ئێمە لە تۆرە کۆمەڵایەتیەکان

ئابوری

دابەشكردنی مووچە تا كاتێكی نادیار دواخرا


خەڵك-بەشی هەواڵ

بەپێی زانیارییەكان دوێنێ مووچە دابەشنەكراو بۆ كاتێكی نادیار دواخراوە، ئەندامێكی لیژنەی دارایی لە پەڕلەمانی كوردستانیش ڕایدەگەیەنێت، دەیانەوێ لە ڕێگای ترەوە بەدواداچوون بۆ دواكەوتنی مووچە بكەن.
بڕیار بوو دوێنێ یەك شەممە 6-10-2019 وەزارەتی دارایی دەست بە دابەشكردنی مووچە بكات، بەڵام مووچە دابەش نەكراوە و تا ئێستاش هیچ ڕوونكردنەوەیەكیان سەبارەت بە دواكەوتنی مووچە ئاشكرا نەداوە.

شێركۆ جەودەت ئەندامی لیژنەی دارایی لە پەڕلەمانی كوردستان بە (خەڵك)ی ڕاگەیاند، تا ئێستا باس لەوە دەكرێت كە هۆكاری دواكەوتنی مووچە تەكنیكییە، بەڵام ئێمە بەدواداچوونی زیاتر دەكەین تاكو بزانین هۆكارەكەی چییە.
دەشڵێت”بە فەڕمی هیچ شتێكیان بە ئێمە نەوتووە تاكو تاكو بڕوای پێبكەین، بەڵام ئەگەر هۆكاری دیكە هەبوایە پێیان دەوتین، ئەگەر هۆكاری دیكەش هەبێت و خۆیان نەیانەوێت ئێمە پێی بزانین ئەوە بابەتێكی دیكەیە، بۆیە دەمانەوێت لە ڕێگای دیكەوە هۆكارەكەی بزانین”.

سەبارەت بەوەی خۆپیشاندانەكانی عیراق هۆكاربێت، شێركۆ جەودەت دەڵێت “بڕواناكەم دابەشنەكردنی مووچە پەیوەندی بەو بابەتانەوە هەبێت”.

لەمساڵدا مانگانە مووچە لە پێنجی هەموو مانگێك دەستیپێدەكرد، بەڵام ئەمڕۆ حەوتی مانگە تا ئێستا دەستی پێنەكردووە، ئەو مووچەی بڕیارە لەم مانگەدا دابەشبكرێت، مووچەی مانگی تەمووزی ڕابردووە.

ئابوری

لیژنە هاوبەشەكانی سلێمانی ئاماری كاری مانگی ئایاری بڵاوكردەوە


خەڵك – بەشی هەواڵ
قایمقامیەتی ناوەندی سلێمانی ڕایدەگەیەنێت، لەماوەی یەكد مانگدا سەردانی 5ھەزار و 182شوێنیان بەسەر كردۆتەوە و شوێن پسوڵەی سەرپێچی بۆ كراوە، 265 شوێنیش ئاگاداركراونەتەوە كە پابەندی مەرج و رێنماییەكان بن، دەشڵێت،”ژمارەی سەرپێچیی شوێنەكان كەمیكردوە”.

لیژنەهاوبەشەكانی قائیمقامییەتی سلێمانی ئەمڕۆ دووشەممە (2020/6/1) ئاماری مانگی (پێنج)ی كارو چالاكییەكانی خۆیان بڵاوكردەوە، كە لەو مانگەدا سەردانی (5) ھەزار و (182) شوێنیان كردووە و لە پابەندبوون و جێبەجێكردنی مەرج و رێنماییە تەندروستیەكانیان كۆڵیوەتەوە.

ڕاشیگەیاندووە، لە كۆی گەڕان و بەسەركردنەوەكانیان و بەهۆی پابەندنەبون بە مەرج و ڕێنماییە تەندروستی ژینگەیی و ڤێتێرنەرییەكانەوە (395) شوێن پسوڵەی سەرپێچی بۆ كراوە، كە بەراورد بە مانگی رابردو سەرپێچیەكان كەمی كردوه، هەروەها‌ (265) شوێنیش ئاگاداركراونەتەوە، كە پابەندی مەرج و رێنماییەكان بن.

ڕاشیگەیاندووە، 44 شوێن بەهۆی پابەندنەبوون بە مەرج و ڕێنماییەكانی كاركردن و بەردەوام بوونیان لەسەر سەرپێچی داخراون و 9 شوێنی دیكە ڕووبەڕووی دادگا كراونەتەوە، هەروەها لە مانگی (پێنج) دا بڕی 130 تۆن مواد و خۆراكی ماوەبەسەرچوو لە ناوبراوە.

بەپێی ئاماری مانگی رابردووی لیژنە هاوبەشەكانی قائیمقامیەت ژمارەی سەرپێچیی شوێنەكان كەمیكردوە، بەڵام دەست بەسەر بڕێكی زۆر كاڵاوشمەكی خراپ و ماوەبەسەرچوودا گیراوە و لەلایەن لیژنەی تایبەتەوە لەناوبراوە.

ئاماژەی بەوەشكردوە، كۆی گشتی پارەی غەرامەكراوی لەو مانگەدا بریتییە لە 11 ملیۆن و 825 ھەزار دینار، كە بەپێی یاساو رێنماییەكانی وەزارەتی دارایی ھەرێم دەخرێتەوە سەر داھاتی گشتی.

بە پێی رێنماییەكانی لیژنە ھاوبەشەكان ھەرشوێنێك پابەند نەبێت، سەرەتا ئاگادار دەكرێتەوە، دواتر سزای ماددی دەدرێن و لە ئەگەری دووبارەكردنەوەی سەرپێچیەكاندا رووبەرووی داخستن یان دادگا دەكرێنەوە.

بەردەوام بە لە خوێندنەوە

ئابوری

بڕی هەناردە و داهاتی نەوتی مانگی ڕابردووى عيراق ئاشكرادەكرێت


خەڵك- بەشی هەواڵ
وەزارەتی نەوتی عیراق، بڕی هەناردە و داهاتی بەدەستهاتووی مانگی ئایاری ڕابردوو ڕادەگەیەنێت، ئەمەش بە پشتبەستن بە ئامارێكی كۆمپانیای بەبازاڕكردنی نەوتی عیراق (سۆمۆ).

ئەمڕۆ دوو شەممە، عاسم جیهاد وتەبێژی وەزارەتی نەوتی عیراق لە بەیاننامەیەكدا ڕایگەیاند”لە مانگی ئایاری رابردوودا، لە كێڵگە نەوتییەكانی ناوەڕاست و باشووری عیراق، بڕی (96) ملیۆن و (39) هەزار (825) بەرمیل نەوت هەنارەكراوە، لە كیڵگە نەوتییەكانی كەركوكیش بەرەو بەندەری جەیهان، (3) ملیۆن و (545) هەزار و (431) بەرمیل نەوت هەناردە كراوە”.

بە وتەی عاسم جیهاد”كۆی گشتی هەناردەی ڕۆژانەی نەوت لە مانگی ئایاری ڕابردوو گەیشتووەتە (3) ملیۆن و (212) هەزار بەرمیل كە (3) ملیۆن و (98) هەزار بەرمیلیان لە بەندەرەكانی بەسرەوە هەناردەكراوە و لە بەندەری جەیهانی توركیاشەوە هەناردەی ڕۆژانە گەیشتووەتە (114) هەزار بەرمیل”.

هەر لە بەیاننامەكەی وەزارەتی نەوتدا هاتووە”تێكڕای نرخی بەرمیلێكی فرۆشراو بە (21) دۆلار بووە، كۆی داهاتی نەوتە هەناردەكراوەكەش (2) ملیار و (91) ملیۆن و (811) هەزار دۆلار بووە.

بەردەوام بە لە خوێندنەوە

ئابوری

دۆلار، نرخێكی پێوانەیی تۆمار كرد


خەڵك-بەشی هەواڵ

 

نرخی دۆلار لە بازاڕەكانی هەرێمی كوردستان بە بەراورد بە ڕۆژانی ڕابردوو بەرزبوونەوەی زیاتری تۆمار كرد.

یادگار حەسەن لە كۆمپانیای سەعید كاكی بە (خەڵك)ی ڕاگەیاند، نرخی دۆلار بۆ ئەمڕۆ دوو شەممە 1-6-2020، بەپێی بازاڕی گۆڕینەوەی دراوی بیانی لە شاری سلێمانی 100 دۆلاری ئەمریكایی بە 124 هەزار و 500 دینار مامەڵەی پێوە كراوە.

وتیشی”ئەگەر هەیە نرخی دۆلار زیاتر بەرەو بەرز بوونەوەە بچێت”.

ئاشكراشیكرد، هۆكاری بەرزبوونەوەی نرخی دۆلار بۆ ئەوە دەگەڕێتەوە كە دەرگای بانكەكان داخراون.

بەردەوام بە لە خوێندنەوە

کوردستان