ئێمە لە تۆرە کۆمەڵایەتیەکان

هەواڵەکان

چوارەمین خولی فێستیڤاڵی فیلمی نێودەوڵەتی سلێمانی کۆتایی هات، ناوی براوەکان بخوێنەرەوە

خەڵک ـ نزار جەزا

ئەمشەو چوارەمین خولی فێستیڤاڵی فیلمی نێودەوڵەتی سلێمانی کۆتایی هات و خەڵاتی سنەوبەری ئاڵتونی بۆ باشترینەکان بەسەر بەشدارانی فێتسیڤاڵەکەدا دابەشکران.

لەکۆتا ڕۆژی چوارهەمین خولی فێستیڤاڵی فیلمی نێودەوڵەتی سلێمانیدا 15 خەڵاتی سنەوبەر پێشکەشکران، کە سێ دانەیان ئاڵتونی بوون و 12 دانەکەی دیکەش زیو بوون.

لەخولی چوارهەمی فێستیڤاڵدا گۆڕانکاری بەسەر خەڵاتەکاندا کرابوون، بەجۆرێک خەڵاتی زیو زیادکراوە و قەبارەی خەڵاتەکانیش گۆڕانکارییان بەسەردا هاتووە.

چوارەهەمین خولی فێستیڤاڵی فیلمی نێودەوڵەتی سلێمانی بە بەشداری 134 فیلم لە 79 وڵاتی جیهانەوە لەماوەی حەوت ڕۆژدا کارەکانی خۆی ئەنجامدا.

 

خەڵاتەکان:

خەلاتی بەهرەی نوێ ( Rhino ) دەرهێنای puran mohammad

خەلاتی باشترین فیلمی ئەنیمەشن DREAMS IN THE DEPTHS دەرهێنانی REZA MOHAMMADI

خەڵاتی دادوەران بۆ کورتە فیلمی ناوخۆی فیلمی رێگا دەرهێنانی خەیبەر رەفیق

خەلاتی باشترین فیلمی ناوخۆی ( رۆژێک لە رۆژان لە کوردستان ) دەرهێنانی ژینۆ هادی

خەلاتی دادوەرانی باشترین فیلمی کورتی نێودەوڵەتی
‏( Asmnina ) دەرهێنانی Dekel Berenson

خەلاتی باشترین کورتە فیلمی نێودەوڵەتی (Unlike today ) دەرهێنانی Astrid Menzel

خەلاتی باشترین فیلمی دۆکیومێنتاری نێودەوڵەتی ( Terra ) دەرهێنانی julian kushnarinko

خەلاتی باشترین فیلمی دۆکیومێنتاری ناوخۆی سنەوبەری ئاڵتونی
( دیالۆک ) دەهێنانی سەلیم یەلدز

*خەلاتی باشترین فیلمی درێژ سنەوبەری ئاڵتونی
A tale of 3 sisters
دەرهێنانی ئەمین ئاڵپەر

* خەلاتی باشترین دەهێنەری فیلمی درێژ ( قەصری شیرین ) دەرهێنانی رەزا میرکەریمی
* خەلاتی باشترین سیناریۆ PARASITE دەرهێنانی BONG JOON-HO
* خەلاتی باشترین ئەکتەری کچ بۆ فیلمی درێژ Camere Ebuzziya لەفیلمی A tale of 3 sisters لە دەهێنانی ئەمین ئاڵپەر
* خەلاتی باشترین ئەکتەری کور بۆفیلمی درێژ Victor zhusti لە فیلمی The Delegation لە دەرهێنانی BUJAR ALIMANI
* خەلاتی باشترین سینەماتۆگرافی The mute لە دەرهێنانی BARTOSZ KONOPKA
* خەلاتی دادوەران بۆ فیلمی درێژ SCREWDRIVER دەرهێنانی BASSAM JARBAWI

 

ریکلام

هەواڵەکان

سەنا بەرزنجی لە یەکەم دەرکەوتنیدا ڕیکڵام بۆخۆی دەکات، بۆچی پێشتر دەرنەکەوتووە؟

خێزان

خانمە گۆرانیبێژی کورد سەنا بەرزنجی لە یەکەم دەرکەوتنی فەرمیدا ڕیکلام بۆ ئەلبومە نوێکەی دەکات و بۆیەکەمجاریش دەردەکەوێت.

سەنا بەرزنجی لە ڤیدیۆ کلیپەکەدا دەڵێت”21ی ئەم مانگە یەکەمین ئەلبومی خۆم بڵاودەکەمەوە بە ناوی راز، زۆرینەی ئاوازەکانی ناو ئەلبومەکە لەلایەن نەڤید زەردی دانراوە، تێکستەکان لەلایەن رەنج سەنگاوی نوسراوە، لە ئەڕێنجمێنتی ئەفشین شوکرییە”

سەنا بەرزنجی لەبارەی دەنەکەوتنیەوە لە ڕابردودا وتویەتی”لە ماوەی ئەم چەند ساڵەدا کە بە شێوازی خۆم، یان پرۆفشناڵ کارم کردووە ھەموو ھەوڵێکی خۆمم داوە تا زیاتر لە گرینگی پێدان بە ڕووخسارم و بە شێوازی ژیانم، ھونەرەکەم پەرە پێبدەم و  بە جوانترین شێوە پێشانی خەڵکی کوردستانی بدەم.من لە ناو بنەماڵەیەکدام و لە شوێنێک ژیان دەکەم لەوەیە زۆر  ئاسان نەبێ کە بە بەردەوامی دەرکەوم و لە ناو کلیپەکانم دا بەشدار بم، دەمەوێ سەرنجم لەسەر دەنگ و شیعر و میلۆدییەکەن بێ کە ھەڵیدەبژێرم، تا من کەی و چۆن دەردەکەوم”

سەنا ئەوەشی  دەشڵێت”بڕوا ناکەم ڕووخسار و دەرکەوتنی من گرینگێکی زۆری ھەبێت، بەڵام ئەوەی زۆر لەلام گرینگە کە دەبێ بە دڵنیایی دەنگم زیاتر لە جاران پەروەردە بکەم بۆ ئەوەی بتوانم خزمەتی  موسیقای کوردی پێبکەم و ئەو ڕێگایەی کە ھونەرمەندە گەورەکانی ڕابردوو درووستیان کردووە من درێژەی پێبدەم”

سەنا بەرزنجی هونەرمەندێکی ڕۆژهەڵاتی کوردستانە و خاوەنی ڤیدیۆ کلیپێکە و تا ئێستاش وێنە و ڤیدیۆی خۆی بڵاونەکردۆتەوە.

بەردەوام بە لە خوێندنەوە

هەواڵەکان

دەشە: سۆشیال میدیا لە تام دەرچووە و ژیانی تایبەتیی کەس نەماوە

خێزان

خانمە ڕاگەیاندکار و خاوەنکار ذەشنێ کەریم  کە ناسراوە بە دەشە ڕەخنە لە بەکارهێنانی سۆشیال میدیا دەگرێت لەلایەن خەڵک و هاوپیشەکانیەوە و ئاماژە بەوە دەدات کە ژیانی تایبەتیی کەس نەماوە.

 

دەشە لە نوسینێکیدا دەڵێت”بەراستی سۆشیاڵ میدیا بووە بە ماڵ و دائیرەو کۆمپانیاو…نازانم بڵێم چی ماوە و ھیچ تایبەتمەندیەکی شەخسی و خێزانیی نەماوە”

دەشە دەڵێت”بەداخەوە ئەمڕۆ ئەزانیت فڵان کەس کەی ھەستا لە خەو چی خوارد چو بۆ کوێ کێی بینی، شەڕیان بوو زەمی کێیان کرد مەدحی کێیان کرد بەچی ڕۆشتن، یەک دنیا شتی بێزارکەری تر بەڕاستی لە تام دەرچووە ژیانی تایبەتیی کەس نەماوە ئێستا ھەمووی عام ئەژی، تکایە ڕایگرن ئەم وەزعە بێتامتان کرد”

دەشە یەکێک بوو لە بێژەرە دیارەکانی کەناڵی گەلی کوردستان و دواتریش ڕیستۆرانتێکی دامەزراند بەناوی دەشە فاست فود.

 

بەردەوام بە لە خوێندنەوە

هەواڵەکان

چیرۆكی تۆڵه‌كردنه‌وه‌ت له‌ ئیبراهیم تاتڵیساس بیستووه‌؟ ببینه‌ پاش 13 ساڵ چی ڕوده‌دات

خێزان

هه‌موومان هه‌واڵی ڕووداوی ته‌قه‌كردنمان بیست له‌ئیبراهیم تاتڵیساس كه‌ تا ئێستاش به‌ ده‌ست ئازارەکانییەوە ده‌ناڵێنێت، به‌ڵام ده‌زانیت هۆكاری ئه‌و ته‌قه‌لێكردنه‌ی بۆ تۆڵه‌لێكردنه‌وه‌یه‌ك ده‌گه‌ڕێته‌وه‌ كه‌ ده‌یان ساڵی پێچووه‌.

 

لە ساڵی  ١٩٩٣  پاش ئەوەی  کێشە دەکەوێتە نێوان کۆمپانیاکەی تاتڵیساس و کۆمپانیای (Raks Muzik) کە بەرھەمەکانی ئیبراھیمی تیادا تۆماردەکرێت و یەکێک لەو کەسانەی  لەکۆمپانیاکەی تاتڵیساس کاردەکات تەقە بەناو خەڵکەکەدا دەکات و کەسێک بە ناوی (عەبدوڵا ئۆچماک) بریندار دەبێت و ماوەیەکی زۆر لە نەخۆشخانە دەکەوێت پاش ئەوەی کە لە ساڵی (١٩٩٧) چاکبوویەوە لە ڕاگەیاندنەکانەوە ھەڕەشە لە ئیبراھیم دەکات و پاش ئەمە ئیبراھیم سکاڵای یاسایی لەسەر (عەبدوڵا ئۆچماک) تۆماردەکات و  ئۆچماک بۆ ماوەی (١٣) ساڵ دەکەوێتە زیندانەوە لە ساڵی (٢٠١٠) ئازاد دەکرێت.

عەبدوڵا ئۆچماک

لە شەوی (١٤/٣/٢٠١١) پاش ئەوەی  لەکەناڵی (beyaz show) دێتە دەرەوە لەلایەن چه‌كدارێكه‌وه‌ بە چەکی کڵاشینکۆف تەقەی لێ ده‌كرێت کە دوو فیشەکی بەردەکەوێت یەکێکیان بەر سەری و یەکێکیان بەر لوتی، پاشان خێرا ئیبۆ دەبەن بۆ نەخۆشخانەی (ئاجیبادەم) ھەر لەو شەوەدا پێنج نەشتەرگەری بۆ مێشکی دەکەن تا فیشەکەکە دەردەھێنن پاشان چەکدارەکە دەستگیرکرا کە عەبدوڵا ئۆچماکە بە سزای زیندانی (٣٦) ساڵ سزا دراو ھیچ لێبوردنێکی گشتیش نایگرێتەوە.

 

بەردەوام بە لە خوێندنەوە

کوردستان