین حاڵەتی تووشبوان بە ڤایرۆسی كۆرۆنا، زۆربەی حاڵەتەكانیش لە شارەكانی مەككەی پیرۆز و مەدینەی منەوەرە و ڕیاز و دەمام و جدە تۆماركراون.

بەردەوام بە لە خوێندنەوە

جیهان

گەورە زانایانی سعودیە فەتوای لەسەر دەدەن
حوكمی كەمامە بەستن لەكاتی نوێژدا لە شەریعەتی ئیسلام


خەڵك- بەشی هەواڵ
شێخ عەبدوڵڵا موتڵەق ئەندامی دەستەی گەورە زانایان لە سعودیە ڕایدەگەیەنێت، “بەستنی دەم و لوت لەكاتی نوێژدا لە ئاینی ئیسلامدا نەهی لێكراوە، بەڵام لە سایەی بڵاوبوونەوەی پەتای كۆرۆنا، بەستنیكەمامە “موستحب”-ه، واتا بەكارێكی باش دادەنرێت”.

موتڵەق لە میانی بەرنامەیەك كە بۆ فەتواكان لە كەناڵی سعودیە تەرخانكراوە ڕایگەیاند:”بەساڵاچووەكان و ئەوانەی تەمەنییان لەسەرو 65 ساڵانەوەیە، لەلایەن لایەنە پەیوەندیدارەكانەوە ئامۆژگاریی و ڕێنمایی كراون لە ماڵەكانی خۆیاندا نوێژبكەن، تا ئەو كاتەی پەتاكە كۆتایی دێت”.

ئەو ئەندامەی دەستەی گەورە زانایانی سعودیە دەڵێت:”لەگەڵ تەواوبوونی پەتاكەدا، شیاو نییە خەڵك نوێژی هەینی جگە لەو مزگەوتانەدا بكات كە فەتوایان لەسەر دەركراوە، ئەمەش بەپێی ڕێنماییەكانی وەزارەتی كاروباری ئیسلامی لە سعودیە، چونكە وەزارەتەكە ئەو جۆرە كاروبارانە تاوتوێ‌ دەكات”.

بەردەوام بە لە خوێندنەوە

جیهان

وەزارەتی بەرگری ئەمریكا، هێزی سەربازی نزیك پایتەخت جێگیر كرد


خەڵك-بەشی هەواڵ

 

وتەبێژی پنتاگۆن ڕایدەگەیەنێت، پنتاگۆن 1600 سەربازی گواستەوە بنكە سەربازییەكانی نزیك واشنتن، بۆ ئەوەی لەئامادەباشیدا بن كاتێك خۆپیشاندانەكان لە واشنتنی پایتەخت.

جۆناسان هۆفمان وتەبێژی پنتاگۆن ڕایگەیاند، وەزارەتی بەرگری چەند یەكەیەكی سەربازی گواستوەتەوە سنووری پایتەخت بۆ ئەوەی لەكاتی پێویست بەدەم هێزەكانەوە بچن.

وتیشی” لەماوەی 24 كاتژمێری ڕابردوودا، ئەو سەربازانە لە نزیك واشنتن جێگیركراون، بەڵام ئێستا بەشداری لە هیچ ئۆپەراسیۆنێكی هێزە خۆجێییەكان ناكەن لەنێو واشنتن”.

بەهۆی گیانلەدەستدانی جۆرج فلۆید، پیاوێكی ڕەشپێستی ئەمریكی، كە دوای دەستگیركردنی لەلایەن پۆلیسێكی سپیپێستەوە، نۆ خولەك قاچی لەسەر ملی دانا و بەهۆیەوە خنكا، خۆپیشاندان لە زیاتر لە 70 شاری ئەمریكا دەستیپێكرد و بەشێكی خۆپیشاندانەكانیش تووندوتیژییان تێكەوتووە.

بەردەوام بە لە خوێندنەوە

کوردستان