ئێمە لە تۆرە کۆمەڵایەتیەکان

کوردستان

كۆیە.. داوای كردنەوەی نووسینگەی پەرلەمان دەكرێت

خەڵك – بەشی هەواڵ

لەنووسراوێكدا كە ئاڕاستەی سەرۆكایەتی پەرلەمانی كوردستان كراوە، ئەندامێكی فڕاكسیۆنی یەكێتی داوای كردنەوەی نووسینگەی پەرلەمانی كردووە لە شارۆچكەی كۆیە.

ڕاهی ڕەهبەر سەید برایم ئەندامی فڕاكسیۆنی یەكێتی لە پەرلەمانی كوردستان، ئەمڕۆ دوو شەممە 7/10/2019، لە نووسراوێكدا كە ئاڕاستەی سەرۆكایەتی پەرلەمانی كوردستان كردووە داوایكردووە نووسینگەی پەرلەمان لەكۆیە بكرێتەوە لەبەرئەوەی، كۆیە یەكێكەلە شارۆچكە دێرینەكانی كوردستان و ژمارەی دانیشتووانی زیاتر لە 100 هەزار كەسە و بەهۆی كێشەی سیاسی و ئیدارییەوە، شارۆچكەكە وەك پێویست لەئاست گەشەكردنی هەرێمی كوردستاندا نەبووە.

لەنووسراوەكەدا ئاماژە بەوەشكراوە، دانیشتووانی شارۆچكەی كۆیە هەر لەكۆنەوە بڕوایان بە نوێنەرایەتیكردن هەبووە و لەخولەكانی پەرلەماندا ڕۆڵی كاریگەریان هەبووە.

کوردستان

وەزارەتی پەروەردەى هەرێم ڕوونكردنەوەیەك بڵاودەكاتەوە

خەڵك- بەشی هەواڵ
وەزارەتی پەروەردەی حكومەتی هەرێم ڕوونكردنەوەیەك سەبارەت بە دەنگۆی “بێڕێزی كردن بە مامۆستایانی ئایینی” بڵاودەكاتەوە و ڕەتی دەكاتەوە هیچ بێڕێزییەك كرابێت و دەشڵێت: “لەبەرامبەریشدا ڕێگا نادەین بەهیچ كەسێك بێڕێزی و سوكایەتی بە ناوەندەكانی خوێندن و مامۆستایان و قوتابیان و خوێندكاران بكات”.

بەڕێوبەرایەتی گشتی پەیمانگاكان و مەشق كردن لە وەزارەتی پەروەردە لە ڕوونكردنەوەكەدا ئاماژەی بەوەكردووە، كە ئەم هێرشە نارەوایە و وشە ناشرین و بێڕێزیانە بۆتە مایەی نیگەرانی مامۆستایان و خوێندكاران و قوتابیانی پەیمانگای هونەرە جوانەكان و ئێمە و گشت هونەرمەندان.

جەختیشی كردۆتەوە، ڕێگا نادەین هیچ كات ناوەندەكانی خوێندن بۆ ئەو بابەتانە بەكاربهێنرێت و بەهەمان شێوەش ڕێگا نادەین بەهیچ كەسێك بێڕێزی و سوكایەتی بە ناوەندەكانی خوێندن و مامۆستایان و قوتابیان و خوێندكاران بكات، بۆ ئەم مەبەستەش بەمافی خۆمانی دەزانین لە ڕێگای دادگاوە ڕێككاری یاسایی پێویست بگرینەبەر.

رونكردنەوەیەك لە بەڕێوبەرایەتی گشتی پەیمانگاكان و مەشق كردنی وەزارەتی پەروەردە:
چەند رۆژێك لەمەوبەر كەسێك هێرشێكی ناڕەوای كردە سەر پەیمانگاكانی هونەرەجوانەكان ، كەناوەندێكی فەرمی خوێندنە و سەر بە بەڕێوبەرایەتی گشتی پەیمانگاكانی وەزارەتی پەروەردەیە ، بەبێ ئەوەی هیچ جۆرە بێڕێزیەك بەرامبەر پێگەی مامۆستایانی ئاینی كرا بێت و بەبێ ئەوەی بەدواداچوون بكات لەگەڵ بابەتێكی دیكە تێكەڵی كردووە . ئەم هێرشە نارەوایە و وشە ناشرین و بێڕێزیانە بۆتە مایەی نیگەرانی مامۆستایان و خوێندكاران و قوتابیانی پەیمانگای هونەرە جوانەكان و ئێمە و گشت هونەرمەندان . هەموو لایەك دڵنیا دەكەینەوە كەهیچ حاڵەتێكی بێڕێزیكردن لە هیچ یەكێك لە پەیمانگاكانی هونەرە جوانەكانی ئێمە رووینەداوە ، ڕێگا نادەین هیچ كات ناوەندەكانی خوێندن بۆ ئەو بابەتانە بەكاربهێنرێت و بەهەمان شێوەش ڕێگا نادەین بەهیچ كەسێك بێڕێزیی وسوكایەتی بە ناوەندەكانی خوێندن و مامۆستایان و قوتابیان و خوێندكاران بكات ، بۆ ئەم مەبەستەش بەمافی خۆمانی دەزانین لە ڕێگای دادگاوە رێككاری یاسایی پێویست بگرینەبەر.

وەزارەتی پەروەردە
بەڕێوبەرایەتی گشتی پەیمانگاكان و مەشقكردن

بەردەوام بە لە خوێندنەوە

کوردستان

بۆ بەرگرتنە لە كۆرۆنا
چەند بازگەیەك لەنێوان دیالە و سلێمانی دادەنرێن

خەڵك- بەشی هەواڵ
سەرچاوەیەكی حكومی لە پارێزگەی دیالە ڕایدەگەیەنێت، چەند بازگەیەكی ئەمنییان لەنێوان پارێزگەكە و پارێزگەی سلێمانی داناوە بۆ ڕووبەڕووبوونەوەی نەخۆشی كۆرۆنا.

ئەمڕۆ شەممە، سەرچاوەیەكی حكومی بە میدیاكانی عیراقی ڕاگەیاند”هێزەكانی ئاسایشی كورد 8 بازگەی كاتییان لەسەر سنوری جیاكەرەوەی نێوان دیالە و سلێمانی داناوە، بە تایبەتیش لەسەر ڕێگەی خانەقین – كەلار، بۆ پكشنینی ئەو سەرنشینانەی كە لە دەروازە سنورییەكانی دیالە و پارێزگەكانی ترەوە گەڕاونەتەوە”.

بە وتەی سەرچاوەكە “ڕێوشوێنەكان وەرگرتنی زانیاریی تەواوەتی و دڵنیابوون لە باری تەندروستی هاووڵاتییان و پاشان گواستنەوەیان بۆ ناوەندە تەندروستییەكان بۆ پشكنین لەخۆدەگرێت”.

راشیگەیاند ئەم هەنگاوەش دوای ئەوە بوو كە لەماوەی چەند ڕۆژی ڕابردوودا سەدان كەس لە دانیشتووی هەرێمی كوردستان بە هۆی داخستنی مەرزەكانی هەرێم لەگەڵ ئێران، لە مەرزی مونزریەوە گەڕانەوە ماڵەكانیان”.

مەرزی مونزریە، كراوەیە بۆ پێشوازی لەو عیراقیانەی لە شارەكانی ئێرانەوە دەیانەوێت بگەڕێنەوە ناوچەكانی خۆیان لە پارێزگەكانی عیراق و هەرێمی كوردستان.

بەردەوام بە لە خوێندنەوە

کوردستان

ئەمریكا، هاوكارییەكانی هێزەكانی پێشمەرگە و شەڕڤانەكانی هەسەدە كەم دەكاتەوە

خەڵك-بەشی هەواڵ

ئەمینداری گشتی وەزارەتی پێشمەرگە ڕایدەگەیەنێت، ئەمریكا هاوكارییەكانی بۆ هێزەكانی پێشمەرگە و هەسەدە كەم دەكاتەوە.

وەزارەتی بەرگری ئەمریكا لە ڕاگەیەنراوێكدا ئاماژە بۆ ئەوە دەكات، ئەو یارمەتیانەی كە لەلایەن پنتاگۆنەوە دیاریكراون بۆ هێزەكانی پێشمەرگەی كوردستان بۆ ساڵی 2021 كەمدەكاتەوە بۆ 70 ملیۆن دۆلار.

بەپێی زانیارییەكان، لە ڕەشنووسی بودجەی سەربازیی ئەمریكادا هاتووە، لە پڕۆژە بودجەی ئەمساڵدا 745 ملیۆن دۆلار بۆ ڕاهێنان و پێداویستییەكانی هێزە عیراقییەكان و 200 ملیۆن دۆلار بۆ ڕاهێنان و پێداویستییەكانی هێزەكانی سوریا و 250 ملیۆن دۆلار بۆ هێزی پاسەوانی سنوور لە سوریا تەرخان كراوە.

لای خۆشییەوە جەبار یاوەر ئەمینداری گشتی وەزارەتی پێشمەرگە لە لێدوانێكی ڕۆژنامەوانیدا ڕایگەیاند، تا ئێستا بە فەرمی لە كەمكردنەوەی بودجەی هێزەكانی پێشمەرگە لەلایەن ئەمریكاوە ئاگادار نەكراونەتەوە.

ئاماژەشیدا بەوەی پێدەچێت ئامانجی كەمكردنەوەی هاوكارییە داراییەكە، گرنگیدان زیاتر بێت بە دابینكردنی پێداویستییەكانی پێشمەرگە.

بەردەوام بە لە خوێندنەوە

کوردستان