ئێمە لە تۆرە کۆمەڵایەتیەکان

کوردستان

مامەڵەی پاسپۆرت دەستیپێكردەوە


خەڵك-بەشی هەواڵ

بەڕێوەبەری ڕاگەیاندنی پاسپۆرتی سلێمانی ڕایدەگەیەنێت، مامەڵەی پاسپۆرت كراوەتەوە و هاوڵاتیان دەتوانن سەردانمان بكەن.

بەیان جەمال، بەڕێوەبەری ڕاگەیاندنی پاسپۆرتی سلێمانی بە (خەڵك)ی ڕاگەیاند، بەهۆی خۆپیشاندانەكانی بەغداوە هێڵی ئینتەرنێت لەنێوان ئێمە و بەغدا پچڕابوو، هەروەها سیستمی پێدانی پاسپۆرت كوژێنرابووەوە.
وتیشی”بەڕێوەبەرایەتییەكەمان جەختی لە بەردەوامی خزمەتگوزارییەكان كردەوە و ئەوكات تەنها ئەو هێڵەیان بۆ كردینەوە كە تایبەتە بە وەرگرتنەوەی پاسپۆرت بە هاوڵاتیان، چونكە هەندێكی نەخۆش بوو یان پێویستی بە پاسپۆرتەكەیان هەبوو، بەڵام هێڵی نوێكردنەوەی پاسپۆرت و پاسپۆرتی یەكەمجار كوژێنرابووەوە، بەڵام خۆشبەختانە ئێستا هێڵەكە كراوەتەوە و هاوڵاتیان دەتوانن مامەڵەكانیان ئەنجام بدەن”.

سەبارەت بە چارەسەربوونی گرفتی درەنگ وەرگرتنەوەی پاسپۆرت، ناوبراو ڕایگەیاند، ئێستا ئەو گرفتە چارەسەر كراوە و لە ماوەی 15 ڕۆژدا هاوڵاتیان دەتوانن ببنە خاونی پاسپۆرت، بەڵام حاڵەتی نەخۆشی و دەعوەتنامە و خوێندنیش لەبەرچاو دەگیرێت و بە ماوەیەكی كەمتر پاسپۆرتەكەیان پێدەدرێتەوە.

عێراق

“كازمی بەڵێنیدا شایستە داراییەكانی ھەرێم بخاتە ناو بەرنامەی لەپێشینەی كابینەكەی”


خەڵك – بەشی هەواڵ

جێگری سەرۆكی ئەنجومەنی نوێنەرانی عیراق ڕایدەگەیەنێت:” مستەفا كازمی سەرۆك وەزیرانی عیراق بەڵێنیداوە بابەتی شایستە داراییەكانی ھەرێمی كوردستان و خەرجكردنی پارەی گەنمی جوتیاران بخاتە ناو بەرنامەی لەپێشینەی كابینەكەی”.

نووسینگەی ڕاگەیاندنی جێگری سەرۆكی ئەنجومەنی نوێنەرانی عیراق لە ڕاگەیەندراوێكدا ڕایگەیاند:  بەشیر حەداد جێگری سەرۆكی ئەنجومەنی نوێنەرانی عيراق، ئەمڕۆ شەممە،لەگەڵ مستەفا كازمی سەرۆك وەزیرانی عیراق كۆبووەتەوە و “لەكۆبوونەوەكەدا بابەتە گرنگەكانی ئێستای ناو گۆڕەپانی سیاسیی عیراق و مەترسییەكانی بڵاوبوونەوەی ڤایرۆسی كۆرۆنا و پەیوەندییەكانی نێوان ھەولێر و بەغدا، هەروەها پەلەكردن لە ھەڵگرتنی ھەنگاوەكان بۆ چارەسەركردنی كێشەكان تاووتوێكراون”.

نووسینگەی ڕاگەیاندنی جێگری سەرۆكی ئەنجومەنی نوێنەرانی عیراق جەختی لەوەش كردووەتەوە:”سەرۆك وەزیرانی عیراق بەڵێنیدا كە بابەتی شایستە داراییەكانی ھەرێمی كوردستان و خەرجكردنی پارەی گەنمی جوتیاران بخاتە ناو بەرنامەی لەپێشینەی كابینەكەی”.

بەردەوام بە لە خوێندنەوە

کوردستان

مەخمور.. جوتیاران هەڕەشەی خۆپیشاندان دەكەن


خەڵك – ئارام سەردار

جوتیارانی سنووری شارۆچكەی مەخمور ڕایدەگەیەنن، ئەگەر كێشەی سستی وەرگرتنی گەنمی جوتیاران لە سایلۆی مەخمور چارەسەر نەكرێت، ئەوا ڕۆژی دووشەممە ۸ی حوزەیران گردبوونەوە ئەنجام دەدەن.

گۆران دیبەگەیی، پارێزەری جوتیارانی ناوچە دابڕاوەكان بە( تۆڕی میدیایی خەڵك)ی ڕاگەیاند، لەئێستادا بەدووری 19كیلۆمەتر لە نێوان چوارڕیانی شارەدێی دیبەگە تا دەروازەی بازاڕگەی شارۆچكەی مەخمور بارهەڵگرانی گەنمی جوتیاران لە سەرەی سایلۆی مەخموردان تا بەرهەمی ئەمساڵی گەنم لەم ووتیارانە وەردەگیرێت، بەڵام پڕۆسەكە زیاتر لە بیست ڕۆژ دەخایەنێت.

دەشڵێت، ‌بەردەوام سەرەی بارهەڵگرەكانی گەنمی ووتیاران لە زیادبوونە ئەمەش وا دەكات جوتیاران ڕەنجی ئەمساڵیان بەڕێژەی زۆر بەفیڕۆ بچێت، چونكە كرێی ڕۆژانەی بارهەڵگرەكانیان دەكەوێتە سەر.

گۆران دیبەگەیی ئاماژەی بۆ ئەوەشكرد، دەبێت وەزارەتی كشتوكاڵ و سەرچاوەكانی ئاوی حكومەتی هەرێم و قائیمقامیەتی شارۆچكەی مەخمور مشورێك لە جوتیارانی سنوورەكە بخۆن، بەپێچەوانەوە ڕۆژی دووشەممە كاتژمێر یانزەی پێش نیوەرۆ لەگەڵ جوتیانی سنوورەكە گردبوونەوەیەك لە چوارڕیانی شارەدێی دیبەگە ئەنجام دەدەین قبوڵی سستی سایلۆی مەخمور لەوەرگرتن و ڕێگری لەواستە كردن و بۆ پێشخستی سڕە ناكەین.

بەردەوام بە لە خوێندنەوە

کوردستان

كەركوك.. توشبوویەكی تری كۆرۆنا گیانی لەدەستدا


خەڵك – بەشی هەواڵ

تووشبوویەكی تری ڤایرۆسی كۆرۆنا لە شاری كەركوك گیانی لەدەستدا.

بەپێی زانیارییەكان، تووشبووەكە پیاوێكی تەمەنی 45 ساڵە و بەڕەگەز سورییە و دانیشتووی گەڕەكی ڕەحیماوای كەركوكە.
ئەو تووشبووە، دوو ڕۆژە لەنەخۆشخانەی ئازادی فێركاری شاری كەركوك لەژێر چاودێری تەندروستیدایە و ئێوارەی ئەمڕۆ گیانی لەدەستدا.

جێی ئاماژەیە، لەماوەی دوو ڕۆژدا ئەمە سێیەم حاڵەتی گیان لەدەستدانە بە ڤایرۆسی كۆرۆنا لەكەركوك و كۆی گشتی مردووان تائێستا 6حاڵەتە بەو ڤایرۆسە لەو شارەدا.

بەردەوام بە لە خوێندنەوە

کوردستان