ئێمە لە تۆرە کۆمەڵایەتیەکان

ئابوری

مەسرور بارزانی پەیامێكی لەسەر یاسای تایبەت بە مووچەخۆران ڕاگەیاند

خەڵك- بەشی هەواڵ
سەرۆكی حكومەتی هەرێمی كوردستان ناوەڕۆكی كۆبوونەوەكەیان لەگەڵ پەڕلەمانی كوردستان سەبارەت بە پڕۆژە یاسای چاكسازی لە مووچە و دەرماڵە و خانەنشینی ئاشكرا دەكات و دەڵێت: “دەبێت مووچەخۆری شایستە ماف ە شایستە داراییەكانی پارێزراو بێت”.

مەسرور بارزانی، سەرۆكی حكومەتی هەرێم لە ڕاگەیەنراوێكدا، كە لە هەژماری خۆی لە فەیسبووك بڵاویكردۆتەوە، ئاماژەی بەوەكردووە، ‎ئەمڕۆ دوو شەممە 7-10-2019 لە كۆبوونەوەی لیژنەی هەماهەنگی نێوان پەڕلەمان و حكومەتی هەرێمی كوردستان گفتوگۆی پێویستمان دەربارەی یاسای چاكسازی كرد و ڕامانگەیاند، خواست و ئیرادەمان بۆ ئەنجامدانی چاكسازی زۆر بەهێزە.

دەشڵێت: “ئاماژەمان بە ئامانجی چاكسازی كرد، كە بەدیهێنانی دادپەروەی و بەدامەزراوەیی كردنی دامودەزگاكانی هەرێمی كوردستانە”.

مەسرور بارزانی جەختیشی كردۆتەوە، پێویستە گفتوگۆی زیاتر دەربارەی پڕۆژە یاساكە بكرێت بۆ گەڵاڵەكردنی ڕەشنووسی كۆتایی و ناردنی بۆ پەڕلەمانی كوردستان بە جۆرێك، كە مووچەخۆری شایستە، ماف و شایستە داراییەكانی بە پێی یاسا و ڕێنماییەكان پارێزراو بێت.

ئابوری

نرخی زێڕ و دراوەكان

خەڵك – بەشی هەواڵ
نرخی زێڕ و دراوەکان بۆ ئەمڕۆ یەك شەممە بەم شێوەیەیە كە لە زەڕنگەری پێشین لە سلێمانی وەرگیراوە:

زێڕ:
Oz: 2035$
24K: 405,000
21K: 354,000
18K: 303,000
Lira 22K= 431$

دراوەكان:
100$= 123.750
100€= 145,000
100£= 159,000
100$= 723 لیرەی تورکی
100$= 2,180,000 تمەن (نەقدی)
100$= 2,300,000 تمەن (حەواڵە)

بەردەوام بە لە خوێندنەوە

ئابوری

نرخی نەوت لە بازاڕەكانی جیهان

خەڵك-بەشی هەواڵ

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بە جێگیری ماوەتەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ یەك شەممە، 9ی‌ ئابی 2020 بە جێگیری ماوەتەوە، بەشێوەیەك نرخی‌ نەوتی برێنت بە 44 دۆلار و 66 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 41 دۆلارو 56 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

بەردەوام بە لە خوێندنەوە

ئابوری

بێگەرد تاڵەبانی: چەندین بەرهەمی هاوردەمان قەدەغەكرد

خەڵك – بەشی هەواڵ

وەزیری كشتوكاڵ و سەرچاوەكانی ئاوی هەرێم ڕایدەگەیەنێت: ئەنجومەنی وەزیران و وەزارەتی ناوخۆ هەماهەنگن بۆپاراستنی بەرهەمی جوتیارانمان.

بێگەرد تاڵەبانی وەزیری كشتوكاڵ و سەرچاوەكانی ئاو لە ڕاگەیەنراوێكدا ڕایگەیاند: لەپێناو پاراستنی بەرهەمی جوتیارانمان چەندین بەرهەمی هاوردەمان قەدەغەكرد و ئەنجومەنی وەزیران و وەزارەتی ناوخۆ هەماهەنگن بۆپاراستنی بەرهەمی جوتیارانمان.

بێگەرد تاڵەبانی ئاماژەی بەوەشداوە: لەماوەی ڕابردوو زانیاریمان دەستكەوت كە لە چەند دەروازەیەك بەرهەمی قەدەغەكراو هاوردە دەكەن، ئەمەش كاریگەری ڕاستەوخۆی لەسەر بەرهەمی جوتیارانمان دەبێت، بۆیە نووسرامان ئاڕاستەی ئەنجومەنی وەزیران كرد بۆ ئەوەی هەماهەنگی پێویستمان لەگەڵ بكەن و ڕێگربن لە هاوردەكردنی بەرهەمی قەدەغەكراو.

وەزیری كشتوكاڵ و سەرچاوەكانی ئاو ئەوەشی خستەڕوو: بە سوپاسەوە لە ئێستادا ئەنجومەنی وەزیران و وەزارەتی ناوخۆ هەماهەنگی پێویستمان لەگەڵ دەكەن بۆ ڕێگری لەو بەرهەمانەی قەدەغەمان كردوون.

 

بەردەوام بە لە خوێندنەوە

کوردستان