ئێمە لە تۆرە کۆمەڵایەتیەکان

کوردستان

خۆسەری دیموكراتیك: بە تەنها بەرەوڕووی توركیا دەبینەوە


خەڵك-بەشی هەواڵ

ئەندامێكی نوێنەرایەتیی رێڤەبەری خۆسەری رۆژئاوا لەباشووری كوردستان ڕایدەگەیەنێت، ئەمریكا لە ڕۆژئاوای كوردستان ناكشێتەوە.

دوێنێ كۆشكی سپی ئاشكرایكرد، لە ڕۆژئاوای كوردستان هێزەكانیان دەكشێننەوە و هاوكات حكومەتی توركیاش ئەنجامدانی هێرشێكی سەربازی بۆ ناوچە كوردییەكان ڕاگەیاند و هاوكات هەسەدەش هۆشداری دروستبوونی شەڕێكی گەورەی درێژخایەنی دا.

فەتحوڵڵا حوسێنی ئەندامی نوێنەرایەتیی رێڤەبەری خۆسەری ڕۆژئاوا لەباشووری كوردستان بە (خەڵك)ی ڕاگەیاند، لە ئەگەری ڕووبەڕووبوونەوەمان لەگەڵ سوپای توركیا هانا بۆ كەس نابەین.

وتیشی”هیچ پەیوەندییمان بە حكومەتی سوریا و هیچ هێزێكی دیكەوە نییە”.

ئاشكراشیكرد، ئێمە تەنیا پەیوەندیمان بە هێزی هاوپەیمانان هەیە و پێمانوایە ئەوان بە ڕەسمی پاشەكشە ناكەن و ئەو هەموو بنكە سەربازیانەیان جێناهێڵن.

ئاماژەی بۆ ئەوەش كرد، تەنیا بەشێكی زۆر بچوك 100 بۆ 150 سەربازیان كشاونەتەوە لە ناوچەیەك بۆ ناویەچەكی دیكە ئەویش ناوچەیەكی كوردییە.

کوردستان

چەند بڕیارێك بۆ كردنەوەی دەرگای مزگەوتەكان دەركرا


خەڵك- بەشی هەواڵ
بەڕێوەبەرایەتی ئەوقافی پارێزگای هەولێر ژمارەیەك ڕێنمایی خۆپارێزی بۆ كردنەوەی مزگەوتەكان ڕاگەیاند و بەپێی ڕێنماییەكە جگە لەدووری نوێژخوێنان لەیەكتر، پێویستە دەستكێش و دەمامك ببەستن و بەرماڵی تایبەتیش لەگەڵ خۆیان ببەن.

بەڕێوەبەرایەتی ئەوقافی پارێزگای هەولێر لەڕاگەیەنڕاوێكدا، كە وێنەیەكی بۆ (خەڵك) نێردراوە، ڕێنمایی تایبەت بەخۆپارێزی بۆ كردنەوەی مزگەوتەكان دەكردوە و بەپێی ڕێنماییەكان، كردنەوەی مزگەوتەكان تەنها بۆ نوێژە فەرزەكانە لەگەڵ نوێژی هەینی جگە لەو كاتانە بە داخراوی دەمێنێتەوە و سەرجەم نوێژخوێنان دەمامك و دەسكێش بەكاربهێنن.

ئاماژە بۆ ئەوەشكراوە، سەرجەم نوێژخوێنان لە ماڵەوە دەستنوێژ بگرن و WC مزگەوتەكان داخراو بن، نوێژخوێنان بەرماڵی تایبەت بە خۆیان پێ بێت، هەروەها نێوان نوێژ خوێنان لە یەك مەتر كەمتر نەبێت و داواشكراوە منداڵ و نەخۆش ئاگاداربكرێنەوە لە ماڵەكانیان نوێژ بكەن.

ئەوەشخراوەتەڕوو، ڕۆژانە تعقیمی دەرگا و شوێنی بەركەوتنی هاووڵاتیان بكرێت لە مزگەوتەكان، ماوەی نوێژ و وتاری هەینی لە ١٠ خولەك تێپەڕ نەكات، سەلەی زبڵی تایبەت بە كۆكردنەوە و فڕێدانی دەمامك و دەستكێشی بەكارهاتوو، تا بشكرێت بەكارهینانی حەوشەی مزگەوت بۆ نوێژەكان، لەهەمانكاتدا بەكارهێنانی هەواگۆر لە مزگەوتەكان و كردنەوەی دەرگا و پەنجەرەكانی مزگەوت، كە كاتی ئەنجامدانی نوێژەكان.

لەكۆتایشدا ئەوقافی پارێزگای هەولێر داوا لە مامۆستایانی ئاینی دەكات، كە بە خۆیان دەمامك و دەستكێش بەكاربهێنن، بە تایبەتی لە وتاری نوێژی هەینی، تاوەكو نوێژخوێنان چاویان لێ بكەن و بەپێچەوانەوە هەر مزگەوتێك پابەند نەبێت دووبارە دادەخرێتەوە .

بەردەوام بە لە خوێندنەوە

کوردستان

لە هەولێر دوو تووشبووی كۆرۆنا چاكبوونەوە


خەڵك- بەشی هەواڵ
بەڕێوەبەرایەتی گشتی تەندروستی هەولێر ئاشكرای دەكات، كە دوو تووشبووی كۆرۆنا چاكبوونەوە و دەشڵێت: “كۆی گشتی چاكبووەوەكان گەیشتۆتە 230 كەس”.

د. دلۆڤان محەمەد، بەڕێوەبەری گشتی تەندروستی هەولێر لە ڕاگەیەنراوێكدا ئاماژەی بەوەكرد، كە (2) نەخۆشی تووشبوو بە ڤایرۆسی كۆرۆنا COVID – 19 دوای وەرگرتنی چارەسەری پزیشكی بەتەواوی چاكبوونەوە و باری تەندروستیان تەواو جێگیر بۆتەوە و پشكنینی تایبەتی یەك لەدوای یەكیان بۆ كرایەوە و نێگەتیڤ بوو، بۆیە بڕیاردرا بنێردرێنەوە ماڵەوە.

ڕاشیگەیاندووە، كۆی گشتی چابووەوەكان گەیشتە (230) كەس.

د. دلۆڤان دەشڵێت: “سوپاسی پابەندبوونتان دەكەین بۆ ڕێنماییە خۆپارێزییەكان، جێبەجێكردنی ڕێنماییەكان زامنی زاڵبوونمانە بەسەر ئەم پەتا جیهانیە”.

بەڕێوەبەری گشتی تەندروستی هەولێر، سوپاسی ماندووبوونی تەواوی پزیشكان و كارمەندانی تەندروستی و تەواوی هێزەكانی ناوخۆ دەكات، كە پارێزگاری لە تەندروستی هاووڵاتیان دەكەن.

بەردەوام بە لە خوێندنەوە

کوردستان

ئەنجوومەنی وەزیرانی هەرێم ڕاگەیەنراوێكی بڵاوكردەوە


خەڵك- بەشی هەواڵ

ئەنجوومەنی وەزیرانی هەرێم گفتوگۆ دەربارەی وردەكارییەكانی دانوستاندن لە گەڵ بەغدا و هەنگاوەكانی جێبەجێكردنی یاسای چاكسازی دەكات و بڕیاریش درا ئومێد سەباح نوێنەری هەرێم بێت لە دایەلۆگی ستراتیجی نێوان ئەمریكا و عیراق.

ئەمڕۆ چوار شەممە 2020/6/3 ئەنجوومەنی وەزیرانی هەرێمی كوردستان بە سەرپەرشتی مەسرور بارزانی، سەرۆكی ئەنجوومەنی وەزیران و ئامادەبوونی قوباد تاڵەبانی، جێگری سەرۆكی ئەنجوومەن كۆبووەوە.

بەپێی ڕاگەیەنراوێكی حكومەتی هەرێم، لە دەستپێكی كۆبوونەوەكەدا، سەرۆك وەزیرانی هەرێمی كوردستان ئاماژەی بە زیادبوونی مەترسییەكانی كۆرۆنا و بەرزبوونەوەی ژمارەی تووشبووان و قوربانییەكان كرد و بە ناوی ئەنجوومەنی وەزیرانەوە پرسە و سەرەخۆشی لە كەسوكاری قوربانییان كرد و هیوای چاكبوونەوەی خێرای بۆ تووشبووان خواست. سوپاسی پابەندبوونی هاووڵاتییانیشی كرد بە ڕێكارەكانی خۆپارێزی و ڕێنماییە تەندروستییەكان.

مەسرور بارزانی وتیشی، “حكومەتی هەرێم كوردستان بەردەوام دەبێت لە گرتنەبەری هەر ڕێكارێك بۆ پاراستنی سەلامەتی هاووڵاتییان و هیچ كەمتەرخەرمییەكیشی لەم ڕووەوە نەكردووە و ئەوەی پێویست بووە ئەنجامیداوە و ئێستاش بەرپرسیارێتی سەرەكی دەكەوێتە سەر خەڵك بۆ پاراستنی خۆیان و هاووڵاتییان و كۆمەڵگە”.

ئاماژەی بەوەشدا، حكومەت دەیەوێ لە درێژەدان بە گرتنەبەری ڕێنماییە تەندروستییەكان، ژیان و گوزەرانی خەڵك لە بەرچاو بگرێت و زیانی بەرنەكەوێت، بەڵام بەداخەوە خەڵكێك دەیەوێ ئەم بابەتە كە پەیوەندی ڕاستەوخۆی بە ژیان و تەندروستی خەڵكەوە هەیە، بە سیاسی بكات و گومانیان لە بوونی مەترسییەكانی ڤایرۆسەكە دروست كردووە و هانی خەڵك دەدەن پابەندی ڕێنماییەكان نەبن، بۆیە ئەم كەسانە ڕووبەڕووی یاسای دەكرێنەوە.

لە تەوەرێكی دیكەدا، سەرۆك وەزیران تیشكی خستە سەر دایەلۆگی ستراتیجی نێوان عیراق و ئەمەریكا، كە بڕیارە لەم مانگەدا ئەنجام بدرێت و هەرێمی كوردستانیش تێیدا بە شدار دەبێت و ئەنجوومەنی وەزیران بڕیاریدا سەرۆكی دیوانی سەرۆكایەتی هەرێمی كوردستان، نوێنەری هەرێم بێت لەم دایەلۆگەدا.

دواتر جێگری سەرۆك وەزیران ڕاپۆرتێكی دەربارەی وردەكارییەكانی دانوستانی شاندی باڵای حكومەتی هەرێم لە گەڵ حكومەتی فیدراڵی خستەڕوو، ئاماژەی بەوەشدا، كە گفتوگۆ لە گەڵ حكومەتی نوێی عیراق بەردەوام دەبێت بۆ چارەسەكردنی كێشەكانی تایبەت بە نەوت و دارایی لە سەر بنەمای دەستوور.

بەپێی ڕاگەیەنرراوەكە، ڕاپۆرتی لیژنەی باڵای چاكسازی سەبارەت بە بەدواداچوونی هەنگاوەكانی وەزارەت و لایەنە پەیوەندیدارەكان بۆ جێبەجێكردنی یاسای چاكسازی خرایەڕوو، كە تا ئێستا هەنگاوی باشی بڕیوە و ڕێكار و میكانیزمی پێویست و پەیڕەوی جێبەجێكردنی دەرچووە.

لە كۆتاییدا ئەنجومەنی وەزیران هەردوو پڕۆژە یاسای (ماف و یئەركەكانی نەخۆش لە هەرێمی كوردستان) و (لە ئەستۆكردنی فەرمانبەران لە هەرێمی كوردستان)ی بە كۆی دەنگ پەسەند كرد.

بەردەوام بە لە خوێندنەوە

کوردستان